{"id":"sn22.49","title":"With Soṇa","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn22.49","title":"With Soṇa","units":[{"id":"sn22.49:0","sourceIds":["sn22.49:0.1","sn22.49:0.2","sn22.49:0.3"],"kind":"text","text":{"pi":"Saṁyutta Nikāya 22.49\n5. Attadīpavagga\nSoṇasutta","en":"Linked Discourses 22.49\n5. Be Your Own Island\nWith Soṇa"}},{"id":"sn22.49:1","sourceIds":["sn22.49:1.1","sn22.49:1.2","sn22.49:1.3","sn22.49:1.4"],"kind":"text","text":{"pi":"Evaṁ me sutaṁ—\nekaṁ samayaṁ bhagavā rājagahe viharati veḷuvane kalandakanivāpe.\nAtha kho soṇo gahapatiputto yena bhagavā tenupasaṅkami …pe…\nekamantaṁ nisinnaṁ kho soṇaṁ gahapatiputtaṁ bhagavā etadavoca:","en":"So I have heard.\nAt one time the Buddha was staying near Rājagaha in the Bamboo Grove, the squirrels’ feeding ground.\nThen the householder Soṇa went up to the Buddha …\nThe Buddha said to him:"}},{"id":"sn22.49:2","sourceIds":["sn22.49:2.1","sn22.49:2.2","sn22.49:2.3","sn22.49:2.4","sn22.49:2.5","sn22.49:2.6","sn22.49:2.7","sn22.49:2.8","sn22.49:2.9","sn22.49:2.10","sn22.49:2.11","sn22.49:2.12","sn22.49:2.13","sn22.49:2.14","sn22.49:2.15","sn22.49:2.16","sn22.49:2.17"],"kind":"text","text":{"pi":"“Ye hi keci, soṇa, samaṇā vā brāhmaṇā vā aniccena rūpena dukkhena vipariṇāmadhammena ‘seyyohamasmī’ti vā samanupassanti;\n‘sadisohamasmī’ti vā samanupassanti;\n‘hīnohamasmī’ti vā samanupassanti;\nkimaññatra yathābhūtassa adassanā?\nAniccāya vedanāya dukkhāya vipariṇāmadhammāya ‘seyyohamasmī’ti vā samanupassanti;\n‘sadisohamasmī’ti vā samanupassanti;\n‘hīnohamasmī’ti vā samanupassanti;\nkimaññatra yathābhūtassa adassanā?\nAniccāya saññāya …\naniccehi saṅkhārehi dukkhehi vipariṇāmadhammehi ‘seyyohamasmī’ti vā samanupassanti;\n‘sadisohamasmī’ti vā samanupassanti;\n‘hīnohamasmī’ti vā samanupassanti;\nkimaññatra yathābhūtassa adassanā?\nAniccena viññāṇena dukkhena vipariṇāmadhammena ‘seyyohamasmī’ti vā samanupassanti;\n‘sadisohamasmī’ti vā samanupassanti;\n‘hīnohamasmī’ti vā samanupassanti;\nkimaññatra yathābhūtassa adassanā?","en":"“Soṇa, there are ascetics and brahmins who—based on form, which is impermanent, suffering, and perishable—regard themselves thus: ‘I’m better’,\nor ‘I’m equal’,\nor ‘I’m worse’.\nWhat is that but a failure to see truly?\nBased on feeling …\nperception …\nchoices …\nconsciousness, which is impermanent, suffering, and perishable, they regard themselves thus: ‘I’m better’,\nor ‘I’m equal’,\nor ‘I’m worse’.\nWhat is that but a failure to see truly?"}},{"id":"sn22.49:3","sourceIds":["sn22.49:3.1","sn22.49:3.2","sn22.49:3.3","sn22.49:3.4","sn22.49:3.5","sn22.49:3.6","sn22.49:3.7","sn22.49:3.8","sn22.49:3.9","sn22.49:3.10","sn22.49:3.11"],"kind":"text","text":{"pi":"Ye ca kho keci, soṇa, samaṇā vā brāhmaṇā vā aniccena rūpena dukkhena vipariṇāmadhammena ‘seyyohamasmī’tipi na samanupassanti;\n‘sadisohamasmī’tipi na samanupassanti;\n‘hīnohamasmī’tipi na samanupassanti;\nkimaññatra yathābhūtassa dassanā?\nAniccāya vedanāya …\naniccāya saññāya …\naniccehi saṅkhārehi …\naniccena viññāṇena dukkhena vipariṇāmadhammena ‘seyyohamasmī’tipi na samanupassanti;\n‘sadisohamasmī’tipi na samanupassanti;\n‘hīnohamasmī’tipi na samanupassanti;\nkimaññatra yathābhūtassa dassanā?","en":"There are ascetics and brahmins who—based on form, which is impermanent, suffering, and perishable—don’t regard themselves thus: ‘I’m better’,\nor ‘I’m equal’,\nor ‘I’m worse’.\nWhat is that but seeing truly?\nBased on feeling …\nperception …\nchoices …\nconsciousness, which is impermanent, suffering, and perishable, they don’t regard themselves thus: ‘I’m better’,\nor ‘I’m equal’,\nor ‘I’m worse’.\nWhat is that but seeing truly?"