{"id":"sn16.11","title":"Robes","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn16.11","title":"Robes","units":[{"id":"sn16.11:0","sourceIds":["sn16.11:0.1","sn16.11:0.2","sn16.11:0.3"],"kind":"text","text":{"pi":"Saṁyutta Nikāya 16.11\n1. Kassapavagga\nCīvarasutta","en":"Linked Discourses 16.11\n1. Kassapa\nRobes"}},{"id":"sn16.11:1","sourceIds":["sn16.11:1.1","sn16.11:1.2"],"kind":"text","text":{"pi":"Ekaṁ samayaṁ āyasmā mahākassapo rājagahe viharati veḷuvane kalandakanivāpe.\nTena kho pana samayena āyasmā ānando dakkhiṇagirismiṁ cārikaṁ carati mahatā bhikkhusaṅghena saddhiṁ.","en":"At one time Venerable Mahākassapa was staying near Rājagaha in the Bamboo Grove, the squirrels’ feeding ground.\nNow at that time Venerable Ānanda was wandering in the Southern Hills together with a large Saṅgha of mendicants."}},{"id":"sn16.11:2","sourceIds":["sn16.11:2.1","sn16.11:2.2","sn16.11:2.3"],"kind":"text","text":{"pi":"Tena kho pana samayena āyasmato ānandassa tiṁsamattā saddhivihārino bhikkhū sikkhaṁ paccakkhāya hīnāyāvattā bhavanti yebhuyyena kumārabhūtā.\nAtha kho āyasmā ānando dakkhiṇagirismiṁ yathābhirantaṁ cārikaṁ caritvā yena rājagahaṁ veḷuvanaṁ kalandakanivāpo yenāyasmā mahākassapo tenupasaṅkami; upasaṅkamitvā āyasmantaṁ mahākassapaṁ abhivādetvā ekamantaṁ nisīdi. Ekamantaṁ nisinnaṁ kho āyasmantaṁ ānandaṁ āyasmā mahākassapo etadavoca:\n“kati nu kho, āvuso ānanda, atthavase paṭicca bhagavatā kulesu tikabhojanaṁ paññattan”ti?","en":"And at that time thirty of Ānanda’s mendicant protégés resigned the training and returned to a lesser life. Most of them were youths.\nWhen Venerable Ānanda had wandered in the Southern Hills as long as he pleased, he set out for Rājagaha, to the Bamboo Grove, the squirrels’ feeding ground. He went up to Venerable Mahākassapa, bowed, and sat down to one side. Mahākassapa said to him:\n“Reverend Ānanda, for how many reasons did the Buddha lay down a rule against eating in groups of more than three among families?”"}},{"id":"sn16.11:3","sourceIds":["sn16.11:3.1","sn16.11:3.2","sn16.11:3.3"],"kind":"text","text":{"pi":"“Tayo kho, bhante kassapa, atthavase paṭicca bhagavatā kulesu tikabhojanaṁ paññattaṁ—\ndummaṅkūnaṁ puggalānaṁ niggahāya pesalānaṁ bhikkhūnaṁ phāsuvihārāya, mā pāpicchā pakkhaṁ nissāya saṅghaṁ bhindeyyuṁ, kulānuddayatāya ca.\nIme kho, bhante kassapa, tayo atthavase paṭicca bhagavatā kulesu tikabhojanaṁ paññattan”ti.","en":"“Sir, the Buddha laid down that rule for three reasons.\nFor keeping difficult individuals in check and for the comfort of good-hearted mendicants. To prevent those of corrupt wishes from taking sides and dividing the Saṅgha. And out of consideration for families.\nThese are the three reasons why the Buddha laid down that rule.”"}},{"id":"sn16.11:4","sourceIds":["sn16.11:4.1","sn16.11:4.2","sn16.11:4.3","sn16.11:4.4","sn16.11:4.5"],"kind":"text","text":{"pi":"“Atha kiñcarahi tvaṁ, āvuso ānanda, imehi navehi bhikkhūhi indriyesu aguttadvārehi bhojane amattaññūhi jāgariyaṁ ananuyuttehi saddhiṁ cārikaṁ carasi?