{"id":"sn17.3","title":"A Turtle","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn17.3","title":"A Turtle","units":[{"id":"sn17.3:0","sourceIds":["sn17.3:0.1","sn17.3:0.2","sn17.3:0.3"],"kind":"text","text":{"pi":"Saṁyutta Nikāya 17.3\n1. Paṭhamavagga\nKummasutta","en":"Linked Discourses 17.3\nChapter One\nA Turtle"}},{"id":"sn17.3:1","sourceIds":["sn17.3:1.1","sn17.3:1.2","sn17.3:1.3","sn17.3:1.4","sn17.3:1.5","sn17.3:1.6","sn17.3:1.7","sn17.3:1.8","sn17.3:1.9","sn17.3:1.10","sn17.3:1.11","sn17.3:1.12","sn17.3:1.13","sn17.3:1.14","sn17.3:1.15","sn17.3:1.16","sn17.3:1.17"],"kind":"text","text":{"pi":"Sāvatthiyaṁ viharati.\n“Dāruṇo, bhikkhave, lābhasakkārasiloko …pe… adhigamāya.\nBhūtapubbaṁ, bhikkhave, aññatarasmiṁ udakarahade mahākummakulaṁ ciranivāsi ahosi.\nAtha kho, bhikkhave, aññataro kummo aññataraṁ kummaṁ etadavoca:\n‘mā kho tvaṁ, tāta kumma, etaṁ padesaṁ agamāsī’ti.\nAgamāsi kho, bhikkhave, so kummo taṁ padesaṁ.\nTamenaṁ luddo papatāya vijjhi.\nAtha kho, bhikkhave, so kummo yena so kummo tenupasaṅkami.\nAddasā kho, bhikkhave, so kummo taṁ kummaṁ dūratova āgacchantaṁ.\nDisvāna taṁ kummaṁ etadavoca:\n‘kacci tvaṁ, tāta kumma, na taṁ padesaṁ agamāsī’ti?\n‘Agamāsiṁ khvāhaṁ, tāta kumma, taṁ padesan’ti.\n‘Kacci panāsi, tāta kumma, akkhato anupahato’ti?\n‘Akkhato khomhi, tāta kumma, anupahato, atthi ca me idaṁ suttakaṁ piṭṭhito piṭṭhito anubandhan’ti.\n‘Tagghasi, tāta kumma, khato, taggha upahato.\nEtena hi te, tāta kumma, suttakena pitaro ca pitāmahā ca anayaṁ āpannā byasanaṁ āpannā.\nGaccha dāni tvaṁ, tāta kumma, na dāni tvaṁ amhākan’ti.","en":"At Sāvatthī.\n“Possessions, honor, and popularity are grim …\nOnce upon a time, in a certain lake there was a large family of turtles that had lived there for a long time.\nThen one of the turtles said to another,\n‘My dear turtle, don’t you go to that place.’\nBut that turtle did go to that place,\nand a hunter pierced her with a harpoon.\nThen that turtle went back to the other turtle.\nWhen the other turtle saw her coming off in the distance,\nhe said,\n‘My dear turtle, I hope you didn’t go to that place!’\n‘I did.’\n‘But my dear turtle, I hope you’re not hurt or injured!’\n‘I’m not hurt or injured. But this cord keeps dragging behind me.’\n‘Indeed, my dear turtle, you’re hurt and injured!\nYour father and grandfather met with tragedy and disaster because of such a cord.\nGo now, you are no longer one of us.’"}},{"id":"sn17.3:2","sourceIds":["sn17.3:2.1","sn17.3:2.2","sn17.3:2.3","sn17.3:2.4","sn17.3:2.5","sn17.3:2.6","sn17.3:2.7","sn17.3:2.8"],"kind":"text","text":{"pi":"Luddoti kho, bhikkhave, mārassetaṁ pāpimato adhivacanaṁ.\nPapatāti kho, bhikkhave, lābhasakkārasilokassetaṁ adhivacanaṁ.\nSuttakanti kho, bhikkhave, nandīrāgassetaṁ adhivacanaṁ.\nYo hi koci, bhikkhave, bhikkhu uppannaṁ lābhasakkārasilokaṁ assādeti nikāmeti—\nayaṁ vuccati, bhikkhave, bhikkhu giddho papatāya anayaṁ āpanno byasanaṁ āpanno yathākāmakaraṇīyo pāpimato.\nEvaṁ dāruṇo kho, bhikkhave, lābhasakkārasiloko …pe…\nevañhi vo, bhikkhave, sikkhitabban”ti.\nTatiyaṁ.","en":"‘Hunter’ is a term for Māra the Wicked.\n‘Harpoon’ is a term for possessions, honor, and popularity.\n‘Cord’ is a term for greed and relishing.\nWhoever enjoys and likes arisen possessions, honor, and popularity is called a mendicant who has been pierced with a harpoon. They’ve met with tragedy and disaster, and the Wicked One can do with them what he wants.\nSo grim are possessions, honor, and popularity. …”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn17.3/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}