{"id":"sn22.99","title":"A Leash","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn22.99","title":"A Leash","units":[{"id":"sn22.99:0","sourceIds":["sn22.99:0.1","sn22.99:0.2","sn22.99:0.3"],"kind":"text","text":{"pi":"Saṁyutta Nikāya 22.99\n10. Pupphavagga\nGaddulabaddhasutta","en":"Linked Discourses 22.99\n10. Flowers\nA Leash"}},{"id":"sn22.99:1","sourceIds":["sn22.99:1.1","sn22.99:1.2","sn22.99:1.3","sn22.99:1.4","sn22.99:1.5","sn22.99:1.6","sn22.99:1.7","sn22.99:1.8","sn22.99:1.9"],"kind":"text","text":{"pi":"Sāvatthinidānaṁ.\n“Anamataggoyaṁ, bhikkhave, saṁsāro.\nPubbā koṭi na paññāyati avijjānīvaraṇānaṁ sattānaṁ taṇhāsaṁyojanānaṁ sandhāvataṁ saṁsarataṁ.\nHoti so, bhikkhave, samayo yaṁ mahāsamuddo ussussati visussati na bhavati;\nna tvevāhaṁ, bhikkhave, avijjānīvaraṇānaṁ sattānaṁ taṇhāsaṁyojanānaṁ sandhāvataṁ saṁsarataṁ dukkhassa antakiriyaṁ vadāmi.\nHoti so, bhikkhave, samayo yaṁ sineru pabbatarājā ḍayhati vinassati na bhavati;\nna tvevāhaṁ, bhikkhave, avijjānīvaraṇānaṁ sattānaṁ taṇhāsaṁyojanānaṁ sandhāvataṁ saṁsarataṁ dukkhassa antakiriyaṁ vadāmi.\nHoti so, bhikkhave, samayo yaṁ mahāpathavī ḍayhati vinassati na bhavati;\nna tvevāhaṁ, bhikkhave, avijjānīvaraṇānaṁ sattānaṁ taṇhāsaṁyojanānaṁ sandhāvataṁ saṁsarataṁ dukkhassa antakiriyaṁ vadāmi.","en":"At Sāvatthī.\n“Mendicants, this transmigration has no known beginning.\nNo first point is found of sentient beings roaming and transmigrating, shrouded by ignorance and fettered by craving.\nThere comes a time when the ocean dries up and evaporates and is no more.\nBut in any case, there is no making an end of suffering for sentient beings roaming and transmigrating, shrouded by ignorance and fettered by craving, I say.\nThere comes a time when Sineru the king of mountains is burned up and destroyed, and is no more.\nBut in any case, there is no making an end of suffering for sentient beings roaming and transmigrating, shrouded by ignorance and fettered by craving, I say.\nThere comes a time when the great earth is burned up and destroyed, and is no more.\nBut in any case, there is no making an end of suffering for sentient beings roaming and transmigrating, shrouded by ignorance and fettered by craving, I say."}},{"id":"sn22.99:2","sourceIds":["sn22.99:2.1","sn22.99:2.2","sn22.99:2.3","sn22.99:2.4","sn22.99:2.5","sn22.99:2.6","sn22.99:2.7","sn22.99:2.8","sn22.99:2.9","sn22.99:2.10"],"kind":"text","text":{"pi":"Seyyathāpi, bhikkhave, sā gaddulabaddho daḷhe khīle vā thambhe vā upanibaddho tameva khīlaṁ vā thambhaṁ vā anuparidhāvati anuparivattati;\nevameva kho, bhikkhave, assutavā puthujjano ariyānaṁ adassāvī …pe…\nsappurisadhamme avinīto rūpaṁ attato samanupassati …pe…\nvedanaṁ attato samanupassati …\nsaññaṁ attato samanupassati …\nsaṅkhāre attato samanupassati …\nviññāṇaṁ attato samanupassati, viññāṇavantaṁ vā attānaṁ; attani vā viññāṇaṁ, viññāṇasmiṁ vā attānaṁ.\nSo rūpaññeva anuparidhāvati anuparivattati, vedanaññeva …pe… saññaññeva … saṅkhāreyeva … viññāṇaññeva anuparidhāvati anuparivattati.