{"id":"sn3.11","title":"Seven Matted-Hair Ascetics","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn3.11","title":"Seven Matted-Hair Ascetics","units":[{"id":"sn3.11:0","sourceIds":["sn3.11:0.1","sn3.11:0.2","sn3.11:0.3"],"kind":"text","text":{"pi":"Saṁyutta Nikāya 3.11\n2. Dutiyavagga\nSattajaṭilasutta","en":"Linked Discourses 3.11\n2. Childless\nSeven Matted-Hair Ascetics"}},{"id":"sn3.11:1","sourceIds":["sn3.11:1.1","sn3.11:1.2","sn3.11:1.3"],"kind":"text","text":{"pi":"Ekaṁ samayaṁ bhagavā sāvatthiyaṁ viharati pubbārāme migāramātupāsāde.\nTena kho pana samayena bhagavā sāyanhasamayaṁ paṭisallānā vuṭṭhito bahidvārakoṭṭhake nisinno hoti.\nAtha kho rājā pasenadi kosalo yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.","en":"At one time the Buddha was staying near Sāvatthī in the stilt longhouse of Migāra’s mother in the Eastern Monastery.\nThen in the late afternoon, the Buddha came out of retreat and sat outside the gate.\nThen King Pasenadi of Kosala went up to the Buddha, bowed, and sat down to one side."}},{"id":"sn3.11:2","sourceIds":["sn3.11:2.1","sn3.11:2.2","sn3.11:2.3","sn3.11:2.4"],"kind":"text","text":{"pi":"Tena kho pana samayena satta ca jaṭilā satta ca nigaṇṭhā satta ca acelakā satta ca ekasāṭakā satta ca paribbājakā parūḷhakacchanakhalomā khārivividhamādāya bhagavato avidūre atikkamanti.\nAtha kho rājā pasenadi kosalo uṭṭhāyāsanā ekaṁsaṁ uttarāsaṅgaṁ karitvā dakkhiṇajāṇumaṇḍalaṁ pathaviyaṁ nihantvā yena te satta ca jaṭilā satta ca nigaṇṭhā satta ca acelakā satta ca ekasāṭakā satta ca paribbājakā tenañjaliṁ paṇāmetvā tikkhattuṁ nāmaṁ sāvesi:\n“rājāhaṁ, bhante, pasenadi kosalo …pe…\nrājāhaṁ, bhante, pasenadi kosalo”ti.","en":"Now at that time seven matted-hair ascetics, seven Jain ascetics, seven naked ascetics, seven one-cloth ascetics, and seven wanderers passed by not far from the Buddha. Their armpits and bodies were hairy, and their nails were long; and they carried their pack with shoulder-poles.\nThen King Pasenadi got up from his seat, arranged his robe over one shoulder, knelt on his right knee, raised his joined palms toward those various ascetics, and pronounced his name three times:\n“Sirs, I am Pasenadi, king of Kosala! …\nI am Pasenadi, king of Kosala!”"}},{"id":"sn3.11:3","sourceIds":["sn3.11:3.1","sn3.11:3.2"],"kind":"text","text":{"pi":"Atha kho rājā pasenadi kosalo acirapakkantesu tesu sattasu ca jaṭilesu sattasu ca nigaṇṭhesu sattasu ca acelakesu sattasu ca ekasāṭakesu sattasu ca paribbājakesu yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho rājā pasenadi kosalo bhagavantaṁ etadavoca:\n“ye te, bhante, loke arahanto vā arahattamaggaṁ vā samāpannā ete tesaṁ aññatarā”ti.","en":"Then, not long after those ascetics had left, King Pasenadi went up to the Buddha, bowed, sat down to one side, and said to him,\n“Sir, these are among those in the world who are perfected or who are on the path to perfection!”"}},{"id":"sn3.11:4","sourceIds":["sn3.11:4.1"],"kind":"text","text":{"pi":"“Dujjānaṁ kho etaṁ, mahārāja, tayā gihinā kāmabhoginā puttasambādhasayanaṁ ajjhāvasantena kāsikacandanaṁ paccanubhontena mālāgandhavilepanaṁ dhārayantena jātarūparajataṁ sādiyantena: ‘ime vā arahanto, ime vā arahattamaggaṁ samāpannā’ti.","en":"“Great king, as a layman enjoying sensual pleasures, living at home with your children, using sandalwood imported from Kāsi, wearing garlands, fragrance, and makeup, and accepting gold and currency, it’s hard for you to know who is perfected or on the path to perfection."}},{"id":"sn3.11:5","sourceIds":["sn3.11:5.1","sn3.11:5.2","sn3.11:5.3","sn3.11:5.4"],"kind":"text","text":{"pi":"Saṁvāsena kho, mahārāja, sīlaṁ veditabbaṁ. Tañca kho dīghena addhunā, na ittaraṁ; manasikarotā, no amanasikarotā; paññavatā, no duppaññena.\nSaṁvohārena kho, mahārāja, soceyyaṁ veditabbaṁ. Tañca kho dīghena addhunā, na ittaraṁ; manasikarotā, no amanasikarotā; paññavatā, no duppaññena.