{"id":"sn22.85","title":"With Yamaka","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn22.85","title":"With Yamaka","units":[{"id":"sn22.85:0","sourceIds":["sn22.85:0.1","sn22.85:0.2","sn22.85:0.3"],"kind":"text","text":{"pi":"Saṁyutta Nikāya 22.85\n9. Theravagga\nYamakasutta","en":"Linked Discourses 22.85\n9. Senior Mendicants\nWith Yamaka"}},{"id":"sn22.85:1","sourceIds":["sn22.85:1.1","sn22.85:1.2","sn22.85:1.3"],"kind":"text","text":{"pi":"Ekaṁ samayaṁ āyasmā sāriputto sāvatthiyaṁ viharati jetavane anāthapiṇḍikassa ārāme.\nTena kho pana samayena yamakassa nāma bhikkhuno evarūpaṁ pāpakaṁ diṭṭhigataṁ uppannaṁ hoti:\n“tathāhaṁ bhagavatā dhammaṁ desitaṁ ājānāmi, yathā khīṇāsavo bhikkhu kāyassa bhedā ucchijjati vinassati, na hoti paraṁ maraṇā”ti.","en":"At one time Venerable Sāriputta was staying near Sāvatthī in Jeta’s Grove, Anāthapiṇḍika’s monastery.\nNow at that time a mendicant named Yamaka had the following harmful misconception:\n“As I understand the Buddha’s teaching, a mendicant who has ended the defilements is annihilated and destroyed when their body breaks up, and doesn’t exist after death.”"}},{"id":"sn22.85:2","sourceIds":["sn22.85:2.1","sn22.85:2.2","sn22.85:2.3","sn22.85:2.4"],"kind":"text","text":{"pi":"Assosuṁ kho sambahulā bhikkhū yamakassa kira nāma bhikkhuno evarūpaṁ pāpakaṁ diṭṭhigataṁ uppannaṁ hoti:\n“tathāhaṁ bhagavatā dhammaṁ desitaṁ ājānāmi, yathā khīṇāsavo bhikkhu kāyassa bhedā ucchijjati vinassati, na hoti paraṁ maraṇā”ti.\nAtha kho te bhikkhū yenāyasmā yamako tenupasaṅkamiṁsu; upasaṅkamitvā āyasmatā yamakena saddhiṁ sammodiṁsu.\nSammodanīyaṁ kathaṁ sāraṇīyaṁ vītisāretvā ekamantaṁ nisīdiṁsu. Ekamantaṁ nisinnā kho te bhikkhū āyasmantaṁ yamakaṁ etadavocuṁ:","en":"Several mendicants heard this rumour.\nThey went to Yamaka and exchanged greetings with him.\nWhen the greetings and polite conversation were over, they sat down to one side and said to him,"}},{"id":"sn22.85:3","sourceIds":["sn22.85:3.1","sn22.85:3.2","sn22.85:3.3","sn22.85:3.4"],"kind":"text","text":{"pi":"“Saccaṁ kira te, āvuso yamaka, evarūpaṁ pāpakaṁ diṭṭhigataṁ uppannaṁ:\n‘tathāhaṁ bhagavatā dhammaṁ desitaṁ ājānāmi, yathā khīṇāsavo bhikkhu kāyassa bhedā ucchijjati vinassati, na hoti paraṁ maraṇā’”ti?\n“Evaṁ khvāhaṁ, āvuso, bhagavatā dhammaṁ desitaṁ ājānāmi:\n‘khīṇāsavo bhikkhu kāyassa bhedā ucchijjati vinassati, na hoti paraṁ maraṇā’”ti.","en":"“Is it really true, Reverend Yamaka, that you have such a harmful misconception:\n‘As I understand the Buddha’s teaching, a mendicant who has ended the defilements is annihilated and destroyed when their body breaks up, and doesn’t exist after death’?”\n“Yes, reverends, that’s how I understand the Buddha’s teaching.”"}},{"id":"sn22.85:4","sourceIds":["sn22.85:4.1","sn22.85:4.2","sn22.85:4.3","sn22.85:4.4"],"kind":"text","text":{"pi":"“Mā, āvuso yamaka, evaṁ avaca, mā bhagavantaṁ abbhācikkhi. Na hi sādhu bhagavato abbhācikkhanaṁ. Na hi bhagavā evaṁ vadeyya:\n‘khīṇāsavo bhikkhu kāyassa bhedā ucchijjati vinassati, na hoti paraṁ maraṇā’”ti.