{"id":"sn22.101","title":"The Adze","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn22.101","title":"The Adze","units":[{"id":"sn22.101:0","sourceIds":["sn22.101:0.1","sn22.101:0.2","sn22.101:0.3"],"kind":"text","text":{"pi":"Saṁyutta Nikāya 22.101\n10. Pupphavagga\nVāsijaṭasutta","en":"Linked Discourses 22.101\n10. Flowers\nThe Adze"}},{"id":"sn22.101:1","sourceIds":["sn22.101:1.1","sn22.101:1.2","sn22.101:1.3","sn22.101:1.4","sn22.101:1.5","sn22.101:1.6","sn22.101:1.7","sn22.101:1.8","sn22.101:1.9"],"kind":"text","text":{"pi":"Sāvatthinidānaṁ.\n“Jānato ahaṁ, bhikkhave, passato āsavānaṁ khayaṁ vadāmi, no ajānato no apassato.\nKiñca, bhikkhave, jānato kiṁ passato āsavānaṁ khayo hoti?\n‘Iti rūpaṁ, iti rūpassa samudayo, iti rūpassa atthaṅgamo;\niti vedanā …\niti saññā …\niti saṅkhārā …\niti viññāṇaṁ, iti viññāṇassa samudayo, iti viññāṇassa atthaṅgamo’ti—\nevaṁ kho, bhikkhave, jānato evaṁ passato āsavānaṁ khayo hoti.","en":"At Sāvatthī.\n“Mendicants, I say that the ending of defilements is for one who knows and sees, not for one who does not know or see.\nFor one who knows and sees what?\n‘Such is form, such is the origin of form, such is the disappearance of form.\nSuch is feeling …\nSuch is perception …\nSuch are choices …\nSuch is consciousness, such is the origin of consciousness, such is the disappearance of consciousness.’\nThe ending of the defilements is for one who knows and sees this."}},{"id":"sn22.101:2","sourceIds":["sn22.101:2.1","sn22.101:2.2","sn22.101:2.3","sn22.101:2.4","sn22.101:2.5","sn22.101:2.6"],"kind":"text","text":{"pi":"Bhāvanānuyogaṁ ananuyuttassa, bhikkhave, bhikkhuno viharato kiñcāpi evaṁ icchā uppajjeyya:\n‘aho vata me anupādāya āsavehi cittaṁ vimucceyyā’ti, atha khvassa neva anupādāya āsavehi cittaṁ vimuccati.\nTaṁ kissa hetu?\n‘Abhāvitattā’ tissa vacanīyaṁ.\nKissa abhāvitattā?\nAbhāvitattā catunnaṁ satipaṭṭhānānaṁ, abhāvitattā catunnaṁ sammappadhānānaṁ, abhāvitattā catunnaṁ iddhipādānaṁ, abhāvitattā pañcannaṁ indriyānaṁ, abhāvitattā pañcannaṁ balānaṁ, abhāvitattā sattannaṁ bojjhaṅgānaṁ, abhāvitattā ariyassa aṭṭhaṅgikassa maggassa.","en":"When a mendicant is not committed to development, they might wish:\n‘If only my mind were freed from the defilements by not grasping!’ Even so, their mind is not freed from defilements by not grasping.\nWhy is that?\nYou should say: ‘It’s because they’re undeveloped.’\nUndeveloped in what?\nUndeveloped in the four kinds of mindfulness meditation, the four right efforts, the four bases of psychic power, the five faculties, the five powers, the seven awakening factors, and the noble eightfold path."}},{"id":"sn22.101:3","sourceIds":["sn22.101:3.1","sn22.101:3.2","sn22.101:3.3","sn22.101:3.4","sn22.101:3.5","sn22.101:3.6","sn22.101:3.7","sn22.101:3.8","sn22.101:3.9","sn22.101:3.10","sn22.101:3.11","sn22.101:3.12","sn22.101:3.13","sn22.101:3.14"],"kind":"text","text":{"pi":"Seyyathāpi, bhikkhave, kukkuṭiyā aṇḍāni aṭṭha vā dasa vā dvādasa vā.\nTānassu kukkuṭiyā na sammā adhisayitāni, na sammā pariseditāni, na sammā paribhāvitāni.\nKiñcāpi tassā kukkuṭiyā evaṁ icchā uppajjeyya:\n‘aho vata me kukkuṭapotakā pādanakhasikhāya vā mukhatuṇḍakena vā aṇḍakosaṁ padāletvā sotthinā abhinibbhijjeyyun’ti,\natha kho abhabbāva te kukkuṭapotakā pādanakhasikhāya vā mukhatuṇḍakena vā aṇḍakosaṁ padāletvā sotthinā abhinibbhijjituṁ.\nTaṁ kissa hetu?