{"id":"sn21.1","title":"With Kolita","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn21.1","title":"With Kolita","units":[{"id":"sn21.1:0","sourceIds":["sn21.1:0.1","sn21.1:0.2","sn21.1:0.3"],"kind":"text","text":{"pi":"Saṁyutta Nikāya 21.1\n1. Bhikkhuvagga\nKolitasutta","en":"Linked Discourses 21.1\n1. Monks\nWith Kolita"}},{"id":"sn21.1:1","sourceIds":["sn21.1:1.1","sn21.1:1.2","sn21.1:1.3","sn21.1:1.4","sn21.1:1.5"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTatra kho āyasmā mahāmoggallāno bhikkhū āmantesi:\n“āvuso bhikkhave”ti.\n“Āvuso”ti kho te bhikkhū āyasmato mahāmoggallānassa paccassosuṁ.","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nThere Venerable Mahāmoggallāna addressed the mendicants:\n“Reverends, mendicants!”\n“Reverend,” they replied."}},{"id":"sn21.1:2","sourceIds":["sn21.1:2.1","sn21.1:2.2","sn21.1:2.3","sn21.1:2.4","sn21.1:2.5","sn21.1:2.6","sn21.1:2.7","sn21.1:2.8","sn21.1:2.9"],"kind":"text","text":{"pi":"Āyasmā mahāmoggallāno etadavoca:\n“idha mayhaṁ, āvuso, rahogatassa paṭisallīnassa evaṁ cetaso parivitakko udapādi:\n‘ariyo tuṇhībhāvo, ariyo tuṇhībhāvoti vuccati.\nKatamo nu kho ariyo tuṇhībhāvo’ti?\nTassa mayhaṁ āvuso, etadahosi:\n‘idha bhikkhu vitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja viharati.\nAyaṁ vuccati ariyo tuṇhībhāvo’ti.\nSo khvāhaṁ, āvuso, vitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja vihariṁ.\nTassa mayhaṁ, āvuso, iminā vihārena viharato vitakkasahagatā saññāmanasikārā samudācaranti.","en":"Venerable Mahāmoggallāna said this:\n“Just now, reverends, as I was in private retreat this thought came to mind:\n‘They speak of this thing called “noble silence”.\nWhat then is this noble silence?’\nIt occurred to me:\n‘As the placing of the mind and keeping it connected are stilled, a mendicant enters and remains in the second absorption, which has the rapture and bliss born of immersion, with internal clarity and mind at one, without placing the mind and keeping it connected.\nThis is called noble silence.’\nAnd so, as the placing of the mind and keeping it connected were stilled, I was entering and remaining in the second absorption, which has the rapture and bliss born of immersion, with internal clarity and mind at one, without placing the mind and keeping it connected.\nWhile I was in that meditation, perception and focus accompanied by placing the mind beset me."}},{"id":"sn21.1:3","sourceIds":["sn21.1:3.1","sn21.1:3.2","sn21.1:3.3","sn21.1:3.4","sn21.1:3.5","sn21.1:3.6","sn21.1:3.7"],"kind":"text","text":{"pi":"Atha kho maṁ, āvuso, bhagavā iddhiyā upasaṅkamitvā etadavoca:\n‘moggallāna moggallāna, mā, brāhmaṇa, ariyaṁ tuṇhībhāvaṁ pamādo, ariye tuṇhībhāve cittaṁ saṇṭhapehi, ariye tuṇhībhāve cittaṁ ekodibhāvaṁ karohi, ariye tuṇhībhāve cittaṁ samādahā’ti.\nSo khvāhaṁ, āvuso, aparena samayena vitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja viharāmi.\nYañhi taṁ, āvuso, sammā vadamāno vadeyya:\n‘satthārā anuggahito sāvako mahābhiññataṁ patto’ti, mamaṁ taṁ sammā vadamāno vadeyya:\n‘satthārā anuggahito sāvako mahābhiññataṁ patto’”ti.\nPaṭhamaṁ.","en":"Then the Buddha came up to me with his psychic power and said,\n‘Moggallāna, Moggallāna! Don’t neglect noble silence, brahmin! Settle your mind in noble silence; unify your mind and bring it to immersion in noble silence.’\nAnd so, after some time, as the placing of the mind and keeping it connected were stilled, I entered and remained in the second absorption …\nSo if anyone should be rightly called\na disciple who attained to great direct knowledge with help from the Teacher, it’s me.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn21.1/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}