\nEvampi kho āyasmā yamako tehi bhikkhūhi vuccamāno tatheva taṁ pāpakaṁ diṭṭhigataṁ thāmasā parāmāsā abhinivissa voharati:\n“tathāhaṁ bhagavatā dhammaṁ desitaṁ ājānāmi, yathā khīṇāsavo bhikkhu kāyassa bhedā ucchijjati vinassati, na hoti paraṁ maraṇā”ti.","en":"“Don’t say that, Yamaka! Don’t misrepresent the Buddha, for misrepresentation of the Buddha is not good. And the Buddha would not say that.”\nBut even though admonished by those mendicants, Yamaka obstinately stuck to that misconception and insisted on stating it."}},{"id":"sn22.85:5","sourceIds":["sn22.85:5.1","sn22.85:5.2","sn22.85:5.3","sn22.85:5.4","sn22.85:5.5","sn22.85:5.6"],"kind":"text","text":{"pi":"Yato kho te bhikkhū nāsakkhiṁsu āyasmantaṁ yamakaṁ etasmā pāpakā diṭṭhigatā vivecetuṁ, atha kho te bhikkhū uṭṭhāyāsanā yenāyasmā sāriputto tenupasaṅkamiṁsu; upasaṅkamitvā āyasmantaṁ sāriputtaṁ etadavocuṁ:\n“yamakassa nāma, āvuso sāriputta, bhikkhuno evarūpaṁ pāpakaṁ diṭṭhigataṁ uppannaṁ:\n‘tathāhaṁ bhagavatā dhammaṁ desitaṁ ājānāmi yathā khīṇāsavo bhikkhu kāyassa bhedā ucchijjati vinassati, na hoti paraṁ maraṇā’ti.\nSādhāyasmā sāriputto yena yamako bhikkhu tenupasaṅkamatu anukampaṁ upādāyā”ti.\nAdhivāsesi kho āyasmā sāriputto tuṇhībhāvena.\nAtha kho āyasmā sāriputto sāyanhasamayaṁ paṭisallānā vuṭṭhito yenāyasmā yamako tenupasaṅkami; upasaṅkamitvā āyasmatā yamakena saddhiṁ sammodi …pe… ekamantaṁ nisinno kho āyasmā sāriputto āyasmantaṁ yamakaṁ etadavoca:","en":"When those mendicants were unable to dissuade Yamaka from that misconception, they rose from their seats and went to see Venerable Sāriputta. They told him what had happened, and said,\n“May Venerable Sāriputta please go to the mendicant Yamaka out of sympathy.”\nSāriputta consented with silence.\nThen in the late afternoon, Venerable Sāriputta came out of retreat, went to Venerable Yamaka and exchanged greetings with him. Seated to one side he said to Yamaka:"}},{"id":"sn22.85:6","sourceIds":["sn22.85:6.1","sn22.85:6.2","sn22.85:6.3"],"kind":"text","text":{"pi":"“Saccaṁ kira te, āvuso yamaka, evarūpaṁ pāpakaṁ diṭṭhigataṁ uppannaṁ:\n‘tathāhaṁ bhagavatā dhammaṁ desitaṁ ājānāmi, yathā khīṇāsavo bhikkhu kāyassa bhedā ucchijjati vinassati, na hoti paraṁ maraṇā’”ti?\n“Evaṁ khvāhaṁ, āvuso, bhagavatā dhammaṁ desitaṁ ājānāmi, yathā khīṇāsavo bhikkhu kāyassa bhedā ucchijjati vinassati, na hoti paraṁ maraṇā”ti.","en":"“Is it really true, Reverend Yamaka, that you have such a harmful misconception:\n‘As I understand the Buddha’s teaching, a mendicant who has ended the defilements is annihilated and destroyed when their body breaks up, and doesn’t exist after death’?”\n“Yes, reverend, that’s how I understand the Buddha’s teaching.”"}},{"id":"sn22.85:7","sourceIds":["sn22.85:7.1","sn22.85:7.2","sn22.85:7.3","sn22.85:7.4","sn22.85:7.5","sn22.85:7.6","sn22.85:7.7","sn22.85:7.8","sn22.85:7.9","sn22.85:7.10","sn22.85:7.11"],"kind":"text","text":{"pi":"“Taṁ kiṁ maññasi, āvuso yamaka,\nrūpaṁ niccaṁ vā aniccaṁ vā”ti?\n“Aniccaṁ, āvuso”.\n“Vedanā niccā …\nsaññā …\nsaṅkhārā …\nviññāṇaṁ niccaṁ vā aniccaṁ vā”ti?\n“Aniccaṁ, āvuso”.\n“Tasmātiha …pe…\nevaṁ passaṁ …pe…\nnāparaṁ itthattāyāti pajānāti.","en":"“What do you think, Yamaka?\nIs form permanent or impermanent?”\n“Impermanent, reverend.”