{"id":"sn19.1","title":"A Skeleton","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn19.1","title":"A Skeleton","units":[{"id":"sn19.1:0","sourceIds":["sn19.1:0.1","sn19.1:0.2","sn19.1:0.3"],"kind":"text","text":{"pi":"Saṁyutta Nikāya 19.1\n1. Paṭhamavagga\nAṭṭhisutta","en":"Linked Discourses 19.1\nChapter One\nA Skeleton"}},{"id":"sn19.1:1","sourceIds":["sn19.1:1.1","sn19.1:1.2","sn19.1:1.3","sn19.1:1.4","sn19.1:1.5","sn19.1:1.6","sn19.1:1.7","sn19.1:1.8","sn19.1:1.9","sn19.1:1.10","sn19.1:1.11"],"kind":"text","text":{"pi":"Evaṁ me sutaṁ—\nekaṁ samayaṁ bhagavā rājagahe viharati veḷuvane kalandakanivāpe.\nTena kho pana samayena āyasmā ca lakkhaṇo āyasmā ca mahāmoggallāno gijjhakūṭe pabbate viharanti.\nAtha kho āyasmā mahāmoggallāno pubbaṇhasamayaṁ nivāsetvā pattacīvaramādāya yenāyasmā lakkhaṇo tenupasaṅkami; upasaṅkamitvā āyasmantaṁ lakkhaṇaṁ etadavoca:\n“āyāmāvuso lakkhaṇa, rājagahaṁ piṇḍāya pavisissāmā”ti.\n“Evamāvuso”ti kho āyasmā lakkhaṇo āyasmato mahāmoggallānassa paccassosi.\nAtha kho āyasmā mahāmoggallāno gijjhakūṭā pabbatā orohanto aññatarasmiṁ padese sitaṁ pātvākāsi.\nAtha kho āyasmā lakkhaṇo āyasmantaṁ mahāmoggallānaṁ etadavoca:\n“ko nu kho, āvuso moggallāna, hetu ko paccayo sitassa pātukammāyā”ti?\n“Akālo kho, āvuso lakkhaṇa, etassa pañhassa.\nBhagavato maṁ santike etaṁ pañhaṁ pucchā”ti.","en":"So I have heard.\nAt one time the Buddha was staying near Rājagaha in the Bamboo Grove, the squirrels’ feeding ground.\nNow at that time Venerable Mark and Venerable Mahāmoggallāna were staying on the Vulture’s Peak Mountain.\nThen Mahāmoggallāna robed up in the morning and, taking his bowl and robe, went to Mark and said to him,\n“Come, Reverend Mark, let’s enter Rājagaha for alms.”\n“Yes, reverend,” Mark replied.\nAs Mahāmoggallāna was descending from Vulture’s Peak Mountain he smiled at a certain spot.\nSo Mark said to Mahāmoggallāna,\n“What is the cause, Reverend Moggallāna, what is the reason you smiled?”\n“Reverend Mark, it’s the wrong time for this question.\nAsk me when we’re in the Buddha’s presence.”"}},{"id":"sn19.1:2","sourceIds":["sn19.1:2.1","sn19.1:2.2","sn19.1:2.3"],"kind":"text","text":{"pi":"Atha kho āyasmā ca lakkhaṇo āyasmā ca mahāmoggallāno rājagahe piṇḍāya caritvā pacchābhattaṁ piṇḍapātapaṭikkantā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinno kho āyasmā lakkhaṇo āyasmantaṁ mahāmoggallānaṁ etadavoca:\n“idhāyasmā mahāmoggallāno gijjhakūṭā pabbatā orohanto aññatarasmiṁ padese sitaṁ pātvākāsi.\nKo nu kho, āvuso moggallāna, hetu ko paccayo sitassa pātukammāyā”ti?","en":"Then Mark and Mahāmoggallāna wandered for alms in Rājagaha. After the meal, on their return from almsround, they went to the Buddha, bowed, and sat down to one side. Mark said to Mahāmoggallāna:\n“Just now, as Mahāmoggallāna was descending from Vulture’s Peak Mountain he smiled at a certain spot.