{"id":"sn20.10","title":"A Cat","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn20.10","title":"A Cat","units":[{"id":"sn20.10:0","sourceIds":["sn20.10:0.1","sn20.10:0.2","sn20.10:0.3"],"kind":"text","text":{"pi":"Saṁyutta Nikāya 20.10\n1. Opammavagga\nBiḷārasutta","en":"Linked Discourses 20.10\n1. Similes\nA Cat"}},{"id":"sn20.10:1","sourceIds":["sn20.10:1.1","sn20.10:1.2","sn20.10:1.3","sn20.10:1.4","sn20.10:1.5","sn20.10:1.6","sn20.10:1.7","sn20.10:1.8","sn20.10:1.9","sn20.10:1.10"],"kind":"text","text":{"pi":"Sāvatthiyaṁ viharati.\nTena kho pana samayena aññataro bhikkhu ativelaṁ kulesu cārittaṁ āpajjati.\nTamenaṁ bhikkhū evamāhaṁsu:\n“māyasmā ativelaṁ kulesu cārittaṁ āpajjī”ti.\nSo bhikkhu bhikkhūhi vuccamāno na viramati.\nAtha kho sambahulā bhikkhū yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:\n“idha, bhante, aññataro bhikkhu ativelaṁ kulesu cārittaṁ āpajjati.\nTamenaṁ bhikkhū evamāhaṁsu:\n‘māyasmā ativelaṁ kulesu cārittaṁ āpajjī’ti.\nSo bhikkhu bhikkhūhi vuccamāno na viramatī”ti.","en":"At Sāvatthī.\nNow at that time a certain mendicant had relations with families too often.\nThe mendicants said to him,\n“Venerable, don’t have relations with families too often.”\nBut that mendicant, when spoken to by the mendicants, did not stop.\nAnd then several mendicants went up to the Buddha, bowed, sat down to one side, and told him what had happened. The Buddha said:"}},{"id":"sn20.10:2","sourceIds":["sn20.10:2.1","sn20.10:2.2","sn20.10:2.3","sn20.10:2.4","sn20.10:2.5","sn20.10:2.6"],"kind":"text","text":{"pi":"“Bhūtapubbaṁ, bhikkhave, biḷāro sandhisamalasaṅkaṭīre ṭhito ahosi mudumūsiṁ maggayamāno:\n‘yadāyaṁ mudumūsi gocarāya pakkamissati, tattheva naṁ gahetvā khādissāmī’ti.\nAtha kho so, bhikkhave, mudumūsi gocarāya pakkāmi.\nTamenaṁ biḷāro gahetvā sahasā saṅkhāditvā ajjhohari.\nTassa so mudumūsi antampi khādi, antaguṇampi khādi.\nSo tatonidānaṁ maraṇampi nigacchi maraṇamattampi dukkhaṁ.","en":"“Once upon a time, mendicants, a cat was standing by an alley or a drain or a dustbin hunting a little mouse, thinking,\n‘When that little mouse comes out to feed, I’ll catch it right there and eat it!’\nAnd then that little mouse came out to feed.\nThe cat caught it and hastily swallowed it without chewing.\nBut that little mouse ate its intestines and mesentery,\nresulting in death and deadly pain."}},{"id":"sn20.10:3","sourceIds":["sn20.10:3.1","sn20.10:3.2","sn20.10:3.3","sn20.10:3.4","sn20.10:3.5","sn20.10:3.6","sn20.10:3.7","sn20.10:3.8","sn20.10:3.9","sn20.10:3.10","sn20.10:3.11"],"kind":"text","text":{"pi":"Evameva kho, bhikkhave, idhekacco bhikkhu pubbaṇhasamayaṁ nivāsetvā pattacīvaramādāya gāmaṁ vā nigamaṁ vā piṇḍāya pavisati arakkhiteneva kāyena arakkhitāya vācāya arakkhitena cittena, anupaṭṭhitāya satiyā, asaṁvutehi indriyehi.\nSo tattha passati mātugāmaṁ dunnivatthaṁ vā duppārutaṁ vā.\nTassa mātugāmaṁ disvā dunnivatthaṁ vā duppārutaṁ vā rāgo cittaṁ anuddhaṁseti.\nSo rāgānuddhaṁsena cittena maraṇaṁ vā nigacchati maraṇamattaṁ vā dukkhaṁ.\nMaraṇañhetaṁ, bhikkhave, ariyassa vinaye yo sikkhaṁ paccakkhāya hīnāyāvattati.\nMaraṇamattañhetaṁ, bhikkhave, dukkhaṁ yadidaṁ aññataraṁ saṅkiliṭṭhaṁ āpattiṁ āpajjati.\nYathārūpāya āpattiyā vuṭṭhānaṁ paññāyati.\nTasmātiha, bhikkhave, evaṁ sikkhitabbaṁ:\n‘rakkhiteneva kāyena rakkhitāya vācāya rakkhitena cittena, upaṭṭhitāya satiyā, saṁvutehi indriyehi gāmaṁ vā nigamaṁ vā piṇḍāya pavisissāmā’ti.\nEvañhi vo, bhikkhave, sikkhitabban”ti.\nDasamaṁ.","en":"In the same way, take a certain monk who robes up in the morning and, taking his bowl and robe, enters the village or town for alms without guarding body, speech, and mind, without establishing mindfulness, and without restraining the sense faculties.\nThere he sees a lady scantily clad, with revealing clothes.\nLust infects his mind,\nresulting in death or deadly pain.\nFor it is death in the training of the Noble One to resign the training and return to a lesser life.\nAnd it is deadly pain to commit one of the corrupt offenses\nfor which rehabilitation is possible.\nSo you should train like this:\n‘We will enter the village or town for alms guarding body, speech, and mind, establishing mindfulness, and restraining the sense faculties.’\nThat’s how you should train.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn20.10/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}