{"id":"sn20.6","title":"The Archers","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn20.6","title":"The Archers","units":[{"id":"sn20.6:0","sourceIds":["sn20.6:0.1","sn20.6:0.2","sn20.6:0.3"],"kind":"text","text":{"pi":"Saṁyutta Nikāya 20.6\n1. Opammavagga\nDhanuggahasutta","en":"Linked Discourses 20.6\n1. Similes\nThe Archers"}},{"id":"sn20.6:1","sourceIds":["sn20.6:1.1","sn20.6:1.2","sn20.6:1.3","sn20.6:1.4","sn20.6:1.5","sn20.6:1.6"],"kind":"text","text":{"pi":"Sāvatthiyaṁ viharati.\n“Seyyathāpi, bhikkhave, cattāro daḷhadhammā dhanuggahā susikkhitā katahatthā katūpāsanā catuddisā ṭhitā assu.\nAtha puriso āgaccheyya:\n‘ahaṁ imesaṁ catunnaṁ daḷhadhammānaṁ dhanuggahānaṁ susikkhitānaṁ katahatthānaṁ katūpāsanānaṁ catuddisā kaṇḍe khitte appatiṭṭhite pathaviyaṁ gahetvā āharissāmī’ti.\nTaṁ kiṁ maññatha, bhikkhave,\n‘javano puriso paramena javena samannāgato’ti alaṁvacanāyā”ti?","en":"At Sāvatthī.\n“Mendicants, suppose there were four well-trained expert archers with strong bows standing in the four quarters.\nAnd a man came along and thought,\n‘When these four well-trained expert archers shoot arrows in four quarters, I’ll catch them before they reach the ground, and then I’ll bring them back.’\nWhat do you think, mendicants?\nAre they qualified to be called ‘a speedster endowed with super-speed’?”"}},{"id":"sn20.6:2","sourceIds":["sn20.6:2.1","sn20.6:2.2"],"kind":"text","text":{"pi":"“Ekassa cepi, bhante, daḷhadhammassa dhanuggahassa susikkhitassa katahatthassa katūpāsanassa kaṇḍaṁ khittaṁ appatiṭṭhitaṁ pathaviyaṁ gahetvā āhareyya:\n‘javano puriso paramena javena samannāgato’ti alaṁvacanāya, ko pana vādo catunnaṁ daḷhadhammānaṁ dhanuggahānaṁ susikkhitānaṁ katahatthānaṁ katūpāsanānan”ti?","en":"“If he could catch an arrow shot by just one well-trained expert archer before it reaches the ground and bring it back,\nhe’d be qualified to be called ‘a speedster endowed with super-speed’. How much more so arrows shot by four archers!”"}},{"id":"sn20.6:3","sourceIds":["sn20.6:3.1","sn20.6:3.2","sn20.6:3.3","sn20.6:3.4","sn20.6:3.5","sn20.6:3.6"],"kind":"text","text":{"pi":"“Yathā ca, bhikkhave, tassa purisassa javo, yathā ca candimasūriyānaṁ javo, tato sīghataro.\nYathā ca, bhikkhave, tassa purisassa javo yathā ca candimasūriyānaṁ javo yathā ca yā devatā candimasūriyānaṁ purato dhāvanti tāsaṁ devatānaṁ javo, (…) tato sīghataraṁ āyusaṅkhārā khīyanti.\nTasmātiha, bhikkhave, evaṁ sikkhitabbaṁ:\n‘appamattā viharissāmā’ti.\nEvañhi vo, bhikkhave, sikkhitabban”ti.\nChaṭṭhaṁ.","en":"“As fast as that man is, the sun and moon are faster.\nAs fast as that man is, as fast as the sun and moon are, and as fast as the deities that run before the sun and moon are, the waning of the life forces is faster.\nSo you should train like this:\n‘We will stay diligent.’\nThat’s how you should train.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn20.6/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}