\n“Is feeling …” …\n“… perception …” …\n“… choices …” …\n“… consciousness permanent or impermanent?”\n“Impermanent, reverend.”\n“So you should truly see …\nSeeing this …\nThey understand: ‘… there is nothing further for this place.’"}},{"id":"sn22.85:8","sourceIds":["sn22.85:8.1","sn22.85:8.2","sn22.85:8.3","sn22.85:8.4","sn22.85:8.5","sn22.85:8.6","sn22.85:8.7","sn22.85:8.8","sn22.85:8.9"],"kind":"text","text":{"pi":"Taṁ kiṁ maññasi, āvuso yamaka,\nrūpaṁ tathāgatoti samanupassasī”ti?\n“No hetaṁ, āvuso” …\n“vedanaṁ tathāgatoti samanupassasī”ti?\n“No hetaṁ, āvuso” …\n“saññaṁ …\nsaṅkhāre …\nviññāṇaṁ tathāgatoti samanupassasī”ti?\n“No hetaṁ, āvuso”.","en":"What do you think, Reverend Yamaka?\nDo you consider that the label ‘realized one’ applies to form?”\n“No, reverend.”\n“Do you consider that the label ‘realized one’ applies to feeling?” …\n“… perception?” …\n“… choices?” …\n“ … consciousness?”\n“No, reverend.”"}},{"id":"sn22.85:9","sourceIds":["sn22.85:9.1","sn22.85:9.2","sn22.85:9.3","sn22.85:9.4","sn22.85:9.5","sn22.85:9.6","sn22.85:9.7","sn22.85:9.8","sn22.85:9.9","sn22.85:9.10","sn22.85:9.11","sn22.85:9.12","sn22.85:9.13","sn22.85:9.14","sn22.85:9.15"],"kind":"text","text":{"pi":"“Taṁ kiṁ maññasi, āvuso yamaka,\nrūpasmiṁ tathāgatoti samanupassasī”ti?\n“No hetaṁ, āvuso”.\n“Aññatra rūpā tathāgatoti samanupassasī”ti?\n“No hetaṁ, āvuso”.\n“Vedanāya …\naññatra vedanāya …pe…\nsaññāya …\naññatra saññāya …\nsaṅkhāresu …\naññatra saṅkhārehi …\nviññāṇasmiṁ tathāgatoti samanupassasī”ti?\n“No hetaṁ, āvuso”.\n“Aññatra viññāṇā tathāgatoti samanupassasī”ti?\n“No hetaṁ, āvuso”.","en":"“What do you think, Reverend Yamaka?\nDo you consider that the label ‘realized one’ applies in relation to form?”\n“No, reverend.”\n“Do you consider that the label ‘realized one’ applies apart from form?”\n“No, reverend.”\n“Do you consider that the label ‘realized one’ applies in relation to feeling?” …\n“… apart from feeling?” …\n“… in relation to perception?” …\n“… apart from perception?” …\n“… in relation to choices?” …\n“… apart from choices?” …\n“… in relation to consciousness?” …\n“… apart from consciousness?”\n“No, reverend.”"}},{"id":"sn22.85:10","sourceIds":["sn22.85:10.1","sn22.85:10.2","sn22.85:10.3"],"kind":"text","text":{"pi":"“Taṁ kiṁ maññasi, āvuso yamaka,\nrūpaṁ … vedanaṁ … saññaṁ … saṅkhāre … viññāṇaṁ tathāgatoti samanupassasī”ti?\n“No hetaṁ, āvuso”.","en":"“What do you think, Yamaka?\nDo you consider that the label ‘realized one’ applies to one who has form?” … “… feeling?” … “… perception?” … “… choices?” … “… consciousness?”\n“No, reverend.”"}},{"id":"sn22.85:11","sourceIds":["sn22.85:11.1","sn22.85:11.2","sn22.85:11.3","sn22.85:11.4","sn22.85:11.5"],"kind":"text","text":{"pi":"“Taṁ kiṁ maññasi, āvuso yamaka,\nayaṁ so arūpī … avedano … asaññī … asaṅkhāro … aviññāṇo tathāgatoti samanupassasī”ti?\n“No hetaṁ, āvuso”.\n“Ettha ca te, āvuso yamaka, diṭṭheva dhamme saccato thetato tathāgate anupalabbhiyamāne, kallaṁ nu te taṁ veyyākaraṇaṁ:\n‘tathāhaṁ bhagavatā dhammaṁ desitaṁ ājānāmi, yathā khīṇāsavo bhikkhu kāyassa bhedā ucchijjati vinassati, na hoti paraṁ maraṇā’”ti?","en":"“What do you think, Yamaka?