{"id":"sn22.54","title":"Seeds of Plants","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn22.54","title":"Seeds of Plants","units":[{"id":"sn22.54:0","sourceIds":["sn22.54:0.1","sn22.54:0.2","sn22.54:0.3"],"kind":"text","text":{"pi":"Saṁyutta Nikāya 22.54\n6. Upayavagga\nBījasutta","en":"Linked Discourses 22.54\n6. Involvement\nSeeds of Plants"}},{"id":"sn22.54:1","sourceIds":["sn22.54:1.1","sn22.54:1.2","sn22.54:1.3","sn22.54:1.4","sn22.54:1.5","sn22.54:1.6","sn22.54:1.7","sn22.54:1.8","sn22.54:1.9","sn22.54:1.10","sn22.54:1.11","sn22.54:1.12","sn22.54:1.13"],"kind":"text","text":{"pi":"Sāvatthinidānaṁ.\n“Pañcimāni, bhikkhave, bījajātāni.\nKatamāni pañca?\nMūlabījaṁ, khandhabījaṁ, aggabījaṁ, phalubījaṁ, bījabījaññeva pañcamaṁ.\nImāni cassu, bhikkhave, pañca bījajātāni akhaṇḍāni apūtikāni avātātapahatāni sārādāni sukhasayitāni, pathavī ca nāssa, āpo ca nāssa;\napi numāni, bhikkhave, pañca bījajātāni vuddhiṁ virūḷhiṁ vepullaṁ āpajjeyyun”ti?\n“No hetaṁ, bhante”.\n“Imāni cassu, bhikkhave, pañca bījajātāni akhaṇḍāni …pe… sukhasayitāni, pathavī ca assa, āpo ca assa;\napi numāni, bhikkhave, pañca bījajātāni vuddhiṁ virūḷhiṁ vepullaṁ āpajjeyyun”ti?\n“Evaṁ, bhante”.\n“Seyyathāpi, bhikkhave, pathavīdhātu, evaṁ catasso viññāṇaṭṭhitiyo daṭṭhabbā.\nSeyyathāpi, bhikkhave, āpodhātu, evaṁ nandirāgo daṭṭhabbo.\nSeyyathāpi, bhikkhave, pañca bījajātāni, evaṁ viññāṇaṁ sāhāraṁ daṭṭhabbaṁ.","en":"At Sāvatthī.\n“Mendicants, there are five kinds of plants.\nWhat five?\nPlants propagated from roots, trunks, cuttings, or joints; and those from regular seeds are the fifth.\nSuppose these five kinds of plants were intact, unspoiled, not weather-damaged, fertile, and well-kept. But there’s no earth or water.\nThen would these five kinds of plants reach growth, increase, and maturity?”\n“No, sir.”\n“Suppose these five kinds of plants were intact, unspoiled, not weather-damaged, fertile, and well-kept. And there is earth and water.\nThen would these five kinds of plants reach growth, increase, and maturity?”\n“Yes, sir.”\n“The four establishings of consciousness should be seen as like the earth element.\nRelishing and greed should be seen as like the water element.\nConsciousness with its fuel should be seen as like the five kinds of plants."}},{"id":"sn22.54:2","sourceIds":["sn22.54:2.1","sn22.54:2.2","sn22.54:2.3","sn22.54:2.4"],"kind":"text","text":{"pi":"Rūpupayaṁ, bhikkhave, viññāṇaṁ tiṭṭhamānaṁ tiṭṭheyya, rūpārammaṇaṁ rūpappatiṭṭhaṁ nandūpasecanaṁ vuddhiṁ virūḷhiṁ vepullaṁ āpajjeyya.\nVedanupayaṁ vā, bhikkhave, viññāṇaṁ tiṭṭhamānaṁ tiṭṭheyya …pe…\nsaññupayaṁ vā, bhikkhave, viññāṇaṁ tiṭṭhamānaṁ tiṭṭheyya …pe…\nsaṅkhārupayaṁ vā, bhikkhave, viññāṇaṁ tiṭṭhamānaṁ tiṭṭheyya, saṅkhārārammaṇaṁ saṅkhārappatiṭṭhaṁ nandūpasecanaṁ vuddhiṁ virūḷhiṁ vepullaṁ āpajjeyya.","en":"Should consciousness involved with form, supported by form, established on form continue to remain, with a sprinkling of relishing it would grow, increase, and mature.\nOr should consciousness involved with feeling remain …\nOr should consciousness involved with perception remain …\nOr should consciousness involved with choices, supported by choices, established on choices continue to remain, with a sprinkling of relishing it would grow, increase, and mature."}},{"id":"sn22.54:3","sourceIds":["sn22.54:3.1","sn22.54:3.2"],"kind":"text","text":{"pi":"Yo, bhikkhave, evaṁ vadeyya:\n‘ahamaññatra rūpā aññatra vedanāya aññatra saññāya aññatra saṅkhārehi viññāṇassa āgatiṁ vā gatiṁ vā cutiṁ vā upapattiṁ vā vuddhiṁ vā virūḷhiṁ vā vepullaṁ vā paññāpessāmī’ti, netaṁ ṭhānaṁ vijjati.","en":"Mendicants, suppose you say:\n‘Apart from form, feeling, perception, and choices, I will describe the coming and going of consciousness, its passing away and reappearing, its growth, increase, and maturity.’ That is not possible."}},{"id":"sn22.54:4","sourceIds":["sn22.54:4.1","sn22.54:4.2","sn22.54:4.3","sn22.54:4.4","sn22.54:4.5","sn22.54:4.6","sn22.54:4.7","sn22.54:4.8","sn22.54:4.9","sn22.54:4.10","sn22.54:4.11"],"kind":"text","text":{"pi":"Rūpadhātuyā ceva, bhikkhave, bhikkhuno rāgo pahīno hoti.\nRāgassa pahānā vocchijjatārammaṇaṁ patiṭṭhā viññāṇassa na hoti.\nVedanādhātuyā ce …\nsaññādhātuyā ce …\nsaṅkhāradhātuyā ce …\nviññāṇadhātuyā ce, bhikkhave, bhikkhuno rāgo pahīno hoti.\nRāgassa pahānā vocchijjatārammaṇaṁ patiṭṭhā viññāṇassa na hoti.\nTadappatiṭṭhitaṁ viññāṇaṁ avirūḷhaṁ anabhisaṅkhacca vimuttaṁ.\nVimuttattā ṭhitaṁ. Ṭhitattā santusitaṁ. Santusitattā na paritassati. Aparitassaṁ paccattaññeva parinibbāyati.\n‘Khīṇā jāti …pe… nāparaṁ itthattāyā’ti pajānātī”ti.\nDutiyaṁ.","en":"If a mendicant has given up greed for the form element,\nthe support is cut off, and there is no establishment of consciousness.\nIf a mendicant has given up greed for the feeling element …\nperception element …\nchoices element …\nconsciousness element,\nthe support is cut off, and there is no establishment of consciousness.\nSince that consciousness does not become established and does not grow, not making choices, it is freed.\nBeing free, it’s stable. Being stable, it’s content. Being content, they’re not anxious. Not being anxious, they personally become extinguished.\nThey understand: ‘Rebirth is ended … there is nothing further for this place.’”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn22.54/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}