{"id":"sn22.102","title":"The Perception of Impermanence","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn22.102","title":"The Perception of Impermanence","units":[{"id":"sn22.102:0","sourceIds":["sn22.102:0.1","sn22.102:0.2","sn22.102:0.3"],"kind":"text","text":{"pi":"Saṁyutta Nikāya 22.102\n10. Pupphavagga\nAniccasaññāsutta","en":"Linked Discourses 22.102\n10. Flowers\nThe Perception of Impermanence"}},{"id":"sn22.102:1","sourceIds":["sn22.102:1.1","sn22.102:1.2"],"kind":"text","text":{"pi":"Sāvatthinidānaṁ.\n“Aniccasaññā, bhikkhave, bhāvitā bahulīkatā sabbaṁ kāmarāgaṁ pariyādiyati, sabbaṁ rūparāgaṁ pariyādiyati, sabbaṁ bhavarāgaṁ pariyādiyati, sabbaṁ avijjaṁ pariyādiyati, sabbaṁ asmimānaṁ samūhanati.","en":"At Sāvatthī.\n“Mendicants, when the perception of impermanence is developed and cultivated it eliminates all desire for sensual pleasures, for rebirth in the realm of luminous form, and for rebirth in a future life. It eliminates all ignorance and eradicates all conceit ‘I am’."}},{"id":"sn22.102:2","sourceIds":["sn22.102:2.1","sn22.102:2.2"],"kind":"text","text":{"pi":"Seyyathāpi, bhikkhave, saradasamaye kassako mahānaṅgalena kasanto sabbāni mūlasantānakāni sampadālento kasati;\nevameva kho, bhikkhave, aniccasaññā bhāvitā bahulīkatā sabbaṁ kāmarāgaṁ pariyādiyati, sabbaṁ rūparāgaṁ pariyādiyati, sabbaṁ bhavarāgaṁ pariyādiyati, sabbaṁ avijjaṁ pariyādiyati, sabbaṁ asmimānaṁ samūhanati.","en":"In the autumn, a farmer ploughing with a large plough shears through all the root networks.\nIn the same way, when the perception of impermanence is developed … it eradicates all conceit ‘I am’."}},{"id":"sn22.102:3","sourceIds":["sn22.102:3.1","sn22.102:3.2"],"kind":"text","text":{"pi":"Seyyathāpi, bhikkhave, pabbajalāyako pabbajaṁ lāyitvā agge gahetvā odhunāti niddhunāti nicchoṭeti;\nevameva kho, bhikkhave, aniccasaññā bhāvitā bahulīkatā sabbaṁ kāmarāgaṁ pariyādiyati …pe… sabbaṁ asmimānaṁ samūhanati.","en":"A reed-cutter, having cut the reeds, grabs them at the top and shakes them down, shakes them about, and flails them about.\nIn the same way, when the perception of impermanence is developed … it eradicates all conceit ‘I am’."}},{"id":"sn22.102:4","sourceIds":["sn22.102:4.1","sn22.102:4.2"],"kind":"text","text":{"pi":"Seyyathāpi, bhikkhave, ambapiṇḍiyā vaṇṭacchinnāya yāni tattha ambāni vaṇṭapaṭibandhāni sabbāni tāni tadanvayāni bhavanti;\nevameva kho, bhikkhave, aniccasaññā bhāvitā …pe… sabbaṁ asmimānaṁ samūhanati.","en":"When the stalk of a bunch of mangoes is cut, all the mangoes attached to the stalk will follow along.\nIn the same way, when the perception of impermanence is developed … it eradicates all conceit ‘I am’."}},{"id":"sn22.102:5","sourceIds":["sn22.102:5.1","sn22.102:5.2"],"kind":"text","text":{"pi":"Seyyathāpi, bhikkhave, kūṭāgārassa yā kāci gopānasiyo sabbā tā kūṭaṅgamā kūṭaninnā kūṭasamosaraṇā, kūṭaṁ tāsaṁ aggamakkhāyati;\nevameva kho, bhikkhave, aniccasaññā bhāvitā …pe… sabbaṁ asmimānaṁ samūhanati.","en":"The rafters of a bungalow all lean to the peak, slope to the peak, and meet at the peak, so the peak is said to be the topmost of them all.\nIn the same way, when the perception of impermanence is developed … it eradicates all conceit ‘I am’."}},{"id":"sn22.102:6","sourceIds":["sn22.102:6.1","sn22.102:6.2"],"kind":"text","text":{"pi":"Seyyathāpi, bhikkhave, ye keci mūlagandhā kāḷānusārigandho tesaṁ aggamakkhāyati;\nevameva kho, bhikkhave, aniccasaññā …pe… sabbaṁ asmimānaṁ samūhanati.","en":"Of all kinds of fragrant root, spikenard is said to be the best.\nIn the same way, when the perception of impermanence is developed … it eradicates all conceit ‘I am’."}},{"id":"sn22.102:7","sourceIds":["sn22.102:7.1","sn22.102:7.2"],"kind":"text","text":{"pi":"Seyyathāpi, bhikkhave, ye keci sāragandhā, lohitacandanaṁ tesaṁ aggamakkhāyati;\nevameva kho, bhikkhave, aniccasaññā …pe… sabbaṁ asmimānaṁ samūhanati.","en":"Of all kinds of fragrant heartwood, red sandalwood is said to be the best.\nIn the same way, when the perception of impermanence is developed … it eradicates all conceit ‘I am’."}},{"id":"sn22.102:8","sourceIds":["sn22.102:8.1","sn22.102:8.2"],"kind":"text","text":{"pi":"Seyyathāpi, bhikkhave, ye keci pupphagandhā, vassikaṁ tesaṁ aggamakkhāyati;\nevameva kho, bhikkhave, aniccasaññā …pe… sabbaṁ asmimānaṁ samūhanati.","en":"Of all kinds of fragrant flower, jasmine is said to be the best.