\nSassaghātaṁ maññe carasi, kulūpaghātaṁ maññe carasi.\nOlujjati kho te, āvuso ānanda, parisā;\npalujjanti kho te, āvuso, navappāyā.\nNa vāyaṁ kumārako mattamaññāsī”ti.","en":"“So what then are you doing, wandering together with these junior mendicants? They don’t guard their sense doors, they eat too much, and they’re not committed to wakefulness.\nIt’s like you’re wandering about wrecking crops and ruining families!\nYour following is falling away, Reverend Ānanda,\nand those just getting started are falling apart.\nYet this boy knows no limit!”"}},{"id":"sn16.11:5","sourceIds":["sn16.11:5.1","sn16.11:5.2","sn16.11:5.3","sn16.11:5.4","sn16.11:5.5","sn16.11:5.6"],"kind":"text","text":{"pi":"“Api me, bhante kassapa, sirasmiṁ palitāni jātāni.\nAtha ca pana mayaṁ ajjāpi āyasmato mahākassapassa kumārakavādā na muccāmā”ti.\n“Tathā hi pana tvaṁ, āvuso ānanda, imehi navehi bhikkhūhi indriyesu aguttadvārehi bhojane amattaññūhi jāgariyaṁ ananuyuttehi saddhiṁ cārikaṁ carasi, sassaghātaṁ maññe carasi, kulūpaghātaṁ maññe carasi.\nOlujjati kho te, āvuso ānanda, parisā;\npalujjanti kho te, āvuso, navappāyā.\nNa vāyaṁ kumārako mattamaññāsī”ti.","en":"“Though there are grey hairs on my head,\nI still can’t escape being called a boy by Venerable Mahākassapa.”\n“It’s because you wander with these junior mendicants. …\nYour following is falling away, Reverend Ānanda,\nand those just getting started are falling apart.\nYet this boy knows no limit!”"}},{"id":"sn16.11:6","sourceIds":["sn16.11:6.1","sn16.11:6.2"],"kind":"text","text":{"pi":"Assosi kho thullanandā bhikkhunī:\n“ayyena kira mahākassapena ayyo ānando vedehamuni kumārakavādena apasādito”ti.","en":"The nun Thullanandā heard a rumor that\nthe venerable Mahākassapa had rebuked the venerable Ānanda the Videhan sage by calling him a boy."}},{"id":"sn16.11:7","sourceIds":["sn16.11:7.1","sn16.11:7.2","sn16.11:7.3"],"kind":"text","text":{"pi":"Atha kho thullanandā bhikkhunī anattamanā anattamanavācaṁ nicchāresi:\n“kiṁ pana ayyo mahākassapo aññatitthiyapubbo samāno ayyaṁ ānandaṁ vedehamuniṁ kumārakavādena apasādetabbaṁ maññatī”ti.\nAssosi kho āyasmā mahākassapo thullanandāya bhikkhuniyā imaṁ vācaṁ bhāsamānāya.","en":"She was upset and blurted out,\n“How can the venerable Mahākassapa, who formerly followed another religion, presume to rebuke the venerable Ānanda the Videhan sage by calling him a boy?”\nMahākassapa heard Thullanandā say these words,"}},{"id":"sn16.11:8","sourceIds":["sn16.11:8.1","sn16.11:8.2","sn16.11:8.3","sn16.11:8.4","sn16.11:8.5","sn16.11:8.6","sn16.11:8.7","sn16.11:8.8"],"kind":"text","text":{"pi":"Atha kho āyasmā mahākassapo āyasmantaṁ ānandaṁ etadavoca:\n“tagghāvuso ānanda, thullanandāya bhikkhuniyā sahasā appaṭisaṅkhā vācā bhāsitā.\nYatvāhaṁ, āvuso, kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajito, nābhijānāmi aññaṁ satthāraṁ uddisitā, aññatra tena bhagavatā arahatā sammāsambuddhena.