{"id":"sn22.1","title":"Nakula’s Father","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn22.1","title":"Nakula’s Father","units":[{"id":"sn22.1:0","sourceIds":["sn22.1:0.1","sn22.1:0.2","sn22.1:0.3"],"kind":"text","text":{"pi":"Saṁyutta Nikāya 22.1\n1. Nakulapituvagga\nNakulapitusutta","en":"Linked Discourses 22.1\n1. Nakula’s Father\nNakula’s Father"}},{"id":"sn22.1:1","sourceIds":["sn22.1:1.1","sn22.1:1.2","sn22.1:1.3"],"kind":"text","text":{"pi":"Evaṁ me sutaṁ—\nekaṁ samayaṁ bhagavā bhaggesu viharati susumāragire bhesakaḷāvane migadāye.\nAtha kho nakulapitā gahapati yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho nakulapitā gahapati bhagavantaṁ etadavoca:","en":"So I have heard.\nAt one time the Buddha was staying in the land of the Bhaggas at Crocodile’s Bellow, in the deer park at Bhesakaḷā’s Wood.\nThen the householder Nakula’s father went up to the Buddha, bowed, sat down to one side, and said to him:"}},{"id":"sn22.1:2","sourceIds":["sn22.1:2.1","sn22.1:2.2","sn22.1:2.3","sn22.1:2.4","sn22.1:2.5"],"kind":"text","text":{"pi":"“Ahamasmi, bhante, jiṇṇo vuḍḍho mahallako addhagato vayoanuppatto āturakāyo abhikkhaṇātaṅko.\nAniccadassāvī kho panāhaṁ, bhante, bhagavato manobhāvanīyānañca bhikkhūnaṁ.\nOvadatu maṁ, bhante, bhagavā;\nanusāsatu maṁ, bhante, bhagavā;\nyaṁ mamassa dīgharattaṁ hitāya sukhāyā”ti.","en":"“Sir, I’m an old man, elderly and senior. I’m advanced in years and have reached the final stage of life. My body is ailing and I’m constantly unwell.\nI hardly ever get to see the esteemed mendicants.\nMay the Buddha please advise me\nand instruct me.\nIt will be for my lasting welfare and happiness.”"}},{"id":"sn22.1:3","sourceIds":["sn22.1:3.1","sn22.1:3.2","sn22.1:3.3","sn22.1:3.4","sn22.1:3.5","sn22.1:3.6"],"kind":"text","text":{"pi":"“Evametaṁ, gahapati, evametaṁ, gahapati.\nĀturo hāyaṁ, gahapati, kāyo aṇḍabhūto pariyonaddho.\nYo hi, gahapati, imaṁ kāyaṁ pariharanto muhuttampi ārogyaṁ paṭijāneyya, kimaññatra bālyā?\nTasmātiha te, gahapati, evaṁ sikkhitabbaṁ:\n‘āturakāyassa me sato cittaṁ anāturaṁ bhavissatī’ti.\nEvañhi te, gahapati, sikkhitabban”ti.","en":"“That’s so true, householder! That’s so true, householder!\nFor this body is ailing, swaddled in its shell.\nIf anyone dragging around this body claimed to be healthy even for an hour, what is that but foolishness?\nSo you should train like this:\n‘Though my body is ailing, my mind will be healthy.’\nThat’s how you should train.”"}},{"id":"sn22.1:4","sourceIds":["sn22.1:4.1","sn22.1:4.2","sn22.1:4.3","sn22.1:4.4"],"kind":"text","text":{"pi":"Atha kho nakulapitā gahapati bhagavato bhāsitaṁ abhinanditvā anumoditvā uṭṭhāyāsanā bhagavantaṁ abhivādetvā padakkhiṇaṁ katvā yenāyasmā sāriputto tenupasaṅkami; upasaṅkamitvā āyasmantaṁ sāriputtaṁ abhivādetvā ekamantaṁ nisīdi. Ekamantaṁ nisinnaṁ kho nakulapitaraṁ gahapatiṁ āyasmā sāriputto etadavoca:\n“vippasannāni kho te, gahapati, indriyāni;\nparisuddho mukhavaṇṇo pariyodāto.