{"id":"sn22.94","title":"Flowers","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn22.94","title":"Flowers","units":[{"id":"sn22.94:0","sourceIds":["sn22.94:0.1","sn22.94:0.2","sn22.94:0.3"],"kind":"text","text":{"pi":"Saṁyutta Nikāya 22.94\n10. Pupphavagga\nPupphasutta","en":"Linked Discourses 22.94\n10. Flowers\nFlowers"}},{"id":"sn22.94:1","sourceIds":["sn22.94:1.1","sn22.94:1.2","sn22.94:1.3","sn22.94:1.4","sn22.94:1.5"],"kind":"text","text":{"pi":"Sāvatthinidānaṁ.\n“Nāhaṁ, bhikkhave, lokena vivadāmi, lokova mayā vivadati.\nNa, bhikkhave, dhammavādī kenaci lokasmiṁ vivadati.\nYaṁ, bhikkhave, natthisammataṁ loke paṇḍitānaṁ, ahampi taṁ ‘natthī’ti vadāmi.\nYaṁ, bhikkhave, atthisammataṁ loke paṇḍitānaṁ, ahampi taṁ ‘atthī’ti vadāmi.","en":"At Sāvatthī.\n“Mendicants, I do not dispute with the world; it is the world that disputes with me.\nWhen your speech is in line with the teaching you do not dispute with anyone in the world.\nWhat the astute deem as not existing, I too say does not exist.\nWhat the astute deem as existing, I too say exists."}},{"id":"sn22.94:2","sourceIds":["sn22.94:2.1","sn22.94:2.2","sn22.94:2.3","sn22.94:2.4","sn22.94:2.5","sn22.94:2.6","sn22.94:2.7"],"kind":"text","text":{"pi":"Kiñca, bhikkhave, natthisammataṁ loke paṇḍitānaṁ, yamahaṁ ‘natthī’ti vadāmi?\nRūpaṁ, bhikkhave, niccaṁ dhuvaṁ sassataṁ avipariṇāmadhammaṁ natthisammataṁ loke paṇḍitānaṁ; ahampi taṁ ‘natthī’ti vadāmi.\nVedanā …\nsaññā …\nsaṅkhārā …\nviññāṇaṁ niccaṁ dhuvaṁ sassataṁ avipariṇāmadhammaṁ natthisammataṁ loke paṇḍitānaṁ; ahampi taṁ ‘natthī’ti vadāmi.\nIdaṁ kho, bhikkhave, natthisammataṁ loke paṇḍitānaṁ; ahampi taṁ ‘natthī’ti vadāmi.","en":"And what do the astute deem as not existing, which I too say does not exist?\nForm that is permanent, everlasting, eternal, and imperishable.\nFeeling …\nPerception …\nChoices …\nConsciousness that is permanent, everlasting, eternal, and imperishable.\nThis is what the astute deem as not existing, which I too say does not exist."}},{"id":"sn22.94:3","sourceIds":["sn22.94:3.1","sn22.94:3.2","sn22.94:3.3","sn22.94:3.4","sn22.94:3.5"],"kind":"text","text":{"pi":"Kiñca, bhikkhave, atthisammataṁ loke paṇḍitānaṁ, yamahaṁ ‘atthī’ti vadāmi?\nRūpaṁ, bhikkhave, aniccaṁ dukkhaṁ vipariṇāmadhammaṁ atthisammataṁ loke paṇḍitānaṁ; ahampi taṁ ‘atthī’ti vadāmi.\nVedanā aniccā …pe…\nviññāṇaṁ aniccaṁ dukkhaṁ vipariṇāmadhammaṁ atthisammataṁ loke paṇḍitānaṁ; ahampi taṁ ‘atthī’ti vadāmi.\nIdaṁ kho, bhikkhave, atthisammataṁ loke paṇḍitānaṁ; ahampi taṁ ‘atthī’ti vadāmi.","en":"And what do the astute deem as existing, which I too say exists?\nForm that is impermanent, suffering, and perishable.\nFeeling … Perception … Choices …\nConsciousness that is impermanent, suffering, and perishable.\nThis is what the astute deem as existing, which I too say exists."}},{"id":"sn22.94:4","sourceIds":["sn22.94:4.1","sn22.94:4.2"],"kind":"text","text":{"pi":"Atthi, bhikkhave, loke lokadhammo, taṁ tathāgato abhisambujjhati abhisameti;\nabhisambujjhitvā abhisametvā taṁ ācikkhati deseti paññapeti paṭṭhapeti vivarati vibhajati uttānīkaroti.","en":"There is a worldly phenomenon in the world that the Realized One understands and comprehends.