\nDo you consider that the label ‘realized one’ applies to that one who is without form?” … “… feeling?” … “… perception?” … “… choices?” … “… consciousness?”\n“No, reverend.”\n“In that case, Reverend Yamaka, since a realized one is not found by you as a genuine fact in this very life, is it cogent for you to declare:\n‘As I understand the Buddha’s teaching, a mendicant who has ended the defilements is annihilated and destroyed when their body breaks up, and doesn’t exist after death’?”"}},{"id":"sn22.85:12","sourceIds":["sn22.85:12.1","sn22.85:12.2"],"kind":"text","text":{"pi":"“Ahu kho me taṁ, āvuso sāriputta, pubbe aviddasuno pāpakaṁ diṭṭhigataṁ;\nidañca panāyasmato sāriputtassa dhammadesanaṁ sutvā tañceva pāpakaṁ diṭṭhigataṁ pahīnaṁ, dhammo ca me abhisamito”ti.","en":"“Reverend Sāriputta, in my ignorance, I used to have that misconception.\nBut now that I’ve heard the teaching from Venerable Sāriputta, I’ve given up that misconception, and I’ve comprehended the teaching.”"}},{"id":"sn22.85:13","sourceIds":["sn22.85:13.1","sn22.85:13.2","sn22.85:13.3","sn22.85:13.4","sn22.85:13.5","sn22.85:13.6","sn22.85:13.7","sn22.85:13.8","sn22.85:13.9","sn22.85:13.10","sn22.85:13.11","sn22.85:13.12","sn22.85:13.13","sn22.85:13.14","sn22.85:13.15","sn22.85:13.16"],"kind":"text","text":{"pi":"“Sace taṁ, āvuso yamaka, evaṁ puccheyyuṁ:\n‘yo so, āvuso yamaka, bhikkhu arahaṁ khīṇāsavo so kāyassa bhedā paraṁ maraṇā kiṁ hotī’ti?\nEvaṁ puṭṭho tvaṁ, āvuso yamaka, kinti byākareyyāsī”ti?\n“Sace maṁ, āvuso, evaṁ puccheyyuṁ:\n‘yo so, āvuso yamaka, bhikkhu arahaṁ khīṇāsavo so kāyassa bhedā paraṁ maraṇā kiṁ hotī’ti?\nEvaṁ puṭṭhohaṁ, āvuso, evaṁ byākareyyaṁ:\n‘rūpaṁ kho, āvuso, aniccaṁ.\nYadaniccaṁ taṁ dukkhaṁ;\nyaṁ dukkhaṁ taṁ niruddhaṁ tadatthaṅgataṁ.\nVedanā …\nsaññā …\nsaṅkhārā …\nviññāṇaṁ aniccaṁ.\nYadaniccaṁ taṁ dukkhaṁ;\nyaṁ dukkhaṁ taṁ niruddhaṁ tadatthaṅgatan’ti.\nEvaṁ puṭṭhohaṁ, āvuso, evaṁ byākareyyan”ti.","en":"“Reverend Yamaka, suppose they were to ask you:\n‘When their body breaks up, after death, what happens to a perfected one, who has ended the defilements?’\nHow would you answer?”\n“Reverend, if they were to ask this,\nI’d answer like this:\n‘Reverend, form is impermanent.\nWhat’s impermanent is suffering.\nWhat’s suffering has ceased and disappeared.\nFeeling …\nperception …\nchoices …\nconsciousness is impermanent.\nWhat’s impermanent is suffering.\nWhat’s suffering has ceased and disappeared.’\nThat’s how I’d answer such a question.”"}},{"id":"sn22.85:14","sourceIds":["sn22.85:14.1","sn22.85:14.2","sn22.85:14.3","sn22.85:14.4","sn22.85:14.5","sn22.85:14.6","sn22.85:14.7","sn22.85:14.8","sn22.85:14.9","sn22.85:14.10","sn22.85:14.11","sn22.85:14.12","sn22.85:14.13","sn22.85:14.14","sn22.85:14.15","sn22.85:14.16","sn22.85:14.17","sn22.85:14.18","sn22.85:14.19"],"kind":"text","text":{"pi":"“Sādhu sādhu, āvuso yamaka.\nTena hāvuso yamaka, upamaṁ te karissāmi etasseva atthassa bhiyyoso mattāya ñāṇāya.\nSeyyathāpi, āvuso yamaka, gahapati vā gahapatiputto vā aḍḍho mahaddhano mahābhogo;\nso ca ārakkhasampanno.\nTassa kocideva puriso uppajjeyya anatthakāmo ahitakāmo ayogakkhemakāmo jīvitā voropetukāmo.