\nAlattha no ajja bhagavato sammukhā dhammiṁ kathaṁ savanāyā”ti?","en":"And then the householder Nakula’s father approved and agreed with what the Buddha said. He got up from his seat, bowed and respectfully circled the Buddha, keeping him on his right. Then he went up to Venerable Sāriputta, bowed, and sat down to one side. Sāriputta said to him:\n“Householder, your faculties are so very clear,\nand your complexion is pure and bright.\nDid you get to hear a Dhamma talk in the Buddha’s presence today?”"}},{"id":"sn22.1:5","sourceIds":["sn22.1:5.1","sn22.1:5.2","sn22.1:5.3","sn22.1:5.4","sn22.1:5.5","sn22.1:5.6","sn22.1:5.7","sn22.1:5.8","sn22.1:5.9"],"kind":"text","text":{"pi":"“Kathañhi no siyā, bhante.\nIdānāhaṁ, bhante, bhagavatā dhammiyā kathāya amatena abhisitto”ti.\n“Yathā kathaṁ pana tvaṁ, gahapati, bhagavatā dhammiyā kathāya amatena abhisitto”ti?\n“Idhāhaṁ, bhante, yena bhagavā tenupasaṅkamiṁ; upasaṅkamitvā bhagavantaṁ abhivādetvā ekamantaṁ nisīdiṁ. Ekamantaṁ nisinno khvāhaṁ, bhante, bhagavantaṁ etadavocaṁ:\n‘ahamasmi, bhante, jiṇṇo vuḍḍho mahallako addhagato vayoanuppatto āturakāyo abhikkhaṇātaṅko.\nAniccadassāvī kho panāhaṁ, bhante, bhagavato manobhāvanīyānañca bhikkhūnaṁ.\nOvadatu maṁ, bhante, bhagavā;\nanusāsatu maṁ, bhante, bhagavā;\nyaṁ mamassa dīgharattaṁ hitāya sukhāyā’ti.","en":"“What else, sir, could it be?\nJust now the Buddha anointed me with the deathless ambrosia of a Dhamma talk.”\n“But with what kind of ambrosial Dhamma talk did the Buddha anoint you?”\nSo Nakula’s father told Sāriputta all that had happened, and said,"}},{"id":"sn22.1:6","sourceIds":["sn22.1:6.1","sn22.1:6.2","sn22.1:6.3","sn22.1:6.4","sn22.1:6.5","sn22.1:6.6","sn22.1:6.7","sn22.1:6.8"],"kind":"text","text":{"pi":"Evaṁ vutte, maṁ, bhante, bhagavā etadavoca:\n‘evametaṁ, gahapati, evametaṁ, gahapati.\nĀturo hāyaṁ, gahapati, kāyo aṇḍabhūto pariyonaddho.\nYo hi, gahapati, imaṁ kāyaṁ pariharanto muhuttampi ārogyaṁ paṭijāneyya, kimaññatra bālyā?\nTasmātiha te, gahapati, evaṁ sikkhitabbaṁ—\nāturakāyassa me sato cittaṁ anāturaṁ bhavissatīti.\nEvañhi te, gahapati, sikkhitabban’ti.\nEvaṁ khvāhaṁ, bhante, bhagavatā dhammiyā kathāya amatena abhisitto”ti.","en":"“That’s the ambrosial Dhamma talk with which I was anointed by the Buddha.”"}},{"id":"sn22.1:7","sourceIds":["sn22.1:7.1","sn22.1:7.2","sn22.1:7.3","sn22.1:7.4"],"kind":"text","text":{"pi":"“Na hi pana taṁ, gahapati, paṭibhāsi bhagavantaṁ uttariṁ paṭipucchituṁ:\n‘kittāvatā nu kho, bhante, āturakāyo ceva hoti āturacitto ca, kittāvatā ca pana āturakāyo hi kho hoti no ca āturacitto’”ti?\n“Dūratopi kho mayaṁ, bhante, āgaccheyyāma āyasmato sāriputtassa santike etassa bhāsitassa atthamaññātuṁ.\nSādhu vatāyasmantaṁyeva sāriputtaṁ paṭibhātu etassa bhāsitassa attho”ti.","en":"“But didn’t you feel the need to ask the Buddha the further question:\n‘Sir, how do you define someone ailing in body and ailing in mind, and someone ailing in body and healthy in mind’?”\n“Sir, we would travel a long way to learn the meaning of this statement in the presence of Venerable Sāriputta.\nMay Venerable Sāriputta himself please clarify the meaning of this.”"}},{"id":"sn22.1:8","sourceIds":["sn22.1:8.1","sn22.1:8.2","sn22.1:8.3"],"kind":"text","text":{"pi":"“Tena hi, gahapati, suṇāhi, sādhukaṁ manasi karohi; bhāsissāmī”ti.\n“Evaṁ, bhante”ti kho nakulapitā gahapati āyasmato sāriputtassa paccassosi.