{"id":"sn22.83","title":"With Ānanda","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn22.83","title":"With Ānanda","units":[{"id":"sn22.83:0","sourceIds":["sn22.83:0.1","sn22.83:0.2","sn22.83:0.3"],"kind":"text","text":{"pi":"Saṁyutta Nikāya 22.83\n9. Theravagga\nĀnandasutta","en":"Linked Discourses 22.83\n9. Senior Mendicants\nWith Ānanda"}},{"id":"sn22.83:1","sourceIds":["sn22.83:1.1","sn22.83:1.2","sn22.83:1.3","sn22.83:1.4","sn22.83:1.5"],"kind":"text","text":{"pi":"Sāvatthinidānaṁ.\nTatra kho āyasmā ānando bhikkhū āmantesi:\n“āvuso bhikkhave”ti.\n“Āvuso”ti kho te bhikkhū āyasmato ānandassa paccassosuṁ.\nĀyasmā ānando etadavoca:","en":"At Sāvatthī.\nThere Ānanda addressed the mendicants:\n“Reverends, mendicants!”\n“Reverend,” they replied.\nĀnanda said this:"}},{"id":"sn22.83:2","sourceIds":["sn22.83:2.1","sn22.83:2.2","sn22.83:2.3","sn22.83:2.4","sn22.83:2.5","sn22.83:2.6","sn22.83:2.7","sn22.83:2.8","sn22.83:2.9"],"kind":"text","text":{"pi":"“Puṇṇo nāma, āvuso, āyasmā mantāṇiputto amhākaṁ navakānaṁ sataṁ bahūpakāro hoti.\nSo amhe iminā ovādena ovadati:\n‘upādāya, āvuso ānanda, asmīti hoti, no anupādāya.\nKiñca upādāya asmīti hoti, no anupādāya?\nRūpaṁ upādāya asmīti hoti, no anupādāya.\nVedanaṁ …\nsaññaṁ …\nsaṅkhāre …\nviññāṇaṁ upādāya asmīti hoti, no anupādāya.","en":"“Reverends, the venerable named Puṇṇa son of Mantāṇī was very helpful to me when I was just ordained.\nHe gave me this advice:\n‘Reverend Ānanda, the thought “I am” occurs because of grasping, not without grasping.\nGrasping what?\nThe thought “I am” occurs because of grasping form,\nfeeling,\nperception,\nchoices,\nand consciousness, not without grasping."}},{"id":"sn22.83:3","sourceIds":["sn22.83:3.1","sn22.83:3.2","sn22.83:3.3","sn22.83:3.4","sn22.83:3.5","sn22.83:3.6"],"kind":"text","text":{"pi":"Seyyathāpi, āvuso ānanda, itthī vā puriso vā daharo yuvā maṇḍanakajātiko ādāse vā parisuddhe pariyodāte acche vā udakapatte sakaṁ mukhanimittaṁ paccavekkhamāno upādāya passeyya, no anupādāya;\nevameva kho, āvuso ānanda, rūpaṁ upādāya asmīti hoti, no anupādāya.\nVedanaṁ …\nsaññaṁ …\nsaṅkhāre …\nviññāṇaṁ upādāya asmīti hoti, no anupādāya.","en":"Suppose there was a woman or man who was young, youthful, and fond of adornments, and they check their own reflection in a clean bright mirror or a clear bowl of water. They’d look because of grasping, not without grasping.\nIn the same way, the thought “I am” occurs because of grasping form,\nfeeling,\nperception,\nchoices,\nand consciousness, not without grasping."}},{"id":"sn22.83:4","sourceIds":["sn22.83:4.1","sn22.83:4.2","sn22.83:4.3","sn22.83:4.4","sn22.83:4.5","sn22.83:4.6","sn22.83:4.7","sn22.83:4.8","sn22.83:4.9","sn22.83:4.10","sn22.83:4.11","sn22.83:4.12","sn22.83:4.13","sn22.83:4.14","sn22.83:4.15"],"kind":"text","text":{"pi":"Taṁ kiṁ maññasi, āvuso ānanda,\nrūpaṁ niccaṁ vā aniccaṁ vā’ti?\n‘Aniccaṁ, āvuso’.\n‘Vedanā …\nsaññā …\nsaṅkhārā …\nviññāṇaṁ niccaṁ vā aniccaṁ vā’ti?\n‘Aniccaṁ, āvuso’ …pe….\nTasmātiha …pe…\nevaṁ passaṁ …pe…\nnāparaṁ itthattāyāti pajānātīti.\nPuṇṇo nāma, āvuso, āyasmā mantāṇiputto amhākaṁ navakānaṁ sataṁ bahūpakāro hoti.\nSo amhe iminā ovādena ovadati.\nIdañca pana me āyasmato puṇṇassa mantāṇiputtassa dhammadesanaṁ sutvā dhammo abhisamito”ti.\nPaṭhamaṁ.","en":"What do you think, Reverend Ānanda?\nIs form permanent or impermanent?’\n‘Impermanent, reverend.’\n‘Is feeling …\nperception …\nchoices …\nconsciousness permanent or impermanent?’\n‘Impermanent, reverend.’ …\n‘So you should truly see …\nSeeing this …\nThey understand: “… there is nothing further for this place.”’\nReverends, the venerable named Puṇṇa son of Mantāṇī was very helpful to me when I was just ordained.\nHe gave me this advice.\nAnd when I heard this teaching from Venerable Puṇṇa son of Mantāṇī, I comprehended the teaching.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn22.83/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}