{"id":"sn22.80","title":"Beggars","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn22.80","title":"Beggars","units":[{"id":"sn22.80:0","sourceIds":["sn22.80:0.1","sn22.80:0.2","sn22.80:0.3"],"kind":"text","text":{"pi":"Saṁyutta Nikāya 22.80\n8. Khajjanīyavagga\nPiṇḍolyasutta","en":"Linked Discourses 22.80\n8. Bitable\nBeggars"}},{"id":"sn22.80:1","sourceIds":["sn22.80:1.1","sn22.80:1.2","sn22.80:1.3","sn22.80:1.4"],"kind":"text","text":{"pi":"Ekaṁ samayaṁ bhagavā sakkesu viharati kapilavatthusmiṁ nigrodhārāme.\nAtha kho bhagavā kismiñcideva pakaraṇe bhikkhusaṅghaṁ paṇāmetvā pubbaṇhasamayaṁ nivāsetvā pattacīvaramādāya kapilavatthuṁ piṇḍāya pāvisi.\nKapilavatthusmiṁ piṇḍāya caritvā pacchābhattaṁ piṇḍapātapaṭikkanto yena mahāvanaṁ tenupasaṅkami divāvihārāya.\nMahāvanaṁ ajjhogāhetvā beluvalaṭṭhikāya mūle divāvihāraṁ nisīdi.","en":"At one time the Buddha was staying in the land of the Sakyans, near Kapilavatthu in the Banyan Tree Monastery.\nThen the Buddha, having dismissed the mendicant Saṅgha for some reason, robed up in the morning and, taking his bowl and robe, entered Kapilavatthu for alms.\nHe wandered for alms in Kapilavatthu. After the meal, on his return from almsround, he went to the Great Wood for the day’s meditation,\nplunged deep into it, and sat at the root of a young wood-apple tree to meditate."}},{"id":"sn22.80:2","sourceIds":["sn22.80:2.1","sn22.80:2.2","sn22.80:2.3","sn22.80:2.4","sn22.80:2.5","sn22.80:2.6","sn22.80:2.7","sn22.80:2.8","sn22.80:2.9","sn22.80:2.10"],"kind":"text","text":{"pi":"Atha kho bhagavato rahogatassa paṭisallīnassa evaṁ cetaso parivitakko udapādi:\n“mayā kho bhikkhusaṅgho pabāḷho.\nSantettha bhikkhū navā acirapabbajitā adhunāgatā imaṁ dhammavinayaṁ.\nTesaṁ mamaṁ apassantānaṁ siyā aññathattaṁ siyā vipariṇāmo.\nSeyyathāpi nāma vacchassa taruṇassa mātaraṁ apassantassa siyā aññathattaṁ siyā vipariṇāmo;\nevameva santettha bhikkhū navā acirapabbajitā adhunāgatā imaṁ dhammavinayaṁ tesaṁ mamaṁ apassantānaṁ siyā aññathattaṁ siyā vipariṇāmo.\nSeyyathāpi nāma bījānaṁ taruṇānaṁ udakaṁ alabhantānaṁ siyā aññathattaṁ siyā vipariṇāmo;\nevameva santettha …pe…\ntesaṁ mamaṁ alabhantānaṁ dassanāya siyā aññathattaṁ siyā vipariṇāmo.\nYannūnāhaṁ yatheva mayā pubbe bhikkhusaṅgho anuggahito, evameva etarahi anuggaṇheyyaṁ bhikkhusaṅghan”ti.","en":"Then as he was in private retreat this thought came to his mind,\n“I have purged the mendicant Saṅgha.\nBut there are mendicants here who are junior, recently gone forth, newly come to this teaching and training.\nNot seeing me they may change and fall apart.\nIf a young calf doesn’t see its mother it may change and fall apart. …\nOr if young seedlings don’t get water they may change and fall apart.\nIn the same way, there are mendicants here who are junior, recently gone forth, newly come to this teaching and training.\nNot seeing me they may change and fall apart.\nWhy don’t I support the mendicant Saṅgha now as I did in the past?”"