\nĀyasmā sāriputto etadavoca:","en":"“Well then, householder, listen and apply your mind well, I will speak.”\n“Yes, sir,” replied Nakula’s father.\nSāriputta said this:"}},{"id":"sn22.1:9","sourceIds":["sn22.1:9.1","sn22.1:9.2","sn22.1:9.3","sn22.1:9.4","sn22.1:9.5","sn22.1:9.6"],"kind":"text","text":{"pi":"“Kathañca, gahapati, āturakāyo ceva hoti, āturacitto ca?\nIdha, gahapati, assutavā puthujjano ariyānaṁ adassāvī ariyadhammassa akovido ariyadhamme avinīto sappurisānaṁ adassāvī sappurisadhammassa akovido sappurisadhamme avinīto\nrūpaṁ attato samanupassati, rūpavantaṁ vā attānaṁ; attani vā rūpaṁ, rūpasmiṁ vā attānaṁ.\n‘Ahaṁ rūpaṁ, mama rūpan’ti pariyuṭṭhaṭṭhāyī hoti.\nTassa ‘ahaṁ rūpaṁ, mama rūpan’ti pariyuṭṭhaṭṭhāyino taṁ rūpaṁ vipariṇamati aññathā hoti.\nTassa rūpavipariṇāmaññathābhāvā uppajjanti sokaparidevadukkhadomanassupāyāsā.","en":"“And how is one ailing in body and ailing in mind?\nIt’s when an unlearned ordinary person has not seen the noble ones, and is neither skilled nor trained in the qualities of a noble one. They’ve not seen true persons, and are neither skilled nor trained in the qualities of a true person.\nThey regard form as self, self as having form, form in self, or self in form.\nThey’re obsessed with the thought: ‘I am form, form is mine!’\nBut that form of theirs decays and perishes,\nwhich gives rise to sorrow, lamentation, pain, sadness, and distress."}},{"id":"sn22.1:10","sourceIds":["sn22.1:10.1","sn22.1:10.2","sn22.1:10.3","sn22.1:10.4"],"kind":"text","text":{"pi":"Vedanaṁ attato samanupassati, vedanāvantaṁ vā attānaṁ; attani vā vedanaṁ, vedanāya vā attānaṁ.\n‘Ahaṁ vedanā, mama vedanā’ti pariyuṭṭhaṭṭhāyī hoti.\nTassa ‘ahaṁ vedanā, mama vedanā’ti pariyuṭṭhaṭṭhāyino, sā vedanā vipariṇamati aññathā hoti.\nTassa vedanāvipariṇāmaññathābhāvā uppajjanti sokaparidevadukkhadomanassupāyāsā.","en":"They regard feeling as self, self as having feeling, feeling in self, or self in feeling.\nThey’re obsessed with the thought: ‘I am feeling, feeling is mine!’\nBut that feeling of theirs decays and perishes,\nwhich gives rise to sorrow, lamentation, pain, sadness, and distress."}},{"id":"sn22.1:11","sourceIds":["sn22.1:11.1","sn22.1:11.2","sn22.1:11.3","sn22.1:11.4"],"kind":"text","text":{"pi":"Saññaṁ attato samanupassati, saññāvantaṁ vā attānaṁ; attani vā saññaṁ, saññāya vā attānaṁ.\n‘Ahaṁ saññā, mama saññā’ti pariyuṭṭhaṭṭhāyī hoti.\nTassa ‘ahaṁ saññā, mama saññā’ti pariyuṭṭhaṭṭhāyino, sā saññā vipariṇamati aññathā hoti.\nTassa saññāvipariṇāmaññathābhāvā uppajjanti sokaparidevadukkhadomanassupāyāsā.","en":"They regard perception as self, self as having perception, perception in self, or self in perception.\nThey’re obsessed with the thought: ‘I am perception, perception is mine!’\nBut that perception of theirs decays and perishes,\nwhich gives rise to sorrow, lamentation, pain, sadness, and distress."}},{"id":"sn22.1:12","sourceIds":["sn22.1:12.1","sn22.1:12.2","sn22.1:12.3","sn22.1:12.4"],"kind":"text","text":{"pi":"Saṅkhāre attato samanupassati, saṅkhāravantaṁ vā attānaṁ; attani vā saṅkhāre, saṅkhāresu vā attānaṁ.\n‘Ahaṁ saṅkhārā, mama saṅkhārā’ti pariyuṭṭhaṭṭhāyī hoti.