{"id":"sn22.89","title":"With Khemaka","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn22.89","title":"With Khemaka","units":[{"id":"sn22.89:0","sourceIds":["sn22.89:0.1","sn22.89:0.2","sn22.89:0.3"],"kind":"text","text":{"pi":"Saṁyutta Nikāya 22.89\n9. Theravagga\nKhemakasutta","en":"Linked Discourses 22.89\n9. Senior Mendicants\nWith Khemaka"}},{"id":"sn22.89:1","sourceIds":["sn22.89:1.1","sn22.89:1.2","sn22.89:1.3","sn22.89:1.4","sn22.89:1.5","sn22.89:1.6","sn22.89:1.7","sn22.89:1.8","sn22.89:1.9","sn22.89:1.10"],"kind":"text","text":{"pi":"Ekaṁ samayaṁ sambahulā therā bhikkhū kosambiyaṁ viharanti ghositārāme.\nTena kho pana samayena āyasmā khemako badarikārāme viharati ābādhiko dukkhito bāḷhagilāno.\nAtha kho therā bhikkhū sāyanhasamayaṁ paṭisallānā vuṭṭhitā āyasmantaṁ dāsakaṁ āmantesuṁ:\n“ehi tvaṁ, āvuso dāsaka, yena khemako bhikkhu tenupasaṅkama; upasaṅkamitvā khemakaṁ bhikkhuṁ evaṁ vadehi:\n‘therā taṁ, āvuso khemaka, evamāhaṁsu—\nkacci te, āvuso, khamanīyaṁ, kacci yāpanīyaṁ, kacci dukkhā vedanā paṭikkamanti no abhikkamanti, paṭikkamosānaṁ paññāyati no abhikkamo’”ti?\n“Evamāvuso”ti kho āyasmā dāsako therānaṁ bhikkhūnaṁ paṭissutvā yenāyasmā khemako tenupasaṅkami; upasaṅkamitvā āyasmantaṁ khemakaṁ etadavoca:\n“therā taṁ, āvuso khemaka, evamāhaṁsu:\n‘kacci te, āvuso, khamanīyaṁ …pe… no abhikkamo’”ti?\n“Na me, āvuso, khamanīyaṁ na yāpanīyaṁ …pe… abhikkamosānaṁ paññāyati no paṭikkamo”ti.","en":"At one time several senior mendicants were staying near Kosambī in Ghosita’s monastery.\nNow at that time Venerable Khemaka was staying in the Jujube Tree Monastery, and he was sick, suffering, gravely ill.\nIn the late afternoon those senior mendicants came out of retreat and addressed Venerable Dāsaka,\n“Please, Reverend Dāsaka, go to the mendicant Khemaka and say to him:\n‘Reverend Khemaka, the seniors\nhope you’re keeping well; they hope you’re all right. They hope your pain is fading, not growing; that its fading is evident, not its growing.’”\n“Yes, reverends,” replied Dāsaka. He went to Khemaka and said to him:\n“Reverend Khemaka, the seniors\nhope you’re keeping well; they hope you’re all right. They hope your pain is fading, not growing; that its fading is evident, not its growing.”\n“Reverend, I’m not keeping well, I’m not getting by. My pain is terrible and growing, not fading; its growing is evident, not its fading.”"}},{"id":"sn22.89:2","sourceIds":["sn22.89:2.1","sn22.89:2.2","sn22.89:2.3","sn22.89:2.4","sn22.89:2.5","sn22.89:2.6","sn22.89:2.7","sn22.89:2.8"],"kind":"text","text":{"pi":"Atha kho āyasmā dāsako yena therā bhikkhū tenupasaṅkami; upasaṅkamitvā there bhikkhū etadavoca:\n“khemako, āvuso, bhikkhu evamāha:\n‘na me, āvuso, khamanīyaṁ …pe… abhikkamosānaṁ paññāyati no paṭikkamo’”ti.