{"id":"sn20.2","title":"A Fingernail","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn20.2","title":"A Fingernail","units":[{"id":"sn20.2:0","sourceIds":["sn20.2:0.1","sn20.2:0.2","sn20.2:0.3"],"kind":"text","text":{"pi":"Saṁyutta Nikāya 20.2\n1. Opammavagga\nNakhasikhasutta","en":"Linked Discourses 20.2\n1. Similes\nA Fingernail"}},{"id":"sn20.2:1","sourceIds":["sn20.2:1.1","sn20.2:1.2","sn20.2:1.3","sn20.2:1.4","sn20.2:1.5","sn20.2:1.6","sn20.2:1.7","sn20.2:1.8","sn20.2:1.9","sn20.2:1.10","sn20.2:1.11","sn20.2:1.12","sn20.2:1.13"],"kind":"text","text":{"pi":"Sāvatthiyaṁ viharati.\nAtha kho bhagavā parittaṁ nakhasikhāyaṁ paṁsuṁ āropetvā bhikkhū āmantesi:\n“Taṁ kiṁ maññatha, bhikkhave,\nkatamaṁ nu kho bahutaraṁ, yo cāyaṁ mayā paritto nakhasikhāyaṁ paṁsu āropito yā cāyaṁ mahāpathavī”ti?\n“Etadeva, bhante, bahutaraṁ yadidaṁ mahāpathavī.\nAppamattakoyaṁ bhagavatā paritto nakhasikhāyaṁ paṁsu āropito.\nSaṅkhampi na upeti upanidhimpi na upeti kalabhāgampi na upeti mahāpathaviṁ upanidhāya bhagavatā paritto nakhasikhāyaṁ paṁsu āropito”ti.\n“Evameva kho, bhikkhave, appakā te sattā ye manussesu paccājāyanti;\natha kho eteyeva bahutarā sattā ye aññatra manussehi paccājāyanti.\nTasmātiha, bhikkhave, evaṁ sikkhitabbaṁ:\n‘appamattā viharissāmā’ti.\nEvañhi vo, bhikkhave, sikkhitabban”ti.\nDutiyaṁ.","en":"At Sāvatthī.\nThen the Buddha, picking up a little bit of dirt on his fingernail, addressed the mendicants:\n“What do you think, mendicants?\nWhich is more: the little bit of dirt on my fingernail, or this great earth?”\n“Sir, the great earth is far more.\nThe little bit of dirt on your fingernail is tiny.\nCompared to the great earth, it doesn’t count, there’s no comparison, it’s not worth a fraction.”\n“In the same way the sentient beings reborn as humans are few,\nwhile those not reborn as humans are many.\nSo you should train like this:\n‘We will stay diligent.’\nThat’s how you should train.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn20.2/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}