{"id":"sn15.20","title":"Mount Vepulla","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn15.20","title":"Mount Vepulla","units":[{"id":"sn15.20:0","sourceIds":["sn15.20:0.1","sn15.20:0.2","sn15.20:0.3"],"kind":"text","text":{"pi":"Saṁyutta Nikāya 15.20\n2. Dutiyavagga\nVepullapabbatasutta","en":"Linked Discourses 15.20\n2. Chapter Two\nMount Vepulla"}},{"id":"sn15.20:1","sourceIds":["sn15.20:1.1","sn15.20:1.2","sn15.20:1.3","sn15.20:1.4","sn15.20:1.5"],"kind":"text","text":{"pi":"Ekaṁ samayaṁ bhagavā rājagahe viharati gijjhakūṭe pabbate.\nTatra kho bhagavā bhikkhū āmantesi:\n“bhikkhavo”ti.\n“Bhadante”ti te bhikkhū bhagavato paccassosuṁ.\nBhagavā etadavoca:","en":"At one time the Buddha was staying near Rājagaha, on the Vulture’s Peak Mountain.\nThere the Buddha addressed the mendicants,\n“Mendicants!”\n“Venerable sir,” they replied.\nThe Buddha said this:"}},{"id":"sn15.20:2","sourceIds":["sn15.20:2.1","sn15.20:2.2","sn15.20:2.3","sn15.20:2.4","sn15.20:2.5","sn15.20:2.6","sn15.20:2.7","sn15.20:2.8","sn15.20:2.9","sn15.20:2.10","sn15.20:2.11","sn15.20:2.12","sn15.20:2.13"],"kind":"text","text":{"pi":"“Anamataggoyaṁ, bhikkhave, saṁsāro.\nPubbā koṭi na paññāyati avijjānīvaraṇānaṁ sattānaṁ taṇhāsaṁyojanānaṁ sandhāvataṁ saṁsarataṁ.\nBhūtapubbaṁ, bhikkhave, imassa vepullassa pabbatassa ‘pācīnavaṁso’tveva samaññā udapādi.\nTena kho pana, bhikkhave, samayena manussānaṁ ‘tivarā’tveva samaññā udapādi.\nTivarānaṁ, bhikkhave, manussānaṁ cattārīsa vassasahassāni āyuppamāṇaṁ ahosi.\nTivarā, bhikkhave, manussā pācīnavaṁsaṁ pabbataṁ catūhena ārohanti, catūhena orohanti.\nTena kho pana, bhikkhave, samayena kakusandho bhagavā arahaṁ sammāsambuddho loke uppanno hoti.\nKakusandhassa, bhikkhave, bhagavato arahato sammāsambuddhassa vidhurasañjīvaṁ nāma sāvakayugaṁ ahosi aggaṁ bhaddayugaṁ.\nPassatha, bhikkhave, sā cevimassa pabbatassa samaññā antarahitā, te ca manussā kālaṅkatā, so ca bhagavā parinibbuto.\nEvaṁ aniccā, bhikkhave, saṅkhārā;\nevaṁ addhuvā, bhikkhave, saṅkhārā;\nevaṁ anassāsikā, bhikkhave, saṅkhārā.\nYāvañcidaṁ, bhikkhave, alameva sabbasaṅkhāresu nibbindituṁ, alaṁ virajjituṁ, alaṁ vimuccituṁ.","en":"“Mendicants, this transmigration has no known beginning.\nNo first point is found of sentient beings roaming and transmigrating, shrouded by ignorance and fettered by craving.\nOnce upon a time, mendicants, this Mount Vepulla was known as Pācīnavaṁsa.\nAnd at that time people were known as Tivaras.\nThe lifespan of the Tivaras was 40,000 years.\nIt took them four days to climb Mount Vepulla, and four days to descend.\nAt that time Kakusandha, the Blessed One, the perfected one, the fully awakened Buddha arose in the world.\nKakusandha had a fine pair of chief disciples named Vidhura and Sañjīva.\nSee, mendicants! This mountain’s name has vanished, those people have passed away, and that Buddha has become fully quenched.\nSo impermanent are conditions,\nso unstable are conditions,\nso unreliable are conditions.\nThis is quite enough for you to become disillusioned, dispassionate, and freed regarding all conditions."