\nTassa evamassa:\n‘ayaṁ kho gahapati vā gahapatiputto vā aḍḍho mahaddhano mahābhogo;\nso ca ārakkhasampanno;\nnāyaṁ sukaro pasayha jīvitā voropetuṁ.\nYannūnāhaṁ anupakhajja jīvitā voropeyyan’ti.\nSo taṁ gahapatiṁ vā gahapatiputtaṁ vā upasaṅkamitvā evaṁ vadeyya:\n‘upaṭṭhaheyyaṁ taṁ, bhante’ti.\nTamenaṁ so gahapati vā gahapatiputto vā upaṭṭhāpeyya.\nSo upaṭṭhaheyya pubbuṭṭhāyī pacchānipātī kiṅkārapaṭissāvī manāpacārī piyavādī.\nTassa so gahapati vā gahapatiputto vā mittatopi naṁ saddaheyya;\nsuhajjatopi naṁ saddaheyya;\ntasmiñca vissāsaṁ āpajjeyya.\nYadā kho, āvuso, tassa purisassa evamassa:\n‘saṁvissattho kho myāyaṁ gahapati vā gahapatiputto vā’ti, atha naṁ rahogataṁ viditvā tiṇhena satthena jīvitā voropeyya.","en":"“Good, good, Reverend Yamaka!\nWell then, I shall give you a simile to make the meaning even clearer.\nSuppose there was a householder or householder’s son who was rich, with a lot of money and great wealth,\nand a bodyguard for protection.\nThen along comes a person who wants to harm, injure, and threaten him, and take his life.\nThey’d think:\n‘This householder or householder’s son is rich, with a lot of money and great wealth,\nand a bodyguard for protection.\nIt won’t be easy to take his life by force.\nWhy don’t I get close to him, then take his life?’\nSo he goes up to that householder or householder’s son and says:\n‘Sir, I would serve you.’\nThey would serve that householder or householder’s son.\nThey’d get up before him and go to bed after him, and be obliging, behaving nicely and speaking politely.\nThe householder or householder’s son would consider them as a friend\nand companion,\nand come to trust them.\nBut when that person realizes that\nthey’ve gained the trust of the householder or householder’s son, then, when they know he’s alone, they’d take his life with a sharp knife."}},{"id":"sn22.85:15","sourceIds":["sn22.85:15.1","sn22.85:15.2","sn22.85:15.3","sn22.85:15.4","sn22.85:15.5","sn22.85:15.6","sn22.85:15.7","sn22.85:15.8","sn22.85:15.9","sn22.85:15.10","sn22.85:15.11","sn22.85:15.12","sn22.85:15.13","sn22.85:15.14","sn22.85:15.15","sn22.85:15.16","sn22.85:15.17","sn22.85:15.18"],"kind":"text","text":{"pi":"Taṁ kiṁ maññasi, āvuso yamaka,\nyadā hi so puriso amuṁ gahapatiṁ vā gahapatiputtaṁ vā upasaṅkamitvā evaṁ āha:\n‘upaṭṭhaheyyaṁ taṁ, bhante’ti, tadāpi so vadhakova.\nVadhakañca pana santaṁ na aññāsi:\n‘vadhako me’ti.\nYadāpi so upaṭṭhahati pubbuṭṭhāyī pacchānipātī kiṅkārapaṭissāvī manāpacārī piyavādī, tadāpi so vadhakova.\nVadhakañca pana santaṁ na aññāsi:\n‘vadhako me’ti.\nYadāpi naṁ rahogataṁ viditvā tiṇhena satthena jīvitā voropeti, tadāpi so vadhakova.\nVadhakañca pana santaṁ na aññāsi:\n‘vadhako me’”ti.\n“Evamāvuso”ti.\n“Evameva kho, āvuso, assutavā puthujjano ariyānaṁ adassāvī ariyadhammassa akovido ariyadhamme avinīto, sappurisānaṁ adassāvī sappurisadhammassa akovido sappurisadhamme avinīto\nrūpaṁ attato samanupassati, rūpavantaṁ vā attānaṁ; attani vā rūpaṁ, rūpasmiṁ vā attānaṁ.\nVedanaṁ …\nsaññaṁ …\nsaṅkhāre …\nviññāṇaṁ attato samanupassati, viññāṇavantaṁ vā attānaṁ; attani vā viññāṇaṁ, viññāṇasmiṁ vā attānaṁ.","en":"What do you think, Yamaka?