\n“Ehi tvaṁ, āvuso dāsaka, yena khemako bhikkhu tenupasaṅkama; upasaṅkamitvā khemakaṁ bhikkhuṁ evaṁ vadehi:\n‘therā taṁ, āvuso khemaka, evamāhaṁsu—\npañcime, āvuso, upādānakkhandhā vuttā bhagavatā, seyyathidaṁ—\nrūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho.\nImesu āyasmā khemako pañcasu upādānakkhandhesu kiñci attaṁ vā attaniyaṁ vā samanupassatī’”ti?","en":"Then Dāsaka went to those senior mendicants and told them what had happened. They said,\n“Please, Reverend Dāsaka, go to the mendicant Khemaka and say to him:\n‘Reverend Khemaka, the seniors say that\nthese five grasping aggregates have been taught by the Buddha, that is:\nthe grasping aggregates of form, feeling, perception, choices, and consciousness.\nDo you regard anything among these five grasping aggregates as self or as belonging to self?’”"}},{"id":"sn22.89:3","sourceIds":["sn22.89:3.1","sn22.89:3.2","sn22.89:3.3","sn22.89:3.4","sn22.89:3.5","sn22.89:3.6","sn22.89:3.7","sn22.89:3.8"],"kind":"text","text":{"pi":"“Evamāvuso”ti kho āyasmā dāsako therānaṁ bhikkhūnaṁ paṭissutvā yenāyasmā khemako tenupasaṅkami; upasaṅkamitvā …pe…\ntherā taṁ, āvuso khemaka, evamāhaṁsu:\n“pañcime, āvuso, upādānakkhandhā vuttā bhagavatā, seyyathidaṁ—\nrūpupādānakkhandho …pe… viññāṇupādānakkhandho.\nImesu āyasmā khemako pañcasu upādānakkhandhesu kiñci attaṁ vā attaniyaṁ vā samanupassatī”ti?\n“Pañcime, āvuso, upādānakkhandhā vuttā bhagavatā, seyyathidaṁ—\nrūpupādānakkhandho …pe… viññāṇupādānakkhandho.\nImesu khvāhaṁ, āvuso, pañcasu upādānakkhandhesu na kiñci attaṁ vā attaniyaṁ vā samanupassāmī”ti.","en":"“Yes, reverends,” replied Dāsaka. He relayed the message to Khemaka, who replied:\n“These five grasping aggregates have been taught by the Buddha, that is:\nthe grasping aggregates of form, feeling, perception, choices, and consciousness.\nI do not regard anything among these five grasping aggregates as self or as belonging to self.”"}},{"id":"sn22.89:4","sourceIds":["sn22.89:4.1","sn22.89:4.2","sn22.89:4.3","sn22.89:4.4","sn22.89:4.5","sn22.89:4.6","sn22.89:4.7","sn22.89:4.8","sn22.89:4.9","sn22.89:4.10","sn22.89:4.11"],"kind":"text","text":{"pi":"Atha kho āyasmā dāsako yena therā bhikkhū tenupasaṅkami; upasaṅkamitvā there bhikkhū etadavoca:\n“khemako, āvuso, bhikkhu evamāha:\n‘pañcime, āvuso, upādānakkhandhā vuttā bhagavatā, seyyathidaṁ—\nrūpupādānakkhandho …pe… viññāṇupādānakkhandho.\nImesu khvāhaṁ, āvuso, pañcasu upādānakkhandhesu na kiñci attaṁ vā attaniyaṁ vā samanupassāmī’”ti.\n“Ehi tvaṁ, āvuso dāsaka, yena khemako bhikkhu tenupasaṅkama; upasaṅkamitvā khemakaṁ bhikkhuṁ evaṁ vadehi:\n‘therā taṁ, āvuso khemaka, evamāhaṁsu—\npañcime, āvuso, upādānakkhandhā vuttā bhagavatā, seyyathidaṁ—\nrūpupādānakkhandho …pe… viññāṇupādānakkhandho.