{"id":"sn3.14","title":"Battle (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn3.14","title":"Battle (1st)","units":[{"id":"sn3.14:0","sourceIds":["sn3.14:0.1","sn3.14:0.2","sn3.14:0.3"],"kind":"text","text":{"pi":"Saṁyutta Nikāya 3.14\n2. Dutiyavagga\nPaṭhamasaṅgāmasutta","en":"Linked Discourses 3.14\n2. Childless\nBattle (1st)"}},{"id":"sn3.14:1","sourceIds":["sn3.14:1.1","sn3.14:1.2","sn3.14:1.3","sn3.14:1.4","sn3.14:1.5","sn3.14:1.6","sn3.14:1.7","sn3.14:1.8"],"kind":"text","text":{"pi":"Sāvatthinidānaṁ.\nAtha kho rājā māgadho ajātasattu vedehiputto caturaṅginiṁ senaṁ sannayhitvā rājānaṁ pasenadiṁ kosalaṁ abbhuyyāsi yena kāsi.\nAssosi kho rājā pasenadi kosalo:\n“rājā kira māgadho ajātasattu vedehiputto caturaṅginiṁ senaṁ sannayhitvā mamaṁ abbhuyyāto yena kāsī”ti.\nAtha kho rājā pasenadi kosalo caturaṅginiṁ senaṁ sannayhitvā rājānaṁ māgadhaṁ ajātasattuṁ vedehiputtaṁ paccuyyāsi yena kāsi.\nAtha kho rājā ca māgadho ajātasattu vedehiputto rājā ca pasenadi kosalo saṅgāmesuṁ.\nTasmiṁ kho pana saṅgāme rājā māgadho ajātasattu vedehiputto rājānaṁ pasenadiṁ kosalaṁ parājesi.\nParājito ca rājā pasenadi kosalo sakameva rājadhāniṁ sāvatthiṁ paccuyyāsi.","en":"At Sāvatthī.\nThen King Ajātasattu of Magadha, son of the princess of Videha, mobilized an army of four divisions and marched to Kāsi to attack King Pasenadi of Kosala.\nWhen King Pasenadi heard of this,\nhe mobilized an army of four divisions and marched to Kāsi to defend it against Ajātasattu.\nThen the two kings met in battle.\nAnd in that battle Ajātasattu defeated Pasenadi,\nwho withdrew to his own capital at Sāvatthī."}},{"id":"sn3.14:2","sourceIds":["sn3.14:2.1","sn3.14:2.2"],"kind":"text","text":{"pi":"Atha kho sambahulā bhikkhū pubbaṇhasamayaṁ nivāsetvā pattacīvaramādāya sāvatthiṁ piṇḍāya pavisiṁsu.\nSāvatthiyaṁ piṇḍāya caritvā pacchābhattaṁ piṇḍapātapaṭikkantā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:","en":"Then several mendicants robed up in the morning and, taking their bowls and robes, entered Sāvatthī for alms.\nThen, after the meal, when they returned from almsround, they went up to the Buddha, bowed, sat down to one side, and told him what had happened. Then the Buddha said:"}},{"id":"sn3.14:3","sourceIds":["sn3.14:3.1","sn3.14:3.2","sn3.14:3.3","sn3.14:3.4","sn3.14:3.5","sn3.14:3.6","sn3.14:3.7"],"kind":"text","text":{"pi":"“Idha, bhante, rājā māgadho ajātasattu vedehiputto caturaṅginiṁ senaṁ sannayhitvā rājānaṁ pasenadiṁ kosalaṁ abbhuyyāsi yena kāsi.\nAssosi kho, bhante, rājā pasenadi kosalo:\n‘rājā kira māgadho ajātasattu vedehiputto caturaṅginiṁ senaṁ sannayhitvā mamaṁ abbhuyyāto yena kāsī’ti.\nAtha kho, bhante, rājā pasenadi kosalo caturaṅginiṁ senaṁ sannayhitvā rājānaṁ māgadhaṁ ajātasattuṁ vedehiputtaṁ paccuyyāsi yena kāsi.\nAtha kho, bhante, rājā ca māgadho ajātasattu vedehiputto rājā ca pasenadi kosalo saṅgāmesuṁ.\nTasmiṁ kho pana, bhante, saṅgāme rājā māgadho ajātasattu vedehiputto rājānaṁ pasenadiṁ kosalaṁ parājesi.\nParājito ca, bhante, rājā pasenadi kosalo sakameva rājadhāniṁ sāvatthiṁ paccuyyāsī”ti."}},{"id":"sn3.14:4","sourceIds":["sn3.14:4.1","sn3.14:4.2","sn3.14:4.3","sn3.14:4.4"],"kind":"text","text":{"pi":"“Rājā, bhikkhave, māgadho ajātasattu vedehiputto pāpamitto pāpasahāyo pāpasampavaṅko;\nrājā ca kho, bhikkhave, pasenadi kosalo kalyāṇamitto kalyāṇasahāyo kalyāṇasampavaṅko.\nAjjeva, bhikkhave, rājā pasenadi kosalo imaṁ rattiṁ dukkhaṁ seti parājito”ti.\nIdamavoca …pe…","en":"“Mendicants, King Ajātasattu has bad friends, companions, and associates.\nBut King Pasenadi has good friends, companions, and associates.\nYet on this day King Pasenadi will have a bad night’s sleep as one defeated.”\nThat is what the Buddha said. …"}},{"id":"sn3.14:5","sourceIds":["sn3.14:5.1","sn3.14:5.2","sn3.14:5.3","sn3.14:5.4"],"kind":"text","text":{"pi":"“Jayaṁ veraṁ pasavati,\ndukkhaṁ seti parājito;\nUpasanto sukhaṁ seti,\nhitvā jayaparājayan”ti.","en":"“Victory breeds enmity;\nthe defeated sleep badly.\nThe peaceful sleep at ease,\nhaving left victory and defeat behind.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn3.14/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}