{"id":"sn16.7","title":"Advice (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn16.7","title":"Advice (2nd)","units":[{"id":"sn16.7:0","sourceIds":["sn16.7:0.1","sn16.7:0.2","sn16.7:0.3"],"kind":"text","text":{"pi":"Saṁyutta Nikāya 16.7\n1. Kassapavagga\nDutiyaovādasutta","en":"Linked Discourses 16.7\n1. Kassapa\nAdvice (2nd)"}},{"id":"sn16.7:1","sourceIds":["sn16.7:1.1","sn16.7:1.2","sn16.7:1.3","sn16.7:1.4","sn16.7:1.5","sn16.7:1.6","sn16.7:1.7"],"kind":"text","text":{"pi":"Rājagahe viharati veḷuvane.\nAtha kho āyasmā mahākassapo yena bhagavā tenupasaṅkami …pe…\nekamantaṁ nisinnaṁ kho āyasmantaṁ mahākassapaṁ bhagavā etadavoca:\n“ovada, kassapa, bhikkhū;\nkarohi, kassapa, bhikkhūnaṁ dhammiṁ kathaṁ.\nAhaṁ vā, kassapa, bhikkhū ovadeyyaṁ tvaṁ vā;\nahaṁ vā bhikkhūnaṁ dhammiṁ kathaṁ kareyyaṁ tvaṁ vā”ti.","en":"Near Rājagaha, in the Bamboo Grove.\nThen Venerable Mahākassapa went up to the Buddha, bowed, and sat down to one side.\nThe Buddha said to him,\n“Kassapa, advise the mendicants!\nGive them a Dhamma talk!\nEither you or I should advise the mendicants\nand give them a Dhamma talk.”"}},{"id":"sn16.7:2","sourceIds":["sn16.7:2.1","sn16.7:2.2"],"kind":"text","text":{"pi":"“Dubbacā kho, bhante, etarahi bhikkhū, dovacassakaraṇehi dhammehi samannāgatā akkhamā appadakkhiṇaggāhino anusāsaniṁ.\nYassa kassaci, bhante, saddhā natthi kusalesu dhammesu, hirī natthi kusalesu dhammesu, ottappaṁ natthi kusalesu dhammesu, vīriyaṁ natthi kusalesu dhammesu, paññā natthi kusalesu dhammesu, tassa yā ratti vā divaso vā āgacchati, hāniyeva pāṭikaṅkhā kusalesu dhammesu, no vuddhi.","en":"“Sir, the mendicants these days are hard to admonish, having qualities that make them hard to admonish. They’re impatient, and don’t take instruction respectfully.\nSir, whoever has no faith, conscience, prudence, energy, and wisdom when it comes to skillful qualities can expect decline, not growth, in skillful qualities, whether by day or by night."}},{"id":"sn16.7:3","sourceIds":["sn16.7:3.1","sn16.7:3.2","sn16.7:3.3","sn16.7:3.4","sn16.7:3.5","sn16.7:3.6"],"kind":"text","text":{"pi":"Seyyathāpi, bhante, kāḷapakkhe candassa yā ratti vā divaso vā āgacchati, hāyateva vaṇṇena, hāyati maṇḍalena, hāyati ābhāya, hāyati ārohapariṇāhena.\nEvameva kho, bhante, yassa kassaci saddhā natthi kusalesu dhammesu …pe…\nhirī natthi …\nottappaṁ natthi …\nvīriyaṁ natthi …\npaññā natthi … kusalesu dhammesu tassa yā ratti vā divaso vā āgacchati, hāniyeva pāṭikaṅkhā kusalesu dhammesu, no vuddhi.","en":"It’s like the moon in the waning fortnight. Whether by day or by night, its beauty, roundness, luminosity, and diameter and circumference only decline.\nIn the same way, whoever has no faith, conscience, prudence, energy, and wisdom when it comes to skillful qualities can expect decline, not growth, in skillful qualities, whether by day or by night."