\nNo ce kirāyasmā khemako imesu pañcasu upādānakkhandhesu kiñci attaṁ vā attaniyaṁ vā samanupassati.\nTenahāyasmā khemako arahaṁ khīṇāsavo’”ti.","en":"Then Dāsaka went to those senior mendicants and told them what had happened. They said:\n“Please, Reverend Dāsaka, go to the mendicant Khemaka and say to him:\n‘Reverend Khemaka, the seniors say that\nthese five grasping aggregates have been taught by the Buddha, that is:\nthe grasping aggregates of form, feeling, perception, choices, and consciousness.\nIf, as it seems, Venerable Khemaka does not regard anything among these five grasping aggregates as self or as belonging to self,\nthen he is a perfected one, with defilements ended.’”"}},{"id":"sn22.89:5","sourceIds":["sn22.89:5.1","sn22.89:5.2","sn22.89:5.3","sn22.89:5.4","sn22.89:5.5","sn22.89:5.6","sn22.89:5.7","sn22.89:5.8","sn22.89:5.9"],"kind":"text","text":{"pi":"“Evamāvuso”ti kho āyasmā dāsako therānaṁ bhikkhūnaṁ paṭissutvā yenāyasmā khemako …pe…\ntherā taṁ, āvuso khemaka, evamāhaṁsu:\n“pañcime, āvuso, upādānakkhandhā vuttā bhagavatā, seyyathidaṁ—\nrūpupādānakkhandho …pe… viññāṇupādānakkhandho;\nno ce kirāyasmā khemako imesu pañcasu upādānakkhandhesu kiñci attaṁ vā attaniyaṁ vā samanupassati, tenahāyasmā khemako arahaṁ khīṇāsavo”ti.\n“Pañcime, āvuso, upādānakkhandhā vuttā bhagavatā, seyyathidaṁ—\nrūpupādānakkhandho …pe… viññāṇupādānakkhandho.\nImesu khvāhaṁ, āvuso, pañcasu upādānakkhandhesu na kiñci attaṁ vā attaniyaṁ vā samanupassāmi, na camhi arahaṁ khīṇāsavo;\napi ca me, āvuso, pañcasu upādānakkhandhesu ‘asmī’ti adhigataṁ, ‘ayamahamasmī’ti na ca samanupassāmī”ti.","en":"“Yes, reverends,” replied Dāsaka. He relayed the message to Khemaka, who replied:\n“These five grasping aggregates have been taught by the Buddha, that is:\nthe grasping aggregates of form, feeling, perception, choices, and consciousness.\nI do not regard anything among these five grasping aggregates as self or as belonging to self, yet I am not a perfected one, with defilements ended.\nFor when it comes to the five grasping aggregates I’m not rid of the conceit ‘I am’. But I don’t regard anything as ‘I am this’.”"}},{"id":"sn22.89:6","sourceIds":["sn22.89:6.1","sn22.89:6.2","sn22.89:6.3","sn22.89:6.4","sn22.89:6.5","sn22.89:6.6","sn22.89:6.7"],"kind":"text","text":{"pi":"Atha kho āyasmā dāsako yena therā bhikkhū …pe…\nthere bhikkhū etadavoca:\n“khemako, āvuso, bhikkhu evamāha—\npañcime, āvuso, upādānakkhandhā vuttā bhagavatā, seyyathidaṁ—\nrūpupādānakkhandho …pe… viññāṇupādānakkhandho.