\nWhen that person went to the householder or householder’s son and offered to\nserve him, weren’t they a killer then,\nthough he didn’t know that\nthis was his killer?\nAnd when they got up before him and went to bed after him, being obliging, behaving nicely and speaking politely, weren’t they a killer then,\nthough he didn’t know that\nthis was his killer?\nAnd when, knowing he was alone, they took his life with a sharp knife, weren’t they a killer then,\nthough he didn’t know that\nthis was his killer?”\n“Yes, reverend.”\n“In the same way, an unlearned ordinary person has not seen the noble ones, and is neither skilled nor trained in the teaching of the noble ones. They’ve not seen true persons, and are neither skilled nor trained in the teaching of the true persons.\nThey regard form as self, self as having form, form in self, or self in form.\nThey regard feeling …\nperception …\nchoices …\nThey regard consciousness as self, self as having consciousness, consciousness in self, or self in consciousness."}},{"id":"sn22.85:16","sourceIds":["sn22.85:16.1","sn22.85:16.2","sn22.85:16.3","sn22.85:16.4","sn22.85:16.5"],"kind":"text","text":{"pi":"So aniccaṁ rūpaṁ ‘aniccaṁ rūpan’ti yathābhūtaṁ nappajānāti.\nAniccaṁ vedanaṁ ‘aniccā vedanā’ti yathābhūtaṁ nappajānāti.\nAniccaṁ saññaṁ ‘aniccā saññā’ti yathābhūtaṁ nappajānāti.\nAnicce saṅkhāre ‘aniccā saṅkhārā’ti yathābhūtaṁ nappajānāti.\nAniccaṁ viññāṇaṁ ‘aniccaṁ viññāṇan’ti yathābhūtaṁ nappajānāti.","en":"They don’t truly understand form—which is impermanent—as impermanent.\nThey don’t truly understand feeling …\nperception …\nchoices …\nconsciousness—which is impermanent—as impermanent."}},{"id":"sn22.85:17","sourceIds":["sn22.85:17.1","sn22.85:17.2","sn22.85:17.3","sn22.85:17.4","sn22.85:17.5"],"kind":"text","text":{"pi":"Dukkhaṁ rūpaṁ ‘dukkhaṁ rūpan’ti yathābhūtaṁ nappajānāti.\nDukkhaṁ vedanaṁ …\ndukkhaṁ saññaṁ …\ndukkhe saṅkhāre …\ndukkhaṁ viññāṇaṁ ‘dukkhaṁ viññāṇan’ti yathābhūtaṁ nappajānāti.","en":"They don’t truly understand form—which is suffering—as suffering.\nThey don’t truly understand feeling …\nperception …\nchoices …\nconsciousness—which is suffering—as suffering."}},{"id":"sn22.85:18","sourceIds":["sn22.85:18.1","sn22.85:18.2","sn22.85:18.3","sn22.85:18.4","sn22.85:18.5"],"kind":"text","text":{"pi":"Anattaṁ rūpaṁ ‘anattā rūpan’ti yathābhūtaṁ nappajānāti.\nAnattaṁ vedanaṁ …\nanattaṁ saññaṁ …\nanatte saṅkhāre …\nanattaṁ viññāṇaṁ ‘anattaṁ viññāṇan’ti yathābhūtaṁ nappajānāti.","en":"They don’t truly understand form—which is not-self—as not-self.\nThey don’t truly understand feeling …\nperception …\nchoices …\nconsciousness—which is not-self—as not-self."}},{"id":"sn22.85:19","sourceIds":["sn22.85:19.1","sn22.85:19.2","sn22.85:19.3","sn22.85:19.4","sn22.85:19.5"],"kind":"text","text":{"pi":"Saṅkhataṁ rūpaṁ ‘saṅkhataṁ rūpan’ti yathābhūtaṁ nappajānāti.\nSaṅkhataṁ vedanaṁ …\nsaṅkhataṁ saññaṁ …\nsaṅkhate saṅkhāre …\nsaṅkhataṁ viññāṇaṁ ‘saṅkhataṁ viññāṇan’ti yathābhūtaṁ nappajānāti.","en":"They don’t truly understand form—which is conditioned—as conditioned.