{"id":"sn2.29","title":"With Susīma","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn2.29","title":"With Susīma","units":[{"id":"sn2.29:0","sourceIds":["sn2.29:0.1","sn2.29:0.2","sn2.29:0.3"],"kind":"text","text":{"pi":"Saṁyutta Nikāya 2.29\n3. Nānātitthiyavagga\nSusimasutta","en":"Linked Discourses 2.29\n3. Various Sectarians\nWith Susīma"}},{"id":"sn2.29:1","sourceIds":["sn2.29:1.1","sn2.29:1.2","sn2.29:1.3"],"kind":"text","text":{"pi":"Sāvatthinidānaṁ.\nAtha kho āyasmā ānando yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho āyasmantaṁ ānandaṁ bhagavā etadavoca:\n“tuyhampi no, ānanda, sāriputto ruccatī”ti?","en":"At Sāvatthī.\nThen Venerable Ānanda went up to the Buddha, bowed, and sat down to one side. The Buddha said to him,\n“Ānanda, do you endorse Sāriputta?”"}},{"id":"sn2.29:2","sourceIds":["sn2.29:2.1","sn2.29:2.2","sn2.29:2.3","sn2.29:2.4","sn2.29:2.5","sn2.29:2.6","sn2.29:2.7","sn2.29:2.8","sn2.29:2.9","sn2.29:2.10","sn2.29:2.11","sn2.29:2.12","sn2.29:2.13","sn2.29:2.14","sn2.29:2.15","sn2.29:2.16","sn2.29:2.17","sn2.29:2.18"],"kind":"text","text":{"pi":"“Kassa hi nāma, bhante, abālassa aduṭṭhassa amūḷhassa avipallatthacittassa āyasmā sāriputto na rucceyya?\nPaṇḍito, bhante, āyasmā sāriputto.\nMahāpañño, bhante, āyasmā sāriputto.\nPuthupañño, bhante, āyasmā sāriputto.\nHāsapañño, bhante, āyasmā sāriputto.\nJavanapañño, bhante, āyasmā sāriputto.\nTikkhapañño, bhante, āyasmā sāriputto.\nNibbedhikapañño, bhante, āyasmā sāriputto.\nAppiccho, bhante, āyasmā sāriputto.\nSantuṭṭho, bhante, āyasmā sāriputto.\nPavivitto, bhante, āyasmā sāriputto.\nAsaṁsaṭṭho, bhante, āyasmā sāriputto.\nĀraddhavīriyo, bhante, āyasmā sāriputto.\nVattā, bhante, āyasmā sāriputto.\nVacanakkhamo, bhante, āyasmā sāriputto.\nCodako, bhante, āyasmā sāriputto.\nPāpagarahī, bhante, āyasmā sāriputto.\nKassa hi nāma, bhante, abālassa aduṭṭhassa amūḷhassa avipallatthacittassa āyasmā sāriputto na rucceyyā”ti?","en":"“Sir, who on earth would not endorse Venerable Sāriputta unless they’re a fool, a hater, delusional, or mentally deranged?\nVenerable Sāriputta is astute,\nhe has great wisdom,\nwidespread wisdom,\nlaughing wisdom,\nswift wisdom,\nsharp wisdom,\nand penetrating wisdom.\nHe has few wishes,\nhe’s content,\nsecluded,\naloof,\nand energetic.\nHe is a preacher,\nand he accepts advice;\nhe accuses\nand criticizes wickedness.\nWho on earth would not endorse Venerable Sāriputta unless they’re a fool, a hater, delusional, or mentally deranged?”"}},{"id":"sn2.29:3","sourceIds":["sn2.29:3.1","sn2.29:3.2","sn2.29:3.3","sn2.29:3.4","sn2.29:3.5","sn2.29:3.6","sn2.29:3.7","sn2.29:3.8","sn2.29:3.9","sn2.29:3.10","sn2.29:3.11","sn2.29:3.12","sn2.29:3.13","sn2.29:3.14","sn2.29:3.15","sn2.29:3.16","sn2.29:3.17","sn2.29:3.18","sn2.29:3.19"],"kind":"text","text":{"pi":"“Evametaṁ, ānanda, evametaṁ, ānanda.\nKassa hi nāma, ānanda, abālassa aduṭṭhassa amūḷhassa avipallatthacittassa sāriputto na rucceyya?\nPaṇḍito, ānanda, sāriputto.\nMahāpañño, ānanda, sāriputto.\nPuthupañño, ānanda, sāriputto.\nHāsapañño, ānanda, sāriputto.\nJavanapañño, ānanda, sāriputto.\nTikkhapañño, ānanda, sāriputto.\nNibbedhikapañño, ānanda, sāriputto.\nAppiccho, ānanda, sāriputto.\nSantuṭṭho, ānanda, sāriputto.\nPavivitto, ānanda, sāriputto.\nAsaṁsaṭṭho, ānanda, sāriputto.\nĀraddhavīriyo, ānanda, sāriputto.\nVattā, ānanda, sāriputto.\nVacanakkhamo, ānanda, sāriputto.\nCodako, ānanda, sāriputto.\nPāpagarahī, ānanda, sāriputto.