{"id":"sn22.2","title":"At Devadaha","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn22.2","title":"At Devadaha","units":[{"id":"sn22.2:0","sourceIds":["sn22.2:0.1","sn22.2:0.2","sn22.2:0.3"],"kind":"text","text":{"pi":"Saṁyutta Nikāya 22.2\n1. Nakulapituvagga\nDevadahasutta","en":"Linked Discourses 22.2\n1. Nakula’s Father\nAt Devadaha"}},{"id":"sn22.2:1","sourceIds":["sn22.2:1.1","sn22.2:1.2","sn22.2:1.3","sn22.2:1.4"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sakkesu viharati devadahaṁ nāma sakyānaṁ nigamo.\nAtha kho sambahulā pacchābhūmagamikā bhikkhū yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:\n“icchāma mayaṁ, bhante, pacchābhūmaṁ janapadaṁ gantuṁ, pacchābhūme janapade nivāsaṁ kappetun”ti.","en":"So I have heard.\nAt one time the Buddha was staying in the land of the Sakyans, where they have a town named Devadaha.\nThen several mendicants who were heading for the west went up to the Buddha, bowed, sat down to one side, and said to him,\n“Sir, we wish to go to a western land to take up residence there.”"}},{"id":"sn22.2:2","sourceIds":["sn22.2:2.1","sn22.2:2.2","sn22.2:2.3","sn22.2:2.4","sn22.2:2.5"],"kind":"text","text":{"pi":"“Apalokito pana vo, bhikkhave, sāriputto”ti?\n“Na kho no, bhante, apalokito āyasmā sāriputto”ti.\n“Apaloketha, bhikkhave, sāriputtaṁ.\nSāriputto, bhikkhave, paṇḍito, bhikkhūnaṁ anuggāhako sabrahmacārīnan”ti.\n“Evaṁ, bhante”ti kho te bhikkhū bhagavato paccassosuṁ.","en":"“But mendicants, have you taken leave of Sāriputta?”\n“No, sir, we haven’t.”\n“You should take leave of Sāriputta.\nHe’s astute, and supports his spiritual companions, the mendicants.”\n“Yes, sir,” they replied."}},{"id":"sn22.2:3","sourceIds":["sn22.2:3.1","sn22.2:3.2","sn22.2:3.3","sn22.2:3.4","sn22.2:3.5"],"kind":"text","text":{"pi":"Tena kho pana samayena āyasmā sāriputto bhagavato avidūre aññatarasmiṁ eḷagalāgumbe nisinno hoti.\nAtha kho te bhikkhū bhagavato bhāsitaṁ abhinanditvā anumoditvā uṭṭhāyāsanā bhagavantaṁ abhivādetvā padakkhiṇaṁ katvā yenāyasmā sāriputto tenupasaṅkamiṁsu; upasaṅkamitvā āyasmatā sāriputtena saddhiṁ sammodiṁsu.\nSammodanīyaṁ kathaṁ sāraṇīyaṁ vītisāretvā ekamantaṁ nisīdiṁsu. Ekamantaṁ nisinnā kho te bhikkhū āyasmantaṁ sāriputtaṁ etadavocuṁ:\n“icchāma mayaṁ, āvuso sāriputta, pacchābhūmaṁ janapadaṁ gantuṁ, pacchābhūme janapade nivāsaṁ kappetuṁ.\nApalokito no satthā”ti.","en":"Now at that time Venerable Sāriputta was sitting not far from the Buddha in a clump of golden shower trees.\nAnd then those mendicants approved and agreed with what the Buddha said. They got up from their seat, bowed and respectfully circled the Buddha, keeping him on their right. Then they went up to Venerable Sāriputta, and exchanged greetings with him.\nWhen the greetings and polite conversation were over, they sat down to one side and said to him,\n“Reverend Sāriputta, we wish to go to a western land to take up residence there.\nWe have taken leave of the Teacher.”"}},{"id":"sn22.2:4","sourceIds":["sn22.2:4.1","sn22.2:4.2","sn22.2:4.3","sn22.2:4.4"],"kind":"text","text":{"pi":"“Santi hāvuso, nānāverajjagataṁ bhikkhuṁ pañhaṁ pucchitāro—\nkhattiyapaṇḍitāpi brāhmaṇapaṇḍitāpi gahapatipaṇḍitāpi samaṇapaṇḍitāpi.