{"id":"sn15.2","title":"The Earth","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn15.2","title":"The Earth","units":[{"id":"sn15.2:0","sourceIds":["sn15.2:0.1","sn15.2:0.2","sn15.2:0.3"],"kind":"text","text":{"pi":"Saṁyutta Nikāya 15.2\n1. Paṭhamavagga\nPathavīsutta","en":"Linked Discourses 15.2\nChapter One\nThe Earth"}},{"id":"sn15.2:1","sourceIds":["sn15.2:1.1","sn15.2:1.2","sn15.2:1.3","sn15.2:1.4","sn15.2:1.5","sn15.2:1.6","sn15.2:1.7","sn15.2:1.8","sn15.2:1.9","sn15.2:1.10","sn15.2:1.11"],"kind":"text","text":{"pi":"Sāvatthiyaṁ viharati.\n“Anamataggoyaṁ, bhikkhave, saṁsāro.\nPubbā koṭi na paññāyati avijjānīvaraṇānaṁ sattānaṁ taṇhāsaṁyojanānaṁ sandhāvataṁ saṁsarataṁ.\nSeyyathāpi, bhikkhave, puriso imaṁ mahāpathaviṁ kolaṭṭhimattaṁ kolaṭṭhimattaṁ mattikāguḷikaṁ karitvā nikkhipeyya:\n‘ayaṁ me pitā, tassa me pitu ayaṁ pitā’ti, apariyādinnāva bhikkhave, tassa purisassa pitupitaro assu, athāyaṁ mahāpathavī parikkhayaṁ pariyādānaṁ gaccheyya.\nTaṁ kissa hetu?\nAnamataggoyaṁ, bhikkhave, saṁsāro.\nPubbā koṭi na paññāyati avijjānīvaraṇānaṁ sattānaṁ taṇhāsaṁyojanānaṁ sandhāvataṁ saṁsarataṁ.\nEvaṁ dīgharattaṁ vo, bhikkhave, dukkhaṁ paccanubhūtaṁ tibbaṁ paccanubhūtaṁ byasanaṁ paccanubhūtaṁ, kaṭasī vaḍḍhitā.\nYāvañcidaṁ, bhikkhave, alameva sabbasaṅkhāresu nibbindituṁ, alaṁ virajjituṁ, alaṁ vimuccitun”ti.\nDutiyaṁ.","en":"At Sāvatthī.\n“Mendicants, this transmigration has no known beginning.\nNo first point is found of sentient beings roaming and transmigrating, shrouded by ignorance and fettered by craving.\nSuppose a person was to make the whole earth into clay balls the size of jujube seeds. They’d lay them down, saying:\n‘This is my father, this is my grandfather.’ The whole earth would run out before that person’s fathers and grandfathers.\nWhy is that?\nThis transmigration has no known beginning.\nNo first point is found of sentient beings roaming and transmigrating, shrouded by ignorance and fettered by craving.\nFor such a long time you have undergone suffering, agony, and disaster, swelling the cemeteries.\nThis is quite enough for you to become disillusioned, dispassionate, and freed regarding all conditions.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn15.2/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}