{"id":"sn15.3","title":"Tears","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn15.3","title":"Tears","units":[{"id":"sn15.3:0","sourceIds":["sn15.3:0.1","sn15.3:0.2","sn15.3:0.3"],"kind":"text","text":{"pi":"Saṁyutta Nikāya 15.3\n1. Paṭhamavagga\nAssusutta","en":"Linked Discourses 15.3\nChapter One\nTears"}},{"id":"sn15.3:1","sourceIds":["sn15.3:1.1","sn15.3:1.2","sn15.3:1.3","sn15.3:1.4","sn15.3:1.5"],"kind":"text","text":{"pi":"Sāvatthiyaṁ viharati.\n“Anamataggoyaṁ, bhikkhave, saṁsāro.\nPubbā koṭi na paññāyati avijjānīvaraṇānaṁ sattānaṁ taṇhāsaṁyojanānaṁ sandhāvataṁ saṁsarataṁ.\nTaṁ kiṁ maññatha, bhikkhave, katamaṁ nu kho bahutaraṁ, yaṁ vā vo iminā dīghena addhunā sandhāvataṁ saṁsarataṁ amanāpasampayogā manāpavippayogā kandantānaṁ rodantānaṁ assu passannaṁ paggharitaṁ, yaṁ vā catūsu mahāsamuddesu udakan”ti?\n“Yathā kho mayaṁ, bhante, bhagavatā dhammaṁ desitaṁ ājānāma, etadeva, bhante, bahutaraṁ yaṁ no iminā dīghena addhunā sandhāvataṁ saṁsarataṁ amanāpasampayogā manāpavippayogā kandantānaṁ rodantānaṁ assu passannaṁ paggharitaṁ, na tveva catūsu mahāsamuddesu udakan”ti.","en":"At Sāvatthī.\n“Mendicants, this transmigration has no known beginning.\nNo first point is found of sentient beings roaming and transmigrating, shrouded by ignorance and fettered by craving.\nWhat do you think? Which is more: the flow of tears you’ve shed while roaming and transmigrating for such a very long time—weeping and wailing from being coupled with the unloved and separated from the loved—or the water in the four oceans?”\n“As we understand the Buddha’s teaching, the flow of tears we’ve shed while roaming and transmigrating is more than the water in the four oceans.”"}},{"id":"sn15.3:2","sourceIds":["sn15.3:2.1","sn15.3:2.2","sn15.3:2.3","sn15.3:2.4","sn15.3:2.5","sn15.3:2.6","sn15.3:2.7","sn15.3:2.8","sn15.3:2.9","sn15.3:2.10","sn15.3:2.11","sn15.3:2.12","sn15.3:2.13","sn15.3:2.14","sn15.3:2.15","sn15.3:2.16"],"kind":"text","text":{"pi":"“Sādhu sādhu, bhikkhave, sādhu kho me tumhe, bhikkhave, evaṁ dhammaṁ desitaṁ ājānātha.\nEtadeva, bhikkhave, bahutaraṁ yaṁ vo iminā dīghena addhunā sandhāvataṁ saṁsarataṁ amanāpasampayogā manāpavippayogā kandantānaṁ rodantānaṁ assu passannaṁ paggharitaṁ, na tveva catūsu mahāsamuddesu udakaṁ.\nDīgharattaṁ vo, bhikkhave, mātumaraṇaṁ paccanubhūtaṁ;\ntesaṁ vo mātumaraṇaṁ paccanubhontānaṁ amanāpasampayogā manāpavippayogā kandantānaṁ rodantānaṁ assu passannaṁ paggharitaṁ, na tveva catūsu mahāsamuddesu udakaṁ.\nDīgharattaṁ vo, bhikkhave, pitumaraṇaṁ paccanubhūtaṁ …pe…\nbhātumaraṇaṁ paccanubhūtaṁ …\nbhaginimaraṇaṁ paccanubhūtaṁ …\nputtamaraṇaṁ paccanubhūtaṁ …\ndhītumaraṇaṁ paccanubhūtaṁ …\nñātibyasanaṁ paccanubhūtaṁ …\nbhogabyasanaṁ paccanubhūtaṁ.\nDīgharattaṁ vo, bhikkhave, rogabyasanaṁ paccanubhūtaṁ, tesaṁ vo rogabyasanaṁ paccanubhontānaṁ amanāpasampayogā manāpavippayogā kandantānaṁ rodantānaṁ assu passannaṁ paggharitaṁ, na tveva catūsu mahāsamuddesu udakaṁ.\nTaṁ kissa hetu?\nAnamataggoyaṁ, bhikkhave, saṁsāro …pe…\nyāvañcidaṁ, bhikkhave, alameva sabbasaṅkhāresu nibbindituṁ, alaṁ virajjituṁ, alaṁ vimuccitun”ti.\nTatiyaṁ.","en":"“Good, good, mendicants! It’s good that you understand my teaching like this.\nThe flow of tears you’ve shed while roaming and transmigrating is indeed more than the water in the four oceans.\nFor a long time you’ve undergone the death of a mother …\nfather …\nbrother …\nsister …\nson …\ndaughter …\nloss of relatives …\nloss of wealth …\nor loss through illness. From being coupled with the unloved and separated from the loved, the flow of tears you’ve shed while roaming and transmigrating is indeed more than the water in the four oceans.\nWhy is that?\nThis transmigration has no known beginning. …\nThis is quite enough for you to become disillusioned, dispassionate, and freed regarding all conditions.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn15.3/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}