{"id":"sn23.5","title":"Ascetics and Brahmins","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn23.5","title":"Ascetics and Brahmins","units":[{"id":"sn23.5:0","sourceIds":["sn23.5:0.1","sn23.5:0.2","sn23.5:0.3"],"kind":"text","text":{"pi":"Saṁyutta Nikāya 23.5\n1. Paṭhamamāravagga\nSamaṇasutta","en":"Linked Discourses 23.5\n1. About Māra\nAscetics and Brahmins"}},{"id":"sn23.5:1","sourceIds":["sn23.5:1.1","sn23.5:1.2","sn23.5:1.3","sn23.5:1.4","sn23.5:1.5","sn23.5:1.6","sn23.5:1.7","sn23.5:1.8","sn23.5:1.9","sn23.5:1.10"],"kind":"text","text":{"pi":"Sāvatthinidānaṁ.\nEkamantaṁ nisinnaṁ kho āyasmantaṁ rādhaṁ bhagavā etadavoca:\n“pañcime, rādha, upādānakkhandhā.\nKatame pañca?\nRūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho.\nYe hi keci, rādha, samaṇā vā brāhmaṇā vā imesaṁ pañcannaṁ upādānakkhandhānaṁ assādañca ādīnavañca nissaraṇañca yathābhūtaṁ nappajānanti;\nna me te, rādha, samaṇā vā brāhmaṇā vā samaṇesu vā samaṇasammatā brāhmaṇesu vā brāhmaṇasammatā, na ca pana te āyasmanto sāmaññatthaṁ vā brahmaññatthaṁ vā diṭṭheva dhamme sayaṁ abhiññā sacchikatvā upasampajja viharanti.\nYe ca kho keci, rādha, samaṇā vā brāhmaṇā vā imesaṁ pañcannaṁ upādānakkhandhānaṁ assādañca ādīnavañca nissaraṇañca yathābhūtaṁ pajānanti;\nte kho me, rādha, samaṇā vā brāhmaṇā vā samaṇesu ceva samaṇasammatā brāhmaṇesu ca brāhmaṇasammatā, te ca panāyasmanto sāmaññatthañca brahmaññatthañca diṭṭheva dhamme sayaṁ abhiññā sacchikatvā upasampajja viharantī”ti.\nPañcamaṁ.","en":"At Sāvatthī.\nWhen Venerable Rādha was seated to one side, the Buddha said to him:\n“Rādha, there are these five grasping aggregates.\nWhat five?\nThe grasping aggregates of form, feeling, perception, choices, and consciousness.\nThere are ascetics and brahmins who don’t truly understand these five grasping aggregates’ gratification, drawback, and escape.\nI don’t deem them as true ascetics and brahmins. Those venerables don’t realize the goal of life as an ascetic or brahmin, and don’t live having realized it with their own insight in this very life.\nThere are ascetics and brahmins who do truly understand these five grasping aggregates’ gratification, drawback, and escape.\nI deem them as true ascetics and brahmins. Those venerables realize the goal of life as an ascetic or brahmin, and live having realized it with their own insight.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn23.5/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}