}},{"id":"sn22.49:4","sourceIds":["sn22.49:4.1","sn22.49:4.2","sn22.49:4.3","sn22.49:4.4","sn22.49:4.5","sn22.49:4.6","sn22.49:4.7","sn22.49:4.8","sn22.49:4.9","sn22.49:4.10","sn22.49:4.11","sn22.49:4.12","sn22.49:4.13","sn22.49:4.14","sn22.49:4.15","sn22.49:4.16","sn22.49:4.17","sn22.49:4.18","sn22.49:4.19"],"kind":"text","text":{"pi":"Taṁ kiṁ maññasi, soṇa,\nrūpaṁ niccaṁ vā aniccaṁ vā”ti?\n“Aniccaṁ, bhante”.\n“Yaṁ panāniccaṁ dukkhaṁ vā taṁ sukhaṁ vā”ti?\n“Dukkhaṁ, bhante”.\n“Yaṁ panāniccaṁ dukkhaṁ vipariṇāmadhammaṁ kallaṁ nu taṁ samanupassituṁ:\n‘etaṁ mama, esohamasmi, eso me attā’”ti?\n“No hetaṁ, bhante”.\n“Vedanā niccā vā aniccā vā”ti?\n“Aniccā, bhante” …\n“saññā …\nsaṅkhārā …\nviññāṇaṁ niccaṁ vā aniccaṁ vā”ti?\n“Aniccaṁ, bhante”.\n“Yaṁ panāniccaṁ dukkhaṁ vā taṁ sukhaṁ vā”ti?\n“Dukkhaṁ, bhante”.\n“Yaṁ panāniccaṁ dukkhaṁ vipariṇāmadhammaṁ kallaṁ nu taṁ samanupassituṁ:\n‘etaṁ mama, esohamasmi, eso me attā’”ti?\n“No hetaṁ, bhante”.","en":"What do you think, Soṇa?\nIs form permanent or impermanent?”\n“Impermanent, sir.”\n“But if it’s impermanent, is it suffering or happiness?”\n“Suffering, sir.”\n“But if it’s impermanent, suffering, and perishable, is it fit to be regarded thus:\n‘This is mine, I am this, this is my self’?”\n“No, sir.”\n“Is feeling …\nperception …\nchoices …\nconsciousness permanent or impermanent?”\n“Impermanent, sir.”\n“But if it’s impermanent, is it suffering or happiness?”\n“Suffering, sir.”\n“But if it’s impermanent, suffering, and perishable, is it fit to be regarded thus:\n‘This is mine, I am this, this is my self’?”\n“No, sir.”"}},{"id":"sn22.49:5","sourceIds":["sn22.49:5.1"],"kind":"text","text":{"pi":"“Tasmātiha, soṇa, yaṁ kiñci rūpaṁ atītānāgatapaccuppannaṁ ajjhattaṁ vā bahiddhā vā oḷārikaṁ vā sukhumaṁ vā hīnaṁ vā paṇītaṁ vā yaṁ dūre santike vā, sabbaṁ rūpaṁ ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya daṭṭhabbaṁ.","en":"“So, Soṇa, you should truly see any kind of form at all—past, future, or present; internal or external; solid or subtle; inferior or superior; far or near: all form—with right understanding: ‘This is not mine, I am not this, this is not my self.’"}},{"id":"sn22.49:6","sourceIds":["sn22.49:6.1","sn22.49:6.2","sn22.49:6.3","sn22.49:6.4"],"kind":"text","text":{"pi":"Yā kāci vedanā …\nyā kāci saññā …\nye keci saṅkhārā …\nyaṁ kiñci viññāṇaṁ atītānāgatapaccuppannaṁ ajjhattaṁ vā bahiddhā vā oḷārikaṁ vā sukhumaṁ vā hīnaṁ vā paṇītaṁ vā yaṁ dūre santike vā, sabbaṁ viññāṇaṁ ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya daṭṭhabbaṁ.","en":"You should truly see any kind of feeling …\nperception …\nchoices …\nconsciousness at all—past, future, or present; internal or external; solid or subtle; inferior or superior; far or near: all consciousness—with right understanding: ‘This is not mine, I am not this, this is not my self.’"}},{"id":"sn22.49:7","sourceIds":["sn22.49:7.1","sn22.49:7.2","sn22.49:7.3","sn22.49:7.4"],"kind":"text","text":{"pi":"Evaṁ passaṁ, soṇa, sutavā ariyasāvako rūpasmimpi nibbindati, vedanāyapi nibbindati, saññāyapi nibbindati, saṅkhāresupi nibbindati, viññāṇasmimpi nibbindati.\nNibbindaṁ virajjati; virāgā vimuccati. Vimuttasmiṁ vimuttamiti ñāṇaṁ hoti.\n‘Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānātī”ti.\nSattamaṁ.","en":"Seeing this, a learned noble disciple grows disillusioned with form, feeling, perception, choices, and consciousness.\nBeing disillusioned, desire fades away. When desire fades away they’re freed. When they’re freed, they know they’re freed.\nThey understand: ‘Rebirth is ended, the spiritual journey has been completed, what had to be done has been done, there is nothing further for this place.’”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn22.49/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}