\nTathā hi pana, bhikkhave, kukkuṭiyā aṇḍāni aṭṭha vā dasa vā dvādasa vā;\ntāni kukkuṭiyā na sammā adhisayitāni, na sammā pariseditāni, na sammā paribhāvitāni.\nEvameva kho, bhikkhave, bhāvanānuyogaṁ ananuyuttassa bhikkhuno viharato kiñcāpi evaṁ icchā uppajjeyya:\n‘aho vata me anupādāya āsavehi cittaṁ vimucceyyā’ti, atha khvassa neva anupādāya āsavehi cittaṁ vimuccati.\nTaṁ kissa hetu?\n‘Abhāvitattā’tissa vacanīyaṁ.\nKissa abhāvitattā?\nAbhāvitattā catunnaṁ satipaṭṭhānānaṁ …pe… aṭṭhaṅgikassa maggassa.","en":"Suppose there was a chicken with eight or ten or twelve eggs.\nBut she had not properly sat on them to keep them warm and incubated.\nThat chicken might wish:\n‘If only my chicks could break out of the eggshell with their claws and beak and hatch safely!’\nBut they can’t break out and hatch safely.\nWhy is that?\nBecause that chicken with eight or ten or twelve eggs\nhas not properly sat on them to keep them warm and incubated.\nIn the same way, when a mendicant is not committed to development, they might wish:\n‘If only my mind were freed from the defilements by not grasping!’ Even so, their mind is not freed from defilements by not grasping.\nWhy is that?\nYou should say: ‘It’s because they’re undeveloped.’\nUndeveloped in what?\nUndeveloped in the four kinds of mindfulness meditation, the four right efforts, the four bases of psychic power, the five faculties, the five powers, the seven awakening factors, and the noble eightfold path."}},{"id":"sn22.101:4","sourceIds":["sn22.101:4.1","sn22.101:4.2","sn22.101:4.3","sn22.101:4.4","sn22.101:4.5","sn22.101:4.6"],"kind":"text","text":{"pi":"Bhāvanānuyogaṁ anuyuttassa, bhikkhave, bhikkhuno viharato kiñcāpi na evaṁ icchā uppajjeyya:\n‘aho vata me anupādāya āsavehi cittaṁ vimucceyyā’ti, atha khvassa anupādāya āsavehi cittaṁ vimuccati.\nTaṁ kissa hetu?\n‘Bhāvitattā’tissa vacanīyaṁ.\nKissa bhāvitattā?\nBhāvitattā catunnaṁ satipaṭṭhānānaṁ, bhāvitattā catunnaṁ sammappadhānānaṁ, bhāvitattā catunnaṁ iddhipādānaṁ, bhāvitattā pañcannaṁ indriyānaṁ, bhāvitattā pañcannaṁ balānaṁ, bhāvitattā sattannaṁ bojjhaṅgānaṁ, bhāvitattā ariyassa aṭṭhaṅgikassa maggassa.","en":"When a mendicant is committed to development, they might not wish:\n‘If only my mind were freed from the defilements by not grasping!’ Even so, their mind is freed from defilements by not grasping.\nWhy is that?\nYou should say: ‘It’s because they are developed.’\nDeveloped in what?\nDeveloped in the four kinds of mindfulness meditation, the four right efforts, the four bases of psychic power, the five faculties, the five powers, the seven awakening factors, and the noble eightfold path."}},{"id":"sn22.101:5","sourceIds":["sn22.101:5.1","sn22.101:5.2","sn22.101:5.3","sn22.101:5.4","sn22.101:5.5","sn22.101:5.6","sn22.101:5.7","sn22.101:5.8","sn22.101:5.9","sn22.101:5.10","sn22.101:5.11","sn22.101:5.12","sn22.101:5.13","sn22.101:5.14"],"kind":"text","text":{"pi":"Seyyathāpi, bhikkhave, kukkuṭiyā aṇḍāni aṭṭha vā dasa vā dvādasa vā.\nTānassu kukkuṭiyā sammā adhisayitāni, sammā pariseditāni, sammā paribhāvitāni.\nKiñcāpi tassā kukkuṭiyā na evaṁ icchā uppajjeyya:\n‘aho vata me kukkuṭapotakā pādanakhasikhāya vā mukhatuṇḍakena vā aṇḍakosaṁ padāletvā sotthinā abhinibbhijjeyyun’ti,\natha kho bhabbāva te kukkuṭapotakā pādanakhasikhāya vā mukhatuṇḍakena vā aṇḍakosaṁ padāletvā sotthinā abhinibbhijjituṁ.\nTaṁ kissa hetu?\nTathā hi pana, bhikkhave, kukkuṭiyā aṇḍāni aṭṭha vā dasa vā dvādasa vā;\ntānassu kukkuṭiyā sammā adhisayitāni, sammā pariseditāni, sammā paribhāvitāni.