{"id":"sn17.2","title":"A Hook","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn17.2","title":"A Hook","units":[{"id":"sn17.2:0","sourceIds":["sn17.2:0.1","sn17.2:0.2","sn17.2:0.3"],"kind":"text","text":{"pi":"Saṁyutta Nikāya 17.2\n1. Paṭhamavagga\nBaḷisasutta","en":"Linked Discourses 17.2\nChapter One\nA Hook"}},{"id":"sn17.2:1","sourceIds":["sn17.2:1.1","sn17.2:1.2","sn17.2:1.3","sn17.2:1.4","sn17.2:1.5"],"kind":"text","text":{"pi":"Sāvatthiyaṁ viharati.\n“Dāruṇo, bhikkhave, lābhasakkārasiloko kaṭuko pharuso antarāyiko anuttarassa yogakkhemassa adhigamāya.\nSeyyathāpi, bhikkhave, bāḷisiko āmisagataṁ baḷisaṁ gambhīre udakarahade pakkhipeyya.\nTamenaṁ aññataro āmisacakkhu maccho gileyya.\nEvañhi so, bhikkhave, maccho gilabaḷiso bāḷisikassa anayaṁ āpanno byasanaṁ āpanno yathākāmakaraṇīyo bāḷisikassa.","en":"At Sāvatthī.\n“Possessions, honor, and popularity are grim, bitter, and harsh. They’re an obstacle to reaching the supreme sanctuary from the yoke.\nSuppose an angler was to cast a baited hook into a deep lake.\nSeeing the bait, a fish would swallow it.\nAnd so the fish that swallowed the hook would meet with tragedy and disaster, and the angler can do what he wants with it."}},{"id":"sn17.2:2","sourceIds":["sn17.2:2.1","sn17.2:2.2","sn17.2:2.3","sn17.2:2.4","sn17.2:2.5","sn17.2:2.6","sn17.2:2.7","sn17.2:2.8"],"kind":"text","text":{"pi":"Bāḷisikoti kho, bhikkhave, mārassetaṁ pāpimato adhivacanaṁ.\nBaḷisanti kho, bhikkhave, lābhasakkārasilokassetaṁ adhivacanaṁ.\nYo hi koci, bhikkhave, bhikkhu uppannaṁ lābhasakkārasilokaṁ assādeti nikāmeti, ayaṁ vuccati, bhikkhave, bhikkhu gilabaḷiso mārassa anayaṁ āpanno byasanaṁ āpanno yathākāmakaraṇīyo pāpimato.\nEvaṁ dāruṇo kho, bhikkhave, lābhasakkārasiloko kaṭuko pharuso antarāyiko anuttarassa yogakkhemassa adhigamāya.\nTasmātiha, bhikkhave, evaṁ sikkhitabbaṁ:\n‘uppannaṁ lābhasakkārasilokaṁ pajahissāma, na ca no uppanno lābhasakkārasiloko cittaṁ pariyādāya ṭhassatī’ti.\nEvañhi vo, bhikkhave, sikkhitabban”ti.\nDutiyaṁ.","en":"‘Angler’ is a term for Māra the Wicked.\n‘Hook’ is a term for possessions, honor, and popularity.\nWhoever enjoys and likes arisen possessions, honor, and popularity is called a mendicant who has swallowed Māra’s hook. They’ve met with tragedy and disaster, and the Wicked One can do with them what he wants.\nSo grim are possessions, honor, and popularity—bitter and harsh, an obstacle to reaching the supreme sanctuary from the yoke.\nSo you should train like this:\n‘We will give up arisen possessions, honor, and popularity, and we won’t let them occupy our minds.’\nThat’s how you should train.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn17.2/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}