{"id":"sn23.9","title":"Desire and Greed","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn23.9","title":"Desire and Greed","units":[{"id":"sn23.9:0","sourceIds":["sn23.9:0.1","sn23.9:0.2","sn23.9:0.3"],"kind":"text","text":{"pi":"Saṁyutta Nikāya 23.9\n1. Paṭhamamāravagga\nChandarāgasutta","en":"Linked Discourses 23.9\n1. About Māra\nDesire and Greed"}},{"id":"sn23.9:1","sourceIds":["sn23.9:1.1","sn23.9:1.2","sn23.9:1.3","sn23.9:1.4","sn23.9:1.5","sn23.9:1.6","sn23.9:1.7","sn23.9:1.8","sn23.9:1.9","sn23.9:1.10","sn23.9:1.11","sn23.9:1.12"],"kind":"text","text":{"pi":"Sāvatthinidānaṁ.\nEkamantaṁ nisinnaṁ kho āyasmantaṁ rādhaṁ bhagavā etadavoca:\n“rūpe kho, rādha, yo chando yo rāgo yā nandī yā taṇhā, taṁ pajahatha.\nEvaṁ taṁ rūpaṁ pahīnaṁ bhavissati ucchinnamūlaṁ tālāvatthukataṁ anabhāvaṅkataṁ āyatiṁ anuppādadhammaṁ.\nVedanāya yo chando yo rāgo yā nandī yā taṇhā, taṁ pajahatha.\nEvaṁ sā vedanā pahīnā bhavissati ucchinnamūlā tālāvatthukatā anabhāvaṅkatā āyatiṁ anuppādadhammā.\nSaññāya …\nsaṅkhāresu yo chando yo rāgo yā nandī yā taṇhā, taṁ pajahatha.\nEvaṁ te saṅkhārā pahīnā bhavissanti ucchinnamūlā tālāvatthukatā anabhāvaṅkatā āyatiṁ anuppādadhammā.\nViññāṇe yo chando yo rāgo yā nandī yā taṇhā, taṁ pajahatha.\nEvaṁ taṁ viññāṇaṁ pahīnaṁ bhavissati …pe… anuppādadhamman”ti.\nNavamaṁ.","en":"At Sāvatthī.\nWhen Venerable Rādha was seated to one side, the Buddha said to him:\n“Rādha, you should give up any desire, greed, relishing, and craving for form.\nThus that form will be given up, cut off at the root, made like a palm stump, obliterated, and unable to arise in the future.\nYou should give up any desire, greed, relishing, and craving for feeling …\nperception …\nchoices …\nconsciousness.\nThus that consciousness will be given up, cut off at the root, made like a palm stump, obliterated, and unable to arise in the future.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn23.9/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}