{"id":"sn22.60","title":"With Mahāli","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn22.60","title":"With Mahāli","units":[{"id":"sn22.60:0","sourceIds":["sn22.60:0.1","sn22.60:0.2","sn22.60:0.3"],"kind":"text","text":{"pi":"Saṁyutta Nikāya 22.60\n6. Upayavagga\nMahālisutta","en":"Linked Discourses 22.60\n6. Involvement\nWith Mahāli"}},{"id":"sn22.60:1","sourceIds":["sn22.60:1.1","sn22.60:1.2","sn22.60:1.3"],"kind":"text","text":{"pi":"Evaṁ me sutaṁ—\nekaṁ samayaṁ bhagavā vesāliyaṁ viharati mahāvane kūṭāgārasālāyaṁ.\nAtha kho mahāli licchavi yena bhagavā tenupasaṅkami …pe… ekamantaṁ nisinno kho mahāli licchavi bhagavantaṁ etadavoca:","en":"So I have heard.\nAt one time the Buddha was staying near Vesālī, at the Great Wood, in the hall with the peaked roof.\nThen Mahāli the Licchavi went up to the Buddha … and said to him:"}},{"id":"sn22.60:2","sourceIds":["sn22.60:2.1","sn22.60:2.2","sn22.60:2.3","sn22.60:2.4","sn22.60:2.5","sn22.60:2.6"],"kind":"text","text":{"pi":"“Pūraṇo, bhante, kassapo evamāha:\n‘natthi hetu natthi paccayo sattānaṁ saṅkilesāya;\nahetū appaccayā sattā saṅkilissanti.\nNatthi hetu natthi paccayo sattānaṁ visuddhiyā;\nahetū appaccayā sattā visujjhantī’ti.\nIdha bhagavā kimāhā”ti?","en":"“Sir, Pūraṇa Kassapa says this:\n‘There is no cause or reason for the corruption of sentient beings.\nSentient beings are corrupted without cause or reason.\nThere’s no cause or reason for the purification of sentient beings.\nSentient beings are purified without cause or reason.’\nWhat does the Buddha say about this?”"}},{"id":"sn22.60:3","sourceIds":["sn22.60:3.1","sn22.60:3.2","sn22.60:3.3","sn22.60:3.4"],"kind":"text","text":{"pi":"“Atthi, mahāli, hetu atthi paccayo sattānaṁ saṅkilesāya;\nsahetū sappaccayā sattā saṅkilissanti.\nAtthi, mahāli, hetu, atthi paccayo sattānaṁ visuddhiyā;\nsahetū sappaccayā sattā visujjhantī”ti.","en":"“Mahāli, there is a cause and reason for the corruption of sentient beings.\nSentient beings are corrupted with cause and reason.\nThere is a cause and reason for the purification of sentient beings.\nSentient beings are purified with cause and reason.”"}},{"id":"sn22.60:4","sourceIds":["sn22.60:4.1","sn22.60:4.2"],"kind":"text","text":{"pi":"“Katamo pana, bhante, hetu katamo paccayo sattānaṁ saṅkilesāya;\nkathaṁ sahetū sappaccayā sattā saṅkilissantī”ti?","en":"“But sir, what is the cause and reason for the corruption of sentient beings?\nHow are sentient beings corrupted with cause and reason?”"}},{"id":"sn22.60:5","sourceIds":["sn22.60:5.1","sn22.60:5.2","sn22.60:5.3","sn22.60:5.4","sn22.60:5.5"],"kind":"text","text":{"pi":"“Rūpañca hidaṁ, mahāli, ekantadukkhaṁ abhavissa dukkhānupatitaṁ dukkhāvakkantaṁ anavakkantaṁ sukhena, nayidaṁ sattā rūpasmiṁ sārajjeyyuṁ.\nYasmā ca kho, mahāli, rūpaṁ sukhaṁ sukhānupatitaṁ sukhāvakkantaṁ anavakkantaṁ dukkhena, tasmā sattā rūpasmiṁ sārajjanti;\nsārāgā saṁyujjanti; saṁyogā saṅkilissanti.