\nPubbe me, āvuso, agārikabhūtassa sato etadahosi:\n‘sambādho gharāvāso rajāpatho, abbhokāso pabbajjā.\nNayidaṁ sukaraṁ agāraṁ ajjhāvasatā ekantaparipuṇṇaṁ ekantaparisuddhaṁ saṅkhalikhitaṁ brahmacariyaṁ carituṁ.\nYannūnāhaṁ kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajeyyan’ti.\nSo khvāhaṁ, āvuso, aparena samayena paṭapilotikānaṁ saṅghāṭiṁ kāretvā ye loke arahanto te uddissa kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajiṁ.","en":"and he said to Ānanda,\n“Indeed, Reverend Ānanda, the nun Thullanandā spoke rashly and without reflection.\nSince I shaved off my hair and beard, dressed in ocher robes, and went forth from the lay life to homelessness, I don’t recall dedicating myself to any other teacher apart from the Blessed One, the perfected one, the fully awakened Buddha.\nFormerly when I was still a layman, I thought:\n‘Life at home is cramped and dirty, life gone forth is wide open.\nIt’s not easy for someone living at home to lead the spiritual life utterly full and pure, like a polished shell.\nWhy don’t I shave off my hair and beard, dress in ocher robes, and go forth from the lay life to homelessness?’\nAfter some time I made an outer robe of patches and, in the name of the perfected ones in the world, I shaved off my hair and beard, dressed in ocher robes, and went forth from the lay life to homelessness."}},{"id":"sn16.11:9","sourceIds":["sn16.11:9.1","sn16.11:9.2","sn16.11:9.3","sn16.11:9.4","sn16.11:9.5","sn16.11:9.6","sn16.11:9.7","sn16.11:9.8","sn16.11:9.9","sn16.11:9.10","sn16.11:9.11","sn16.11:9.12"],"kind":"text","text":{"pi":"So evaṁ pabbajito samāno addhānamaggappaṭipanno addasaṁ bhagavantaṁ antarā ca rājagahaṁ antarā ca nāḷandaṁ bahuputte cetiye nisinnaṁ.\nDisvāna me etadahosi:\n‘satthārañca vatāhaṁ passeyyaṁ, bhagavantameva passeyyaṁ;\nsugatañca vatāhaṁ passeyyaṁ, bhagavantameva passeyyaṁ;\nsammāsambuddhañca vatāhaṁ passeyyaṁ;\nbhagavantameva passeyyan’ti.\nSo khvāhaṁ, āvuso, tattheva bhagavato pādesu sirasā nipatitvā bhagavantaṁ etadavocaṁ:\n‘satthā me, bhante, bhagavā, sāvakohamasmi;\nsatthā me, bhante, bhagavā, sāvakohamasmī’ti.\nEvaṁ vutte, maṁ, āvuso, bhagavā etadavoca:\n‘yo kho, kassapa, evaṁ sabbacetasā samannāgataṁ sāvakaṁ ajānaññeva vadeyya jānāmīti, apassaññeva vadeyya passāmīti, muddhāpi tassa vipateyya.\nAhaṁ kho pana, kassapa, jānaññeva vadāmi jānāmīti, passaññeva vadāmi passāmīti.","en":"When I had gone forth, I traveled along the road between Rājagaha and Nāḷandā, where I saw the Buddha sitting at the Many Sons Shrine.\nSeeing him, I thought:\n‘Were I ever to see a Teacher, it would be this Blessed One!\nWere I ever to see a Holy One, it would be this Blessed One!\nWere I ever to see a fully awakened Buddha, it would be this Blessed One!’\nThen I bowed with my head to the Buddha’s feet and said:\n‘Sir, the Buddha is my Teacher, I am his disciple!\nThe Buddha is my Teacher, I am his disciple!’