{"id":"sn22.55","title":"An Inspired Saying","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn22.55","title":"An Inspired Saying","units":[{"id":"sn22.55:0","sourceIds":["sn22.55:0.1","sn22.55:0.2","sn22.55:0.3"],"kind":"text","text":{"pi":"Saṁyutta Nikāya 22.55\n6. Upayavagga\nUdānasutta","en":"Linked Discourses 22.55\n6. Involvement\nAn Inspired Saying"}},{"id":"sn22.55:1","sourceIds":["sn22.55:1.1","sn22.55:1.2","sn22.55:1.3","sn22.55:1.4","sn22.55:1.5","sn22.55:1.6","sn22.55:1.7"],"kind":"text","text":{"pi":"Sāvatthinidānaṁ.\nTatra kho bhagavā udānaṁ udānesi:\n“‘no cassaṁ, no ca me siyā, nābhavissa, na me bhavissatī’ti—\nevaṁ adhimuccamāno bhikkhu chindeyya orambhāgiyāni saṁyojanānī”ti.\nEvaṁ vutte, aññataro bhikkhu bhagavantaṁ etadavoca:\n“yathā kathaṁ pana, bhante, ‘no cassaṁ, no ca me siyā, nābhavissa, na me bhavissatī’ti—\nevaṁ adhimuccamāno bhikkhu chindeyya orambhāgiyāni saṁyojanānī”ti?","en":"At Sāvatthī.\nThere the Buddha expressed this heartfelt sentiment:\n“‘It might not be, and it might not be mine. It will not be, and it will not be mine.’\nA mendicant who makes such a resolution can cut off the lower fetters.”\nWhen he said this, one of the mendicants said to the Buddha,\n“But sir, how\ncan a mendicant who makes such a resolution cut off the lower fetters?”"}},{"id":"sn22.55:2","sourceIds":["sn22.55:2.1","sn22.55:2.2","sn22.55:2.3","sn22.55:2.4","sn22.55:2.5","sn22.55:2.6"],"kind":"text","text":{"pi":"“Idha, bhikkhu, assutavā puthujjano ariyānaṁ adassāvī …pe…\nsappurisadhamme avinīto rūpaṁ attato samanupassati, rūpavantaṁ vā attānaṁ; attani vā rūpaṁ, rūpasmiṁ vā attānaṁ.\nVedanaṁ …\nsaññaṁ …\nsaṅkhāre …\nviññāṇaṁ attato samanupassati, viññāṇavantaṁ vā attānaṁ; attani vā viññāṇaṁ, viññāṇasmiṁ vā attānaṁ.","en":"“Mendicant, take an unlearned ordinary person who has not seen the noble ones, and is neither skilled nor trained in their teaching. They’ve not seen true persons, and are neither skilled nor trained in their teaching.\nThey regard form as self, self as having form, form in self, or self in form.\nThey regard feeling …\nperception …\nchoices …\nconsciousness as self, self as having consciousness, consciousness in self, or self in consciousness."}},{"id":"sn22.55:3","sourceIds":["sn22.55:3.1","sn22.55:3.2","sn22.55:3.3","sn22.55:3.4","sn22.55:3.5"],"kind":"text","text":{"pi":"So aniccaṁ rūpaṁ ‘aniccaṁ rūpan’ti yathābhūtaṁ nappajānāti,\naniccaṁ vedanaṁ ‘aniccā vedanā’ti yathābhūtaṁ nappajānāti,\naniccaṁ saññaṁ ‘aniccā saññā’ti yathābhūtaṁ nappajānāti,\nanicce saṅkhāre ‘aniccā saṅkhārā’ti yathābhūtaṁ nappajānāti,\naniccaṁ viññāṇaṁ ‘aniccaṁ viññāṇan’ti yathābhūtaṁ nappajānāti.","en":"They don’t truly understand form—which is impermanent—as impermanent.\nThey don’t truly understand feeling …\nperception …\nchoices …\nconsciousness—which is impermanent—as impermanent."