{"id":"sn2.26","title":"With Rohitassa","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn2.26","title":"With Rohitassa","units":[{"id":"sn2.26:0","sourceIds":["sn2.26:0.1","sn2.26:0.2","sn2.26:0.3"],"kind":"text","text":{"pi":"Saṁyutta Nikāya 2.26\n3. Nānātitthiyavagga\nRohitassasutta","en":"Linked Discourses 2.26\n3. Various Sectarians\nWith Rohitassa"}},{"id":"sn2.26:1","sourceIds":["sn2.26:1.1","sn2.26:1.2","sn2.26:1.3","sn2.26:1.4"],"kind":"text","text":{"pi":"Sāvatthinidānaṁ.\nEkamantaṁ ṭhito kho rohitasso devaputto bhagavantaṁ etadavoca:\n“yattha nu kho, bhante, na jāyati na jīyati na mīyati na cavati na upapajjati, sakkā nu kho so, bhante, gamanena lokassa anto ñātuṁ vā daṭṭhuṁ vā pāpuṇituṁ vā”ti?\n“Yattha kho, āvuso, na jāyati na jīyati na mīyati na cavati na upapajjati, nāhaṁ taṁ gamanena lokassa antaṁ ñāteyyaṁ daṭṭheyyaṁ patteyyanti vadāmī”ti.","en":"At Sāvatthī.\nStanding to one side, the godling Rohitassa said to the Buddha:\n“Sir, is it possible to know or see or reach the end of the world by traveling to a place where there’s no being born, growing old, dying, passing away, or being reborn?”\n“Reverend, I say it’s not possible to know or see or reach the end of the world by traveling to a place where there’s no being born, growing old, dying, passing away, or being reborn.”"}},{"id":"sn2.26:2","sourceIds":["sn2.26:2.1","sn2.26:2.2","sn2.26:2.3"],"kind":"text","text":{"pi":"“Acchariyaṁ, bhante, abbhutaṁ, bhante.\nYāvasubhāsitamidaṁ, bhante, bhagavatā:\n‘yattha kho, āvuso, na jāyati na jīyati na mīyati na cavati na upapajjati, nāhaṁ taṁ gamanena lokassa antaṁ ñāteyyaṁ daṭṭheyyaṁ patteyyanti vadāmī’ti.","en":"“It’s incredible, sir, it’s amazing,\nhow well said this was by the Buddha."}},{"id":"sn2.26:3","sourceIds":["sn2.26:3.1","sn2.26:3.2","sn2.26:3.3","sn2.26:3.4","sn2.26:3.5","sn2.26:3.6"],"kind":"text","text":{"pi":"Bhūtapubbāhaṁ, bhante, rohitasso nāma isi ahosiṁ bhojaputto iddhimā vehāsaṅgamo.\nTassa mayhaṁ, bhante, evarūpo javo ahosi; seyyathāpi nāma daḷhadhammā dhanuggaho susikkhito katahattho katayoggo katūpāsano lahukena asanena appakasireneva tiriyaṁ tālacchāyaṁ atipāteyya.\nTassa mayhaṁ, bhante, evarūpo padavītihāro ahosi; seyyathāpi nāma puratthimā samuddā pacchimo samuddo.\nTassa mayhaṁ, bhante, evarūpaṁ icchāgataṁ uppajji:\n‘ahaṁ gamanena lokassa antaṁ pāpuṇissāmī’ti.\nSo khvāhaṁ, bhante, evarūpena javena samannāgato evarūpena ca padavītihārena, aññatreva asitapītakhāyitasāyitā aññatra uccārapassāvakammā aññatra niddākilamathapaṭivinodanā vassasatāyuko vassasatajīvī vassasataṁ gantvā appatvāva lokassa antaṁ antarāva kālaṅkato.","en":"Once upon a time, I was a seer named Rohitassa, son of the benefactors. I was a sky-walker with psychic powers.\nI was as fast as a light arrow easily shot across the shadow of a palm tree by a well-trained expert archer with a strong bow.\nMy stride was such that it could span from the eastern ocean to the western ocean.\nThis wish came to me:\n‘I will reach the end of the world by traveling.’\nHaving such speed and stride, I traveled for my whole lifespan of a hundred years—pausing only to eat and drink, go to the toilet, and sleep to dispel weariness—and I passed away along the way, never reaching the end of the world."}},{"id":"sn2.26:4","sourceIds":["sn2.26:4.1","sn2.26:4.2","sn2.26:4.3"],"kind":"text","text":{"pi":"Acchariyaṁ, bhante, abbhutaṁ, bhante.\nYāvasubhāsitamidaṁ, bhante, bhagavatā:\n‘yattha kho, āvuso, na jāyati na jīyati na mīyati na cavati na upapajjati, nāhaṁ taṁ gamanena lokassa antaṁ ñāteyyaṁ daṭṭheyyaṁ patteyyanti vadāmī’”ti.","en":"It’s incredible, sir, it’s amazing,\nhow well said this was by the Buddha.\n‘Reverend, I say it’s not possible to know or see or reach the end of the world by traveling to a place where there’s no being born, growing old, dying, passing away, or being reborn.’”"}},{"id":"sn2.26:5","sourceIds":["sn2.26:5.1","sn2.26:5.2"],"kind":"text","text":{"pi":"“Na kho panāhaṁ, āvuso, appatvā lokassa antaṁ dukkhassa antakiriyaṁ vadāmi.\nApi ca khvāhaṁ, āvuso, imasmiṁyeva byāmamatte kaḷevare sasaññimhi samanake lokañca paññapemi lokasamudayañca lokanirodhañca lokanirodhagāminiñca paṭipadanti.","en":"“But Reverend, I also say there’s no making an end of suffering without reaching the end of the world.\nFor it is in this fathom-long carcass with its perception and mind that I describe the world, its origin, its cessation, and the practice that leads to its cessation."}},{"id":"sn2.26:6","sourceIds":["sn2.26:6.1","sn2.26:6.2","sn2.26:6.3","sn2.26:6.4"],"kind":"text","text":{"pi":"Gamanena na pattabbo,\nlokassanto kudācanaṁ;\nNa ca appatvā lokantaṁ,\ndukkhā atthi pamocanaṁ.","en":"The end of the world can never\nbe reached by traveling.\nBut without reaching the end of the world,\nthere’s no release from suffering."}},{"id":"sn2.26:7","sourceIds":["sn2.26:7.1","sn2.26:7.2","sn2.26:7.3","sn2.26:7.4"],"kind":"text","text":{"pi":"Tasmā have lokavidū sumedho,\nLokantagū vusitabrahmacariyo;\nLokassa antaṁ samitāvi ñatvā,\nNāsīsati lokamimaṁ parañcā”ti.","en":"So an intelligent person, understanding the world,\nhas completed the spiritual journey and gone to the end of the world.\nAssuaged, knowing the end of the world,\nthey do not hope for this world or the next.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn2.26/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}