\nPaṇḍitā hāvuso, manussā vīmaṁsakā:\n‘kiṁvādī panāyasmantānaṁ satthā kimakkhāyī’ti, kacci vo āyasmantānaṁ dhammā sussutā suggahitā sumanasikatā sūpadhāritā suppaṭividdhā paññāya, yathā byākaramānā āyasmanto vuttavādino ceva bhagavato assatha, na ca bhagavantaṁ abhūtena abbhācikkheyyātha, dhammassa cānudhammaṁ byākareyyātha, na ca koci sahadhammiko vādānuvādo gārayhaṁ ṭhānaṁ āgaccheyyā”ti?","en":"“Reverends, there are those who question a mendicant who has gone abroad—\nastute aristocrats, brahmins, householders, and ascetics—\nfor astute people are inquisitive:\n‘But what does the venerables’ Teacher teach? What does he explain?’ I trust the venerables have properly heard, learned, applied the mind, and remembered the teachings, and penetrated them with wisdom. That way, when answering you will repeat what the Buddha has said and not misrepresent him with an untruth. You will explain in line with the teaching, with no legitimate grounds for rebuttal and criticism.”"}},{"id":"sn22.2:5","sourceIds":["sn22.2:5.1","sn22.2:5.2","sn22.2:5.3","sn22.2:5.4","sn22.2:5.5"],"kind":"text","text":{"pi":"“Dūratopi kho mayaṁ, āvuso, āgaccheyyāma āyasmato sāriputtassa santike etassa bhāsitassa atthamaññātuṁ.\nSādhu vatāyasmantaṁyeva sāriputtaṁ paṭibhātu etassa bhāsitassa attho”ti.\n“Tena hāvuso, suṇātha, sādhukaṁ manasi karotha, bhāsissāmī”ti.\n“Evamāvuso”ti kho te bhikkhū āyasmato sāriputtassa paccassosuṁ.\nĀyasmā sāriputto etadavoca:","en":"“Reverend, we would travel a long way to learn the meaning of this statement in the presence of Venerable Sāriputta.\nMay Venerable Sāriputta himself please clarify the meaning of this.”\n“Well then, reverends, listen and apply your mind well, I will speak.”\n“Yes, reverend,” they replied.\nSāriputta said this:"}},{"id":"sn22.2:6","sourceIds":["sn22.2:6.1","sn22.2:6.2","sn22.2:6.3","sn22.2:6.4","sn22.2:6.5","sn22.2:6.6"],"kind":"text","text":{"pi":"“Santi hāvuso, nānāverajjagataṁ bhikkhuṁ pañhaṁ pucchitāro—\nkhattiyapaṇḍitāpi …pe… samaṇapaṇḍitāpi.\nPaṇḍitā hāvuso, manussā vīmaṁsakā:\n‘kiṁvādī panāyasmantānaṁ satthā kimakkhāyī’ti?\nEvaṁ puṭṭhā tumhe, āvuso, evaṁ byākareyyātha:\n‘chandarāgavinayakkhāyī kho no, āvuso, satthā’ti.","en":"“Reverends, there are those who question a mendicant who has gone abroad—\nastute aristocrats, brahmins, householders, and ascetics—\nfor astute people are inquisitive:\n‘But what does the venerables’ Teacher teach? What does he explain?’\nWhen questioned like this, reverends, you should answer:\n‘Reverend, our Teacher explained the removal of desire and lust.’"}},{"id":"sn22.2:7","sourceIds":["sn22.2:7.1","sn22.2:7.2","sn22.2:7.3","sn22.2:7.4","sn22.2:7.5","sn22.2:7.6","sn22.2:7.7","sn22.2:7.8","sn22.2:7.9","sn22.2:7.10"],"kind":"text","text":{"pi":"Evaṁ byākatepi kho, āvuso, assuyeva uttariṁ pañhaṁ pucchitāro—\nkhattiyapaṇḍitāpi …pe… samaṇapaṇḍitāpi.\nPaṇḍitā hāvuso, manussā vīmaṁsakā:\n‘kismiṁ panāyasmantānaṁ chandarāgavinayakkhāyī satthā’ti?\nEvaṁ puṭṭhā tumhe, āvuso, evaṁ byākareyyātha:\n‘rūpe kho, āvuso, chandarāgavinayakkhāyī satthā,\nvedanāya …\nsaññāya …\nsaṅkhāresu …\nviññāṇe chandarāgavinayakkhāyī satthā’ti.","en":"When you answer like this, such astute people may inquire further:\n‘But regarding what does the venerables’ teacher explain the removal of desire and lust?’\nWhen questioned like this, reverends, you should answer:\n‘Our teacher explains the removal of desire and lust for form,\nfeeling,\nperception,\nchoices,\nand consciousness.’"}},{"id":"sn22.2:8","sourceIds":["sn22.2:8.1","sn22.2:8.2","sn22.2:8.3","sn22.2:8.4","sn22.2:8.5","sn22.2:8.6","sn22.2:8.7","sn22.2:8.8","sn22.2:8.9","sn22.2:8.10","sn22.2:8.11","sn22.2:8.12","sn22.2:8.13","sn22.2:8.14","sn22.2:8.15","sn22.2:8.16","sn22.2:8.17","sn22.2:8.18","sn22.2:8.19","sn22.2:8.20"],"kind":"text","text":{"pi":"Evaṁ byākatepi kho, āvuso, assuyeva uttariṁ pañhaṁ pucchitāro—\nkhattiyapaṇḍitāpi …pe… samaṇapaṇḍitāpi.