{"id":"sn22.7","title":"Anxiety Because of Grasping","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn22.7","title":"Anxiety Because of Grasping","units":[{"id":"sn22.7:0","sourceIds":["sn22.7:0.1","sn22.7:0.2","sn22.7:0.3"],"kind":"text","text":{"pi":"Saṁyutta Nikāya 22.7\n1. Nakulapituvagga\nUpādāparitassanāsutta","en":"Linked Discourses 22.7\n1. Nakula’s Father\nAnxiety Because of Grasping"}},{"id":"sn22.7:1","sourceIds":["sn22.7:1.1","sn22.7:1.2","sn22.7:1.3","sn22.7:1.4","sn22.7:1.5"],"kind":"text","text":{"pi":"Sāvatthinidānaṁ.\n“Upādāparitassanañca vo, bhikkhave, desessāmi anupādāaparitassanañca.\nTaṁ suṇātha, sādhukaṁ manasi karotha, bhāsissāmī”ti.\n“Evaṁ, bhante”ti, kho te bhikkhū bhagavato paccassosuṁ.\nBhagavā etadavoca:","en":"At Sāvatthī.\n“Mendicants, I will teach you how grasping leads to anxiety, and how not grasping leads to freedom from anxiety.\nListen and apply your mind well, I will speak.”\n“Yes, sir,” they replied.\nThe Buddha said this:"}},{"id":"sn22.7:2","sourceIds":["sn22.7:2.1","sn22.7:2.2","sn22.7:2.3","sn22.7:2.4","sn22.7:2.5","sn22.7:2.6","sn22.7:2.7"],"kind":"text","text":{"pi":"“Kathañca, bhikkhave, upādāparitassanā hoti?\nIdha, bhikkhave, assutavā puthujjano ariyānaṁ adassāvī ariyadhammassa akovido ariyadhamme avinīto, sappurisānaṁ adassāvī sappurisadhammassa akovido sappurisadhamme avinīto\nrūpaṁ attato samanupassati, rūpavantaṁ vā attānaṁ; attani vā rūpaṁ, rūpasmiṁ vā attānaṁ.\nTassa taṁ rūpaṁ vipariṇamati aññathā hoti.\nTassa rūpavipariṇāmaññathābhāvā rūpavipariṇāmānuparivatti viññāṇaṁ hoti.\nTassa rūpavipariṇāmānuparivattijā paritassanā dhammasamuppādā cittaṁ pariyādāya tiṭṭhanti.\nCetaso pariyādānā uttāsavā ca hoti vighātavā ca apekkhavā ca upādāya ca paritassati.","en":"“And how does grasping lead to anxiety?\nIt’s when an unlearned ordinary person has not seen the noble ones, and is neither skilled nor trained in the teaching of the noble ones. They’ve not seen true persons, and are neither skilled nor trained in the teaching of the true persons.\nThey regard form as self, self as having form, form in self, or self in form.\nBut that form of theirs decays and perishes,\nand consciousness latches on to the perishing of form.\nAnxieties occupy their mind, born of latching on to the perishing of form, and originating in accordance with natural principles.\nSo they become frightened, worried, concerned, and anxious because of grasping."}},{"id":"sn22.7:3","sourceIds":["sn22.7:3.1","sn22.7:3.2","sn22.7:3.3","sn22.7:3.4","sn22.7:3.5"],"kind":"text","text":{"pi":"Vedanaṁ attato samanupassati, vedanāvantaṁ vā attānaṁ; attani vā vedanaṁ, vedanāya vā attānaṁ.\nTassa sā vedanā vipariṇamati aññathā hoti.\nTassa vedanāvipariṇāmaññathābhāvā vedanāvipariṇāmānuparivatti viññāṇaṁ hoti.\nTassa vedanāvipariṇāmānuparivattijā paritassanā dhammasamuppādā cittaṁ pariyādāya tiṭṭhanti.