\nImesu khvāhaṁ, āvuso, pañcasu upādānakkhandhesu na kiñci attaṁ vā attaniyaṁ vā samanupassāmi, na camhi arahaṁ khīṇāsavo;\napi ca me, āvuso, pañcasu upādānakkhandhesu ‘asmī’ti adhigataṁ, ‘ayamahamasmī’ti na ca samanupassāmī”ti.","en":"Then Dāsaka went to those senior mendicants and told them what had happened. They said:"}},{"id":"sn22.89:7","sourceIds":["sn22.89:7.1","sn22.89:7.2","sn22.89:7.3","sn22.89:7.4","sn22.89:7.5","sn22.89:7.6","sn22.89:7.7","sn22.89:7.8","sn22.89:7.9"],"kind":"text","text":{"pi":"“Ehi tvaṁ, āvuso dāsaka, yena khemako bhikkhu tenupasaṅkama; upasaṅkamitvā khemakaṁ bhikkhuṁ evaṁ vadehi:\n‘therā taṁ, āvuso khemaka, evamāhaṁsu—\nyametaṁ, āvuso khemaka, asmīti vadesi, kimetaṁ asmīti vadesi?\nRūpaṁ asmīti vadesi, aññatra rūpā asmīti vadesi,\nvedanaṁ …\nsaññaṁ …\nsaṅkhāre …\nviññāṇaṁ asmīti vadesi, aññatra viññāṇā asmīti vadesi.\nYametaṁ, āvuso khemaka, asmīti vadesi. Kimetaṁ asmīti vadesī’”ti?","en":"“Please, Reverend Dāsaka, go to the mendicant Khemaka and say to him:\n‘Reverend Khemaka, the seniors ask,\nwhen you say “I am”, what is it that you’re talking about?\nIs it form or apart from form?\nIs it feeling …\nperception …\nchoices …\nconsciousness, or apart from consciousness?\nWhen you say “I am”, what is it that you’re talking about?”"}},{"id":"sn22.89:8","sourceIds":["sn22.89:8.1","sn22.89:8.2","sn22.89:8.3","sn22.89:8.4","sn22.89:8.5","sn22.89:8.6","sn22.89:8.7","sn22.89:8.8","sn22.89:8.9","sn22.89:8.10","sn22.89:8.11","sn22.89:8.12"],"kind":"text","text":{"pi":"“Evamāvuso”ti kho āyasmā dāsako therānaṁ bhikkhūnaṁ paṭissutvā yenāyasmā khemako tenupasaṅkami; upasaṅkamitvā āyasmantaṁ khemakaṁ etadavoca—\ntherā taṁ, āvuso khemaka, evamāhaṁsu:\n“yametaṁ, āvuso khemaka, ‘asmī’ti vadesi, kimetaṁ ‘asmī’ti vadesi?\nRūpaṁ ‘asmī’ti vadesi aññatra rūpā ‘asmī’ti vadesi?\nVedanaṁ …\nsaññaṁ …\nsaṅkhāre …\nviññāṇaṁ ‘asmī’ti vadesi aññatra viññāṇā ‘asmī’ti vadesi?\nYametaṁ, āvuso khemaka, ‘asmī’ti vadesi, kimetaṁ ‘asmī’ti vadesī”ti?\n“Alaṁ, āvuso dāsaka, kiṁ imāya sandhāvanikāya.\nĀharāvuso, daṇḍaṁ;\nahameva yena therā bhikkhū tenupasaṅkamissāmī”ti.","en":"“Yes, reverends,” replied Dāsaka. He relayed the message to Khemaka, who replied:\n“Enough, Reverend Dāsaka! What’s the point in running back and forth?\nBring my staff,\nI’ll go to see the senior mendicants myself.”"}},{"id":"sn22.89:9","sourceIds":["sn22.89:9.1","sn22.89:9.2","sn22.89:9.3","sn22.89:9.4","sn22.89:9.5","sn22.89:9.6","sn22.89:9.7","sn22.89:9.8","sn22.89:9.9","sn22.89:9.10","sn22.89:9.11","sn22.89:9.12","sn22.89:9.13","sn22.89:9.14","sn22.89:9.15"],"kind":"text","text":{"pi":"Atha kho āyasmā khemako daṇḍamolubbha yena therā bhikkhū tenupasaṅkami; upasaṅkamitvā therehi bhikkhūhi saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinnaṁ kho āyasmantaṁ khemakaṁ therā bhikkhū etadavocuṁ:\n“yametaṁ, āvuso khemaka, ‘asmī’ti vadesi, kimetaṁ ‘asmī’ti vadesi?\nRūpaṁ ‘asmī’ti vadesi, aññatra rūpā ‘asmī’ti vadesi?