}},{"id":"sn22.80:3","sourceIds":["sn22.80:3.1","sn22.80:3.2","sn22.80:3.3","sn22.80:3.4","sn22.80:3.5","sn22.80:3.6","sn22.80:3.7","sn22.80:3.8","sn22.80:3.9","sn22.80:3.10","sn22.80:3.11","sn22.80:3.12","sn22.80:3.13"],"kind":"text","text":{"pi":"Atha kho brahmā sahampati bhagavato cetasā cetoparivitakkamaññāya—seyyathāpi nāma balavā puriso samiñjitaṁ vā bāhaṁ pasāreyya pasāritaṁ vā bāhaṁ samiñjeyya; evameva—brahmaloke antarahito bhagavato purato pāturahosi.\nAtha kho brahmā sahampati ekaṁsaṁ uttarāsaṅgaṁ karitvā yena bhagavā tenañjaliṁ paṇāmetvā bhagavantaṁ etadavoca:\n“evametaṁ, bhagavā, evametaṁ, sugata.\nBhagavatā, bhante, bhikkhusaṅgho pabāḷho.\nSantettha bhikkhū navā acirapabbajitā adhunāgatā imaṁ dhammavinayaṁ.\nTesaṁ bhagavantaṁ apassantānaṁ siyā aññathattaṁ siyā vipariṇāmo.\nSeyyathāpi nāma vacchassa taruṇassa mātaraṁ apassantassa siyā aññathattaṁ siyā vipariṇāmo;\nevameva santettha bhikkhū navā acirapabbajitā adhunāgatā imaṁ dhammavinayaṁ tesaṁ bhagavantaṁ apassantānaṁ siyā aññathattaṁ siyā vipariṇāmo.\nSeyyathāpi nāma bījānaṁ taruṇānaṁ udakaṁ alabhantānaṁ siyā aññathattaṁ siyā vipariṇāmo;\nevameva santettha bhikkhū navā acirapabbajitā adhunāgatā imaṁ dhammavinayaṁ, tesaṁ bhagavantaṁ alabhantānaṁ dassanāya siyā aññathattaṁ siyā vipariṇāmo.\nAbhinandatu, bhante, bhagavā bhikkhusaṅghaṁ;\nabhivadatu, bhante, bhagavā bhikkhusaṅghaṁ.\nYatheva bhagavatā pubbe bhikkhusaṅgho anuggahito, evameva etarahi anuggaṇhātu bhikkhusaṅghan”ti.","en":"Then the divinity Sahampati knew the Buddha’s train of thought. As easily as a strong person would extend or contract their arm, he vanished from the realm of divinity and reappeared in front of the Buddha.\nHe arranged his robe over one shoulder, raised his cupped palms toward the Buddha, and said:\n“That’s so true, Blessed One! That’s so true, Holy One!\nThe Buddha has purged the mendicant Saṅgha.\nBut there are mendicants who are junior, recently gone forth, newly come to this teaching and training. …\nMay the Buddha be happy with the mendicant Saṅgha!\nMay the Buddha welcome the mendicant Saṅgha!\nMay the Buddha support the mendicant Saṅgha now as he did in the past!”"}},{"id":"sn22.80:4","sourceIds":["sn22.80:4.1","sn22.80:4.2"],"kind":"text","text":{"pi":"Adhivāsesi bhagavā tuṇhībhāvena.\nAtha kho brahmā sahampati bhagavato adhivāsanaṁ viditvā bhagavantaṁ abhivādetvā padakkhiṇaṁ katvā tatthevantaradhāyi.","en":"The Buddha consented with silence.\nThen the divinity Sahampati, knowing that the Buddha had consented, bowed and respectfully circled the Buddha, keeping him on his right, before vanishing right there."}},{"id":"sn22.80:5","sourceIds":["sn22.80:5.1","sn22.80:5.2","sn22.80:5.3"],"kind":"text","text":{"pi":"Atha kho bhagavā sāyanhasamayaṁ paṭisallānā vuṭṭhito yena nigrodhārāmo tenupasaṅkami; upasaṅkamitvā paññatte āsane nisīdi.\nNisajja kho bhagavā tathārūpaṁ iddhābhisaṅkhāraṁ abhisaṅkhāsi yathā te bhikkhū ekadvīhikāya sārajjamānarūpā yenāhaṁ tenupasaṅkameyyuṁ.\nTepi bhikkhū ekadvīhikāya sārajjamānarūpā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinne kho te bhikkhū bhagavā etadavoca:","en":"Then in the late afternoon, the Buddha came out of retreat and went to the Banyan Tree Monastery, where he sat down on the seat spread out.\nThen he used his psychic power to will that the mendicants would come to him timidly, alone or in pairs.