}},{"id":"sn15.20:3","sourceIds":["sn15.20:3.1","sn15.20:3.2","sn15.20:3.3","sn15.20:3.4","sn15.20:3.5","sn15.20:3.6","sn15.20:3.7","sn15.20:3.8","sn15.20:3.9"],"kind":"text","text":{"pi":"Bhūtapubbaṁ, bhikkhave, imassa vepullassa pabbatassa ‘vaṅkako’tveva samaññā udapādi.\nTena kho pana, bhikkhave, samayena manussānaṁ ‘rohitassā’tveva samaññā udapādi.\nRohitassānaṁ, bhikkhave, manussānaṁ tiṁsavassasahassāni āyuppamāṇaṁ ahosi.\nRohitassā, bhikkhave, manussā vaṅkakaṁ pabbataṁ tīhena ārohanti, tīhena orohanti.\nTena kho pana, bhikkhave, samayena koṇāgamano bhagavā arahaṁ sammāsambuddho loke uppanno hoti.\nKoṇāgamanassa, bhikkhave, bhagavato arahato sammāsambuddhassa bhiyyosuttaraṁ nāma sāvakayugaṁ ahosi aggaṁ bhaddayugaṁ.\nPassatha, bhikkhave, sā cevimassa pabbatassa samaññā antarahitā, te ca manussā kālaṅkatā, so ca bhagavā parinibbuto.\nEvaṁ aniccā, bhikkhave, saṅkhārā …pe…\nalaṁ vimuccituṁ.","en":"Once upon a time this Mount Vepulla was known as Vaṅkaka.\nAnd at that time people were known as Rohitassas.\nThe lifespan of the Rohitassas was 30,000 years.\nIt took them three days to climb Mount Vepulla, and three days to descend.\nAt that time Koṇāgamana, the Blessed One, the perfected one, the fully awakened Buddha arose in the world.\nKoṇāgamana had a fine pair of chief disciples named Bhiyyosa and Uttara.\nSee, mendicants! This mountain’s name has vanished, those people have passed away, and that Buddha has become fully quenched.\nSo impermanent are conditions …"}},{"id":"sn15.20:4","sourceIds":["sn15.20:4.1","sn15.20:4.2","sn15.20:4.3","sn15.20:4.4","sn15.20:4.5","sn15.20:4.6","sn15.20:4.7","sn15.20:4.8","sn15.20:4.9","sn15.20:4.10"],"kind":"text","text":{"pi":"Bhūtapubbaṁ, bhikkhave, imassa vepullassa pabbatassa ‘supasso’tveva samaññā udapādi.\nTena kho pana, bhikkhave, samayena manussānaṁ ‘suppiyā’tveva samaññā udapādi.\nSuppiyānaṁ, bhikkhave, manussānaṁ vīsativassasahassāni āyuppamāṇaṁ ahosi.\nSuppiyā, bhikkhave, manussā supassaṁ pabbataṁ dvīhena ārohanti, dvīhena orohanti.\nTena kho pana, bhikkhave, samayena kassapo bhagavā arahaṁ sammāsambuddho loke uppanno hoti.\nKassapassa, bhikkhave, bhagavato arahato sammāsambuddhassa tissabhāradvājaṁ nāma sāvakayugaṁ ahosi aggaṁ bhaddayugaṁ.\nPassatha, bhikkhave, sā cevimassa pabbatassa samaññā antarahitā, te ca manussā kālaṅkatā, so ca bhagavā parinibbuto.\nEvaṁ aniccā, bhikkhave, saṅkhārā;\nevaṁ addhuvā, bhikkhave, saṅkhārā …pe…\nalaṁ vimuccituṁ.","en":"Once upon a time this Mount Vepulla was known as Supassa.\nAnd at that time people were known as Suppiyas.\nThe lifespan of the Suppiyas was 20,000 years.\nIt took them two days to climb Mount Vepulla, and two days to descend.\nAt that time Kassapa, the Blessed One, the perfected one, the fully awakened Buddha arose in the world.\nKassapa had a fine pair of chief disciples named Tissa and Bhāradvāja.\nSee, mendicants! This mountain’s name has vanished, those people have passed away, and that Buddha has become fully quenched.\nSo impermanent are conditions …"}},{"id":"sn15.20:5","sourceIds":["sn15.20:5.1","sn15.20:5.2","sn15.20:5.3","sn15.20:5.4","sn15.20:5.5","sn15.20:5.6","sn15.20:5.7","sn15.20:5.8","sn15.20:5.9","sn15.20:5.10","sn15.20:5.11","sn15.20:5.12"],"kind":"text","text":{"pi":"Etarahi kho pana, bhikkhave, imassa vepullassa pabbatassa ‘vepullo’tveva samaññā udapādi.