\nCetaso pariyādānā uttāsavā ca hoti vighātavā ca apekkhavā ca upādāya ca paritassati.","en":"They regard feeling as self …"}},{"id":"sn22.7:4","sourceIds":["sn22.7:4.1","sn22.7:4.2","sn22.7:4.3","sn22.7:4.4","sn22.7:4.5","sn22.7:4.6"],"kind":"text","text":{"pi":"Saññaṁ attato samanupassati …pe…\nsaṅkhāre attato samanupassati, saṅkhāravantaṁ vā attānaṁ; attani vā saṅkhāre, saṅkhāresu vā attānaṁ.\nTassa te saṅkhārā vipariṇamanti aññathā honti.\nTassa saṅkhāravipariṇāmaññathābhāvā saṅkhāravipariṇāmānuparivatti viññāṇaṁ hoti.\nTassa saṅkhāravipariṇāmānuparivattijā paritassanā dhammasamuppādā cittaṁ pariyādāya tiṭṭhanti.\nCetaso pariyādānā uttāsavā ca hoti vighātavā ca apekkhavā ca upādāya ca paritassati.","en":"They regard perception as self …\nThey regard choices as self …"}},{"id":"sn22.7:5","sourceIds":["sn22.7:5.1","sn22.7:5.2","sn22.7:5.3","sn22.7:5.4","sn22.7:5.5","sn22.7:5.6"],"kind":"text","text":{"pi":"Viññāṇaṁ attato samanupassati, viññāṇavantaṁ vā attānaṁ; attani vā viññāṇaṁ, viññāṇasmiṁ vā attānaṁ.\nTassa taṁ viññāṇaṁ vipariṇamati aññathā hoti.\nTassa viññāṇavipariṇāmaññathābhāvā viññāṇavipariṇāmānuparivatti viññāṇaṁ hoti.\nTassa viññāṇavipariṇāmānuparivattijā paritassanā dhammasamuppādā cittaṁ pariyādāya tiṭṭhanti.\nCetaso pariyādānā uttāsavā ca hoti vighātavā ca apekkhavā ca upādāya ca paritassati.\nEvaṁ kho, bhikkhave, upādāparitassanā hoti.","en":"They regard consciousness as self, self as having consciousness, consciousness in self, or self in consciousness.\nBut that consciousness of theirs decays and perishes,\nand consciousness latches on to the perishing of consciousness.\nAnxieties occupy their mind, born of latching on to the perishing of consciousness, and originating in accordance with natural principles.\nSo they become frightened, worried, concerned, and anxious because of grasping.\nThat’s how grasping leads to anxiety."}},{"id":"sn22.7:6","sourceIds":["sn22.7:6.1","sn22.7:6.2","sn22.7:6.3","sn22.7:6.4","sn22.7:6.5","sn22.7:6.6","sn22.7:6.7"],"kind":"text","text":{"pi":"Kathañca, bhikkhave, anupādāaparitassanā hoti?\nIdha, bhikkhave, sutavā ariyasāvako ariyānaṁ dassāvī ariyadhammassa kovido ariyadhamme suvinīto, sappurisānaṁ dassāvī sappurisadhammassa kovido sappurisadhamme suvinīto\nna rūpaṁ attato samanupassati, na rūpavantaṁ vā attānaṁ; na attani vā rūpaṁ, na rūpasmiṁ vā attānaṁ.\nTassa taṁ rūpaṁ vipariṇamati aññathā hoti.\nTassa rūpavipariṇāmaññathābhāvā na rūpavipariṇāmānuparivatti viññāṇaṁ hoti.\nTassa na rūpavipariṇāmānuparivattijā paritassanā dhammasamuppādā cittaṁ pariyādāya tiṭṭhanti.\nCetaso apariyādānā na cevuttāsavā hoti na ca vighātavā na ca apekkhavā, anupādāya ca na paritassati.","en":"And how does not grasping lead to freedom from anxiety?\nIt’s when a learned noble disciple has seen the noble ones, and is skilled and trained in the teaching of the noble ones. They’ve seen true persons, and are skilled and trained in the teaching of the true persons.