{"id":"sn22.50","title":"With Soṇa (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn22.50","title":"With Soṇa (2nd)","units":[{"id":"sn22.50:0","sourceIds":["sn22.50:0.1","sn22.50:0.2","sn22.50:0.3"],"kind":"text","text":{"pi":"Saṁyutta Nikāya 22.50\n5. Attadīpavagga\nDutiyasoṇasutta","en":"Linked Discourses 22.50\n5. Be Your Own Island\nWith Soṇa (2nd)"}},{"id":"sn22.50:1","sourceIds":["sn22.50:1.1","sn22.50:1.2","sn22.50:1.3"],"kind":"text","text":{"pi":"Evaṁ me sutaṁ—\nekaṁ samayaṁ bhagavā rājagahe viharati veḷuvane kalandakanivāpe.\nAtha kho soṇo gahapatiputto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho soṇaṁ gahapatiputtaṁ bhagavā etadavoca:","en":"So I have heard.\nAt one time the Buddha was staying near Rājagaha in the Bamboo Grove, the squirrels’ feeding ground.\nThen the householder Soṇa went up to the Buddha, bowed, and sat down to one side. The Buddha said to him:"}},{"id":"sn22.50:2","sourceIds":["sn22.50:2.1","sn22.50:2.2","sn22.50:2.3","sn22.50:2.4","sn22.50:2.5","sn22.50:2.6"],"kind":"text","text":{"pi":"“Ye hi keci, soṇa, samaṇā vā brāhmaṇā vā rūpaṁ nappajānanti, rūpasamudayaṁ nappajānanti, rūpanirodhaṁ nappajānanti, rūpanirodhagāminiṁ paṭipadaṁ nappajānanti;\nvedanaṁ nappajānanti, vedanāsamudayaṁ nappajānanti, vedanānirodhaṁ nappajānanti, vedanānirodhagāminiṁ paṭipadaṁ nappajānanti;\nsaññaṁ nappajānanti …pe…\nsaṅkhāre nappajānanti, saṅkhārasamudayaṁ nappajānanti, saṅkhāranirodhaṁ nappajānanti, saṅkhāranirodhagāminiṁ paṭipadaṁ nappajānanti;\nviññāṇaṁ nappajānanti, viññāṇasamudayaṁ nappajānanti, viññāṇanirodhaṁ nappajānanti, viññāṇanirodhagāminiṁ paṭipadaṁ nappajānanti.\nNa me te, soṇa, samaṇā vā brāhmaṇā vā samaṇesu vā samaṇasammatā brāhmaṇesu vā brāhmaṇasammatā, na ca pana te āyasmanto sāmaññatthaṁ vā brahmaññatthaṁ vā diṭṭheva dhamme sayaṁ abhiññā sacchikatvā upasampajja viharanti.","en":"“Soṇa, there are ascetics and brahmins who don’t understand form, its origin, its cessation, and the practice that leads to its cessation.\nThey don’t understand feeling …\nperception …\nchoices …\nconsciousness, its origin, its cessation, and the practice that leads to its cessation.\nI don’t deem them as true ascetics and brahmins. Those venerables don’t realize the goal of life as an ascetic or brahmin, and don’t live having realized it with their own insight in this very life."}},{"id":"sn22.50:3","sourceIds":["sn22.50:3.1","sn22.50:3.2","sn22.50:3.3","sn22.50:3.4","sn22.50:3.5","sn22.50:3.6","sn22.50:3.7"],"kind":"text","text":{"pi":"Ye ca kho keci, soṇa, samaṇā vā brāhmaṇā vā rūpaṁ pajānanti, rūpasamudayaṁ pajānanti, rūpanirodhaṁ pajānanti, rūpanirodhagāminiṁ paṭipadaṁ pajānanti;\nvedanaṁ pajānanti …pe…\nsaññaṁ pajānanti …\nsaṅkhāre pajānanti …\nviññāṇaṁ pajānanti, viññāṇasamudayaṁ pajānanti, viññāṇanirodhaṁ pajānanti, viññāṇanirodhagāminiṁ paṭipadaṁ pajānanti.\nTe ca kho me, soṇa, samaṇā vā brāhmaṇā vā samaṇesu ceva samaṇasammatā brāhmaṇesu ca brāhmaṇasammatā, te ca panāyasmanto sāmaññatthañca brahmaññatthañca diṭṭheva dhamme sayaṁ abhiññā sacchikatvā upasampajja viharantī”ti.\nAṭṭhamaṁ.","en":"There are ascetics and brahmins who do understand form, its origin, its cessation, and the practice that leads to its cessation.\nThey do understand feeling …\nperception …\nchoices …\nconsciousness, its origin, its cessation, and the practice that leads to its cessation.\nI deem them as true ascetics and brahmins. Those venerables realize the goal of life as an ascetic or brahmin, and live having realized it with their own insight.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn22.50/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}