\nEvameva kho, bhikkhave, bhāvanānuyogaṁ anuyuttassa bhikkhuno viharato kiñcāpi na evaṁ icchā uppajjeyya:\n‘aho vata me anupādāya āsavehi cittaṁ vimucceyyā’ti, atha khvassa anupādāya āsavehi cittaṁ vimuccati.\nTaṁ kissa hetu?\n‘Bhāvitattā’tissa vacanīyaṁ.\nKissa bhāvitattā?\nBhāvitattā catunnaṁ satipaṭṭhānānaṁ …pe… bhāvitattā ariyassa aṭṭhaṅgikassa maggassa.","en":"Suppose there was a chicken with eight or ten or twelve eggs.\nAnd she properly sat on them to keep them warm and incubated.\nThat chicken might not wish:\n‘If only my chicks could break out of the eggshell with their claws and beak and hatch safely!’\nBut still they can break out and hatch safely.\nWhy is that?\nBecause that chicken with eight or ten or twelve eggs\nproperly sat on them to keep them warm and incubated.\nIn the same way, when a mendicant is committed to development, they might not wish:\n‘If only my mind were freed from the defilements by not grasping!’ Even so, their mind is freed from defilements by not grasping.\nWhy is that?\nYou should say: ‘It’s because they are developed.’\nDeveloped in what?\nDeveloped in the four kinds of mindfulness meditation, the four right efforts, the four bases of psychic power, the five faculties, the five powers, the seven awakening factors, and the noble eightfold path."}},{"id":"sn22.101:6","sourceIds":["sn22.101:6.1","sn22.101:6.2","sn22.101:6.3","sn22.101:6.4","sn22.101:6.5","sn22.101:6.6","sn22.101:6.7","sn22.101:6.8","sn22.101:6.9"],"kind":"text","text":{"pi":"Seyyathāpi, bhikkhave, palagaṇḍassa vā palagaṇḍantevāsissa vā vāsijaṭe dissanteva aṅgulipadāni dissati aṅguṭṭhapadaṁ.\nNo ca khvassa evaṁ ñāṇaṁ hoti:\n‘ettakaṁ vata me ajja vāsijaṭassa khīṇaṁ, ettakaṁ hiyyo, ettakaṁ pare’ti.\nAtha khvassa khīṇe khīṇantveva ñāṇaṁ hoti.\nEvameva kho, bhikkhave, bhāvanānuyogaṁ anuyuttassa bhikkhuno viharato kiñcāpi na evaṁ ñāṇaṁ hoti:\n‘ettakaṁ vata me ajja āsavānaṁ khīṇaṁ, ettakaṁ hiyyo, ettakaṁ pare’ti, atha khvassa khīṇe khīṇantveva ñāṇaṁ hoti.\nSeyyathāpi, bhikkhave, sāmuddikāya nāvāya vettabandhanabaddhāya vassamāsāni udake pariyādāya hemantikena thalaṁ ukkhittāya vātātapaparetāni vettabandhanāni. Tāni pāvusakena meghena abhippavuṭṭhāni appakasireneva paṭippassambhanti pūtikāni bhavanti;\nevameva kho, bhikkhave, bhāvanānuyogaṁ anuyuttassa bhikkhuno viharato appakasireneva saṁyojanāni paṭippassambhanti pūtikāni bhavantī”ti.\nNavamaṁ.","en":"Suppose a mason or their apprentice sees the marks of his fingers and thumb on the handle of his adze.\nThey don’t know\nhow much of the handle was worn away today, how much yesterday, and how much previously.\nThey just know what has been worn away.\nIn the same way, when a mendicant is committed to development, they don’t know\nhow much of the defilements were worn away today, how much yesterday, and how much previously. They just know what has been worn away.\nSuppose there was a sea-faring ship bound together with ropes. For six months they deteriorated in the water. Then in the cold season it was hauled up on dry land, where the ropes were weathered by wind and sun. When the monsoon clouds soaked it with rain, the ropes would readily collapse and rot away.\nIn the same way, when a mendicant is committed to development their fetters readily collapse and rot away.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn22.101/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}