\nThe Buddha said to me,\n‘Kassapa, if anyone was to say to such a wholehearted disciple that they know when they don’t know, or that they see when they don’t see, their head would explode.\nBut Kassapa, when I say that I know I really do know; and when I say that I see I really do see."}},{"id":"sn16.11:10","sourceIds":["sn16.11:10.1","sn16.11:10.2","sn16.11:10.3"],"kind":"text","text":{"pi":"Tasmātiha te, kassapa, evaṁ sikkhitabbaṁ:\n“tibbaṁ me hirottappaṁ paccupaṭṭhitaṁ bhavissati theresu navesu majjhimesū”ti.\nEvañhi te, kassapa, sikkhitabbaṁ.","en":"So you should train like this:\n“I will set up a keen sense of conscience and prudence for seniors, juniors, and those in the middle.”\nThat’s how you should train."}},{"id":"sn16.11:11","sourceIds":["sn16.11:11.1","sn16.11:11.2","sn16.11:11.3"],"kind":"text","text":{"pi":"Tasmātiha te, kassapa, evaṁ sikkhitabbaṁ:\n“yaṁ kiñci dhammaṁ suṇissāmi kusalūpasaṁhitaṁ sabbaṁ taṁ aṭṭhiṁ katvā manasi karitvā sabbacetasā samannāharitvā ohitasoto dhammaṁ suṇissāmī”ti.\nEvañhi te, kassapa, sikkhitabbaṁ.","en":"And you should train like this:\n“Whenever I hear a teaching connected with what’s skillful, I will pay attention, apply the mind, concentrate wholeheartedly, and actively listen to that teaching.”\nThat’s how you should train."}},{"id":"sn16.11:12","sourceIds":["sn16.11:12.1","sn16.11:12.2","sn16.11:12.3"],"kind":"text","text":{"pi":"Tasmātiha te, kassapa, evaṁ sikkhitabbaṁ:\n“sātasahagatā ca me kāyagatāsati na vijahissatī”ti.\nEvañhi te, kassapa, sikkhitabbanti’.","en":"And you should train like this:\n“I will never neglect mindfulness of the body that is full of pleasure.”\nThat’s how you should train.’"}},{"id":"sn16.11:13","sourceIds":["sn16.11:13.1","sn16.11:13.2"],"kind":"text","text":{"pi":"Atha kho maṁ, āvuso, bhagavā iminā ovādena ovaditvā uṭṭhāyāsanā pakkāmi.\nSattāhameva khvāhaṁ, āvuso, saraṇo raṭṭhapiṇḍaṁ bhuñjiṁ aṭṭhamiyā aññā udapādi.","en":"And when the Buddha had given me this advice he rose from his seat and left.\nFor seven days I ate the nation’s almsfood as a debtor. On the eighth day I became enlightened."}},{"id":"sn16.11:14","sourceIds":["sn16.11:14.1","sn16.11:14.2","sn16.11:14.3","sn16.11:14.4","sn16.11:14.5","sn16.11:14.6","sn16.11:14.7","sn16.11:14.8","sn16.11:14.9","sn16.11:14.10","sn16.11:14.11"],"kind":"text","text":{"pi":"Atha kho, āvuso, bhagavā maggā okkamma yena aññataraṁ rukkhamūlaṁ tenupasaṅkami.\nAtha khvāhaṁ, āvuso, paṭapilotikānaṁ saṅghāṭiṁ catugguṇaṁ paññapetvā bhagavantaṁ etadavocaṁ:\n‘idha, bhante, bhagavā nisīdatu, yaṁ mamassa dīgharattaṁ hitāya sukhāyā’ti.\nNisīdi kho, āvuso, bhagavā paññatte āsane.\nNisajja kho maṁ, āvuso, bhagavā etadavoca:\n‘mudukā kho tyāyaṁ, kassapa, paṭapilotikānaṁ saṅghāṭī’ti.\n‘Paṭiggaṇhātu me, bhante, bhagavā paṭapilotikānaṁ saṅghāṭiṁ anukampaṁ upādāyā’ti.\n‘Dhāressasi pana me tvaṁ, kassapa, sāṇāni paṁsukūlāni nibbasanānī’ti.\n‘Dhāressāmahaṁ, bhante, bhagavato sāṇāni paṁsukūlāni nibbasanānī’ti.\nSo khvāhaṁ, āvuso, paṭapilotikānaṁ saṅghāṭiṁ bhagavato pādāsiṁ.