\nIn the same way, when the perception of impermanence is developed … it eradicates all conceit ‘I am’."}},{"id":"sn22.102:9","sourceIds":["sn22.102:9.1","sn22.102:9.2"],"kind":"text","text":{"pi":"Seyyathāpi, bhikkhave, ye keci kuṭṭarājāno, sabbete rañño cakkavattissa anuyantā bhavanti, rājā tesaṁ cakkavatti aggamakkhāyati;\nevameva kho, bhikkhave, aniccasaññā …pe… sabbaṁ asmimānaṁ samūhanati.","en":"All lesser kings are vassals of a wheel-turning monarch, so the wheel-turning monarch is said to be the foremost of them all.\nIn the same way, when the perception of impermanence is developed … it eradicates all conceit ‘I am’."}},{"id":"sn22.102:10","sourceIds":["sn22.102:10.1","sn22.102:10.2"],"kind":"text","text":{"pi":"Seyyathāpi, bhikkhave, yā kāci tārakarūpānaṁ pabhā, sabbā tā candimappabhāya kalaṁ nāgghanti soḷasiṁ, candappabhā tāsaṁ aggamakkhāyati;\nevameva kho, bhikkhave, aniccasaññā …pe… sabbaṁ asmimānaṁ samūhanati.","en":"The radiance of all the stars is not worth a sixteenth part of the moon’s radiance, so the moon’s radiance is said to be the best of them all.\nIn the same way, when the perception of impermanence is developed … it eradicates all conceit ‘I am’."}},{"id":"sn22.102:11","sourceIds":["sn22.102:11.1","sn22.102:11.2"],"kind":"text","text":{"pi":"Seyyathāpi, bhikkhave, saradasamaye viddhe vigatavalāhake deve ādicco nataṁ abbhussakkamāno, sabbaṁ ākāsagataṁ tamagataṁ abhivihacca bhāsate ca tapate ca virocate ca;\nevameva kho, bhikkhave, aniccasaññā bhāvitā bahulīkatā sabbaṁ kāmarāgaṁ pariyādiyati, sabbaṁ rūparāgaṁ pariyādiyati, sabbaṁ bhavarāgaṁ pariyādiyati, sabbaṁ avijjaṁ pariyādiyati, sabbaṁ asmimānaṁ samūhanati.","en":"In the autumn, the heavens are sunny and cloudless. And as the sun is rising to the firmament, having dispelled all the darkness of space, it shines and glows and dazzles.\nIn the same way, when the perception of impermanence is developed and cultivated it eliminates all desire for sensual pleasures, for rebirth in the realm of luminous form, and for rebirth in a future life. It eliminates all ignorance and eradicates all conceit ‘I am’."}},{"id":"sn22.102:12","sourceIds":["sn22.102:12.1","sn22.102:12.2","sn22.102:12.3","sn22.102:12.4","sn22.102:12.5","sn22.102:12.6","sn22.102:12.7","sn22.102:12.8","sn22.102:12.9"],"kind":"text","text":{"pi":"Kathaṁ bhāvitā ca, bhikkhave, aniccasaññā kathaṁ bahulīkatā sabbaṁ kāmarāgaṁ pariyādiyati …pe… sabbaṁ asmimānaṁ samūhanati?\n‘Iti rūpaṁ, iti rūpassa samudayo, iti rūpassa atthaṅgamo;\niti vedanā …\niti saññā …\niti saṅkhārā …\niti viññāṇaṁ, iti viññāṇassa samudayo, iti viññāṇassa atthaṅgamo’ti—\nevaṁ bhāvitā kho, bhikkhave, aniccasaññā evaṁ bahulīkatā sabbaṁ kāmarāgaṁ pariyādiyati, sabbaṁ rūparāgaṁ pariyādiyati, sabbaṁ bhavarāgaṁ pariyādiyati, sabbaṁ avijjaṁ pariyādiyati, sabbaṁ asmimānaṁ samūhanatī”ti.\nDasamaṁ.\nPupphavaggo pañcamo.","en":"And how is the perception of impermanence developed and cultivated so that … it eradicates all conceit ‘I am’?\n‘Such is form, such is the origin of form, such is the disappearance of form.\nSuch is feeling …\nSuch is perception …\nSuch are choices …\nSuch is consciousness, such is the origin of consciousness, such is the disappearance of consciousness.’\nThat’s how the perception of impermanence is developed and cultivated so that it eliminates all desire for sensual pleasures, for rebirth in the realm of luminous form, and for rebirth in a future life. That’s how it eliminates all ignorance and eradicates all conceit ‘I am’.”"}},{"id":"sn22.102:13","sourceIds":["sn22.102:13.0","sn22.102:13.1","sn22.102:13.2","sn22.102:13.3","sn22.102:13.4","sn22.102:13.5"],"kind":"text","text":{"pi":"Tassuddānaṁ\nNadī pupphañca pheṇañca,\ngomayañca nakhāsikhaṁ;\nSuddhikaṁ dve ca gaddulā,\nvāsījaṭaṁ aniccatāti.\nMajjhimapaṇṇāsako samatto."}},{"id":"sn22.102:14","sourceIds":["sn22.102:14.0","sn22.102:14.1","sn22.102:14.2","sn22.102:14.3","sn22.102:14.4"],"kind":"text","text":{"pi":"Tassa majjhimapaṇṇāsakassa vagguddānaṁ\nUpayo arahanto ca,\nkhajjanī therasavhayaṁ;\nPupphavaggena paṇṇāsa,\ndutiyo tena vuccatīti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn22.102/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}