\nThey don’t truly understand feeling …\nperception …\nchoices …\nconsciousness—which is conditioned—as conditioned."}},{"id":"sn22.85:20","sourceIds":["sn22.85:20.1","sn22.85:20.2","sn22.85:20.3","sn22.85:20.4","sn22.85:20.5"],"kind":"text","text":{"pi":"Vadhakaṁ rūpaṁ ‘vadhakaṁ rūpan’ti yathābhūtaṁ nappajānāti.\nVadhakaṁ vedanaṁ ‘vadhakā vedanā’ti …\nvadhakaṁ saññaṁ ‘vadhakā saññā’ti …\nvadhake saṅkhāre ‘vadhakā saṅkhārā’ti yathābhūtaṁ nappajānāti.\nVadhakaṁ viññāṇaṁ ‘vadhakaṁ viññāṇan’ti yathābhūtaṁ nappajānāti.","en":"They don’t truly understand form—which is a killer—as a killer.\nThey don’t truly understand feeling …\nperception …\nchoices …\nconsciousness—which is a killer—as a killer."}},{"id":"sn22.85:21","sourceIds":["sn22.85:21.1","sn22.85:21.2","sn22.85:21.3","sn22.85:21.4","sn22.85:21.5","sn22.85:21.6"],"kind":"text","text":{"pi":"So rūpaṁ upeti upādiyati adhiṭṭhāti ‘attā me’ti.\nVedanaṁ …\nsaññaṁ …\nsaṅkhāre …\nviññāṇaṁ upeti upādiyati adhiṭṭhāti ‘attā me’ti.\nTassime pañcupādānakkhandhā upetā upādinnā dīgharattaṁ ahitāya dukkhāya saṁvattanti.","en":"They’re attracted to form, grasp it, and fixate on the thought, ‘my self’.\nThey’re attracted to feeling …\nperception …\nchoices …\nconsciousness, grasp it, and fixate on the thought, ‘my self’.\nAnd when you’ve gotten involved with and grasped these five grasping aggregates, they lead to your lasting harm and suffering."}},{"id":"sn22.85:22","sourceIds":["sn22.85:22.1","sn22.85:22.2","sn22.85:22.3","sn22.85:22.4","sn22.85:22.5","sn22.85:22.6","sn22.85:22.7"],"kind":"text","text":{"pi":"Sutavā ca kho, āvuso, ariyasāvako ariyānaṁ dassāvī …pe… sappurisadhamme suvinīto\nna rūpaṁ attato samanupassati, na rūpavantaṁ attānaṁ; na attani rūpaṁ, na rūpasmiṁ attānaṁ.\nNa vedanaṁ …\nna saññaṁ …\nna saṅkhāre …\nna viññāṇaṁ attato samanupassati, na viññāṇavantaṁ attānaṁ;\nna attani viññāṇaṁ, na viññāṇasmiṁ attānaṁ.","en":"A learned noble disciple has seen the noble ones, and is skilled and trained in the teaching of the noble ones. They’ve seen true persons, and are skilled and trained in the teaching of the true persons.\nThey don’t regard form as self, self as having form, form in self, or self in form.\nThey don’t regard feeling …\nperception …\nchoices …\nconsciousness as self, self as having consciousness,\nconsciousness in self, or self in consciousness."}},{"id":"sn22.85:23","sourceIds":["sn22.85:23.1","sn22.85:23.2","sn22.85:23.3","sn22.85:23.4","sn22.85:23.5"],"kind":"text","text":{"pi":"So aniccaṁ rūpaṁ ‘aniccaṁ rūpan’ti yathābhūtaṁ pajānāti.\nAniccaṁ vedanaṁ …\naniccaṁ saññaṁ …\nanicce saṅkhāre …\naniccaṁ viññāṇaṁ ‘aniccaṁ viññāṇan’ti yathābhūtaṁ pajānāti.","en":"They truly understand form—which is impermanent—as impermanent.\nThey truly understand feeling …\nperception …\nchoices …\nconsciousness—which is impermanent—as impermanent."}},{"id":"sn22.85:24","sourceIds":["sn22.85:24.1","sn22.85:24.2","sn22.85:24.3","sn22.85:24.4","sn22.85:24.5"],"kind":"text","text":{"pi":"Dukkhaṁ rūpaṁ ‘dukkhaṁ rūpan’ti yathābhūtaṁ pajānāti.\nDukkhaṁ vedanaṁ …\ndukkhaṁ saññaṁ …\ndukkhe saṅkhāre …\ndukkhaṁ viññāṇaṁ ‘dukkhaṁ viññāṇan’ti yathābhūtaṁ pajānāti.","en":"They truly understand form—which is suffering—as suffering.