{"id":"sn19.21","title":"A Bad Novice Nun","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn19.21","title":"A Bad Novice Nun","units":[{"id":"sn19.21:0","sourceIds":["sn19.21:0.1","sn19.21:0.2","sn19.21:0.3"],"kind":"text","text":{"pi":"Saṁyutta Nikāya 19.21\n2. Dutiyavagga\nPāpasāmaṇerīsutta","en":"Linked Discourses 19.21\nChapter Two\nA Bad Novice Nun"}},{"id":"sn19.21:1","sourceIds":["sn19.21:1.1","sn19.21:1.2","sn19.21:1.3","sn19.21:1.4","sn19.21:1.5","sn19.21:1.6","sn19.21:1.7","sn19.21:1.8"],"kind":"text","text":{"pi":"“Idhāhaṁ, āvuso, gijjhakūṭā pabbatā orohanto addasaṁ sāmaṇeriṁ vehāsaṁ gacchantiṁ.\nTassā saṅghāṭipi ādittā sampajjalitā sajotibhūtā, pattopi āditto sampajjalito sajotibhūto, kāyabandhanampi ādittaṁ sampajjalitaṁ sajotibhūtaṁ, kāyopi āditto sampajjalito sajotibhūto.\nSā sudaṁ aṭṭassaraṁ karoti.\nTassa mayhaṁ, āvuso, etadahosi:\n‘acchariyaṁ vata bho, abbhutaṁ vata bho.\nEvarūpopi nāma satto bhavissati.\nEvarūpopi nāma yakkho bhavissati.\nEvarūpopi nāma attabhāvapaṭilābho bhavissatī’”ti.","en":"“Just now, reverend, as I was descending from Vulture’s Peak Mountain I saw a novice nun flying through the air.\nHer outer robe, bowl, belt, and body were burning, blazing, and glowing\nas she screamed in pain.\nIt occurred to me:\n‘Oh lord, how incredible, how amazing!\nThat there can be such a sentient being,\nsuch a spirit,\nsuch an incarnation!’”"}},{"id":"sn19.21:2","sourceIds":["sn19.21:2.1","sn19.21:2.2","sn19.21:2.3","sn19.21:2.4","sn19.21:2.5","sn19.21:2.6","sn19.21:2.7","sn19.21:2.8","sn19.21:2.9","sn19.21:2.10","sn19.21:2.11"],"kind":"text","text":{"pi":"Atha kho bhagavā bhikkhū āmantesi:\n“cakkhubhūtā vata, bhikkhave, sāvakā viharanti;\nñāṇabhūtā vata, bhikkhave, sāvakā viharanti, yatra hi nāma sāvako evarūpaṁ ñassati vā dakkhati vā sakkhiṁ vā karissati.\nPubbeva me sā, bhikkhave, sāmaṇerī diṭṭhā ahosi.\nApi cāhaṁ na byākāsiṁ.\nAhañcetaṁ byākareyyaṁ, pare ca me na saddaheyyuṁ.\nYe me na saddaheyyuṁ, tesaṁ taṁ assa dīgharattaṁ ahitāya dukkhāya.\nEsā, bhikkhave, sāmaṇerī kassapassa sammāsambuddhassa pāvacane pāpasāmaṇerī ahosi.\nSā tassa kammassa vipākena bahūni vassāni bahūni vassasatāni bahūni vassasahassāni bahūni vassasatasahassāni niraye paccitvā tasseva kammassa vipākāvasesena evarūpaṁ attabhāvapaṭilābhaṁ paṭisaṁvedayatī”ti.\nEkādasamaṁ.\nDutiyo vaggo.","en":"Then the Buddha said to the mendicants:\n“Mendicants, there are disciples who live full of vision and knowledge,\nsince a disciple knows, sees, and witnesses such a thing.\nFormerly, I too saw that novice nun, but I did not speak of it.\nFor if I had spoken of it others would not have believed me,\nwhich would be for their lasting harm and suffering.\nThat female novice used to be a bad novice nun in the time of the Buddha Kassapa’s dispensation.\nAs a result of that deed she burned in hell for many years, many hundreds, many thousands, many hundreds of thousands of years. Now she experiences the residual result of that deed in such an incarnation.”"}},{"id":"sn19.21:3","sourceIds":["sn19.21:3.0","sn19.21:3.1","sn19.21:3.2","sn19.21:3.3","sn19.21:3.4","sn19.21:3.5","sn19.21:3.6"],"kind":"text","text":{"pi":"Tassuddānaṁ\nKūpe nimuggo hi so pāradāriko,\nGūthakhādi ahu duṭṭhabrāhmaṇo;\nNicchavitthi aticārinī ahu,\nMaṅgulitthi ahu ikkhaṇitthikā;\nOkilini sapattaṅgārokiri,\nSīsacchinno ahu coraghātako."}},{"id":"sn19.21:4","sourceIds":["sn19.21:4.1","sn19.21:4.2","sn19.21:4.3","sn19.21:4.4","sn19.21:4.5"],"kind":"text","text":{"pi":"Bhikkhu bhikkhunī sikkhamānā,\nSāmaṇero atha sāmaṇerikā;\nKassapassa vinayasmiṁ pabbajjaṁ,\nPāpakammaṁ kariṁsu tāvadeti.\nLakkhaṇasaṁyuttaṁ samattaṁ.","en":"The Linked Discourses with Mark are complete."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn19.21/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}