{"id":"sn24.8","title":"The Extensive View","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn24.8","title":"The Extensive View","units":[{"id":"sn24.8:0","sourceIds":["sn24.8:0.1","sn24.8:0.2","sn24.8:0.3"],"kind":"text","text":{"pi":"Saṁyutta Nikāya 24.8\n1. Sotāpattivagga\nMahādiṭṭhisutta","en":"Linked Discourses 24.8\n1. Stream-Entry\nThe Extensive View"}},{"id":"sn24.8:1","sourceIds":["sn24.8:1.1","sn24.8:1.2","sn24.8:1.3","sn24.8:1.4","sn24.8:1.5","sn24.8:1.6","sn24.8:1.7","sn24.8:1.8","sn24.8:1.9","sn24.8:1.10","sn24.8:1.11","sn24.8:1.12","sn24.8:1.13","sn24.8:1.14","sn24.8:1.15","sn24.8:1.16"],"kind":"text","text":{"pi":"Sāvatthinidānaṁ.\n“Kismiṁ nu kho, bhikkhave, sati, kiṁ upādāya, kiṁ abhinivissa evaṁ diṭṭhi uppajjati:\n‘sattime kāyā akaṭā, akaṭavidhā, animmitā, animmātā, vañjhā, kūṭaṭṭhā, esikaṭṭhāyiṭṭhitā;\nte na iñjanti, na vipariṇamanti, na aññamaññaṁ byābādhenti; nālaṁ aññamaññassa sukhāya vā dukkhāya vā sukhadukkhāya vā.\nKatame satta?\nPathavīkāyo, āpokāyo, tejokāyo, vāyokāyo, sukhe, dukkhe, jīve sattame.\nIme satta kāyā akaṭā, akaṭavidhā, animmitā, animmātā, vañjhā, kūṭaṭṭhā esikaṭṭhāyiṭṭhitā;\nte na iñjanti, na vipariṇamanti, na aññamaññaṁ byābādhenti; nālaṁ aññamaññassa sukhāya vā dukkhāya vā sukhadukkhāya vā.\nYopi tiṇhena satthena sīsaṁ chindati, na sopi kañci jīvitā voropeti;\nsattannaṁ tveva kāyānamantarena satthaṁ vivaramanupavisati.\nCuddasa kho panimāni yonipamukhasatasahassāni saṭṭhi ca satāni cha ca satāni pañca ca kammuno satāni pañca ca kammāni, tīṇi ca kammāni, kamme ca aḍḍhakamme ca dvaṭṭhipaṭipadā, dvaṭṭhantarakappā, chaḷābhijātiyo, aṭṭha purisabhūmiyo, ekūnapaññāsa ājīvakasate, ekūnapaññāsa paribbājakasate, ekūnapaññāsa nāgavāsasate, vīse indriyasate, tiṁse nirayasate, chattiṁsarajodhātuyo, satta saññīgabbhā, satta asaññīgabbhā, satta nigaṇṭhigabbhā, satta devā, satta mānusā, satta pesācā, satta sarā, satta pavuṭā, satta papātā, satta ca papātasatāni, satta supinā, satta supinasatāni, cullāsīti mahākappino satasahassāni, yāni bāle ca paṇḍite ca sandhāvitvā saṁsaritvā dukkhassantaṁ karissanti.\nTattha natthi imināhaṁ sīlena vā vatena vā tapena vā brahmacariyena vā aparipakkaṁ vā kammaṁ paripācessāmi;\nparipakkaṁ vā kammaṁ phussa phussa byantīkarissāmīti hevaṁ natthi doṇamite sukhadukkhe pariyantakate saṁsāre, natthi hāyanavaḍḍhane, natthi ukkaṁsāvakaṁse.\nSeyyathāpi nāma suttaguḷe khitte nibbeṭhiyamānameva paleti;\nevameva bāle ca paṇḍite ca nibbeṭhiyamānā sukhadukkhaṁ palentī’”ti?\n“Bhagavaṁmūlakā no, bhante, dhammā …pe…","en":"At Sāvatthī.\n“Mendicants, when what exists, because of grasping what and insisting on what, does the view arise:\n‘There are these seven substances that are not made, not derived, not created, without a creator, barren, steady as a mountain peak, standing firm like a pillar.\nThey don’t move or deteriorate or obstruct each other. They’re unable to cause pleasure, pain, or both pleasure and pain to each other.\nWhat seven?\nThe substances of earth, water, fire, air; pleasure, pain, and the soul is the seventh.\nThese seven substances are not made, not derived, not created, without a creator, barren, steady as a mountain peak, standing firm like a pillar.\nThey don’t move or deteriorate or obstruct each other. They’re unable to cause pleasure, pain, or both pleasure and pain to each other.\nIf you chop off someone’s head with a sharp sword, you don’t take anyone’s life.\nThe sword simply passes through the gap between the seven substances.\nThere are 1.4 million main wombs, and 6,000, and 600; 500 deeds, and five, and three; deeds and half-deeds; 62 paths of practice, 62 sub-eons, six classes of rebirth, and eight stages in a person’s life; 4,900 Ājīvaka ascetics, 4,900 wanderers, and 4,900 dragon abodes; 2,000 lordships, 3,000 hells, and 36 realms of dusky sky; seven percipient embryos, seven non-percipient embryos, seven knotless embryos, seven gods, seven mental heavens, seven goblins, seven streams, seven castoff incarnations and 700 castoff incarnations, seven downfalls and 700 downfalls, seven dreams and 700 dreams, and 8.4 million great eons—through all of which the foolish and the astute transmigrate before making an end of suffering.