{"id":"sn22.122","title":"An Ethical Mendicant","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn22.122","title":"An Ethical Mendicant","units":[{"id":"sn22.122:0","sourceIds":["sn22.122:0.1","sn22.122:0.2","sn22.122:0.3"],"kind":"text","text":{"pi":"Saṁyutta Nikāya 22.122\n12. Dhammakathikavagga\nSīlavantasutta","en":"Linked Discourses 22.122\n12. A Dhamma speaker\nAn Ethical Mendicant"}},{"id":"sn22.122:1","sourceIds":["sn22.122:1.1","sn22.122:1.2","sn22.122:1.3","sn22.122:1.4","sn22.122:1.5","sn22.122:1.6","sn22.122:1.7","sn22.122:1.8"],"kind":"text","text":{"pi":"Ekaṁ samayaṁ āyasmā ca sāriputto āyasmā ca mahākoṭṭhiko bārāṇasiyaṁ viharanti isipatane migadāye.\nAtha kho āyasmā mahākoṭṭhiko sāyanhasamayaṁ paṭisallānā vuṭṭhito yenāyasmā sāriputto tenupasaṅkami …pe… etadavoca:\n“sīlavatāvuso, sāriputta, bhikkhunā katame dhammā yoniso manasikātabbā”ti?\n“Sīlavatāvuso, koṭṭhika, bhikkhunā pañcupādānakkhandhā aniccato dukkhato rogato gaṇḍato sallato aghato ābādhato parato palokato suññato anattato yoniso manasi kātabbā.\nKatame pañca?\nSeyyathidaṁ—rūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho.\nSīlavatāvuso, koṭṭhika, bhikkhunā ime pañcupādānakkhandhā aniccato dukkhato rogato gaṇḍato sallato aghato ābādhato parato palokato suññato anattato yoniso manasi kātabbā.\nṬhānaṁ kho panetaṁ, āvuso, vijjati yaṁ sīlavā bhikkhu ime pañcupādānakkhandhe aniccato …pe… anattato yoniso manasi karonto sotāpattiphalaṁ sacchikareyyā”ti.","en":"At one time Venerable Sāriputta and Venerable Mahākoṭṭhita were staying near Varanasi in the deer park at Isipatana.\nThen in the late afternoon, Venerable Mahākoṭṭhita came out of retreat, went to Venerable Sāriputta, and said:\n“Reverend Sāriputta, what things should an ethical mendicant rationally apply the mind to?”\n“Reverend Koṭṭhita, an ethical mendicant should rationally apply the mind to the five grasping aggregates as impermanent, as suffering, as diseased, as a boil, as a dart, as gloom, as an affliction, as alien, as breaking apart, as empty, as not-self.\nWhat five?\nThat is, the grasping aggregates of form, feeling, perception, choices, and consciousness.\nAn ethical mendicant should rationally apply the mind to these five grasping aggregates as impermanent, as suffering, as diseased, as a boil, as a dart, as gloom, as an affliction, as alien, as breaking apart, as empty, as not-self.\nIt’s possible that an ethical mendicant who rationally applies the mind to the five grasping aggregates will realize the fruit of stream-entry.”"}},{"id":"sn22.122:2","sourceIds":["sn22.122:2.1","sn22.122:2.2","sn22.122:2.3"],"kind":"text","text":{"pi":"“Sotāpannena panāvuso sāriputta, bhikkhunā katame dhammā yoniso manasi kātabbā”ti?\n“Sotāpannenapi kho, āvuso koṭṭhika, bhikkhunā ime pañcupādānakkhandhā aniccato …pe… anattato yoniso manasi kātabbā.\nṬhānaṁ kho panetaṁ, āvuso, vijjati yaṁ sotāpanno bhikkhu ime pañcupādānakkhandhe aniccato …pe… anattato yoniso manasi karonto sakadāgāmiphalaṁ sacchikareyyā”ti.","en":"“But Reverend Sāriputta, what things should a mendicant stream-enterer rationally apply the mind to?”