\nVedanaṁ …\nsaññaṁ …\nsaṅkhāre …\nviññāṇaṁ ‘asmī’ti vadesi, aññatra viññāṇā ‘asmī’ti vadesi?\nYametaṁ, āvuso khemaka, ‘asmī’ti vadesi, kimetaṁ ‘asmī’ti vadesī”ti?\n“Na khvāhaṁ, āvuso, rūpaṁ ‘asmī’ti vadāmi; napi aññatra rūpā ‘asmī’ti vadāmi.\nNa vedanaṁ …\nna saññaṁ …\nna saṅkhāre …\nna viññāṇaṁ ‘asmī’ti vadāmi; napi aññatra viññāṇā ‘asmī’ti vadāmi.\nApi ca me, āvuso, pañcasu upādānakkhandhesu ‘asmī’ti adhigataṁ ‘ayamahamasmī’ti na ca samanupassāmi.","en":"Then Venerable Khemaka, leaning on a staff, went to those senior mendicants and exchanged greetings with them.\nWhen the greetings and polite conversation were over, he sat down to one side. They said to him:\n“Reverend Khemaka, when you say ‘I am’, what is it that you’re talking about?\nIs it form or apart from form?\nIs it feeling …\nperception …\nchoices …\nconsciousness, or apart from consciousness?\nWhen you say ‘I am’, what is it that you’re talking about?”\n“Reverends, I don’t say ‘I am’ with reference to form, or apart from form.\nI don’t say ‘I am’ with reference to feeling …\nperception …\nchoices …\nconsciousness, or apart from consciousness.\nFor when it comes to the five grasping aggregates I’m not rid of the conceit ‘I am’. But I don’t regard anything as ‘I am this’."}},{"id":"sn22.89:10","sourceIds":["sn22.89:10.1","sn22.89:10.2","sn22.89:10.3","sn22.89:10.4","sn22.89:10.5","sn22.89:10.6","sn22.89:10.7","sn22.89:10.8","sn22.89:10.9","sn22.89:10.10","sn22.89:10.11"],"kind":"text","text":{"pi":"Seyyathāpi, āvuso, uppalassa vā padumassa vā puṇḍarīkassa vā gandho.\nYo nu kho evaṁ vadeyya: ‘pattassa gandho’ti vā ‘vaṇṇassa gandho’ti vā ‘kiñjakkhassa gandho’ti vā sammā nu kho so vadamāno vadeyyā”ti?\n“No hetaṁ, āvuso”.\n“Yathā kathaṁ, panāvuso, sammā byākaramāno byākareyyā”ti?\n“‘Pupphassa gandho’ti kho, āvuso, sammā byākaramāno byākareyyā”ti.\n“Evameva khvāhaṁ, āvuso, na rūpaṁ ‘asmī’ti vadāmi, napi aññatra rūpā ‘asmī’ti vadāmi.\nNa vedanaṁ …\nna saññaṁ …\nna saṅkhāre …\nna viññāṇaṁ ‘asmī’ti vadāmi, napi aññatra viññāṇā ‘asmī’ti vadāmi.\nApi ca me, āvuso, pañcasu upādānakkhandhesu ‘asmī’ti adhigataṁ ‘ayamahamasmī’ti na ca samanupassāmi.","en":"It’s like the scent of a blue water lily, or a pink or white lotus.\nWould it be right to say that the scent belongs to the petals or the stalk or the pistil?”\n“No, reverend.”\n“Then, reverends, how should it be said?”\n“It would be right to say that the scent belongs to the flower.”\n“In the same way, reverends, I don’t say ‘I am’ with reference to form, or apart from form.\nI don’t say ‘I am’ with reference to feeling …\nperception …\nchoices …\nconsciousness, or apart from consciousness.\nFor when it comes to the five grasping aggregates I’m not rid of the conceit ‘I am’. But I don’t regard anything as ‘I am this’."