\nTassa ‘ahaṁ saṅkhārā, mama saṅkhārā’ti pariyuṭṭhaṭṭhāyino, te saṅkhārā vipariṇamanti aññathā honti.\nTassa saṅkhāravipariṇāmaññathābhāvā uppajjanti sokaparidevadukkhadomanassupāyāsā.","en":"They regard choices as self, self as having choices, choices in self, or self in choices.\nThey’re obsessed with the thought: ‘I am choices, choices are mine!’\nBut those choices of theirs decay and perish,\nwhich gives rise to sorrow, lamentation, pain, sadness, and distress."}},{"id":"sn22.1:13","sourceIds":["sn22.1:13.1","sn22.1:13.2","sn22.1:13.3","sn22.1:13.4","sn22.1:13.5"],"kind":"text","text":{"pi":"Viññāṇaṁ attato samanupassati, viññāṇavantaṁ vā attānaṁ; attani vā viññāṇaṁ, viññāṇasmiṁ vā attānaṁ.\n‘Ahaṁ viññāṇaṁ, mama viññāṇan’ti pariyuṭṭhaṭṭhāyī hoti.\nTassa ‘ahaṁ viññāṇaṁ, mama viññāṇan’ti pariyuṭṭhaṭṭhāyino, taṁ viññāṇaṁ vipariṇamati aññathā hoti.\nTassa viññāṇavipariṇāmaññathābhāvā uppajjanti sokaparidevadukkhadomanassupāyāsā.\nEvaṁ kho, gahapati, āturakāyo ceva hoti āturacitto ca.","en":"They regard consciousness as self, self as having consciousness, consciousness in self, or self in consciousness.\nThey’re obsessed with the thought: ‘I am consciousness, consciousness is mine!’\nBut that consciousness of theirs decays and perishes,\nwhich gives rise to sorrow, lamentation, pain, sadness, and distress.\nThat’s how one is ailing in body and ailing in mind."}},{"id":"sn22.1:14","sourceIds":["sn22.1:14.1","sn22.1:14.2","sn22.1:14.3","sn22.1:14.4","sn22.1:14.5","sn22.1:14.6"],"kind":"text","text":{"pi":"Kathañca, gahapati, āturakāyo hi kho hoti no ca āturacitto?\nIdha, gahapati, sutavā ariyasāvako ariyānaṁ dassāvī ariyadhammassa kovido ariyadhamme suvinīto sappurisānaṁ dassāvī sappurisadhammassa kovido sappurisadhamme suvinīto\nna rūpaṁ attato samanupassati, na rūpavantaṁ vā attānaṁ; na attani vā rūpaṁ, na rūpasmiṁ vā attānaṁ.\n‘Ahaṁ rūpaṁ, mama rūpan’ti na pariyuṭṭhaṭṭhāyī hoti.\nTassa ‘ahaṁ rūpaṁ, mama rūpan’ti apariyuṭṭhaṭṭhāyino, taṁ rūpaṁ vipariṇamati aññathā hoti.\nTassa rūpavipariṇāmaññathābhāvā nuppajjanti sokaparidevadukkhadomanassupāyāsā.","en":"And how is one ailing in body and healthy in mind?\nIt’s when a learned noble disciple has seen the noble ones, and is skilled and trained in the teaching of the noble ones. They’ve seen true persons, and are skilled and trained in the teaching of the true persons.\nThey don’t regard form as self, self as having form, form in self, or self in form.\nThey’re not obsessed with the thought: ‘I am form, form is mine!’\nSo when that form of theirs decays and perishes,\nit doesn’t give rise to sorrow, lamentation, pain, sadness, and distress."}},{"id":"sn22.1:15","sourceIds":["sn22.1:15.1","sn22.1:15.2","sn22.1:15.3","sn22.1:15.4"],"kind":"text","text":{"pi":"Na vedanaṁ attato samanupassati, na vedanāvantaṁ vā attānaṁ; na attani vā vedanaṁ, na vedanāya vā attānaṁ.\n‘Ahaṁ vedanā, mama vedanā’ti na pariyuṭṭhaṭṭhāyī hoti.\nTassa ‘ahaṁ vedanā, mama vedanā’ti apariyuṭṭhaṭṭhāyino, sā vedanā vipariṇamati aññathā hoti.\nTassa vedanāvipariṇāmaññathābhāvā nuppajjanti sokaparidevadukkhadomanassupāyāsā.","en":"They don’t regard feeling as self, self as having feeling, feeling in self, or self in feeling.