{"id":"sn16.1","title":"Content","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn16.1","title":"Content","units":[{"id":"sn16.1:0","sourceIds":["sn16.1:0.1","sn16.1:0.2","sn16.1:0.3"],"kind":"text","text":{"pi":"Saṁyutta Nikāya 16.1\n1. Kassapavagga\nSantuṭṭhasutta","en":"Linked Discourses 16.1\n1. Kassapa\nContent"}},{"id":"sn16.1:1","sourceIds":["sn16.1:1.1","sn16.1:1.2","sn16.1:1.3"],"kind":"text","text":{"pi":"Sāvatthiyaṁ viharati.\n“Santuṭṭhāyaṁ, bhikkhave, kassapo itarītarena cīvarena, itarītaracīvarasantuṭṭhiyā ca vaṇṇavādī;\nna ca cīvarahetu anesanaṁ appatirūpaṁ āpajjati; aladdhā ca cīvaraṁ na paritassati; laddhā ca cīvaraṁ agadhito amucchito anajjhāpanno ādīnavadassāvī nissaraṇapañño paribhuñjati.","en":"At Sāvatthī.\n“Mendicants, Kassapa is content with any kind of robe, and praises such contentment.\nHe doesn’t employ improper solicitation for the sake of a robe. He doesn’t worry if he doesn’t get a robe. And if he does get a robe, he uses it untied, uninfatuated, unattached, seeing the drawback, and understanding the escape."}},{"id":"sn16.1:2","sourceIds":["sn16.1:2.1"],"kind":"text","text":{"pi":"Santuṭṭhāyaṁ, bhikkhave, kassapo itarītarena piṇḍapātena, itarītarapiṇḍapātasantuṭṭhiyā ca vaṇṇavādī; na ca piṇḍapātahetu anesanaṁ appatirūpaṁ āpajjati; aladdhā ca piṇḍapātaṁ na paritassati; laddhā ca piṇḍapātaṁ agadhito amucchito anajjhāpanno ādīnavadassāvī nissaraṇapañño paribhuñjati.","en":"Kassapa is content with any kind of almsfood …"}},{"id":"sn16.1:3","sourceIds":["sn16.1:3.1"],"kind":"text","text":{"pi":"Santuṭṭhāyaṁ, bhikkhave, kassapo itarītarena senāsanena, itarītarasenāsanasantuṭṭhiyā ca vaṇṇavādī; na ca senāsanahetu anesanaṁ appatirūpaṁ āpajjati; aladdhā ca senāsanaṁ na paritassati; laddhā ca senāsanaṁ agadhito amucchito anajjhāpanno ādīnavadassāvī nissaraṇapañño paribhuñjati.","en":"Kassapa is content with any kind of lodging …"}},{"id":"sn16.1:4","sourceIds":["sn16.1:4.1"],"kind":"text","text":{"pi":"Santuṭṭhāyaṁ, bhikkhave, kassapo itarītarena gilānappaccayabhesajjaparikkhārena, itarītaragilānappaccayabhesajjaparikkhārasantuṭṭhiyā ca vaṇṇavādī; na ca gilānappaccayabhesajjaparikkhārahetu anesanaṁ appatirūpaṁ āpajjati; aladdhā ca gilānappaccayabhesajjaparikkhāraṁ na paritassati; laddhā ca gilānappaccayabhesajjaparikkhāraṁ agadhito amucchito anajjhāpanno ādīnavadassāvī nissaraṇapañño paribhuñjati.","en":"Kassapa is content with any kind of medicines and supplies for the sick …"}},{"id":"sn16.1:5","sourceIds":["sn16.1:5.1","sn16.1:5.2","sn16.1:5.3"],"kind":"text","text":{"pi":"Tasmātiha, bhikkhave, evaṁ sikkhitabbaṁ: ‘santuṭṭhā bhavissāma itarītarena cīvarena, itarītaracīvarasantuṭṭhiyā ca vaṇṇavādino; na ca cīvarahetu anesanaṁ appatirūpaṁ āpajjissāma;\naladdhā ca cīvaraṁ na ca paritassissāma; laddhā ca cīvaraṁ agadhitā amucchitā anajjhāpannā ādīnavadassāvino nissaraṇapaññā paribhuñjissāma’.\n(Evaṁ sabbaṁ kātabbaṁ.)","en":"So you should train like this: ‘We will be content with any kind of robe, and praise such contentment. We won’t employ improper solicitation for the sake of a robe.\nWe won’t worry if we don’t get a robe. And if we do get a robe, we’ll use it untied, uninfatuated, unattached, seeing the drawback, and understanding the escape.’\n(All should be told in full the same way.)"}},{"id":"sn16.1:6","sourceIds":["sn16.1:6.1","sn16.1:6.2","sn16.1:6.3","sn16.1:6.4","sn16.1:6.5","sn16.1:6.6"],"kind":"text","text":{"pi":"‘Santuṭṭhā bhavissāma itarītarena piṇḍapātena …pe…\nsantuṭṭhā bhavissāma itarītarena senāsanena …pe…\nsantuṭṭhā bhavissāma itarītarena gilānappaccayabhesajjaparikkhārena, itarītaragilānappaccayabhesajjaparikkhārasantuṭṭhiyā ca vaṇṇavādino; na ca gilānappaccayabhesajjaparikkhārahetu anesanaṁ appatirūpaṁ āpajjissāma aladdhā ca gilānappaccayabhesajjaparikkhāraṁ na paritassissāma; laddhā ca gilānappaccayabhesajjaparikkhāraṁ agadhitā amucchitā anajjhāpannā ādīnavadassāvino nissaraṇapaññā paribhuñjissāmā’ti.\nEvañhi vo, bhikkhave, sikkhitabbaṁ.\nKassapena vā hi vo, bhikkhave, ovadissāmi yo vā panassa kassapasadiso, ovaditehi ca pana vo tathattāya paṭipajjitabban”ti.\nPaṭhamaṁ.","en":"‘We will be content with any kind of almsfood …’\n‘We will be content with any kind of lodging …’\n‘We will be content with any kind of medicines and supplies for the sick …’\nThat’s how you should train.\nI will exhort you with the example of Kassapa or someone like him. You should practice accordingly.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn16.1/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}