{"id":"sn21.10","title":"Senior In Name Only","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn21.10","title":"Senior In Name Only","units":[{"id":"sn21.10:0","sourceIds":["sn21.10:0.1","sn21.10:0.2","sn21.10:0.3"],"kind":"text","text":{"pi":"Saṁyutta Nikāya 21.10\n1. Bhikkhuvagga\nTheranāmakasutta","en":"Linked Discourses 21.10\n1. Monks\nSenior In Name Only"}},{"id":"sn21.10:1","sourceIds":["sn21.10:1.1","sn21.10:1.2","sn21.10:1.3","sn21.10:1.4","sn21.10:1.5"],"kind":"text","text":{"pi":"Ekaṁ samayaṁ bhagavā rājagahe viharati veḷuvane kalandakanivāpe.\nTena kho pana samayena aññataro bhikkhu theranāmako ekavihārī ceva hoti ekavihārassa ca vaṇṇavādī.\nSo eko gāmaṁ piṇḍāya pavisati eko paṭikkamati eko raho nisīdati eko caṅkamaṁ adhiṭṭhāti.\nAtha kho sambahulā bhikkhū yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:\n“idha, bhante, aññataro bhikkhu theranāmako ekavihārī ekavihārassa ca vaṇṇavādī”ti.","en":"At one time the Buddha was staying near Rājagaha in the Bamboo Grove, the squirrels’ feeding ground.\nNow at that time there was a certain mendicant who was Senior in name only. He lived alone and praised living alone.\nHe entered the village for alms alone, returned alone, sat in private alone, and focussed on walking mindfully alone.\nThen several mendicants went up to the Buddha, bowed, sat down to one side, and said to him,\n“Sir, there’s a certain mendicant who is Senior in name only. He lives alone and praises living alone.”"}},{"id":"sn21.10:2","sourceIds":["sn21.10:2.1","sn21.10:2.2","sn21.10:2.3","sn21.10:2.4","sn21.10:2.5","sn21.10:2.6","sn21.10:2.7","sn21.10:2.8","sn21.10:2.9","sn21.10:2.10","sn21.10:2.11"],"kind":"text","text":{"pi":"Atha kho bhagavā aññataraṁ bhikkhuṁ āmantesi:\n“ehi tvaṁ, bhikkhu, mama vacanena theraṁ bhikkhuṁ āmantehi:\n‘satthā taṁ, āvuso thera, āmantetī’”ti.\n“Evaṁ, bhante”ti kho so bhikkhu bhagavato paṭissutvā yenāyasmā thero tenupasaṅkami; upasaṅkamitvā āyasmantaṁ theraṁ etadavoca:\n“satthā taṁ, āvuso thera, āmantetī”ti.\n“Evamāvuso”ti kho āyasmā thero tassa bhikkhuno paṭissutvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho āyasmantaṁ theraṁ bhagavā etadavoca:\n“saccaṁ kira tvaṁ, thera, ekavihārī ekavihārassa ca vaṇṇavādī”ti?\n“Evaṁ, bhante”.\n“Yathā kathaṁ pana tvaṁ, thera, ekavihārī ekavihārassa ca vaṇṇavādī”ti?\n“Idhāhaṁ, bhante, eko gāmaṁ piṇḍāya pavisāmi eko paṭikkamāmi eko raho nisīdāmi eko caṅkamaṁ adhiṭṭhāmi.\nEvaṁ khvāhaṁ, bhante, ekavihārī ekavihārassa ca vaṇṇavādī”ti.","en":"So the Buddha addressed one of the monks,\n“Please, monk, in my name tell the mendicant Senior that\nthe Teacher summons him.”\n“Yes, sir,” that monk replied. He went to Venerable Senior and said to him,\n“Reverend Senior, the Teacher summons you.”\n“Yes, reverend,” that monk replied. He went to the Buddha, bowed, and sat down to one side. The Buddha said to him:\n“Is it really true, Senior, that you live alone and praise living alone?”\n“Yes, sir.”\n“But in what way do you live alone and praise living alone?”\n“Well, sir, I enter the village for alms alone, return alone, sit in private alone, and focus on walking mindfully alone.\nThat’s how I live alone and praise living alone.”"}},{"id":"sn21.10:3","sourceIds":["sn21.10:3.1","sn21.10:3.2","sn21.10:3.3","sn21.10:3.4","sn21.10:3.5","sn21.10:3.6","sn21.10:3.7"],"kind":"text","text":{"pi":"“Attheso, thera, ekavihāro neso natthīti vadāmi.\nApi ca, thera, yathā ekavihāro vitthārena paripuṇṇo hoti\ntaṁ suṇāhi, sādhukaṁ manasi karohi; bhāsissāmī”ti.\n“Evaṁ, bhante”ti kho …pe….\n“Kathañca, thera, ekavihāro vitthārena paripuṇṇo hoti.\nIdha, thera, yaṁ atītaṁ taṁ pahīnaṁ, yaṁ anāgataṁ taṁ paṭinissaṭṭhaṁ, paccuppannesu ca attabhāvapaṭilābhesu chandarāgo suppaṭivinīto.\nEvaṁ kho, thera, ekavihāro vitthārena paripuṇṇo hotī”ti.","en":"“That is a kind of living alone, I don’t deny it.\nBut as to how living alone is fulfilled in detail,\nlisten and apply your mind well, I will speak.”\n“Yes, sir,” he replied.\n“And how, Senior, is living alone fulfilled in detail?\nIt’s when what’s in the past is given up, what’s in the future is relinquished, and desire and greed for present incarnations is eliminated.\nThat’s how living alone is fulfilled in detail.”"}},{"id":"sn21.10:4","sourceIds":["sn21.10:4.1","sn21.10:4.2"],"kind":"text","text":{"pi":"Idamavoca bhagavā.\nIdaṁ vatvāna sugato athāparaṁ etadavoca satthā:","en":"That is what the Buddha said.\nThen the Holy One, the Teacher, went on to say:"}},{"id":"sn21.10:5","sourceIds":["sn21.10:5.1","sn21.10:5.2","sn21.10:5.3","sn21.10:5.4","sn21.10:5.5"],"kind":"text","text":{"pi":"“Sabbābhibhuṁ sabbaviduṁ sumedhaṁ,\nSabbesu dhammesu anūpalittaṁ;\nSabbañjahaṁ taṇhākkhaye vimuttaṁ,\nTamahaṁ naraṁ ekavihārīti brūmī”ti.\nDasamaṁ.","en":"“The vanquisher of all, knower of all, so very intelligent,\nis unsullied in the midst of all things.\nHe’s given up all, freed in the ending of craving:\nI declare that man to be one who lives alone.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn21.10/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}