{"id":"sn3.19","title":"Childless (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn3.19","title":"Childless (1st)","units":[{"id":"sn3.19:0","sourceIds":["sn3.19:0.1","sn3.19:0.2","sn3.19:0.3"],"kind":"text","text":{"pi":"Saṁyutta Nikāya 3.19\n2. Dutiyavagga\nPaṭhamaaputtakasutta","en":"Linked Discourses 3.19\n2. Childless\nChildless (1st)"}},{"id":"sn3.19:1","sourceIds":["sn3.19:1.1","sn3.19:1.2","sn3.19:1.3"],"kind":"text","text":{"pi":"Sāvatthinidānaṁ.\nAtha kho rājā pasenadi kosalo divā divassa yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho rājānaṁ pasenadiṁ kosalaṁ bhagavā etadavoca:\n“handa kuto nu tvaṁ, mahārāja, āgacchasi divā divassā”ti?","en":"At Sāvatthī.\nThen King Pasenadi of Kosala went up to the Buddha in the middle of the day, bowed, and sat down to one side. The Buddha said to him,\n“So, Great King, where are you coming from in the middle of the day?”"}},{"id":"sn3.19:2","sourceIds":["sn3.19:2.1","sn3.19:2.2","sn3.19:2.3","sn3.19:2.4","sn3.19:2.5","sn3.19:2.6","sn3.19:2.7","sn3.19:2.8","sn3.19:2.9"],"kind":"text","text":{"pi":"“Idha, bhante, sāvatthiyaṁ seṭṭhi gahapati kālaṅkato.\nTamahaṁ aputtakaṁ sāpateyyaṁ rājantepuraṁ atiharitvā āgacchāmi.\nAsīti, bhante, satasahassāni hiraññasseva, ko pana vādo rūpiyassa.\nTassa kho pana, bhante, seṭṭhissa gahapatissa evarūpo bhattabhogo ahosi—\nkaṇājakaṁ bhuñjati bilaṅgadutiyaṁ.\nEvarūpo vatthabhogo ahosi—\nsāṇaṁ dhāreti tipakkhavasanaṁ.\nEvarūpo yānabhogo ahosi—\njajjararathakena yāti paṇṇachattakena dhāriyamānenā”ti.","en":"“Sir, here in Sāvatthī a financier householder has passed away.\nSince he died childless, I have come after transferring his fortune to the royal compound.\nThere was eight million in gold coin, not to mention the silver coin.\nAnd yet that financier ate meals of\nsour gruel with false black pepper.\nHe wore clothes consisting of\nthree patches of sunn hemp.\nHe traveled around in a vehicle that was\na dilapidated little cart, holding a leaf as parasol.”"}},{"id":"sn3.19:3","sourceIds":["sn3.19:3.1","sn3.19:3.2","sn3.19:3.3","sn3.19:3.4"],"kind":"text","text":{"pi":"“Evametaṁ, mahārāja, evametaṁ, mahārāja.\nAsappuriso kho, mahārāja, uḷāre bhoge labhitvā nevattānaṁ sukheti pīṇeti, na mātāpitaro sukheti pīṇeti, na puttadāraṁ sukheti pīṇeti, na dāsakammakaraporise sukheti pīṇeti, na mittāmacce sukheti pīṇeti, na samaṇabrāhmaṇesu uddhaggikaṁ dakkhiṇaṁ patiṭṭhāpeti sovaggikaṁ sukhavipākaṁ saggasaṁvattanikaṁ.\nTassa te bhoge evaṁ sammā aparibhuñjiyamāne rājāno vā haranti corā vā haranti aggi vā ḍahati udakaṁ vā vahati appiyā vā dāyādā haranti.\nEvaṁsa te, mahārāja, bhogā sammā aparibhuñjiyamānā parikkhayaṁ gacchanti, no paribhogaṁ.","en":"“That’s so true, Great King! That’s so true!\nWhen an untrue person has acquired notable wealth they don’t make themselves happy and pleased. Nor do they make their mother and father, partners and children, bondservants, workers, and staff, and friends and colleagues happy and pleased. And they don’t establish an uplifting religious donation for ascetics and brahmins that’s conducive to heaven, ripens in happiness, and leads to heaven.\nBecause they haven’t made proper use of that wealth, rulers or bandits take it, or fire consumes it, or flood sweeps it away, or unloved heirs take it.\nSince that wealth is not properly utilized, it’s wasted, not used."}},{"id":"sn3.19:4","sourceIds":["sn3.19:4.1","sn3.19:4.2","sn3.19:4.3","sn3.19:4.4","sn3.19:4.5","sn3.19:4.6"],"kind":"text","text":{"pi":"Seyyathāpi, mahārāja, amanussaṭṭhāne pokkharaṇī acchodakā sītodakā sātodakā setodakā supatitthā ramaṇīyā.\nTaṁ jano neva hareyya na piveyya na nahāyeyya na yathāpaccayaṁ vā kareyya.\nEvañhi taṁ, mahārāja, udakaṁ sammā aparibhuñjiyamānaṁ parikkhayaṁ gaccheyya, no paribhogaṁ.\nEvameva kho, mahārāja, asappuriso uḷāre bhoge labhitvā nevattānaṁ sukheti pīṇeti, na mātāpitaro sukheti pīṇeti, na puttadāraṁ sukheti pīṇeti, na dāsakammakaraporise sukheti pīṇeti, na mittāmacce sukheti pīṇeti, na samaṇabrāhmaṇesu uddhaggikaṁ dakkhiṇaṁ patiṭṭhāpeti sovaggikaṁ sukhavipākaṁ saggasaṁvattanikaṁ.