\nThey’re not obsessed with the thought: ‘I am feeling, feeling is mine!’\nSo when that feeling of theirs decays and perishes,\nit doesn’t give rise to sorrow, lamentation, pain, sadness, and distress."}},{"id":"sn22.1:16","sourceIds":["sn22.1:16.1","sn22.1:16.2","sn22.1:16.3","sn22.1:16.4"],"kind":"text","text":{"pi":"Na saññaṁ attato samanupassati, na saññāvantaṁ vā attānaṁ; na attani vā saññaṁ, na saññāya vā attānaṁ.\n‘Ahaṁ saññā, mama saññā’ti na pariyuṭṭhaṭṭhāyī hoti.\nTassa ‘ahaṁ saññā, mama saññā’ti apariyuṭṭhaṭṭhāyino, sā saññā vipariṇamati aññathā hoti.\nTassa saññāvipariṇāmaññathābhāvā nuppajjanti sokaparidevadukkhadomanassupāyāsā.","en":"They don’t regard perception as self, self as having perception, perception in self, or self in perception.\nThey’re not obsessed with the thought: ‘I am perception, perception is mine!’\nSo when that perception of theirs decays and perishes,\nit doesn’t give rise to sorrow, lamentation, pain, sadness, and distress."}},{"id":"sn22.1:17","sourceIds":["sn22.1:17.1","sn22.1:17.2","sn22.1:17.3","sn22.1:17.4"],"kind":"text","text":{"pi":"Na saṅkhāre attato samanupassati, na saṅkhāravantaṁ vā attānaṁ; na attani vā saṅkhāre, na saṅkhāresu vā attānaṁ.\n‘Ahaṁ saṅkhārā, mama saṅkhārā’ti na pariyuṭṭhaṭṭhāyī hoti.\nTassa ‘ahaṁ saṅkhārā, mama saṅkhārā’ti apariyuṭṭhaṭṭhāyino, te saṅkhārā vipariṇamanti aññathā honti.\nTassa saṅkhāravipariṇāmaññathābhāvā nuppajjanti sokaparidevadukkhadomanassupāyāsā.","en":"They don’t regard choices as self, self as having choices, choices in self, or self in choices.\nThey’re not obsessed with the thought: ‘I am choices, choices are mine!’\nSo when those choices of theirs decay and perish,\nit doesn’t give rise to sorrow, lamentation, pain, sadness, and distress."}},{"id":"sn22.1:18","sourceIds":["sn22.1:18.1","sn22.1:18.2","sn22.1:18.3","sn22.1:18.4","sn22.1:18.5"],"kind":"text","text":{"pi":"Na viññāṇaṁ attato samanupassati, na viññāṇavantaṁ vā attānaṁ; na attani vā viññāṇaṁ, na viññāṇasmiṁ vā attānaṁ.\n‘Ahaṁ viññāṇaṁ, mama viññāṇan’ti na pariyuṭṭhaṭṭhāyī hoti.\nTassa ‘ahaṁ viññāṇaṁ, mama viññāṇan’ti apariyuṭṭhaṭṭhāyino, taṁ viññāṇaṁ vipariṇamati aññathā hoti.\nTassa viññāṇavipariṇāmaññathābhāvā nuppajjanti sokaparidevadukkhadomanassupāyāsā.\nEvaṁ kho, gahapati, āturakāyo hoti no ca āturacitto”ti.","en":"They don’t regard consciousness as self, self as having consciousness, consciousness in self, or self in consciousness.\nThey’re not obsessed with the thought: ‘I am consciousness, consciousness is mine!’\nSo when that consciousness of theirs decays and perishes,\nit doesn’t give rise to sorrow, lamentation, pain, sadness, and distress.\nThat’s how an individual is ailing in body and healthy in mind.”"}},{"id":"sn22.1:19","sourceIds":["sn22.1:19.1","sn22.1:19.2","sn22.1:19.3"],"kind":"text","text":{"pi":"Idamavoca āyasmā sāriputto.\nAttamano nakulapitā gahapati āyasmato sāriputtassa bhāsitaṁ abhinandīti.\nPaṭhamaṁ.","en":"That is what Venerable Sāriputta said.\nSatisfied, Nakula’s father approved what Sāriputta said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn22.1/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}