\nThose mendicants approached the Buddha timidly, bowed, and sat down to one side. The Buddha said to them:"}},{"id":"sn22.80:6","sourceIds":["sn22.80:6.1","sn22.80:6.2","sn22.80:6.3","sn22.80:6.4","sn22.80:6.5","sn22.80:6.6"],"kind":"text","text":{"pi":"“Antamidaṁ, bhikkhave, jīvikānaṁ yadidaṁ piṇḍolyaṁ.\nAbhisāpoyaṁ, bhikkhave, lokasmiṁ piṇḍolo vicarasi pattapāṇīti.\nTañca kho etaṁ, bhikkhave, kulaputtā upenti atthavasikā, atthavasaṁ paṭicca;\nneva rājābhinītā, na corābhinītā, na iṇaṭṭā, na bhayaṭṭā, na ājīvikāpakatā;\napi ca kho otiṇṇāmha jātiyā jarāya maraṇena sokehi paridevehi dukkhehi domanassehi upāyāsehi dukkhotiṇṇā dukkhaparetā\nappeva nāma imassa kevalassa dukkhakkhandhassa antakiriyā paññāyethāti.","en":"“This is the last of lifestyles, mendicants, namely relying on alms.\nThe world curses you: ‘You beggar, walking bowl in hand!’\nYet earnest gentlemen take it up for a good reason.\nNot to escape a summons by a king or a summons for a bandit, or because you were in debt or in fear, or in order to make a living.\nBut because they’re swamped by rebirth, old age, and death; by sorrow, lamentation, pain, sadness, and distress. They’re swamped by suffering, mired in suffering.\nAnd they think, ‘Hopefully I can make an end to this entire mass of suffering.’"}},{"id":"sn22.80:7","sourceIds":["sn22.80:7.1","sn22.80:7.2","sn22.80:7.3","sn22.80:7.4"],"kind":"text","text":{"pi":"Evaṁ pabbajito cāyaṁ, bhikkhave, kulaputto.\nSo ca hoti abhijjhālu kāmesu tibbasārāgo byāpannacitto paduṭṭhamanasaṅkappo muṭṭhassati asampajāno asamāhito vibbhantacitto pākatindriyo.\nSeyyathāpi, bhikkhave, chavālātaṁ ubhatopadittaṁ majjhe gūthagataṁ, neva gāme kaṭṭhatthaṁ pharati, nāraññe kaṭṭhatthaṁ pharati.\nTathūpamāhaṁ, bhikkhave, imaṁ puggalaṁ vadāmi gihibhogā ca parihīno, sāmaññatthañca na paripūreti.","en":"That’s how this gentleman has gone forth.\nYet they covet sensual pleasures; they’re infatuated, full of ill will and malicious intent. They are unmindful, lacking situational awareness and immersion, with straying mind and undisciplined faculties.\nSuppose there was a firebrand for lighting a funeral pyre, burning at both ends, and smeared with dung in the middle. It couldn’t be used as timber either in the village or the wilderness.\nI say that individual is just like this. They’ve missed out on the pleasures of the lay life, and haven’t fulfilled the goal of the ascetic life."}},{"id":"sn22.80:8","sourceIds":["sn22.80:8.1","sn22.80:8.2","sn22.80:8.3","sn22.80:8.4","sn22.80:8.5","sn22.80:8.6"],"kind":"text","text":{"pi":"Tayome, bhikkhave, akusalavitakkā—\nkāmavitakko, byāpādavitakko, vihiṁsāvitakko.\nIme ca bhikkhave, tayo akusalavitakkā kva aparisesā nirujjhanti?\nCatūsu vā satipaṭṭhānesu suppatiṭṭhitacittassa viharato animittaṁ vā samādhiṁ bhāvayato.\nYāvañcidaṁ, bhikkhave, alameva animitto samādhi bhāvetuṁ.\nAnimitto, bhikkhave, samādhi bhāvito bahulīkato mahapphalo hoti mahānisaṁso.","en":"There are these three unskillful thoughts.\nSensual, malicious, and cruel thoughts.\nAnd where do these three unskillful thoughts cease without remainder?