{"id":"sn22.93","title":"A River","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn22.93","title":"A River","units":[{"id":"sn22.93:0","sourceIds":["sn22.93:0.1","sn22.93:0.2","sn22.93:0.3"],"kind":"text","text":{"pi":"Saṁyutta Nikāya 22.93\n10. Pupphavagga\nNadīsutta","en":"Linked Discourses 22.93\n10. Flowers\nA River"}},{"id":"sn22.93:1","sourceIds":["sn22.93:1.1","sn22.93:1.2","sn22.93:1.3","sn22.93:1.4","sn22.93:1.5","sn22.93:1.6","sn22.93:1.7","sn22.93:1.8","sn22.93:1.9","sn22.93:1.10","sn22.93:1.11","sn22.93:1.12","sn22.93:1.13","sn22.93:1.14","sn22.93:1.15","sn22.93:1.16","sn22.93:1.17","sn22.93:1.18","sn22.93:1.19","sn22.93:1.20","sn22.93:1.21","sn22.93:1.22","sn22.93:1.23","sn22.93:1.24","sn22.93:1.25"],"kind":"text","text":{"pi":"Sāvatthinidānaṁ.\n“Seyyathāpi, bhikkhave, nadī pabbateyyā ohārinī dūraṅgamā sīghasotā. Tassā ubhosu tīresu kāsā cepi jātā assu, te naṁ ajjholambeyyuṁ; kusā cepi jātā assu, te naṁ ajjholambeyyuṁ; pabbajā cepi jātā assu, te naṁ ajjholambeyyuṁ; bīraṇā cepi jātā assu, te naṁ ajjholambeyyuṁ; rukkhā cepi jātā assu, te naṁ ajjholambeyyuṁ. Tassā puriso sotena vuyhamāno kāse cepi gaṇheyya, te palujjeyyuṁ. So tatonidānaṁ anayabyasanaṁ āpajjeyya. Kuse cepi gaṇheyya, pabbaje cepi gaṇheyya, bīraṇe cepi gaṇheyya, rukkhe cepi gaṇheyya, te palujjeyyuṁ. So tatonidānaṁ anayabyasanaṁ āpajjeyya.\nEvameva kho, bhikkhave, assutavā puthujjano ariyānaṁ adassāvī ariyadhammassa akovido ariyadhamme avinīto, sappurisānaṁ adassāvī sappurisadhammassa akovido sappurisadhamme avinīto\nrūpaṁ attato samanupassati, rūpavantaṁ vā attānaṁ; attani vā rūpaṁ, rūpasmiṁ vā attānaṁ.\nTassa taṁ rūpaṁ palujjati.\nSo tatonidānaṁ anayabyasanaṁ āpajjati.\nVedanaṁ …\nsaññaṁ …\nsaṅkhāre …\nviññāṇaṁ attato samanupassati, viññāṇavantaṁ vā attānaṁ; attani vā viññāṇaṁ, viññāṇasmiṁ vā attānaṁ.\nTassa taṁ viññāṇaṁ palujjati.\nSo tatonidānaṁ anayabyasanaṁ āpajjati.\nTaṁ kiṁ maññatha, bhikkhave,\nrūpaṁ niccaṁ vā aniccaṁ vā”ti?\n“Aniccaṁ, bhante”.\n…pe…\n“Vedanā …\nsaññā …\nsaṅkhārā …\nviññāṇaṁ niccaṁ vā aniccaṁ vā”ti?\n“Aniccaṁ, bhante”.\n“Tasmātiha …pe…\nevaṁ passaṁ …pe…\nnāparaṁ itthattāyāti pajānātī”ti.\nPaṭhamaṁ.","en":"At Sāvatthī.\n“Suppose, mendicants, there was a mountain river that flowed swiftly, going far, carrying all before it. If wild sugarcane, kusa grass, reeds, vetiver, or trees grew on either bank, they’d overhang the river. And if a person who was being swept along by the current grabbed the wild sugarcane, kusa grass, reeds, vetiver, or trees, it’d fall apart, and they’d come to ruin because of that.\nIn the same way, an unlearned ordinary person has not seen the noble ones, and is neither skilled nor trained in the teaching of the noble ones. They’ve not seen true persons, and are neither skilled nor trained in the teaching of the true persons.\nThey regard form as self, self as having form, form in self, or self in form.\nBut their form falls apart,\nand they come to ruin because of that.\nThey regard feeling …\nperception …\nchoices …\nconsciousness as self, self as having consciousness, consciousness in self, or self in consciousness.\nBut their consciousness falls apart,\nand they come to ruin because of that.\nWhat do you think, mendicants?\nIs form permanent or impermanent?”\n“Impermanent, sir.” …\n“Is feeling …\nperception …\nchoices …\nconsciousness permanent or impermanent?”\n“Impermanent, sir.”\n“So you should truly see …\nSeeing this …\nThey understand: ‘… there is nothing further for this place.’”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn22.93/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}