\nPaṇḍitā hāvuso, manussā vīmaṁsakā:\n‘kiṁ panāyasmantānaṁ ādīnavaṁ disvā rūpe chandarāgavinayakkhāyī satthā,\nvedanāya …\nsaññāya …\nsaṅkhāresu …\nviññāṇe chandarāgavinayakkhāyī satthā’ti?\nEvaṁ puṭṭhā tumhe, āvuso, evaṁ byākareyyātha:\n‘rūpe kho, āvuso, avigatarāgassa avigatacchandassa avigatapemassa avigatapipāsassa avigatapariḷāhassa avigatataṇhassa tassa rūpassa vipariṇāmaññathābhāvā uppajjanti sokaparidevadukkhadomanassupāyāsā.\nVedanāya …\nsaññāya …\nsaṅkhāresu avigatarāgassa …pe…\navigatataṇhassa tesaṁ saṅkhārānaṁ vipariṇāmaññathābhāvā uppajjanti sokaparidevadukkhadomanassupāyāsā.\nViññāṇe avigatarāgassa avigatacchandassa avigatapemassa avigatapipāsassa avigatapariḷāhassa avigatataṇhassa tassa viññāṇassa vipariṇāmaññathābhāvā uppajjanti sokaparidevadukkhadomanassupāyāsā.\nIdaṁ kho no, āvuso, ādīnavaṁ disvā rūpe chandarāgavinayakkhāyī satthā,\nvedanāya …\nsaññāya …\nsaṅkhāresu …\nviññāṇe chandarāgavinayakkhāyī satthā’ti.","en":"When you answer like this, such astute people may inquire further:\n‘But what drawback has he seen that he teaches the removal of desire and lust for form,\nfeeling,\nperception,\nchoices,\nand consciousness?’\nWhen questioned like this, reverends, you should answer:\n‘If you’re not free of greed, desire, fondness, thirst, passion, and craving for form, when that form decays and perishes it gives rise to sorrow, lamentation, pain, sadness, and distress.\nIf you’re not free of greed, desire, fondness, thirst, passion, and craving for feeling …\nperception …\nchoices …\nconsciousness, when that consciousness decays and perishes it gives rise to sorrow, lamentation, pain, sadness, and distress.\nThis is the drawback our Teacher has seen that he teaches the removal of desire and lust for form,\nfeeling,\nperception,\nchoices,\nand consciousness.’"}},{"id":"sn22.2:9","sourceIds":["sn22.2:9.1","sn22.2:9.2","sn22.2:9.3","sn22.2:9.4","sn22.2:9.5","sn22.2:9.6","sn22.2:9.7","sn22.2:9.8","sn22.2:9.9","sn22.2:9.10","sn22.2:9.11","sn22.2:9.12","sn22.2:9.13","sn22.2:9.14","sn22.2:9.15","sn22.2:9.16","sn22.2:9.17","sn22.2:9.18"],"kind":"text","text":{"pi":"Evaṁ byākatepi kho, āvuso, assuyeva uttariṁ pañhaṁ pucchitāro—\nkhattiyapaṇḍitāpi brāhmaṇapaṇḍitāpi gahapatipaṇḍitāpi samaṇapaṇḍitāpi.\nPaṇḍitā hāvuso, manussā vīmaṁsakā:\n‘kiṁ panāyasmantānaṁ ānisaṁsaṁ disvā rūpe chandarāgavinayakkhāyī satthā,\nvedanāya …\nsaññāya …\nsaṅkhāresu …\nviññāṇe chandarāgavinayakkhāyī satthā’ti?\nEvaṁ puṭṭhā tumhe, āvuso, evaṁ byākareyyātha:\n‘rūpe kho, āvuso, vigatarāgassa vigatacchandassa vigatapemassa vigatapipāsassa vigatapariḷāhassa vigatataṇhassa tassa rūpassa vipariṇāmaññathābhāvā nuppajjanti sokaparidevadukkhadomanassupāyāsā.\nVedanāya …\nsaññāya …\nsaṅkhāresu vigatarāgassa vigatacchandassa vigatapemassa vigatapipāsassa vigatapariḷāhassa vigatataṇhassa tesaṁ saṅkhārānaṁ vipariṇāmaññathābhāvā nuppajjanti sokaparidevadukkhadomanassupāyāsā.\nViññāṇe vigatarāgassa vigatacchandassa vigatapemassa vigatapipāsassa vigatapariḷāhassa vigatataṇhassa tassa viññāṇassa vipariṇāmaññathābhāvā nuppajjanti sokaparidevadukkhadomanassupāyāsā.