\nIn those who meditate with their mind firmly established in the four kinds of mindfulness meditation; or who develop signless immersion.\nThis is quite enough motivation to develop signless immersion.\nWhen signless immersion is developed and cultivated it is very fruitful and beneficial."}},{"id":"sn22.80:9","sourceIds":["sn22.80:9.1","sn22.80:9.2","sn22.80:9.3","sn22.80:9.4","sn22.80:9.5","sn22.80:9.6","sn22.80:9.7","sn22.80:9.8","sn22.80:9.9","sn22.80:9.10","sn22.80:9.11","sn22.80:9.12","sn22.80:9.13"],"kind":"text","text":{"pi":"Dvemā, bhikkhave, diṭṭhiyo—\nbhavadiṭṭhi ca vibhavadiṭṭhi ca.\nTatra kho, bhikkhave, sutavā ariyasāvako iti paṭisañcikkhati:\n‘atthi nu kho taṁ kiñci lokasmiṁ yamahaṁ upādiyamāno na vajjavā assan’ti?\nSo evaṁ pajānāti:\n‘natthi nu kho taṁ kiñci lokasmiṁ yamahaṁ upādiyamāno na vajjavā assaṁ.\nAhañhi rūpaññeva upādiyamāno upādiyeyyaṁ vedanaññeva …\nsaññaññeva …\nsaṅkhāreyeva viññāṇaññeva upādiyamāno upādiyeyyaṁ.\nTassa me assa upādānapaccayā bhavo;\nbhavapaccayā jāti;\njātipaccayā jarāmaraṇaṁ sokaparidevadukkhadomanassupāyāsā sambhaveyyuṁ.\nEvametassa kevalassa dukkhakkhandhassa samudayo assā’ti.","en":"There are these two views.\nViews favoring existence and views favoring nonexistence.\nA learned noble disciple reflects on this:\n‘Is there anything in the world that I could grasp without fault?’\nThey understand:\n‘There’s nothing in the world that I could grasp without fault.\nFor in grasping I would grasp only at form, feeling,\nperception,\nchoices, or consciousness.\nThat grasping of mine would be a condition for continued existence.\nContinued existence is a requirement for rebirth.\nRebirth is a requirement for old age and death, sorrow, lamentation, pain, sadness, and distress to come to be.\nThat is how this entire mass of suffering originates.’"}},{"id":"sn22.80:10","sourceIds":["sn22.80:10.1","sn22.80:10.2","sn22.80:10.3","sn22.80:10.4","sn22.80:10.5","sn22.80:10.6","sn22.80:10.7","sn22.80:10.8","sn22.80:10.9","sn22.80:10.10","sn22.80:10.11","sn22.80:10.12","sn22.80:10.13","sn22.80:10.14","sn22.80:10.15","sn22.80:10.16"],"kind":"text","text":{"pi":"Taṁ kiṁ maññatha, bhikkhave,\nrūpaṁ niccaṁ vā aniccaṁ vā”ti?\n“Aniccaṁ, bhante”.\n“Yaṁ panāniccaṁ dukkhaṁ vā taṁ sukhaṁ vā”ti?\n“Dukkhaṁ, bhante”.\n“Yaṁ panāniccaṁ dukkhaṁ vipariṇāmadhammaṁ kallaṁ nu taṁ samanupassituṁ:\n‘etaṁ mama, esohamasmi, eso me attā’”ti?\n“No hetaṁ, bhante”.\n“Vedanā …\nsaññā …\nsaṅkhārā …\nviññāṇaṁ …pe…\ntasmātiha, bhikkhave,\nevaṁ passaṁ …\nnāparaṁ itthattāyāti pajānātī”ti.\nAṭṭhamaṁ.","en":"What do you think, mendicants?\nIs form permanent or impermanent?”\n“Impermanent, sir.”\n“But if it’s impermanent, is it suffering or happiness?”\n“Suffering, sir.”\n“But if it’s impermanent, suffering, and perishable, is it fit to be regarded thus:\n‘This is mine, I am this, this is my self’?”\n“No, sir.”\n“Is feeling …\nperception …\nchoices …\nconsciousness permanent or impermanent?” …\n“So you should truly see …\nSeeing this …\nThey understand: ‘… there is nothing further for this place.’”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn22.80/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}