}},{"id":"sn16.7:4","sourceIds":["sn16.7:4.1","sn16.7:4.2","sn16.7:4.3","sn16.7:4.4","sn16.7:4.5","sn16.7:4.6","sn16.7:4.7","sn16.7:4.8"],"kind":"text","text":{"pi":"‘Assaddho purisapuggalo’ti, bhante, parihānametaṁ;\n‘ahiriko purisapuggalo’ti, bhante, parihānametaṁ;\n‘anottappī purisapuggalo’ti, bhante, parihānametaṁ;\n‘kusīto purisapuggalo’ti, bhante, parihānametaṁ;\n‘duppañño purisapuggalo’ti, bhante, parihānametaṁ;\n‘kodhano purisapuggalo’ti, bhante, parihānametaṁ;\n‘upanāhī purisapuggalo’ti, bhante, parihānametaṁ;\n‘na santi bhikkhū ovādakā’ti, bhante, parihānametaṁ.","en":"A faithless individual is in decline.\nAn individual with no conscience is in decline.\nAn imprudent individual is in decline.\nA lazy individual is in decline.\nA witless individual is in decline.\nAn irritable individual is in decline.\nAn acrimonious individual is in decline.\nWhen there are no mendicant advisers there is decline."}},{"id":"sn16.7:5","sourceIds":["sn16.7:5.1"],"kind":"text","text":{"pi":"Yassa kassaci, bhante, saddhā atthi kusalesu dhammesu, hirī atthi kusalesu dhammesu, ottappaṁ atthi kusalesu dhammesu, vīriyaṁ atthi kusalesu dhammesu, paññā atthi kusalesu dhammesu, tassa yā ratti vā divaso vā āgacchati, vuddhiyeva pāṭikaṅkhā kusalesu dhammesu, no parihāni.","en":"Sir, whoever has faith, conscience, prudence, energy, and wisdom when it comes to skillful qualities can expect growth, not decline, in skillful qualities, whether by day or by night."}},{"id":"sn16.7:6","sourceIds":["sn16.7:6.1","sn16.7:6.2","sn16.7:6.3","sn16.7:6.4","sn16.7:6.5","sn16.7:6.6"],"kind":"text","text":{"pi":"Seyyathāpi, bhante, juṇhapakkhe candassa yā ratti vā divaso vā āgacchati, vaḍḍhateva vaṇṇena, vaḍḍhati maṇḍalena, vaḍḍhati ābhāya, vaḍḍhati ārohapariṇāhena.\nEvameva kho, bhante, yassa kassaci saddhā atthi kusalesu dhammesu …\nhirī atthi …pe…\nottappaṁ atthi …\nvīriyaṁ atthi …\npaññā atthi kusalesu dhammesu tassa yā ratti vā divaso vā āgacchati, vuddhiyeva pāṭikaṅkhā kusalesu dhammesu, no parihāni.","en":"It’s like the moon in the waxing fortnight. Whether by day or by night, its beauty, roundness, luminosity, and diameter and circumference only grow.\nIn the same way, whoever has faith, conscience, prudence, energy, and wisdom when it comes to skillful qualities can expect growth, not decline, in skillful qualities, whether by day or by night."}},{"id":"sn16.7:7","sourceIds":["sn16.7:7.1","sn16.7:7.2","sn16.7:7.3","sn16.7:7.4","sn16.7:7.5","sn16.7:7.6","sn16.7:7.7","sn16.7:7.8"],"kind":"text","text":{"pi":"‘Saddho purisapuggalo’ti, bhante, aparihānametaṁ;\n‘hirimā purisapuggalo’ti, bhante, aparihānametaṁ;\n‘ottappī purisapuggalo’ti, bhante, aparihānametaṁ;\n‘āraddhavīriyo purisapuggalo’ti, bhante, aparihānametaṁ;\n‘paññavā purisapuggalo’ti, bhante, aparihānametaṁ;\n‘akkodhano purisapuggalo’ti, bhante, aparihānametaṁ;\n‘anupanāhī purisapuggalo’ti, bhante, aparihānametaṁ;\n‘santi bhikkhū ovādakā’ti, bhante, aparihānametan”ti.","en":"A faithful individual doesn’t decline.\nAn individual with a conscience doesn’t decline.\nA prudent individual doesn’t decline.\nAn energetic individual doesn’t decline.\nA wise individual doesn’t decline.\nA loving individual doesn’t decline.\nA kind individual doesn’t decline.\nWhen there are mendicant advisers there is no decline.”"