\nAnd here there is no such thing as this: “By this precept or observance or fervent austerity or spiritual practice I shall force unripened deeds to bear their fruit, or eliminate old deeds by experiencing their results little by little”—for that cannot be.\nPleasure and pain are allotted. Transmigration lasts only for a limited period, so there’s no increase or decrease, no getting better or worse.\nIt’s like how, when you toss a ball of string, it rolls away unraveling.\nIn the same way, after transmigrating the foolish and the astute roll away unraveling as far as pleasure and pain extend’?”\n“Our teachings are rooted in the Buddha. …”"}},{"id":"sn24.8:2","sourceIds":["sn24.8:2.1","sn24.8:2.2","sn24.8:2.3","sn24.8:2.4","sn24.8:2.5","sn24.8:2.6","sn24.8:2.7","sn24.8:2.8","sn24.8:2.9"],"kind":"text","text":{"pi":"“Rūpe kho, bhikkhave, sati, rūpaṁ upādāya, rūpaṁ abhinivissa evaṁ diṭṭhi uppajjati:\n‘sattime kāyā akaṭā, akaṭavidhā …pe…\nsukhadukkhaṁ palentī’ti.\nVedanāya sati …pe…\nsaññāya sati …\nsaṅkhāresu sati …\nviññāṇe sati, viññāṇaṁ upādāya, viññāṇaṁ abhinivissa evaṁ diṭṭhi uppajjati:\n‘sattime kāyā akaṭā, akaṭavidhā …pe…\nsukhadukkhaṁ palentī’ti.","en":"“When form exists, because of grasping form and insisting on form, the view arises:\n‘There are these seven substances that are not made …\nthe foolish and the astute will make an end of suffering.’\nWhen feeling …\nperception …\nchoices …\nconsciousness exists, because of grasping consciousness and insisting on consciousness, the view arises:\n‘There are these seven substances that are not made …\nthe foolish and the astute will make an end of suffering.’"}},{"id":"sn24.8:3","sourceIds":["sn24.8:3.1","sn24.8:3.2","sn24.8:3.3","sn24.8:3.4","sn24.8:3.5","sn24.8:3.6","sn24.8:3.7","sn24.8:3.8","sn24.8:3.9","sn24.8:3.10","sn24.8:3.11","sn24.8:3.12","sn24.8:3.13"],"kind":"text","text":{"pi":"Taṁ kiṁ maññatha, bhikkhave,\nrūpaṁ niccaṁ vā aniccaṁ vā”ti?\n“Aniccaṁ, bhante” …pe…\n“yaṁ panāniccaṁ dukkhaṁ vipariṇāmadhammaṁ, api nu taṁ anupādāya evaṁ diṭṭhi uppajjeyya:\n‘sattime kāyā akaṭā akaṭavidhā …pe…\nsukhadukkhaṁ palentī’”ti?\n“No hetaṁ, bhante”.\n“Yampidaṁ diṭṭhaṁ sutaṁ mutaṁ viññātaṁ pattaṁ pariyesitaṁ anuvicaritaṁ manasā tampi niccaṁ vā aniccaṁ vā”ti?\n“Aniccaṁ, bhante …pe…\napi nu taṁ anupādāya evaṁ diṭṭhi uppajjeyya:\n‘sattime kāyā akaṭā akaṭavidhā …pe…\nnibbeṭhiyamānā sukhadukkhaṁ palentī’”ti?\n“No hetaṁ, bhante”.","en":"What do you think, mendicants?\nIs form permanent or impermanent?”\n“Impermanent, sir.” …\n“That which is seen, heard, thought, known, attained, sought, and explored by the mind: is that permanent or impermanent?”\n“Impermanent, sir.” …\n“But by not grasping what’s impermanent, suffering, and perishable, would such a view arise?”\n“No, sir.”"}},{"id":"sn24.8:4","sourceIds":["sn24.8:4.1","sn24.8:4.2","sn24.8:4.3"],"kind":"text","text":{"pi":"“Yato kho, bhikkhave, ariyasāvakassa imesu ca ṭhānesu kaṅkhā pahīnā hoti, dukkhepissa kaṅkhā pahīnā hoti …pe… dukkhanirodhagāminiyā paṭipadāyapissa kaṅkhā pahīnā hoti—\nayaṁ vuccati, bhikkhave, ariyasāvako sotāpanno avinipātadhammo niyato sambodhiparāyano”ti.\nAṭṭhamaṁ.","en":"“When a noble disciple has given up doubt regarding these six grounds, and has given up doubt in suffering, its origin, its cessation, and the practice that leads to its cessation,\nthey’re called a noble disciple who is a stream-enterer, not liable to be reborn in the underworld, assured, destined for awakening.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn24.8/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}