\nThen he explains, teaches, asserts, establishes, clarifies, analyzes, and discloses it."}},{"id":"sn22.94:5","sourceIds":["sn22.94:5.1","sn22.94:5.2","sn22.94:5.3"],"kind":"text","text":{"pi":"Kiñca, bhikkhave, loke lokadhammo, taṁ tathāgato abhisambujjhati abhisameti, abhisambujjhitvā abhisametvā ācikkhati deseti paññapeti paṭṭhapeti vivarati vibhajati uttānīkaroti?\nRūpaṁ, bhikkhave, loke lokadhammo taṁ tathāgato abhisambujjhati abhisameti.\nAbhisambujjhitvā abhisametvā ācikkhati deseti paññapeti paṭṭhapeti vivarati vibhajati uttānīkaroti.","en":"And what is that worldly phenomenon in the world?\nForm is a worldly phenomenon in the world that the Realized One understands and comprehends.\nThen he explains, teaches, asserts, establishes, clarifies, analyzes, and discloses it."}},{"id":"sn22.94:6","sourceIds":["sn22.94:6.1","sn22.94:6.2","sn22.94:6.3","sn22.94:6.4","sn22.94:6.5","sn22.94:6.6"],"kind":"text","text":{"pi":"Yo, bhikkhave, tathāgatena evaṁ ācikkhiyamāne desiyamāne paññapiyamāne paṭṭhapiyamāne vivariyamāne vibhajiyamāne uttānīkariyamāne na jānāti na passati tamahaṁ, bhikkhave, bālaṁ puthujjanaṁ andhaṁ acakkhukaṁ ajānantaṁ apassantaṁ kinti karomi.\nVedanā, bhikkhave, loke lokadhammo …pe…\nsaññā, bhikkhave …\nsaṅkhārā, bhikkhave …\nviññāṇaṁ, bhikkhave, loke lokadhammo taṁ tathāgato abhisambujjhati abhisameti.\nAbhisambujjhitvā abhisametvā ācikkhati deseti paññapeti paṭṭhapeti vivarati vibhajati uttānīkaroti.","en":"This being so, what can I do about a foolish ordinary person, blind and sightless, who does not know or see?\nFeeling …\nPerception …\nChoices …\nConsciousness is a worldly phenomenon in the world that the Realized One understands and comprehends.\nThen he explains, teaches, asserts, establishes, clarifies, analyzes, and discloses it."}},{"id":"sn22.94:7","sourceIds":["sn22.94:7.1"],"kind":"text","text":{"pi":"Yo, bhikkhave, tathāgatena evaṁ ācikkhiyamāne desiyamāne paññapiyamāne paṭṭhapiyamāne vivariyamāne vibhajiyamāne uttānīkariyamāne na jānāti na passati tamahaṁ, bhikkhave, bālaṁ puthujjanaṁ andhaṁ acakkhukaṁ ajānantaṁ apassantaṁ kinti karomi.","en":"This being so, what can I do about a foolish ordinary person, blind and sightless, who does not know or see?"}},{"id":"sn22.94:8","sourceIds":["sn22.94:8.1","sn22.94:8.2","sn22.94:8.3"],"kind":"text","text":{"pi":"Seyyathāpi, bhikkhave, uppalaṁ vā padumaṁ vā puṇḍarīkaṁ vā udake jātaṁ udake saṁvaḍḍhaṁ udakā accuggamma ṭhāti anupalittaṁ udakena;\nevameva kho, bhikkhave, tathāgato loke jāto loke saṁvaḍḍho lokaṁ abhibhuyya viharati anupalitto lokenā”ti.\nDutiyaṁ.","en":"Suppose there was a blue water lily, or a pink or white lotus. Though it sprouted and grew in the water, it would rise up above the water and stand with no water clinging to it.\nIn the same way, though I was born and grew up in the world, I live having mastered the world, unsullied by the world.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn22.94/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}