}},{"id":"sn22.89:11","sourceIds":["sn22.89:11.1","sn22.89:11.2","sn22.89:11.3","sn22.89:11.4","sn22.89:11.5","sn22.89:11.6","sn22.89:11.7","sn22.89:11.8"],"kind":"text","text":{"pi":"Kiñcāpi, āvuso, ariyasāvakassa pañcorambhāgiyāni saṁyojanāni pahīnāni bhavanti, atha khvassa hoti: ‘yo ca pañcasu upādānakkhandhesu anusahagato asmīti māno, asmīti chando, asmīti anusayo asamūhato.\nSo aparena samayena pañcasu upādānakkhandhesu udayabbayānupassī viharati—\niti rūpaṁ, iti rūpassa samudayo, iti rūpassa atthaṅgamo;\niti vedanā …\niti saññā …\niti saṅkhārā …\niti viññāṇaṁ, iti viññāṇassa samudayo, iti viññāṇassa atthaṅgamo’ti.\nTassimesu pañcasu upādānakkhandhesu udayabbayānupassino viharato yopissa hoti pañcasu upādānakkhandhesu anusahagato ‘asmī’ti, māno ‘asmī’ti, chando ‘asmī’ti anusayo asamūhato, sopi samugghātaṁ gacchati.","en":"Although a noble disciple has given up the five lower fetters, they still have a lingering residue of the conceit ‘I am’, the desire ‘I am’, and the underlying tendency ‘I am’ which has not been eradicated.\nAfter some time they meditate observing rise and fall in the five grasping aggregates.\n‘Such is form, such is the origin of form, such is the disappearance of form.\nSuch is feeling …\nSuch is perception …\nSuch are choices …\nSuch is consciousness, such is the origin of consciousness, such is the disappearance of consciousness.’\nAs they do so, that lingering residue is eradicated."}},{"id":"sn22.89:12","sourceIds":["sn22.89:12.1","sn22.89:12.2","sn22.89:12.3","sn22.89:12.4","sn22.89:12.5","sn22.89:12.6","sn22.89:12.7","sn22.89:12.8","sn22.89:12.9","sn22.89:12.10","sn22.89:12.11","sn22.89:12.12","sn22.89:12.13"],"kind":"text","text":{"pi":"Seyyathāpi, āvuso, vatthaṁ saṅkiliṭṭhaṁ malaggahitaṁ. Tamenaṁ sāmikā rajakassa anupadajjuṁ.\nTamenaṁ rajako ūse vā khāre vā gomaye vā sammadditvā acche udake vikkhāleti.\nKiñcāpi taṁ hoti vatthaṁ parisuddhaṁ pariyodātaṁ, atha khvassa hoti yeva anusahagato ūsagandho vā khāragandho vā gomayagandho vā asamūhato.\nTamenaṁ rajako sāmikānaṁ deti. Tamenaṁ sāmikā gandhaparibhāvite karaṇḍake nikkhipanti.\nYopissa hoti anusahagato ūsagandho vā khāragandho vā gomayagandho vā asamūhato, sopi samugghātaṁ gacchati.\nEvameva kho, āvuso, kiñcāpi ariyasāvakassa pañcorambhāgiyāni saṁyojanāni pahīnāni bhavanti, atha khvassa hoti yeva pañcasu upādānakkhandhesu anusahagato ‘asmī’ti, māno ‘asmī’ti, chando ‘asmī’ti anusayo asamūhato.\nSo aparena samayena pañcasu upādānakkhandhesu udayabbayānupassī viharati.\n‘Iti rūpaṁ, iti rūpassa samudayo, iti rūpassa atthaṅgamo;\niti vedanā …\niti saññā …\niti saṅkhārā …\niti viññāṇaṁ, iti viññāṇassa samudayo, iti viññāṇassa atthaṅgamo’ti.