}},{"id":"sn22.55:4","sourceIds":["sn22.55:4.1","sn22.55:4.2","sn22.55:4.3","sn22.55:4.4","sn22.55:4.5"],"kind":"text","text":{"pi":"Dukkhaṁ rūpaṁ ‘dukkhaṁ rūpan’ti yathābhūtaṁ nappajānāti,\ndukkhaṁ vedanaṁ …\ndukkhaṁ saññaṁ …\ndukkhe saṅkhāre …\ndukkhaṁ viññāṇaṁ ‘dukkhaṁ viññāṇan’ti yathābhūtaṁ nappajānāti.","en":"They don’t truly understand form—which is suffering—as suffering.\nThey don’t truly understand feeling …\nperception …\nchoices …\nconsciousness—which is suffering—as suffering."}},{"id":"sn22.55:5","sourceIds":["sn22.55:5.1","sn22.55:5.2","sn22.55:5.3","sn22.55:5.4","sn22.55:5.5"],"kind":"text","text":{"pi":"Anattaṁ rūpaṁ ‘anattā rūpan’ti yathābhūtaṁ nappajānāti,\nanattaṁ vedanaṁ ‘anattā vedanā’ti yathābhūtaṁ nappajānāti,\nanattaṁ saññaṁ ‘anattā saññā’ti yathābhūtaṁ nappajānāti,\nanatte saṅkhāre ‘anattā saṅkhārā’ti yathābhūtaṁ nappajānāti,\nanattaṁ viññāṇaṁ ‘anattā viññāṇan’ti yathābhūtaṁ nappajānāti.","en":"They don’t truly understand form—which is not-self—as not-self.\nThey don’t truly understand feeling …\nperception …\nchoices …\nconsciousness—which is not-self—as not-self."}},{"id":"sn22.55:6","sourceIds":["sn22.55:6.1","sn22.55:6.2","sn22.55:6.3","sn22.55:6.4","sn22.55:6.5","sn22.55:6.6","sn22.55:6.7","sn22.55:6.8","sn22.55:6.9","sn22.55:6.10"],"kind":"text","text":{"pi":"Saṅkhataṁ rūpaṁ ‘saṅkhataṁ rūpan’ti yathābhūtaṁ nappajānāti,\nsaṅkhataṁ vedanaṁ …\nsaṅkhataṁ saññaṁ …\nsaṅkhate saṅkhāre …\nsaṅkhataṁ viññāṇaṁ ‘saṅkhataṁ viññāṇan’ti yathābhūtaṁ nappajānāti.\nRūpaṁ vibhavissatīti yathābhūtaṁ nappajānāti.\nVedanā vibhavissati …\nsaññā vibhavissati …\nsaṅkhārā vibhavissanti …\nviññāṇaṁ vibhavissatīti yathābhūtaṁ nappajānāti.","en":"They don’t truly understand form—which is conditioned—as conditioned.\nThey don’t truly understand feeling …\nperception …\nchoices …\nconsciousness—which is conditioned—as conditioned.\nThey don’t truly understand that form will vanish.\nThey don’t truly understand that feeling …\nperception …\nchoices …\nconsciousness will vanish."}},{"id":"sn22.55:7","sourceIds":["sn22.55:7.1","sn22.55:7.2","sn22.55:7.3","sn22.55:7.4","sn22.55:7.5","sn22.55:7.6"],"kind":"text","text":{"pi":"Sutavā ca kho, bhikkhu, ariyasāvako ariyānaṁ dassāvī ariyadhammassa kovido ariyadhamme suvinīto sappurisānaṁ dassāvī sappurisadhammassa kovido sappurisadhamme suvinīto\nna rūpaṁ attato samanupassati …pe…\nna vedanaṁ …\nna saññaṁ …\nna saṅkhāre …\nna viññāṇaṁ attato samanupassati.","en":"But a learned noble disciple has seen the noble ones, and is skilled and trained in the teaching of the noble ones. They’ve seen true persons, and are skilled and trained in the teaching of the true persons.\nThey don’t regard form as self …\nThey don’t regard feeling …\nperception …\nchoices …\nconsciousness as self."}},{"id":"sn22.55:8","sourceIds":["sn22.55:8.1","sn22.55:8.2","sn22.55:8.3","sn22.55:8.4","sn22.55:8.5","sn22.55:8.6","sn22.55:8.7","sn22.55:8.8","sn22.55:8.9","sn22.55:8.10","sn22.55:8.11","sn22.55:8.12","sn22.55:8.13"],"kind":"text","text":{"pi":"So aniccaṁ rūpaṁ ‘aniccaṁ rūpan’ti yathābhūtaṁ pajānāti.\nAniccaṁ vedanaṁ …\naniccaṁ saññaṁ …\nanicce saṅkhāre …\naniccaṁ viññāṇaṁ ‘aniccaṁ viññāṇan’ti yathābhūtaṁ pajānāti.