\n“A mendicant stream-enterer should also rationally apply the mind to these five grasping aggregates as impermanent … as not-self.\nIt’s possible that a mendicant stream-enterer who rationally applies the mind to the five grasping aggregates will realize the fruit of once-return.”"}},{"id":"sn22.122:3","sourceIds":["sn22.122:3.1","sn22.122:3.2","sn22.122:3.3"],"kind":"text","text":{"pi":"“Sakadāgāminā panāvuso sāriputta, bhikkhunā katame dhammā yoniso manasi kātabbā”ti?\n“Sakadāgāmināpi kho, āvuso koṭṭhika, bhikkhunā ime pañcupādānakkhandhā aniccato …pe… anattato yoniso manasi kātabbā.\nṬhānaṁ kho panetaṁ, āvuso, vijjati yaṁ sakadāgāmī bhikkhu ime pañcupādānakkhandhe aniccato …pe… anattato yoniso manasi karonto anāgāmiphalaṁ sacchikareyyā”ti.","en":"“But Reverend Sāriputta, what things should a mendicant once-returner rationally apply the mind to?”\n“A mendicant once-returner should also rationally apply the mind to these five grasping aggregates as impermanent … as not-self.\nIt’s possible that a mendicant once-returner who rationally applies the mind to the five grasping aggregates will realize the fruit of non-return.”"}},{"id":"sn22.122:4","sourceIds":["sn22.122:4.1","sn22.122:4.2","sn22.122:4.3"],"kind":"text","text":{"pi":"“Anāgāminā panāvuso sāriputta, bhikkhunā katame dhammā yoniso manasi kātabbā”ti?\n“Anāgāmināpi kho, āvuso koṭṭhika, bhikkhunā ime pañcupādānakkhandhā aniccato …pe… anattato yoniso manasi kātabbā.\nṬhānaṁ kho panetaṁ, āvuso, vijjati yaṁ anāgāmī bhikkhu ime pañcupādānakkhandhe aniccato …pe… anattato yoniso manasi karonto arahattaṁ sacchikareyyā”ti.","en":"“But Reverend Sāriputta, what things should a mendicant non-returner rationally apply the mind to?”\n“A mendicant non-returner should also rationally apply the mind to these five grasping aggregates as impermanent … as not-self.\nIt’s possible that a mendicant non-returner who rationally applies the mind to the five grasping aggregates will realize perfection.”"}},{"id":"sn22.122:5","sourceIds":["sn22.122:5.1","sn22.122:5.2","sn22.122:5.3","sn22.122:5.4","sn22.122:5.5"],"kind":"text","text":{"pi":"“Arahatā panāvuso sāriputta, katame dhammā yoniso manasi kātabbā”ti?\n“Arahatāpi kho, āvuso koṭṭhika, ime pañcupādānakkhandhe aniccato dukkhato rogato gaṇḍato sallato aghato ābādhato parato palokato suññato anattato yoniso manasi kātabbā.\nNatthi, khvāvuso, arahato uttari karaṇīyaṁ katassa vā paticayo;\napi ca ime dhammā bhāvitā bahulīkatā diṭṭhadhammasukhavihārāya ceva saṁvattanti satisampajaññāya cā”ti.\nDasamaṁ.","en":"“But Reverend Sāriputta, what things should a perfected one rationally apply the mind to?”\n“Reverend Koṭṭhita, a perfected one should also rationally apply the mind to the five grasping aggregates as impermanent, as suffering, as diseased, as a boil, as a dart, as gloom, as an affliction, as alien, as breaking apart, as empty, as not-self.\nA perfected one has nothing more to do, and nothing that needs improvement.\nStill, these things, when developed and cultivated, lead to blissful meditation in this life, and also to mindfulness and situational awareness.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn22.122/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}