\nKassa hi nāma, ānanda, abālassa aduṭṭhassa amūḷhassa avipallatthacittassa sāriputto na rucceyyā”ti?","en":"“That’s so true, Ānanda! That’s so true!\nWho on earth would not endorse Venerable Sāriputta unless they’re a fool, a hater, delusional, or mentally deranged?”\nAnd the Buddha repeated all of Ānanda’s terms of praise."}},{"id":"sn2.29:4","sourceIds":["sn2.29:4.1"],"kind":"text","text":{"pi":"Atha kho susimo devaputto āyasmato sāriputtassa vaṇṇe bhaññamāne mahatiyā devaputtaparisāya parivuto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ aṭṭhāsi. Ekamantaṁ ṭhito kho susimo devaputto bhagavantaṁ etadavoca:","en":"While this praise of Sāriputta was being spoken, the godling Susīma approached the Buddha, escorted by a large assembly of godlings. He bowed, stood to one side, and said to him:"}},{"id":"sn2.29:5","sourceIds":["sn2.29:5.1","sn2.29:5.2","sn2.29:5.3","sn2.29:5.4","sn2.29:5.5"],"kind":"text","text":{"pi":"“Evametaṁ, bhagavā, evametaṁ, sugata.\nKassa hi nāma, bhante, abālassa aduṭṭhassa amūḷhassa avipallatthacittassa āyasmā sāriputto na rucceyya?\nPaṇḍito, bhante, āyasmā sāriputto.\nMahāpañño, bhante, puthupañño, bhante, hāsapañño, bhante, javanapañño, bhante, tikkhapañño, bhante, nibbedhikapañño, bhante, appiccho, bhante, santuṭṭho, bhante, pavivitto, bhante, asaṁsaṭṭho, bhante, āraddhavīriyo, bhante, vattā, bhante, vacanakkhamo, bhante, codako, bhante, pāpagarahī, bhante, āyasmā sāriputto.\nKassa hi nāma, bhante, abālassa aduṭṭhassa amūḷhassa avipallatthacittassa āyasmā sāriputto na rucceyya?","en":"“That’s so true, Blessed One! That’s so true, Holy One!\nWho on earth would not endorse Venerable Sāriputta unless they’re a fool, a hater, delusional, or mentally deranged?”\nAnd he too repeated all the terms of praise of Sāriputta, adding,"}},{"id":"sn2.29:6","sourceIds":["sn2.29:6.1","sn2.29:6.2","sn2.29:6.3","sn2.29:6.4"],"kind":"text","text":{"pi":"Ahampi hi, bhante, yaññadeva devaputtaparisaṁ upasaṅkamiṁ, etadeva bahulaṁ saddaṁ suṇāmi:\n‘paṇḍito āyasmā sāriputto;\nmahāpañño āyasmā, puthupañño āyasmā, hāsapañño āyasmā, javanapañño āyasmā, tikkhapañño āyasmā, nibbedhikapañño āyasmā, appiccho āyasmā, santuṭṭho āyasmā, pavivitto āyasmā, asaṁsaṭṭho āyasmā, āraddhavīriyo āyasmā, vattā āyasmā, vacanakkhamo āyasmā, codako āyasmā, pāpagarahī āyasmā sāriputto’ti.\nKassa hi nāma, bhante, abālassa aduṭṭhassa amūḷhassa avipallatthacittassa āyasmā sāriputto na rucceyyā”ti?","en":"“For I too, sir, whenever I go to an assembly of godlings, frequently hear the same terms of praise.”"}},{"id":"sn2.29:7","sourceIds":["sn2.29:7.1"],"kind":"text","text":{"pi":"Atha kho susimassa devaputtassa devaputtaparisā āyasmato sāriputtassa vaṇṇe bhaññamāne attamanā pamuditā pītisomanassajātā uccāvacā vaṇṇanibhā upadaṁseti.","en":"While this praise of Sāriputta was being spoken, the godlings of Susīma’s assembly—uplifted and overjoyed, full of rapture and happiness—displayed a rainbow of bright colors."}},{"id":"sn2.29:8","sourceIds":["sn2.29:8.1","sn2.29:8.2"],"kind":"text","text":{"pi":"Seyyathāpi nāma maṇi veḷuriyo subho jātimā aṭṭhaṁso suparikammakato paṇḍukambale nikkhitto bhāsate ca tapate ca virocati ca;\nevamevaṁ susimassa devaputtassa devaputtaparisā āyasmato sāriputtassa vaṇṇe bhaññamāne attamanā pamuditā pītisomanassajātā uccāvacā vaṇṇanibhā upadaṁseti.","en":"Suppose there was a beryl gem that was naturally lustrous, eight-faceted, well-worked. When placed on a cream rug it would sine and glow and dazzle.