\nDukkhaṁ rūpaṁ …pe… dukkhaṁ viññāṇaṁ …\nanattaṁ rūpaṁ …pe… anattaṁ viññāṇaṁ …\nsaṅkhataṁ rūpaṁ …pe… saṅkhataṁ viññāṇaṁ ‘saṅkhataṁ viññāṇan’ti yathābhūtaṁ pajānāti.\nRūpaṁ vibhavissatīti yathābhūtaṁ pajānāti.\nVedanā …\nsaññā …\nsaṅkhārā …\nviññāṇaṁ vibhavissatīti yathābhūtaṁ pajānāti.","en":"They truly understand form—which is impermanent—as impermanent.\nThey truly understand feeling …\nperception …\nchoices …\nconsciousness—which is impermanent—as impermanent.\nThey truly understand form … feeling … perception … choices … consciousness—which is suffering—as suffering.\nThey truly understand form … feeling … perception … choices … consciousness—which is not-self—as not-self.\nThey truly understand form … feeling … perception … choices … consciousness—which is conditioned—as conditioned.\nThey truly understand that form will vanish.\nThey truly understand that feeling …\nperception …\nchoices …\nconsciousness will vanish."}},{"id":"sn22.55:9","sourceIds":["sn22.55:9.1","sn22.55:9.2","sn22.55:9.3","sn22.55:9.4"],"kind":"text","text":{"pi":"So rūpassa vibhavā, vedanāya vibhavā, saññāya vibhavā, saṅkhārānaṁ vibhavā, viññāṇassa vibhavā, evaṁ kho, bhikkhu,\n‘no cassaṁ, no ca me siyā, nābhavissa, na me bhavissatī’ti—\nevaṁ adhimuccamāno bhikkhu chindeyya orambhāgiyāni saṁyojanānī”ti.\n“‘Evaṁ adhimuccamāno,’ bhante, ‘bhikkhu chindeyya orambhāgiyāni saṁyojanānī’ti.","en":"It’s because of the vanishing of form, feeling, perception, choices, and consciousness that a mendicant who makes such a resolution—\n‘It might not be, and it might not be mine. It will not be, and it will not be mine’—\ncan cut off the lower fetters.”\n“Sir, you say that a mendicant who makes such a resolution can cut off the lower fetters."}},{"id":"sn22.55:10","sourceIds":["sn22.55:10.1","sn22.55:10.2","sn22.55:10.3","sn22.55:10.4"],"kind":"text","text":{"pi":"Kathaṁ pana, bhante, jānato kathaṁ passato anantarā āsavānaṁ khayo hotī”ti?\n“Idha, bhikkhu, assutavā puthujjano atasitāye ṭhāne tāsaṁ āpajjati.\nTāso heso bhikkhu assutavato puthujjanassa:\n‘no cassaṁ, no ca me siyā, nābhavissa, na me bhavissatī’ti.","en":"But how are they to know and see in order to end the defilements without delay?”\n“Mendicant, an unlearned ordinary person worries about things that aren’t a worry.\nFor an unlearned ordinary person worries:\n‘It might not be, and it might not be mine. It will not be, and it will not be mine.’"}},{"id":"sn22.55:11","sourceIds":["sn22.55:11.1","sn22.55:11.2","sn22.55:11.3","sn22.55:11.4","sn22.55:11.5","sn22.55:11.6","sn22.55:11.7"],"kind":"text","text":{"pi":"Sutavā ca kho, bhikkhu, ariyasāvako atasitāye ṭhāne na tāsaṁ āpajjati.\nNa heso, bhikkhu, tāso sutavato ariyasāvakassa:\n‘no cassaṁ, no ca me siyā, nābhavissa, na me bhavissatī’ti.\nRūpupayaṁ vā, bhikkhu, viññāṇaṁ tiṭṭhamānaṁ tiṭṭheyya, rūpārammaṇaṁ rūpappatiṭṭhaṁ nandūpasecanaṁ vuddhiṁ virūḷhiṁ vepullaṁ āpajjeyya.\nVedanupayaṁ vā, bhikkhu …\nsaññupayaṁ vā, bhikkhu …\nsaṅkhārupayaṁ vā, bhikkhu, viññāṇaṁ tiṭṭhamānaṁ tiṭṭheyya, saṅkhārārammaṇaṁ saṅkhārappatiṭṭhaṁ nandūpasecanaṁ vuddhiṁ virūḷhiṁ vepullaṁ āpajjeyya.","en":"A learned noble disciple doesn’t worry about things that aren’t a worry.