\nThey truly understand feeling …\nperception …\nchoices …\nconsciousness—which is suffering—as suffering."}},{"id":"sn22.85:25","sourceIds":["sn22.85:25.1","sn22.85:25.2","sn22.85:25.3","sn22.85:25.4","sn22.85:25.5"],"kind":"text","text":{"pi":"Anattaṁ rūpaṁ ‘anattā rūpan’ti yathābhūtaṁ pajānāti.\nAnattaṁ vedanaṁ …\nanattaṁ saññaṁ …\nanatte saṅkhāre …\nanattaṁ viññāṇaṁ ‘anattā viññāṇan’ti yathābhūtaṁ pajānāti.","en":"They truly understand form—which is not-self—as not-self.\nThey truly understand feeling …\nperception …\nchoices …\nconsciousness—which is not-self—as not-self."}},{"id":"sn22.85:26","sourceIds":["sn22.85:26.1","sn22.85:26.2","sn22.85:26.3","sn22.85:26.4","sn22.85:26.5"],"kind":"text","text":{"pi":"Saṅkhataṁ rūpaṁ ‘saṅkhataṁ rūpan’ti yathābhūtaṁ pajānāti.\nSaṅkhataṁ vedanaṁ …\nsaṅkhataṁ saññaṁ …\nsaṅkhate saṅkhāre …\nsaṅkhataṁ viññāṇaṁ ‘saṅkhataṁ viññāṇan’ti yathābhūtaṁ pajānāti.","en":"They truly understand form—which is conditioned—as conditioned.\nThey truly understand feeling …\nperception …\nchoices …\nconsciousness—which is conditioned—as conditioned."}},{"id":"sn22.85:27","sourceIds":["sn22.85:27.1","sn22.85:27.2","sn22.85:27.3","sn22.85:27.4","sn22.85:27.5"],"kind":"text","text":{"pi":"Vadhakaṁ rūpaṁ ‘vadhakaṁ rūpan’ti yathābhūtaṁ pajānāti.\nVadhakaṁ vedanaṁ …\nvadhakaṁ saññaṁ …\nvadhake saṅkhāre ‘vadhakā saṅkhārā’ti yathābhūtaṁ pajānāti.\nVadhakaṁ viññāṇaṁ ‘vadhakaṁ viññāṇan’ti yathābhūtaṁ pajānāti.","en":"They truly understand form—which is a killer—as a killer.\nThey truly understand feeling …\nperception …\nchoices …\nconsciousness—which is a killer—as a killer."}},{"id":"sn22.85:28","sourceIds":["sn22.85:28.1","sn22.85:28.2","sn22.85:28.3","sn22.85:28.4","sn22.85:28.5","sn22.85:28.6","sn22.85:28.7","sn22.85:28.8","sn22.85:28.9"],"kind":"text","text":{"pi":"So rūpaṁ na upeti, na upādiyati, nādhiṭṭhāti: ‘attā me’ti.\nVedanaṁ …\nsaññaṁ …\nsaṅkhāre …\nviññāṇaṁ na upeti, na upādiyati, nādhiṭṭhāti: ‘attā me’ti.\nTassime pañcupādānakkhandhā anupetā anupādinnā dīgharattaṁ hitāya sukhāya saṁvattantī”ti.\n“Evametaṁ, āvuso sāriputta, hoti yesaṁ āyasmantānaṁ tādisā sabrahmacārino anukampakā atthakāmā ovādakā anusāsakā.\nIdañca pana me āyasmato sāriputtassa dhammadesanaṁ sutvā anupādāya āsavehi cittaṁ vimuttan”ti.\nTatiyaṁ.","en":"When it comes to form, they are not attracted, do not grasp, and do not fixate on the thought, ‘my self’.\nWhen it comes to feeling …\nWhen it comes to perception …\nWhen it comes to choices …\nWhen it comes to consciousness, they are not attracted, do not grasp, and do not fixate on the thought, ‘my self’.\nAnd when you’re not attracted to and don’t grasp these five grasping aggregates, they lead to your lasting welfare and happiness.”\n“Reverend Sāriputta, this is how it is when you have such venerables as spiritual companions to advise and instruct you out of kindness and sympathy.\nAnd after hearing this teaching by Venerable Sāriputta, my mind is freed from the defilements by not grasping.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn22.85/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}