\nEtarahi kho pana, bhikkhave, imesaṁ manussānaṁ ‘māgadhakā’tveva samaññā udapādi.\nMāgadhakānaṁ, bhikkhave, manussānaṁ appakaṁ āyuppamāṇaṁ parittaṁ lahukaṁ;\nyo ciraṁ jīvati so vassasataṁ appaṁ vā bhiyyo.\nMāgadhakā, bhikkhave, manussā vepullaṁ pabbataṁ muhuttena ārohanti muhuttena orohanti.\nEtarahi kho panāhaṁ, bhikkhave, arahaṁ sammāsambuddho loke uppanno.\nMayhaṁ kho pana, bhikkhave, sāriputtamoggallānaṁ nāma sāvakayugaṁ aggaṁ bhaddayugaṁ.\nBhavissati, bhikkhave, so samayo yā ayañcevimassa pabbatassa samaññā antaradhāyissati, ime ca manussā kālaṁ karissanti, ahañca parinibbāyissāmi.\nEvaṁ aniccā, bhikkhave, saṅkhārā;\nevaṁ addhuvā, bhikkhave, saṅkhārā;\nevaṁ anassāsikā, bhikkhave, saṅkhārā.\nYāvañcidaṁ, bhikkhave, alameva sabbasaṅkhāresu nibbindituṁ, alaṁ virajjituṁ, alaṁ vimuccitun”ti.","en":"These days this Mount Vepulla is known as Vepulla.\nAnd these people are known as Magadhans.\nThe lifespan of the Magadhans is short, brief, and fleeting.\nA long life is a hundred years or a little more.\nIt takes the Magadhans an hour to climb Mount Vepulla, and an hour to descend.\nAnd now I am the Blessed One, the perfected one, the fully awakened Buddha who has arisen in the world.\nI have a fine pair of chief disciples named Sāriputta and Moggallāna.\nThere will come a time when this mountain’s name will vanish, those people will die, and I will be fully extinguished.\nSo impermanent are conditions,\nso unstable are conditions,\nso unreliable are conditions.\nThis is quite enough for you to become disillusioned, dispassionate, and freed regarding all conditions.”"}},{"id":"sn15.20:6","sourceIds":["sn15.20:6.1","sn15.20:6.2"],"kind":"text","text":{"pi":"Idamavoca bhagavā.\nIdaṁ vatvāna sugato athāparaṁ etadavoca satthā:","en":"That is what the Buddha said.\nThen the Holy One, the Teacher, went on to say:"}},{"id":"sn15.20:7","sourceIds":["sn15.20:7.1","sn15.20:7.2","sn15.20:7.3","sn15.20:7.4"],"kind":"text","text":{"pi":"“Pācīnavaṁso tivarānaṁ,\nrohitassāna vaṅkako;\nSuppiyānaṁ supassoti,\nmāgadhānañca vepullo.","en":"“For the Tivaras it was Pācīnavaṁsa,\nfor the Rohitassas, Vaṅkaka,\nSupassa for the Suppiyas,\nand Vepulla for the Magadhans."}},{"id":"sn15.20:8","sourceIds":["sn15.20:8.1","sn15.20:8.2","sn15.20:8.3","sn15.20:8.4","sn15.20:8.5","sn15.20:8.6"],"kind":"text","text":{"pi":"Aniccā vata saṅkhārā,\nuppādavayadhammino;\nUppajjitvā nirujjhanti,\ntesaṁ vūpasamo sukho”ti.\nDasamaṁ.\nDutiyo vaggo.","en":"Oh! Conditions are impermanent,\ntheir nature is to rise and fall;\nhaving arisen, they cease;\ntheir settling is such bliss.”"}},{"id":"sn15.20:9","sourceIds":["sn15.20:9.0","sn15.20:9.1","sn15.20:9.2","sn15.20:9.3","sn15.20:9.4","sn15.20:9.5"],"kind":"text","text":{"pi":"Tassuddānaṁ\nDuggataṁ sukhitañceva,\ntiṁsa mātāpitena ca;\nBhātā bhaginī putto ca,\ndhītā vepullapabbataṁ.\nAnamataggasaṁyuttaṁ samattaṁ.","en":"The Linked Discourses on the unknown beginning are complete."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn15.20/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}