\nFor a learned noble disciple doesn’t worry:\n‘It might not be, and it might not be mine. It will not be, and it will not be mine.’\nShould consciousness involved with form, supported by form, established on form continue to remain, with a sprinkling of relishing it would grow, increase, and mature.\nOr should consciousness involved with feeling remain …\nOr should consciousness involved with perception remain …\nOr should consciousness involved with choices, supported by choices, established on choices continue to remain, with a sprinkling of relishing it would grow, increase, and mature."}},{"id":"sn22.55:12","sourceIds":["sn22.55:12.1","sn22.55:12.2"],"kind":"text","text":{"pi":"Yo, bhikkhu, evaṁ vadeyya:\n‘ahamaññatra rūpā, aññatra vedanāya, aññatra saññāya, aññatra saṅkhārehi viññāṇassa āgatiṁ vā gatiṁ vā cutiṁ vā upapattiṁ vā vuddhiṁ vā virūḷhiṁ vā vepullaṁ vā paññāpessāmī’ti, netaṁ ṭhānaṁ vijjati.","en":"Suppose, mendicant, you were to say:\n‘Apart from form, feeling, perception, and choices, I will describe the coming and going of consciousness, its passing away and reappearing, its growth, increase, and maturity.’ That is not possible."}},{"id":"sn22.55:13","sourceIds":["sn22.55:13.1","sn22.55:13.2","sn22.55:13.3","sn22.55:13.4","sn22.55:13.5","sn22.55:13.6","sn22.55:13.7","sn22.55:13.8","sn22.55:13.9","sn22.55:13.10"],"kind":"text","text":{"pi":"Rūpadhātuyā ce, bhikkhu, bhikkhuno rāgo pahīno hoti. Rāgassa pahānā vocchijjatārammaṇaṁ patiṭṭhā viññāṇassa na hoti.\nVedanādhātuyā ce, bhikkhu, bhikkhuno …\nsaññādhātuyā ce, bhikkhu, bhikkhuno …\nsaṅkhāradhātuyā ce, bhikkhu, bhikkhuno …\nviññāṇadhātuyā ce, bhikkhu, bhikkhuno rāgo pahīno hoti. Rāgassa pahānā vocchijjatārammaṇaṁ patiṭṭhā viññāṇassa na hoti.\nTadappatiṭṭhitaṁ viññāṇaṁ avirūḷhaṁ anabhisaṅkhacca vimuttaṁ.\nVimuttattā ṭhitaṁ. Ṭhitattā santusitaṁ. Santusitattā na paritassati. Aparitassaṁ paccattaññeva parinibbāyati.\n‘Khīṇā jāti …pe… nāparaṁ itthattāyā’ti pajānāti.\nEvaṁ kho, bhikkhu, jānato evaṁ passato anantarā āsavānaṁ khayo hotī”ti.\nTatiyaṁ.","en":"If a mendicant has given up greed for the form element, the support is cut off, and there is no establishment of consciousness.\nIf a mendicant has given up greed for the feeling element …\nperception element …\nchoices element …\nconsciousness element, the support is cut off, and there is no establishment of consciousness.\nSince that consciousness does not become established and does not grow, not making choices, it is freed.\nBeing free, it’s stable. Being stable, it’s content. Being content, they’re not anxious. Not being anxious, they personally become extinguished.\nThey understand: ‘Rebirth is ended … there is nothing further for this place.’\nThe ending of the defilements without delay is for one who knows and sees this.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn22.55/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}