\nIn the same way, the godlings of Susīma’s assembly displayed a rainbow of bright colors."}},{"id":"sn2.29:9","sourceIds":["sn2.29:9.1","sn2.29:9.2"],"kind":"text","text":{"pi":"Seyyathāpi nāma nikkhaṁ jambonadaṁ dakkhakammāraputtaukkāmukhasukusalasampahaṭṭhaṁ paṇḍukambale nikkhittaṁ bhāsate ca tapate ca virocati ca;\nevamevaṁ susimassa devaputtassa devaputtaparisā āyasmato sāriputtassa vaṇṇe bhaññamāne attamanā pamuditā pītisomanassajātā uccāvacā vaṇṇanibhā upadaṁseti.","en":"Suppose there was a pendant of Black Plum River gold, fashioned by a deft smith, well wrought in the forge. When placed on a cream rug it would shine and glow and dazzle.\nIn the same way, the godlings of Susīma’s assembly displayed a rainbow of bright colors."}},{"id":"sn2.29:10","sourceIds":["sn2.29:10.1","sn2.29:10.2"],"kind":"text","text":{"pi":"Seyyathāpi nāma saradasamaye viddhe vigatavalāhake deve rattiyā paccūsasamayaṁ osadhitārakā bhāsate ca tapate ca virocati ca;\nevamevaṁ susimassa devaputtassa devaputtaparisā āyasmato sāriputtassa vaṇṇe bhaññamāne attamanā pamuditā pītisomanassajātā uccāvacā vaṇṇanibhā upadaṁseti.","en":"Suppose that in the autumn the heavens were clear and cloudless. At the crack of dawn, the morning star shines and glows and dazzles.\nIn the same way, the godlings of Susīma’s assembly displayed a rainbow of bright colors."}},{"id":"sn2.29:11","sourceIds":["sn2.29:11.1","sn2.29:11.2"],"kind":"text","text":{"pi":"Seyyathāpi nāma saradasamaye viddhe vigatavalāhake deve ādicco nabhaṁ abbhussakkamāno sabbaṁ ākāsagataṁ tamagataṁ abhivihacca bhāsate ca tapate ca virocati ca;\nevamevaṁ susimassa devaputtassa devaputtaparisā āyasmato sāriputtassa vaṇṇe bhaññamāne attamanā pamuditā pītisomanassajātā uccāvacā vaṇṇanibhā upadaṁseti.","en":"Suppose that in the autumn the heavens were clear and cloudless. As the sun is rising to the firmament, having dispelled all the darkness of space, shines and glows and dazzles.\nIn the same way, the godlings of Susīma’s assembly displayed a rainbow of bright colors."}},{"id":"sn2.29:12","sourceIds":["sn2.29:12.1"],"kind":"text","text":{"pi":"Atha kho susimo devaputto āyasmantaṁ sāriputtaṁ ārabbha bhagavato santike imaṁ gāthaṁ abhāsi:","en":"Then the godling Susīma spoke this verse about Venerable Sāriputta in the Buddha’s presence:"}},{"id":"sn2.29:13","sourceIds":["sn2.29:13.1","sn2.29:13.2","sn2.29:13.3","sn2.29:13.4"],"kind":"text","text":{"pi":"“Paṇḍitoti samaññāto,\nsāriputto akodhano;\nAppiccho sorato danto,\nsatthuvaṇṇābhato isī”ti.","en":"“He’s considered astute,\nSāriputta, free of anger.\nFew in wishes, gentle, tamed,\nthe seer shines in the Teacher’s praise!”"}},{"id":"sn2.29:14","sourceIds":["sn2.29:14.1"],"kind":"text","text":{"pi":"Atha kho bhagavā āyasmantaṁ sāriputtaṁ ārabbha susimaṁ devaputtaṁ gāthāya paccabhāsi:","en":"Then the Buddha replied to Susīma with this verse about Venerable Sāriputta:"}},{"id":"sn2.29:15","sourceIds":["sn2.29:15.1","sn2.29:15.2","sn2.29:15.3","sn2.29:15.4"],"kind":"text","text":{"pi":"“Paṇḍitoti samaññāto,\nsāriputto akodhano;\nAppiccho sorato danto,\nkālaṁ kaṅkhati sudanto”ti.","en":"“He’s considered astute,\nSāriputta, free of anger.\nFew in wishes, gentle, tamed;\ndeveloped and well-tamed, he awaits his time.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn2.29/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}