\nĀpadāsu kho, mahārāja, thāmo veditabbo. So ca kho dīghena addhunā, na ittaraṁ; manasikarotā, no amanasikarotā; paññavatā, no duppaññena.\nSākacchāya, kho, mahārāja, paññā veditabbā. Sā ca kho dīghena addhunā, na ittaraṁ; manasikarotā, no amanasikarotā; paññavatā, no duppaññenā”ti.","en":"You can get to know a person’s ethics by living with them. But only after a long time, not casually; only when attentive, not when inattentive; and only by the wise, not the witless.\nYou can get to know a person’s purity by dealing with them. …\nYou can get to know a person’s resilience in times of trouble. …\nYou can get to know a person’s wisdom by discussion. But only after a long time, not casually; only when attentive, not when inattentive; and only by the wise, not the witless.”"}},{"id":"sn3.11:6","sourceIds":["sn3.11:6.1","sn3.11:6.2","sn3.11:6.3","sn3.11:6.4","sn3.11:6.5","sn3.11:6.6","sn3.11:6.7","sn3.11:6.8"],"kind":"text","text":{"pi":"“Acchariyaṁ, bhante, abbhutaṁ, bhante.\nYāva subhāsitamidaṁ, bhante, bhagavatā:\n‘dujjānaṁ kho etaṁ, mahārāja, tayā gihinā kāmabhoginā puttasambādhasayanaṁ ajjhāvasantena kāsikacandanaṁ paccanubhontena mālāgandhavilepanaṁ dhārayantena jātarūparajataṁ sādiyantena:\n“ime vā arahanto, ime vā arahattamaggaṁ samāpannā”ti.\nSaṁvāsena kho, mahārāja, sīlaṁ veditabbaṁ. Tañca kho dīghena addhunā, na ittaraṁ; manasikarotā, no amanasikarotā; paññavatā, no duppaññena.\nSaṁvohārena kho, mahārāja, soceyyaṁ veditabbaṁ. Tañca kho dīghena addhunā, na ittaraṁ; manasikarotā, no amanasikarotā; paññavatā, no duppaññena.\nĀpadāsu kho, mahārāja, thāmo veditabbo. So ca kho dīghena addhunā, na ittaraṁ; manasikarotā, no amanasikarotā; paññavatā, no duppaññena.\nSākacchāya kho, mahārāja, paññā veditabbā. Sā ca kho dīghena addhunā, na ittaraṁ; manasikarotā, no amanasikarotā; paññavatā, no duppaññenā’ti.","en":"“It’s incredible, sir, it’s amazing,\nhow well said this was by the Buddha. …"}},{"id":"sn3.11:7","sourceIds":["sn3.11:7.1","sn3.11:7.2","sn3.11:7.3"],"kind":"text","text":{"pi":"Ete, bhante, mama purisā carā ocarakā janapadaṁ ocaritvā āgacchanti.\nTehi paṭhamaṁ ociṇṇaṁ ahaṁ pacchā osāpayissāmi.\nIdāni te, bhante, taṁ rajojallaṁ pavāhetvā sunhātā suvilittā kappitakesamassū odātavatthā pañcahi kāmaguṇehi samappitā samaṅgībhūtā paricāressantī”ti.","en":"Sir, these are my spies, my undercover agents returning after spying on the country.\nI shall later make use of what they first spied out.\nNow—when they have rinsed off the dust and dirt, and are nicely bathed and anointed, with hair and beard dressed, and dressed in white—they will amuse themselves, supplied and provided with the five kinds of sensual stimulation.”"}},{"id":"sn3.11:8","sourceIds":["sn3.11:8.1"],"kind":"text","text":{"pi":"Atha kho bhagavā etamatthaṁ viditvā tāyaṁ velāyaṁ imā gāthāyo abhāsi:","en":"Then, understanding this matter, on that occasion the Buddha recited these verses:"}},{"id":"sn3.11:9","sourceIds":["sn3.11:9.1","sn3.11:9.2","sn3.11:9.3","sn3.11:9.4"],"kind":"text","text":{"pi":"“Na vaṇṇarūpena naro sujāno,\nNa vissase ittaradassanena;\nSusaññatānañhi viyañjanena,\nAsaññatā lokamimaṁ caranti.","en":"“It’s not easy to know a man by his appearance.\nYou shouldn’t trust them at first sight.\nFor undisciplined men live in this world\ndisguised as the disciplined."}},{"id":"sn3.11:10","sourceIds":["sn3.11:10.1","sn3.11:10.2","sn3.11:10.3","sn3.11:10.4"],"kind":"text","text":{"pi":"Patirūpako mattikākuṇḍalova,\nLohaḍḍhamāsova suvaṇṇachanno;\nCaranti loke parivārachannā,\nAnto asuddhā bahi sobhamānā”ti.","en":"Like a fake earring made of clay,\nlike a copper halfpenny covered with gold,\nthey live hidden in the world,\ncorrupt inside but beautiful outside.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn3.11/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}