\nAhaṁ pana bhagavato sāṇāni paṁsukūlāni nibbasanāni paṭipajjiṁ.","en":"And then the Buddha left the road and went to the root of a certain tree.\nSo I spread out my outer robe of patches folded in four and said to him,\n‘Sir, sit here. That would be for my lasting welfare and happiness.’\nThe Buddha sat down on the seat spread out\nand said to me,\n‘Kassapa, this outer robe of patches is soft.’\n‘Sir, please accept my outer robe of patches out of sympathy.’\n‘In that case, Kassapa, will you wear my worn-out hempen rag robe?’\n‘I will wear it, sir.’\nAnd so I presented my outer robe of patches to the Buddha,\nand the Buddha presented me with his worn-out hempen rag robe."}},{"id":"sn16.11:15","sourceIds":["sn16.11:15.1","sn16.11:15.2","sn16.11:15.3"],"kind":"text","text":{"pi":"Yañhi taṁ, āvuso, sammā vadamāno vadeyya:\n‘bhagavato putto oraso mukhato jāto dhammajo dhammanimmito dhammadāyādo, paṭiggahitāni sāṇāni paṁsukūlāni nibbasanānī’ti, mamaṁ taṁ sammā vadamāno vadeyya:\n‘bhagavato putto oraso mukhato jāto dhammajo dhammanimmito dhammadāyādo, paṭiggahitāni sāṇāni paṁsukūlāni nibbasanānī’ti.","en":"For if anyone should be rightly called\nthe Buddha’s bosom son, born from his mouth, born of the teaching, created by the teaching, heir to the teaching, and receiver of his worn-out hempen rag robes, it’s me."}},{"id":"sn16.11:16","sourceIds":["sn16.11:16.1","sn16.11:16.2","sn16.11:16.3"],"kind":"text","text":{"pi":"Ahaṁ kho, āvuso, yāvade ākaṅkhāmi vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharāmi.\nAhaṁ kho, āvuso, yāvade ākaṅkhāmi …pe…\n(navannaṁ anupubbavihārasamāpattīnaṁ pañcannañca abhiññānaṁ evaṁ vitthāro veditabbo.)","en":"Whenever I want, quite secluded from sensual pleasures, secluded from unskillful qualities, I enter and remain in the first absorption, which has the rapture and bliss born of seclusion, while placing the mind and keeping it connected. …\n(The nine progressive meditations and the five insights should be told in full.)"}},{"id":"sn16.11:17","sourceIds":["sn16.11:17.1","sn16.11:17.2"],"kind":"text","text":{"pi":"Ahaṁ kho, āvuso, āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharāmi;\nsattaratanaṁ vā, āvuso, nāgaṁ aḍḍhaṭṭhamaratanaṁ vā tālapattikāya chādetabbaṁ maññeyya, yo me cha abhiññā chādetabbaṁ maññeyyā”ti.","en":"I have realized the undefiled freedom of heart and freedom by wisdom. And I live having realized it with my own insight in this very life due to the ending of defilements.\nReverend, you might as well think to hide a bull elephant that’s three or three and a half meters tall behind a palm leaf as to hide my six insights.”"}},{"id":"sn16.11:18","sourceIds":["sn16.11:18.1","sn16.11:18.2"],"kind":"text","text":{"pi":"Cavittha ca pana thullanandā bhikkhunī brahmacariyamhāti.\nEkādasamaṁ.","en":"But the nun Thullanandā fell from the spiritual life."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn16.11/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}