\nWhat is the cause, Reverend Moggallāna, what is the reason you smiled?”"}},{"id":"sn19.1:3","sourceIds":["sn19.1:3.1","sn19.1:3.2","sn19.1:3.3","sn19.1:3.4","sn19.1:3.5","sn19.1:3.6","sn19.1:3.7","sn19.1:3.8"],"kind":"text","text":{"pi":"“Idhāhaṁ, āvuso, gijjhakūṭā pabbatā orohanto addasaṁ aṭṭhikasaṅkhalikaṁ vehāsaṁ gacchantiṁ.\nTamenaṁ gijjhāpi kākāpi kulalāpi anupatitvā anupatitvā phāsuḷantarikāhi vitudenti vitacchenti virājenti.\nSā sudaṁ aṭṭassaraṁ karoti.\nTassa mayhaṁ, āvuso, etadahosi:\n‘acchariyaṁ vata bho, abbhutaṁ vata bho.\nEvarūpopi nāma satto bhavissati.\nEvarūpopi nāma yakkho bhavissati.\nEvarūpopi nāma attabhāvapaṭilābho bhavissatī’”ti.","en":"“Just now, reverend, as I was descending from Vulture’s Peak Mountain I saw a skeleton flying through the air.\nVultures, crows, and hawks kept chasing it, pecking, clawing, and stabbing it in the ribs\nas it screeched in pain.\nIt occurred to me:\n‘Oh lord, how incredible, how amazing!\nThat there can be such a sentient being,\nsuch a spirit,\nsuch an incarnation!’”"}},{"id":"sn19.1:4","sourceIds":["sn19.1:4.1","sn19.1:4.2","sn19.1:4.3","sn19.1:4.4","sn19.1:4.5","sn19.1:4.6","sn19.1:4.7","sn19.1:4.8","sn19.1:4.9","sn19.1:4.10"],"kind":"text","text":{"pi":"Atha kho bhagavā bhikkhū āmantesi:\n“cakkhubhūtā vata, bhikkhave, sāvakā viharanti;\nñāṇabhūtā vata, bhikkhave, sāvakā viharanti, yatra hi nāma sāvako evarūpaṁ ñassati vā dakkhati vā sakkhiṁ vā karissati.\nPubbeva me so, bhikkhave, satto diṭṭho ahosi, api cāhaṁ na byākāsiṁ.\nAhañcetaṁ byākareyyaṁ, pare ca me na saddaheyyuṁ.\nYe me na saddaheyyuṁ, tesaṁ taṁ assa dīgharattaṁ ahitāya dukkhāya.\nEso, bhikkhave, satto imasmiṁyeva rājagahe goghātako ahosi.\nSo tassa kammassa vipākena bahūni vassāni bahūni vassasatāni bahūni vassasahassāni bahūni vassasatasahassāni niraye paccitvā tasseva kammassa vipākāvasesena evarūpaṁ attabhāvapaṭilābhaṁ paṭisaṁvedayatī”ti.\n(Sabbesaṁ suttantānaṁ eseva peyyālo.)\nPaṭhamaṁ.","en":"Then the Buddha said to the mendicants:\n“Mendicants, there are disciples who live full of vision and knowledge,\nsince a disciple knows, sees, and witnesses such a thing.\nFormerly, I too saw that being, but I did not speak of it.\nFor if I had spoken of it others would not have believed me,\nwhich would be for their lasting harm and suffering.\nThat being used to be a cattle butcher right here in Rājagaha.\nAs a result of that deed he burned in hell for many years, many hundreds, many thousands, many hundreds of thousands of years. Now he experiences the residual result of that deed in such an incarnation.”\n(Tell all these discourses in full like this.)"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn19.1/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}