{"id":"sn22.72","title":"With Surādha","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn22.72","title":"With Surādha","units":[{"id":"sn22.72:0","sourceIds":["sn22.72:0.1","sn22.72:0.2","sn22.72:0.3"],"kind":"text","text":{"pi":"Saṁyutta Nikāya 22.72\n7. Arahantavagga\nSurādhasutta","en":"Linked Discourses 22.72\n7. The Perfected Ones\nWith Surādha"}},{"id":"sn22.72:1","sourceIds":["sn22.72:1.1","sn22.72:1.2","sn22.72:1.3","sn22.72:1.4","sn22.72:1.5","sn22.72:1.6","sn22.72:1.7","sn22.72:1.8","sn22.72:1.9","sn22.72:1.10","sn22.72:1.11","sn22.72:1.12","sn22.72:1.13","sn22.72:1.14","sn22.72:1.15"],"kind":"text","text":{"pi":"Sāvatthinidānaṁ.\nAtha kho āyasmā surādho bhagavantaṁ etadavoca:\n“kathaṁ nu kho, bhante, jānato kathaṁ passato imasmiñca saviññāṇake kāye bahiddhā ca sabbanimittesu ahaṅkāramamaṅkāramānāpagataṁ mānasaṁ hoti, vidhā samatikkantaṁ santaṁ suvimuttan”ti?\n“Yaṁ kiñci, surādha, rūpaṁ atītānāgatapaccuppannaṁ …pe… yaṁ dūre santike vā, sabbaṁ rūpaṁ: ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya disvā anupādāvimutto hoti.\nYā kāci vedanā …\nyā kāci saññā …\nye keci saṅkhārā …\nyaṁ kiñci viññāṇaṁ atītānāgatapaccuppannaṁ ajjhattaṁ vā bahiddhā vā oḷārikaṁ vā sukhumaṁ vā hīnaṁ vā paṇītaṁ vā yaṁ dūre santike vā, sabbā vedanā …pe…\nsabbā saññā …\nsabbe saṅkhārā …\nsabbaṁ viññāṇaṁ: ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya disvā anupādāvimutto hoti.\nEvaṁ kho, surādha, jānato evaṁ passato imasmiñca saviññāṇake kāye, bahiddhā ca sabbanimittesu ahaṅkāramamaṅkāramānāpagataṁ mānasaṁ hoti vidhā samatikkantaṁ santaṁ suvimuttan”ti …pe…\naññataro ca panāyasmā surādho arahataṁ ahosīti.\nDasamaṁ.\nArahantavaggo dutiyo.","en":"At Sāvatthī.\nThen Venerable Surādha said to the Buddha:\n“Sir, how does one know and see so that the heart is rid of I-making, mine-making, and conceit for this conscious body and externally for all signs; and going beyond discrimination, it’s peaceful and well freed?”\n“Surādha, one is freed by not grasping having truly seen any kind of form at all—past, future, or present; internal or external; solid or subtle; inferior or superior; far or near: all form—with right understanding: ‘This is not mine, I am not this, this is not my self.’\nOne is freed by not grasping having truly seen any kind of feeling …\nperception …\nchoices …\nconsciousness at all—past, future, or present; internal or external; solid or subtle; inferior or superior; far or near: all consciousness—with right understanding: ‘This is not mine, I am not this, this is not my self.’\nThat’s how to know and see so that the heart is rid of I-making, mine-making, and conceit for this conscious body and externally for all signs; and going beyond discrimination, it’s peaceful and well freed.” …\nAnd Venerable Surādha became one of the perfected."}},{"id":"sn22.72:2","sourceIds":["sn22.72:2.0","sn22.72:2.1","sn22.72:2.2","sn22.72:2.3","sn22.72:2.4","sn22.72:2.5"],"kind":"text","text":{"pi":"Tassuddānaṁ\nUpādiyamaññamānā,\nAthābhinandamāno ca;\nAniccaṁ dukkhaṁ anattā ca,\nAnattaniyaṁ rajanīyasaṇṭhitaṁ;\nRādhasurādhena te dasāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn22.72/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}