\nTassa te bhoge evaṁ sammā aparibhuñjiyamāne rājāno vā haranti, corā vā haranti, aggi vā ḍahati, udakaṁ vā vahati, appiyā vā dāyādā haranti.\nEvaṁsa te, mahārāja, bhogā sammā aparibhuñjiyamānā parikkhayaṁ gacchanti, no paribhogaṁ.","en":"Suppose there was a lotus pond in an uninhabited region with clear, sweet, cool water, clean, with smooth banks, delightful.\nBut people don’t collect it or drink it or bathe in it or use it for any purpose.\nSince that water is not properly utilized, it’s wasted, not used.\nIn the same way, when an untrue person has acquired notable wealth …\nit’s wasted, not used."}},{"id":"sn3.19:5","sourceIds":["sn3.19:5.1","sn3.19:5.2","sn3.19:5.3"],"kind":"text","text":{"pi":"Sappuriso ca kho, mahārāja, uḷāre bhoge labhitvā attānaṁ sukheti pīṇeti, mātāpitaro sukheti pīṇeti, puttadāraṁ sukheti pīṇeti, dāsakammakaraporise sukheti pīṇeti, mittāmacce sukheti pīṇeti, samaṇabrāhmaṇesu uddhaggikaṁ dakkhiṇaṁ patiṭṭhāpeti sovaggikaṁ sukhavipākaṁ saggasaṁvattanikaṁ.\nTassa te bhoge evaṁ sammā paribhuñjiyamāne neva rājāno haranti, na corā haranti, na aggi ḍahati, na udakaṁ vahati, na appiyā dāyādā haranti.\nEvaṁsa te, mahārāja, bhogā sammā paribhuñjiyamānā paribhogaṁ gacchanti, no parikkhayaṁ.","en":"When a true person has acquired notable wealth they make themselves happy and pleased. And they make their mother and father, partners and children, bondservants, workers, and staff, and friends and colleagues happy and pleased. And they establish an uplifting religious donation for ascetics and brahmins that’s conducive to heaven, ripens in happiness, and leads to heaven.\nBecause they make proper use of that wealth, rulers or bandits don’t take it, fire doesn’t consume it, flood doesn’t sweep it away, and unloved heirs don’t take it.\nSince that wealth is properly utilized, it’s used, not wasted."}},{"id":"sn3.19:6","sourceIds":["sn3.19:6.1","sn3.19:6.2","sn3.19:6.3","sn3.19:6.4","sn3.19:6.5","sn3.19:6.6"],"kind":"text","text":{"pi":"Seyyathāpi, mahārāja, gāmassa vā nigamassa vā avidūre pokkharaṇī acchodakā sītodakā sātodakā setodakā supatitthā ramaṇīyā.\nTañca udakaṁ jano hareyyapi piveyyapi nahāyeyyapi yathāpaccayampi kareyya.\nEvañhi taṁ, mahārāja, udakaṁ sammā paribhuñjiyamānaṁ paribhogaṁ gaccheyya, no parikkhayaṁ.\nEvameva kho, mahārāja, sappuriso uḷāre bhoge labhitvā attānaṁ sukheti pīṇeti, mātāpitaro sukheti pīṇeti, puttadāraṁ sukheti pīṇeti, dāsakammakaraporise sukheti pīṇeti, mittāmacce sukheti pīṇeti, samaṇabrāhmaṇesu uddhaggikaṁ dakkhiṇaṁ patiṭṭhāpeti sovaggikaṁ sukhavipākaṁ saggasaṁvattanikaṁ.\nTassa te bhoge evaṁ sammā paribhuñjiyamāne neva rājāno haranti, na corā haranti, na aggi ḍahati, na udakaṁ vahati, na appiyā dāyādā haranti.\nEvaṁsa te, mahārāja, bhogā sammā paribhuñjiyamānā paribhogaṁ gacchanti, no parikkhayan”ti.","en":"Suppose there was a lotus pond not far from a town or village with clear, sweet, cool water, clean, with smooth banks, delightful.\nAnd people collected it and drank it and bathed in it and used it for their own purpose.\nSince that water is properly utilized, it’s used, not wasted.\nIn the same way, when a true person has acquired notable wealth …\nit’s used, not wasted."}},{"id":"sn3.19:7","sourceIds":["sn3.19:7.1","sn3.19:7.2","sn3.19:7.3","sn3.19:7.4"],"kind":"text","text":{"pi":"“Amanussaṭṭhāne udakaṁva sītaṁ,\nTadapeyyamānaṁ parisosameti;\nEvaṁ dhanaṁ kāpuriso labhitvā,\nNevattanā bhuñjati no dadāti.","en":"As cool water in an uninhabited region\nevaporates when not drunk;\nso too when a reprobate acquires wealth,\nthey neither use it themselves nor give it away."}},{"id":"sn3.19:8","sourceIds":["sn3.19:8.1","sn3.19:8.2","sn3.19:8.3","sn3.19:8.4"],"kind":"text","text":{"pi":"Dhīro ca viññū adhigamma bhoge,\nSo bhuñjati kiccakaro ca hoti;\nSo ñātisaṅghaṁ nisabho bharitvā,\nAnindito saggamupeti ṭhānan”ti.","en":"When the attentive and sensible acquire wealth,\nthey use it, being dutiful.\nThat boss, having supported the family unit,\nblameless, goes to a heavenly place.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn3.19/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}