\nAyaṁ kho, mahāli, hetu, ayaṁ paccayo sattānaṁ saṅkilesāya;\nevaṁ sahetū sappaccayā sattā saṅkilissanti.","en":"“Mahāli, if form were absolutely painful—soaked and steeped in pain and not steeped in pleasure—sentient beings wouldn’t be aroused by it.\nBut because form is pleasurable—soaked and steeped in pleasure and not steeped in pain—sentient beings are aroused by it.\nSince they are aroused by it, they’re caught up in it, and so they become corrupted.\nThis is a cause and reason for the corruption of sentient beings.\nThis is how sentient beings are corrupted with cause and reason."}},{"id":"sn22.60:6","sourceIds":["sn22.60:6.1","sn22.60:6.2","sn22.60:6.3","sn22.60:6.4","sn22.60:6.5","sn22.60:6.6"],"kind":"text","text":{"pi":"Vedanā ca hidaṁ, mahāli, ekantadukkhā abhavissa dukkhānupatitā dukkhāvakkantā anavakkantā sukhena, nayidaṁ sattā vedanāya sārajjeyyuṁ.\nYasmā ca kho, mahāli, vedanā sukhā sukhānupatitā sukhāvakkantā anavakkantā dukkhena, tasmā sattā vedanāya sārajjanti;\nsārāgā saṁyujjanti;\nsaṁyogā saṅkilissanti.\nAyampi kho, mahāli, hetu, ayaṁ paccayo sattānaṁ saṅkilesāya.\nEvampi sahetū sappaccayā sattā saṅkilissanti.","en":"If feeling …"}},{"id":"sn22.60:7","sourceIds":["sn22.60:7.1","sn22.60:7.2","sn22.60:7.3","sn22.60:7.4","sn22.60:7.5","sn22.60:7.6","sn22.60:7.7"],"kind":"text","text":{"pi":"Saññā ca hidaṁ, mahāli …pe…\nsaṅkhārā ca hidaṁ, mahāli, ekantadukkhā abhavissaṁsu dukkhānupatitā dukkhāvakkantā anavakkantā sukhena, nayidaṁ sattā saṅkhāresu sārajjeyyuṁ.\nYasmā ca kho, mahāli, saṅkhārā sukhā sukhānupatitā sukhāvakkantā anavakkantā dukkhena, tasmā sattā saṅkhāresu sārajjanti;\nsārāgā saṁyujjanti;\nsaṁyogā saṅkilissanti.\nAyampi kho, mahāli, hetu, ayaṁ paccayo sattānaṁ saṅkilesāya.\nEvampi sahetū sappaccayā sattā saṅkilissanti.","en":"perception …\nchoices …"}},{"id":"sn22.60:8","sourceIds":["sn22.60:8.1","sn22.60:8.2","sn22.60:8.3","sn22.60:8.4","sn22.60:8.5"],"kind":"text","text":{"pi":"Viññāṇañca hidaṁ, mahāli, ekantadukkhaṁ abhavissa dukkhānupatitaṁ dukkhāvakkantaṁ anavakkantaṁ sukhena, nayidaṁ sattā viññāṇasmiṁ sārajjeyyuṁ.\nYasmā ca kho, mahāli, viññāṇaṁ sukhaṁ sukhānupatitaṁ sukhāvakkantaṁ anavakkantaṁ dukkhena, tasmā sattā viññāṇasmiṁ sārajjanti;\nsārāgā saṁyujjanti; saṁyogā saṅkilissanti.\nAyampi kho, mahāli, hetu ayaṁ paccayo sattānaṁ saṅkilesāya.\nEvampi sahetū sappaccayā sattā saṅkilissantī”ti.","en":"consciousness were absolutely painful—soaked and steeped in pain and not steeped in pleasure—sentient beings wouldn’t be aroused by it.\nBut because consciousness is pleasurable—soaked and steeped in pleasure and not steeped in pain—sentient beings are aroused by it.\nSince they are aroused by it, they’re caught up in it, and so they become corrupted.\nThis is a cause and reason for the corruption of sentient beings.