{"id":"sn17.10","title":"With Verses","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn17.10","title":"With Verses","units":[{"id":"sn17.10:0","sourceIds":["sn17.10:0.1","sn17.10:0.2","sn17.10:0.3"],"kind":"text","text":{"pi":"Saṁyutta Nikāya 17.10\n1. Paṭhamavagga\nSagāthakasutta","en":"Linked Discourses 17.10\nChapter One\nWith Verses"}},{"id":"sn17.10:1","sourceIds":["sn17.10:1.1","sn17.10:1.2","sn17.10:1.3","sn17.10:1.4","sn17.10:1.5","sn17.10:1.6","sn17.10:1.7"],"kind":"text","text":{"pi":"Sāvatthiyaṁ viharati.\n“Dāruṇo, bhikkhave, lābhasakkārasiloko …pe… adhigamāya.\nIdhāhaṁ, bhikkhave, ekaccaṁ puggalaṁ passāmi sakkārena abhibhūtaṁ pariyādiṇṇacittaṁ, kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapannaṁ.\nIdha panāhaṁ, bhikkhave, ekaccaṁ puggalaṁ passāmi asakkārena abhibhūtaṁ pariyādiṇṇacittaṁ, kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapannaṁ.\nIdha panāhaṁ, bhikkhave, ekaccaṁ puggalaṁ passāmi sakkārena ca asakkārena ca tadubhayena abhibhūtaṁ pariyādiṇṇacittaṁ, kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapannaṁ.\nEvaṁ dāruṇo kho, bhikkhave, lābhasakkārasiloko …pe…\nevañhi vo, bhikkhave, sikkhitabban”ti.","en":"At Sāvatthī.\n“Possessions, honor, and popularity are grim …\nTake a case where I see a certain individual whose mind is overcome and overwhelmed by honor. When their body broke up, after death, they were reborn in a place of loss, a bad place, the underworld, hell.\nTake another case where I see a certain individual whose mind is overcome and overwhelmed by lack of honor. When their body broke up, after death, they were reborn in a place of loss, a bad place, the underworld, hell.\nAnd take another case where I see a certain individual whose mind is overcome and overwhelmed by both honor and lack of honor. When their body broke up, after death, they were reborn in a place of loss, a bad place, the underworld, hell.\nSo grim are possessions, honor, and popularity. …”"}},{"id":"sn17.10:2","sourceIds":["sn17.10:2.1","sn17.10:2.2"],"kind":"text","text":{"pi":"Idamavoca bhagavā.\nIdaṁ vatvāna sugato athāparaṁ etadavoca satthā:","en":"That is what the Buddha said.\nThen the Holy One, the Teacher, went on to say:"}},{"id":"sn17.10:3","sourceIds":["sn17.10:3.1","sn17.10:3.2","sn17.10:3.3","sn17.10:3.4"],"kind":"text","text":{"pi":"“Yassa sakkariyamānassa,\nasakkārena cūbhayaṁ;\nSamādhi na vikampati,\nappamāṇavihārino.","en":"“Whether they’re honored\nor not honored, or both,\ntheir immersion doesn’t waver\nas they abide in the immeasurables."}},{"id":"sn17.10:4","sourceIds":["sn17.10:4.1","sn17.10:4.2","sn17.10:4.3","sn17.10:4.4","sn17.10:4.5","sn17.10:4.6"],"kind":"text","text":{"pi":"Taṁ jhāyinaṁ sātatikaṁ,\nsukhumaṁ diṭṭhivipassakaṁ;\nUpādānakkhayārāmaṁ,\nāhu sappuriso itī”ti.\nDasamaṁ.\nPaṭhamo vaggo.","en":"They persistently meditate\nwith subtle view and discernment.\nRejoicing in the ending of grasping,\nthey’re said to be a true person.”"}},{"id":"sn17.10:5","sourceIds":["sn17.10:5.0","sn17.10:5.1","sn17.10:5.2","sn17.10:5.3","sn17.10:5.4"],"kind":"text","text":{"pi":"Tassuddānaṁ\nDāruṇo baḷisaṁ kummaṁ,\ndīghalomi ca mīḷhakaṁ;\nAsani diddhaṁ siṅgālaṁ,\nverambhena sagāthakanti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn17.10/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}