{"id":"sn22.28","title":"Gratification (3rd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn22.28","title":"Gratification (3rd)","units":[{"id":"sn22.28:0","sourceIds":["sn22.28:0.1","sn22.28:0.2","sn22.28:0.3"],"kind":"text","text":{"pi":"Saṁyutta Nikāya 22.28\n3. Bhāravagga\nTatiyaassādasutta","en":"Linked Discourses 22.28\n3. The Burden\nGratification (3rd)"}},{"id":"sn22.28:1","sourceIds":["sn22.28:1.1","sn22.28:1.2","sn22.28:1.3","sn22.28:1.4","sn22.28:1.5","sn22.28:1.6","sn22.28:1.7","sn22.28:1.8","sn22.28:1.9","sn22.28:1.10","sn22.28:1.11","sn22.28:1.12","sn22.28:1.13","sn22.28:1.14","sn22.28:1.15","sn22.28:1.16","sn22.28:1.17"],"kind":"text","text":{"pi":"Sāvatthinidānaṁ.\n“No cedaṁ, bhikkhave, rūpassa assādo abhavissa nayidaṁ sattā rūpasmiṁ sārajjeyyuṁ.\nYasmā ca kho, bhikkhave, atthi rūpassa assādo, tasmā sattā rūpasmiṁ sārajjanti.\nNo cedaṁ, bhikkhave, rūpassa ādīnavo abhavissa nayidaṁ sattā rūpasmiṁ nibbindeyyuṁ.\nYasmā ca kho, bhikkhave, atthi rūpassa ādīnavo, tasmā sattā rūpasmiṁ nibbindanti.\nNo cedaṁ, bhikkhave, rūpassa nissaraṇaṁ abhavissa nayidaṁ sattā rūpasmā nissareyyuṁ.\nYasmā ca kho, bhikkhave, atthi rūpassa nissaraṇaṁ, tasmā sattā rūpasmā nissaranti.\nNo cedaṁ, bhikkhave, vedanāya …pe…\nno cedaṁ, bhikkhave, saññāya …\nno cedaṁ, bhikkhave, saṅkhārānaṁ nissaraṇaṁ abhavissa, nayidaṁ sattā saṅkhārehi nissareyyuṁ.\nYasmā ca kho, bhikkhave, atthi saṅkhārānaṁ nissaraṇaṁ, tasmā sattā saṅkhārehi nissaranti.\nNo cedaṁ, bhikkhave, viññāṇassa assādo abhavissa, nayidaṁ sattā viññāṇasmiṁ sārajjeyyuṁ.\nYasmā ca kho, bhikkhave, atthi viññāṇassa assādo, tasmā sattā viññāṇasmiṁ sārajjanti.\nNo cedaṁ, bhikkhave, viññāṇassa ādīnavo abhavissa, nayidaṁ sattā viññāṇasmiṁ nibbindeyyuṁ.\nYasmā ca kho, bhikkhave, atthi viññāṇassa ādīnavo, tasmā sattā viññāṇasmiṁ nibbindanti.\nNo cedaṁ, bhikkhave, viññāṇassa nissaraṇaṁ abhavissa, nayidaṁ sattā viññāṇasmā nissareyyuṁ.\nYasmā ca kho, bhikkhave, atthi viññāṇassa nissaraṇaṁ, tasmā sattā viññāṇasmā nissaranti.","en":"At Sāvatthī.\n“Mendicants, if there were no gratification in form, sentient beings wouldn’t be aroused by it.\nBut since there is gratification in form, sentient beings are aroused by it.\nIf form had no drawback, sentient beings wouldn’t grow disillusioned with it.\nBut since form has a drawback, sentient beings do grow disillusioned with it.\nIf there were no escape from form, sentient beings wouldn’t escape from it.\nBut since there is an escape from form, sentient beings do escape from it.\nIf there were no gratification in feeling …\nperception …\nchoices …\nconsciousness, sentient beings wouldn’t be aroused by it.\nBut since there is gratification in consciousness, sentient beings are aroused by it.\nIf consciousness had no drawback, sentient beings wouldn’t grow disillusioned with it.\nBut since consciousness has a drawback, sentient beings do grow disillusioned with it.\nIf there were no escape from consciousness, sentient beings wouldn’t escape from it.\nBut since there is an escape from consciousness, sentient beings do escape from it."}},{"id":"sn22.28:2","sourceIds":["sn22.28:2.1","sn22.28:2.2","sn22.28:2.3","sn22.28:2.4","sn22.28:2.5"],"kind":"text","text":{"pi":"Yāvakīvañca, bhikkhave, sattā imesaṁ pañcannaṁ upādānakkhandhānaṁ assādañca assādato ādīnavañca ādīnavato nissaraṇañca nissaraṇato yathābhūtaṁ nābbhaññaṁsu;\nneva tāva, bhikkhave, sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaṁyuttā vippamuttā vimariyādīkatena cetasā vihariṁsu.\nYato ca kho, bhikkhave, sattā imesaṁ pañcannaṁ upādānakkhandhānaṁ assādañca assādato ādīnavañca ādīnavato nissaraṇañca nissaraṇato yathābhūtaṁ abbhaññaṁsu;\natha, bhikkhave, sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaṁyuttā vippamuttā vimariyādīkatena cetasā viharanti”.\nSattamaṁ.","en":"As long as sentient beings don’t truly understand these five grasping aggregates’ gratification, drawback, and escape for what they are, they haven’t escaped from this world—with its gods, Māras, and divinities, this population with its ascetics and brahmins, its gods and humans—and they don’t live detached, liberated, with mind free of limits.\nBut when sentient beings truly understand these five grasping aggregates’ gratification, drawback, and escape for what they are, they’ve escaped from this world—with its gods, Māras, and divinities, this population with its ascetics and brahmins, its gods and humans—and they live detached, liberated, with mind free of limits.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn22.28/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}