\nTassa imesu pañcasu upādānakkhandhesu udayabbayānupassino viharato yopissa hoti pañcasu upādānakkhandhesu anusahagato ‘asmī’ti, māno ‘asmī’ti, chando ‘asmī’ti anusayo asamūhato, sopi samugghātaṁ gacchatī”ti.","en":"Suppose there was a cloth that was dirty and soiled, so the owners give it to a launderer.\nThe launderer kneads it thoroughly with salt, lye, and cow dung, and rinses it in clear water.\nAlthough that cloth is clean and bright, it still has a lingering scent of salt, lye, or cow dung that had not been eradicated.\nThe launderer returns it to its owners, who store it in a fragrant casket.\nAnd that lingering scent would be eradicated.\nIn the same way, although a noble disciple has given up the five lower fetters, they still have a lingering residue of the conceit ‘I am’, the desire ‘I am’, and the underlying tendency ‘I am’ which has not been eradicated.\nAfter some time they meditate observing rise and fall in the five grasping aggregates.\n‘Such is form, such is the origin of form, such is the disappearance of form.\nSuch is feeling …\nSuch is perception …\nSuch are choices …\nSuch is consciousness, such is the origin of consciousness, such is the disappearance of consciousness.’\nAs they do so, that lingering residue is eradicated.”"}},{"id":"sn22.89:13","sourceIds":["sn22.89:13.1","sn22.89:13.2","sn22.89:13.3"],"kind":"text","text":{"pi":"Evaṁ vutte, therā bhikkhū āyasmantaṁ khemakaṁ etadavocuṁ:\n“na kho mayaṁ āyasmantaṁ khemakaṁ vihesāpekhā pucchimha, api cāyasmā khemako pahosi tassa bhagavato sāsanaṁ vitthārena ācikkhituṁ desetuṁ paññāpetuṁ paṭṭhapetuṁ vivarituṁ vibhajituṁ uttānīkātuṁ.\nTayidaṁ āyasmatā khemakena tassa bhagavato sāsanaṁ vitthārena ācikkhitaṁ desitaṁ paññāpitaṁ paṭṭhapitaṁ vivaritaṁ vibhajitaṁ uttānīkatan”ti.","en":"When he said this, the senior mendicants said to Venerable Khemaka,\n“We didn’t want to trouble Venerable Khemaka with our questions. But you’re capable of explaining, teaching, asserting, establishing, clarifying, analyzing, and revealing the Buddha’s instructions in detail.\nAnd that’s just what you’ve done.”"}},{"id":"sn22.89:14","sourceIds":["sn22.89:14.1","sn22.89:14.2","sn22.89:14.3","sn22.89:14.4"],"kind":"text","text":{"pi":"Idamavoca āyasmā khemako.\nAttamanā therā bhikkhū āyasmato khemakassa bhāsitaṁ abhinanduṁ.\nImasmiñca pana veyyākaraṇasmiṁ bhaññamāne saṭṭhimattānaṁ therānaṁ bhikkhūnaṁ anupādāya āsavehi cittāni vimucciṁsu, āyasmato khemakassa cāti.\nSattamaṁ.","en":"That is what Venerable Khemaka said.\nSatisfied, the senior mendicants approved what Khemaka said.\nAnd while this discourse was being spoken, the minds of sixty senior mendicants and of Venerable Khemaka were freed from defilements by not grasping."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn22.89/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}