}},{"id":"sn16.7:8","sourceIds":["sn16.7:8.1","sn16.7:8.2","sn16.7:8.3","sn16.7:8.4","sn16.7:8.5","sn16.7:8.6"],"kind":"text","text":{"pi":"“Sādhu sādhu, kassapa.\nYassa kassaci, kassapa, saddhā natthi kusalesu dhammesu …pe…\nhirī natthi …\nottappaṁ natthi …\nvīriyaṁ natthi …\npaññā natthi kusalesu dhammesu tassa yā ratti vā divaso vā āgacchati, hāniyeva pāṭikaṅkhā kusalesu dhammesu, no vuddhi.","en":"“Good, good, Kassapa!\nWhoever has no faith, conscience, prudence, energy, and wisdom when it comes to skillful qualities can expect decline, not growth …"}},{"id":"sn16.7:9","sourceIds":["sn16.7:9.1","sn16.7:9.2","sn16.7:9.3","sn16.7:9.4","sn16.7:9.5","sn16.7:9.6","sn16.7:9.7","sn16.7:9.8","sn16.7:9.9","sn16.7:9.10","sn16.7:9.11","sn16.7:9.12","sn16.7:9.13","sn16.7:9.14","sn16.7:9.15"],"kind":"text","text":{"pi":"Seyyathāpi, kassapa, kāḷapakkhe candassa yā ratti vā divaso vā āgacchati, hāyateva vaṇṇena …pe…\nhāyati ārohapariṇāhena.\nEvameva kho, kassapa, yassa kassaci saddhā natthi kusalesu dhammesu …pe…\nhirī natthi …\nottappaṁ natthi …\nvīriyaṁ natthi …\npaññā natthi kusalesu dhammesu tassa yā ratti vā divaso vā āgacchati, hāniyeva pāṭikaṅkhā kusalesu dhammesu, no vuddhi.\n‘Assaddho purisapuggalo’ti, kassapa, parihānametaṁ;\nahiriko …pe…\nanottappī …\nkusīto …\nduppañño …\nkodhano …\n‘upanāhī purisapuggalo’ti, kassapa, parihānametaṁ;\n‘na santi bhikkhū ovādakā’ti, kassapa, parihānametaṁ.","en":"When there are no mendicant advisers there is decline."}},{"id":"sn16.7:10","sourceIds":["sn16.7:10.1","sn16.7:10.2","sn16.7:10.3","sn16.7:10.4","sn16.7:10.5"],"kind":"text","text":{"pi":"Yassa kassaci, kassapa, saddhā atthi kusalesu dhammesu …pe…\nhirī atthi …\nottappaṁ atthi …\nvīriyaṁ atthi …\npaññā atthi kusalesu dhammesu tassa yā ratti vā divaso vā āgacchati, vuddhiyeva pāṭikaṅkhā kusalesu dhammesu, no parihāni.","en":"Whoever has faith, conscience, prudence, energy, and wisdom when it comes to skillful qualities can expect growth, not decline …"}},{"id":"sn16.7:11","sourceIds":["sn16.7:11.1","sn16.7:11.2","sn16.7:11.3","sn16.7:11.4","sn16.7:11.5"],"kind":"text","text":{"pi":"Seyyathāpi, kassapa, juṇhapakkhe candassa yā ratti vā divaso vā āgacchati, vaḍḍhateva vaṇṇena, vaḍḍhati maṇḍalena, vaḍḍhati ābhāya, vaḍḍhati ārohapariṇāhena.\nEvameva kho, kassapa, yassa kassaci saddhā atthi kusalesu dhammesu hirī atthi …\nottappaṁ atthi …\nvīriyaṁ atthi …\npaññā atthi kusalesu dhammesu tassa yā ratti vā divaso vā āgacchati, vuddhiyeva pāṭikaṅkhā kusalesu dhammesu, no parihāni."}},{"id":"sn16.7:12","sourceIds":["sn16.7:12.1","sn16.7:12.2","sn16.7:12.3","sn16.7:12.4","sn16.7:12.5","sn16.7:12.6","sn16.7:12.7","sn16.7:12.8","sn16.7:12.9"],"kind":"text","text":{"pi":"‘Saddho purisapuggalo’ti, kassapa, aparihānametaṁ;\nhirimā …pe…\nottappī …\nāraddhavīriyo …\npaññavā …\nakkodhano …\n‘anupanāhī purisapuggalo’ti, kassapa, aparihānametaṁ;\n‘santi bhikkhū ovādakā’ti, kassapa, aparihānametan”ti.\nSattamaṁ.","en":"When there are mendicant advisers there is no decline.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn16.7/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}