\nThey don’t regard form as self, self as having form, form in self, or self in form.\nWhen that form of theirs decays and perishes,\nconsciousness doesn’t latch on to the perishing of form.\nAnxieties—born of latching on to the perishing of form and originating in accordance with natural principles—don’t occupy their mind.\nSo they don’t become frightened, worried, concerned, or anxious because of grasping."}},{"id":"sn22.7:7","sourceIds":["sn22.7:7.1","sn22.7:7.2","sn22.7:7.3","sn22.7:7.4","sn22.7:7.5"],"kind":"text","text":{"pi":"Na vedanaṁ attato samanupassati, na vedanāvantaṁ vā attānaṁ; na attani vā vedanaṁ, na vedanāya vā attānaṁ.\nTassa sā vedanā vipariṇamati aññathā hoti.\nTassa vedanāvipariṇāmaññathābhāvā na vedanāvipariṇāmānuparivatti viññāṇaṁ hoti.\nTassa na vedanāvipariṇāmānuparivattijā paritassanā dhammasamuppādā cittaṁ pariyādāya tiṭṭhanti.\nCetaso apariyādānā na cevuttāsavā hoti na ca vighātavā na ca apekkhavā, anupādāya ca na paritassati.","en":"They don’t regard feeling as self …"}},{"id":"sn22.7:8","sourceIds":["sn22.7:8.1","sn22.7:8.2","sn22.7:8.3","sn22.7:8.4","sn22.7:8.5","sn22.7:8.6","sn22.7:8.7"],"kind":"text","text":{"pi":"Na saññaṁ …pe… na saṅkhāre attato samanupassati,\nna attani vā saṅkhāre, na saṅkhāresu vā attānaṁ.\nna saṅkhāravantaṁ vā attānaṁ;\nTassa te saṅkhārā vipariṇamanti aññathā honti.\nTassa saṅkhāravipariṇāmaññathābhāvā na saṅkhāravipariṇāmānuparivatti viññāṇaṁ hoti.\nTassa na saṅkhāravipariṇāmānuparivattijā paritassanā dhammasamuppādā cittaṁ pariyādāya tiṭṭhanti.\nCetaso apariyādānā na cevuttāsavā hoti na ca vighātavā na ca apekkhavā, anupādāya ca na paritassati.","en":"They don’t regard perception as self …\nThey don’t regard choices as self …"}},{"id":"sn22.7:9","sourceIds":["sn22.7:9.1","sn22.7:9.2","sn22.7:9.3","sn22.7:9.4","sn22.7:9.5","sn22.7:9.6","sn22.7:9.7"],"kind":"text","text":{"pi":"Na viññāṇaṁ attato samanupassati, na viññāṇavantaṁ vā attānaṁ …pe…\ntassa taṁ viññāṇaṁ vipariṇamati aññathā hoti.\nTassa viññāṇavipariṇāmaññathābhāvā na viññāṇavipariṇāmānuparivatti viññāṇaṁ hoti.\nTassa na viññāṇavipariṇāmānuparivattijā paritassanā dhammasamuppādā cittaṁ pariyādāya tiṭṭhanti.\nCetaso apariyādānā na cevuttāsavā hoti na ca vighātavā na ca apekkhavā, anupādāya ca na paritassati.\nEvaṁ kho, bhikkhave, anupādā aparitassanaṁ hotī”ti.\nSattamaṁ.","en":"They don’t regard consciousness as self …\nWhen that consciousness of theirs decays and perishes,\nconsciousness doesn’t latch on to the perishing of consciousness.\nAnxieties—born of latching on to the perishing of consciousness and originating in accordance with natural principles—don’t occupy their mind.\nSo they don’t become frightened, worried, concerned, or anxious because of grasping.\nThat’s how not grasping leads to freedom from anxiety.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn22.7/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}