{"id":"sn22.26","title":"Gratification","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn22.26","title":"Gratification","units":[{"id":"sn22.26:0","sourceIds":["sn22.26:0.1","sn22.26:0.2","sn22.26:0.3"],"kind":"text","text":{"pi":"Saṁyutta Nikāya 22.26\n3. Bhāravagga\nAssādasutta","en":"Linked Discourses 22.26\n3. The Burden\nGratification"}},{"id":"sn22.26:1","sourceIds":["sn22.26:1.1","sn22.26:1.2","sn22.26:1.3","sn22.26:1.4","sn22.26:1.5","sn22.26:1.6","sn22.26:1.7","sn22.26:1.8","sn22.26:1.9","sn22.26:1.10","sn22.26:1.11","sn22.26:1.12","sn22.26:1.13","sn22.26:1.14","sn22.26:1.15","sn22.26:1.16","sn22.26:1.17","sn22.26:1.18","sn22.26:1.19","sn22.26:1.20","sn22.26:1.21"],"kind":"text","text":{"pi":"Sāvatthinidānaṁ.\n“Pubbeva me, bhikkhave, sambodhā anabhisambuddhassa bodhisattasseva sato etadahosi:\n‘ko nu kho rūpassa assādo, ko ādīnavo, kiṁ nissaraṇaṁ?\nKo vedanāya assādo, ko ādīnavo, kiṁ nissaraṇaṁ?\nKo saññāya assādo, ko ādīnavo, kiṁ nissaraṇaṁ?\nKo saṅkhārānaṁ assādo, ko ādīnavo, kiṁ nissaraṇaṁ?\nKo viññāṇassa assādo, ko ādīnavo, kiṁ nissaraṇan’ti?\nTassa mayhaṁ, bhikkhave, etadahosi:\n‘yaṁ kho rūpaṁ paṭicca uppajjati sukhaṁ somanassaṁ, ayaṁ rūpassa assādo.\nYaṁ rūpaṁ aniccaṁ dukkhaṁ vipariṇāmadhammaṁ, ayaṁ rūpassa ādīnavo.\nYo rūpasmiṁ chandarāgavinayo chandarāgappahānaṁ, idaṁ rūpassa nissaraṇaṁ.\nYaṁ vedanaṁ paṭicca uppajjati sukhaṁ somanassaṁ, ayaṁ vedanāya assādo.\nYaṁ vedanā aniccā dukkhā vipariṇāmadhammā, ayaṁ vedanāya ādīnavo.\nYo vedanāya chandarāgavinayo chandarāgappahānaṁ, idaṁ vedanāya nissaraṇaṁ.\nYaṁ saññaṁ paṭicca uppajjati …pe…\nyaṁ saṅkhāre paṭicca uppajjati sukhaṁ somanassaṁ, ayaṁ saṅkhārānaṁ assādo.\nYaṁ saṅkhārā aniccā dukkhā vipariṇāmadhammā, ayaṁ saṅkhārānaṁ ādīnavo.\nYo saṅkhāresu chandarāgavinayo chandarāgappahānaṁ, idaṁ saṅkhārānaṁ nissaraṇaṁ.\nYaṁ viññāṇaṁ paṭicca uppajjati sukhaṁ somanassaṁ, ayaṁ viññāṇassa assādo.\nYaṁ viññāṇaṁ aniccaṁ dukkhaṁ vipariṇāmadhammaṁ, ayaṁ viññāṇassa ādīnavo.\nYo viññāṇasmiṁ chandarāgavinayo chandarāgappahānaṁ, idaṁ viññāṇassa nissaraṇaṁ’.","en":"At Sāvatthī.\n“Mendicants, before my awakening—when I was still unawakened but intent on awakening—I thought:\n‘What’s the gratification, the drawback, and the escape when it comes to form …\nfeeling …\nperception …\nchoices …\nand consciousness?’\nThen it occurred to me:\n‘The pleasure and happiness that arise from form: this is its gratification.\nThat form is impermanent, suffering, and perishable: this is its drawback.\nRemoving and giving up desire and greed for form: this is its escape.\nThe pleasure and happiness that arise from feeling …\nperception …\nchoices …\nconsciousness: this is its gratification.\nThat consciousness is impermanent, suffering, and perishable: this is its drawback.\nRemoving and giving up desire and greed for consciousness: this is its escape.’"}},{"id":"sn22.26:2","sourceIds":["sn22.26:2.1","sn22.26:2.2","sn22.26:2.3","sn22.26:2.4","sn22.26:2.5","sn22.26:2.6"],"kind":"text","text":{"pi":"Yāvakīvañcāhaṁ, bhikkhave, imesaṁ pañcannaṁ upādānakkhandhānaṁ evaṁ assādañca assādato ādīnavañca ādīnavato nissaraṇañca nissaraṇato yathābhūtaṁ nābbhaññāsiṁ, neva tāvāhaṁ, bhikkhave, ‘sadevake loke samārake sabrahmake sassamaṇabrāhmaṇiyā pajāya sadevamanussāya anuttaraṁ sammāsambodhiṁ abhisambuddho’ti paccaññāsiṁ.\nYato ca khvāhaṁ, bhikkhave, imesaṁ pañcannaṁ upādānakkhandhānaṁ evaṁ assādañca assādato ādīnavañca ādīnavato nissaraṇañca nissaraṇato yathābhūtaṁ abbhaññāsiṁ;\nathāhaṁ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya anuttaraṁ sammāsambodhiṁ abhisambuddhoti paccaññāsiṁ.\nÑāṇañca pana me dassanaṁ udapādi:\n‘akuppā me vimutti; ayamantimā jāti; natthi dāni punabbhavo’”ti.\nPañcamaṁ.","en":"As long as I didn’t truly understand these five grasping aggregates’ gratification, drawback, and escape in this way for what they are, I didn’t announce my supreme perfect awakening in this world with its gods, Māras, and divinities, this population with its ascetics and brahmins, its gods and humans.\nBut when I did truly understand these five grasping aggregates’ gratification, drawback, and escape in this way for what they are, I announced my supreme perfect awakening in this world with its gods, Māras, and divinities, this population with its ascetics and brahmins, its gods and humans.\nKnowledge and vision arose in me:\n‘My freedom is unshakable; this is my last rebirth; now there’ll be no more future lives.’”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn22.26/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}