\nIdaṁ kho no, āvuso, ānisaṁsaṁ disvā rūpe chandarāgavinayakkhāyī satthā, vedanāya …\nsaññāya …\nsaṅkhāresu …\nviññāṇe chandarāgavinayakkhāyī satthā’ti.","en":"When you answer like this, such astute people may inquire further:\n‘But what benefit has he seen that he teaches the removal of desire and lust for form,\nfeeling,\nperception,\nchoices,\nand consciousness?’\nWhen questioned like this, reverends, you should answer:\n‘If you are rid of greed, desire, fondness, thirst, passion, and craving for form, when that form decays and perishes it doesn’t give rise to sorrow, lamentation, pain, sadness, and distress.\nIf you are rid of greed, desire, fondness, thirst, passion, and craving for feeling …\nperception …\nchoices …\nconsciousness, when that consciousness decays and perishes it doesn’t give rise to sorrow, lamentation, pain, sadness, and distress.\nThis is the benefit our Teacher has seen that he teaches the removal of desire and lust for form, feeling,\nperception,\nchoices,\nand consciousness.’"}},{"id":"sn22.2:10","sourceIds":["sn22.2:10.1","sn22.2:10.2"],"kind":"text","text":{"pi":"Akusale cāvuso, dhamme upasampajja viharato diṭṭhe ceva dhamme sukho vihāro abhavissa avighāto anupāyāso apariḷāho, kāyassa ca bhedā paraṁ maraṇā sugati pāṭikaṅkhā, nayidaṁ bhagavā akusalānaṁ dhammānaṁ pahānaṁ vaṇṇeyya.\nYasmā ca kho, āvuso, akusale dhamme upasampajja viharato diṭṭhe ceva dhamme dukkho vihāro savighāto saupāyāso sapariḷāho, kāyassa ca bhedā paraṁ maraṇā duggati pāṭikaṅkhā, tasmā bhagavā akusalānaṁ dhammānaṁ pahānaṁ vaṇṇeti.","en":"If those who acquired and kept unskillful qualities were to live happily in the present life, free of distress, anguish, and fever; and if, when their body breaks up, after death, they could expect to go to a good place, the Buddha would not praise giving up unskillful qualities.\nBut since those who acquire and keep unskillful qualities live unhappily in the present life, full of distress, anguish, and fever; and since, when their body breaks up, after death, they can expect to go to a bad place, the Buddha praises giving up unskillful qualities."}},{"id":"sn22.2:11","sourceIds":["sn22.2:11.1","sn22.2:11.2"],"kind":"text","text":{"pi":"Kusale cāvuso, dhamme upasampajja viharato diṭṭhe ceva dhamme dukkho vihāro abhavissa savighāto saupāyāso sapariḷāho, kāyassa ca bhedā paraṁ maraṇā duggati pāṭikaṅkhā, nayidaṁ bhagavā kusalānaṁ dhammānaṁ upasampadaṁ vaṇṇeyya.\nYasmā ca kho, āvuso, kusale dhamme upasampajja viharato diṭṭhe ceva dhamme sukho vihāro avighāto anupāyāso apariḷāho, kāyassa ca bhedā paraṁ maraṇā sugati pāṭikaṅkhā, tasmā bhagavā kusalānaṁ dhammānaṁ upasampadaṁ vaṇṇetī”ti.","en":"If those who embraced and kept skillful qualities were to live unhappily in the present life, full of distress, anguish, and fever; and if, when their body breaks up, after death, they could expect to go to a bad place, the Buddha would not praise embracing skillful qualities.\nBut since those who embrace and keep skillful qualities live happily in the present life, free of distress, anguish, and fever; and since, when their body breaks up, after death, they can expect to go to a good place, the Buddha praises embracing skillful qualities.”"}},{"id":"sn22.2:12","sourceIds":["sn22.2:12.1","sn22.2:12.2","sn22.2:12.3"],"kind":"text","text":{"pi":"Idamavocāyasmā sāriputto.\nAttamanā te bhikkhū āyasmato sāriputtassa bhāsitaṁ abhinandunti.\nDutiyaṁ.","en":"That is what Venerable Sāriputta said.\nSatisfied, the mendicants approved what Sāriputta said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn22.2/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}