\nSo rūpaṁ anuparidhāvaṁ anuparivattaṁ, vedanaṁ …pe… saññaṁ … saṅkhāre … viññāṇaṁ anuparidhāvaṁ anuparivattaṁ, na parimuccati rūpamhā, na parimuccati vedanāya, na parimuccati saññāya, na parimuccati saṅkhārehi, na parimuccati viññāṇamhā, na parimuccati jātiyā jarāmaraṇena sokehi paridevehi dukkhehi domanassehi upāyāsehi.\n‘Na parimuccati dukkhasmā’ti vadāmi.","en":"Suppose a hound on a leash was tethered to a strong post or pillar. It would just keep running and circling around that post or pillar.\nIn the same way, take an unlearned ordinary person who has not seen the noble ones, and is neither skilled nor trained in their teaching. They’ve not seen true persons, and are neither skilled nor trained in their teaching.\nThey regard form …\nfeeling …\nperception …\nchoices …\nconsciousness as self, self as having consciousness, consciousness in self, or self in consciousness.\nThey just keep running and circling around form, feeling, perception, choices, and consciousness.\nDoing so, they’re not freed from form, feeling, perception, choices, and consciousness. They’re not freed from rebirth, old age, and death, from sorrow, lamentation, pain, sadness, and distress.\nThey’re not freed from suffering, I say."}},{"id":"sn22.99:3","sourceIds":["sn22.99:3.1","sn22.99:3.2","sn22.99:3.3","sn22.99:3.4","sn22.99:3.5","sn22.99:3.6","sn22.99:3.7","sn22.99:3.8","sn22.99:3.9","sn22.99:3.10"],"kind":"text","text":{"pi":"Sutavā ca kho, bhikkhave, ariyasāvako ariyānaṁ dassāvī …pe… sappurisadhamme suvinīto,\nna rūpaṁ attato samanupassati …pe…\nna vedanaṁ …\nna saññaṁ …\nna saṅkhāre …\nna viññāṇaṁ attato samanupassati, na viññāṇavantaṁ vā attānaṁ; na attani vā viññāṇaṁ, na viññāṇasmiṁ vā attānaṁ.\nSo rūpaṁ nānuparidhāvati nānuparivattati, vedanaṁ … saññaṁ … saṅkhāre … viññāṇaṁ nānuparidhāvati nānuparivattati.\nSo rūpaṁ ananuparidhāvaṁ ananuparivattaṁ, vedanaṁ … saññaṁ … saṅkhāre … viññāṇaṁ ananuparidhāvaṁ ananuparivattaṁ; parimuccati rūpamhā, parimuccati vedanāya, parimuccati saññāya, parimuccati saṅkhārehi, parimuccati viññāṇamhā, parimuccati jātiyā jarāmaraṇena sokehi paridevehi dukkhehi domanassehi upāyāsehi.\n‘Parimuccati dukkhasmā’ti vadāmī”ti.\nSattamaṁ.","en":"A learned noble disciple has seen the noble ones, and is skilled and trained in the teaching of the noble ones. They’ve seen true persons, and are skilled and trained in the teaching of the true persons.\nThey don’t regard form …\nfeeling …\nperception …\nchoices …\nor consciousness as self, self as having consciousness, consciousness in self, or self in consciousness.\nThey don’t keep running and circling around form, feeling, perception, choices, and consciousness.\nBy not doing so, they’re freed from form, feeling, perception, choices, and consciousness. They’re freed from rebirth, old age, and death, from sorrow, lamentation, pain, sadness, and distress.\nThey’re freed from suffering, I say.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn22.99/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}