\nThis is how sentient beings are corrupted with cause and reason.”"}},{"id":"sn22.60:9","sourceIds":["sn22.60:9.1","sn22.60:9.2","sn22.60:9.3","sn22.60:9.4","sn22.60:9.5","sn22.60:9.6","sn22.60:9.7"],"kind":"text","text":{"pi":"“Katamo pana, bhante, hetu katamo paccayo sattānaṁ visuddhiyā;\nkathaṁ sahetū sappaccayā sattā visujjhantī”ti?\n“Rūpañca hidaṁ, mahāli, ekantasukhaṁ abhavissa sukhānupatitaṁ sukhāvakkantaṁ anavakkantaṁ dukkhena, nayidaṁ sattā rūpasmiṁ nibbindeyyuṁ.\nYasmā ca kho, mahāli, rūpaṁ dukkhaṁ dukkhānupatitaṁ dukkhāvakkantaṁ anavakkantaṁ sukhena, tasmā sattā rūpasmiṁ nibbindanti;\nnibbindaṁ virajjanti; virāgā visujjhanti.\nAyaṁ kho, mahāli, hetu, ayaṁ paccayo, sattānaṁ visuddhiyā.\nEvaṁ sahetū sappaccayā sattā visujjhanti.","en":"“But sir, what is the cause and reason for the purification of sentient beings?\nHow are sentient beings purified with cause and reason?”\n“Mahāli, if form was absolutely pleasurable—soaked and steeped in pleasure and not steeped in pain—sentient beings wouldn’t grow disillusioned with it.\nBut because form is painful—soaked and steeped in pain and not steeped in pleasure—sentient beings do grow disillusioned with it.\nBeing disillusioned, desire fades away. When desire fades away they are purified.\nThis is a cause and reason for the purification of sentient beings.\nThis is how sentient beings are purified with cause and reason."}},{"id":"sn22.60:10","sourceIds":["sn22.60:10.1","sn22.60:10.2","sn22.60:10.3","sn22.60:10.4","sn22.60:10.5","sn22.60:10.6","sn22.60:10.7","sn22.60:10.8","sn22.60:10.9"],"kind":"text","text":{"pi":"Vedanā ca hidaṁ, mahāli, ekantasukhā abhavissa …pe…\nsaññā ca hidaṁ, mahāli …pe…\nsaṅkhārā ca hidaṁ, mahāli, ekantasukhā abhavissaṁsu …pe…\nviññāṇañca hidaṁ, mahāli, ekantasukhaṁ abhavissa sukhānupatitaṁ sukhāvakkantaṁ anavakkantaṁ dukkhena, nayidaṁ sattā viññāṇasmiṁ nibbindeyyuṁ.\nYasmā ca kho, mahāli, viññāṇaṁ dukkhaṁ dukkhānupatitaṁ dukkhāvakkantaṁ anavakkantaṁ sukhena, tasmā sattā viññāṇasmiṁ nibbindanti;\nnibbindaṁ virajjanti; virāgā visujjhanti.\nAyaṁ kho, mahāli, hetu, ayaṁ paccayo, sattānaṁ visuddhiyā.\nEvampi sahetū sappaccayā sattā visujjhantī”ti.\nAṭṭhamaṁ.","en":"If feeling …\nperception …\nchoices …\nconsciousness was absolutely pleasurable—soaked and steeped in pleasure and not steeped in pain—sentient beings wouldn’t grow disillusioned with it.\nBut because consciousness is painful—soaked and steeped in pain and not steeped in pleasure—sentient beings do grow disillusioned with it.\nBeing disillusioned, desire fades away. When desire fades away they are purified.\nThis is a cause and reason for the purification of sentient beings.\nThis is how sentient beings are purified with cause and reason.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn22.60/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}