{"id":"sn3.4","title":"Loved","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn3.4","title":"Loved","units":[{"id":"sn3.4:0","sourceIds":["sn3.4:0.1","sn3.4:0.2","sn3.4:0.3"],"kind":"text","text":{"pi":"Saṁyutta Nikāya 3.4\n1. Paṭhamavagga\nPiyasutta","en":"Linked Discourses 3.4\n1. Shackles\nLoved"}},{"id":"sn3.4:1","sourceIds":["sn3.4:1.1","sn3.4:1.2","sn3.4:1.3","sn3.4:1.4","sn3.4:1.5","sn3.4:1.6","sn3.4:1.7","sn3.4:1.8","sn3.4:1.9","sn3.4:1.10","sn3.4:1.11","sn3.4:1.12","sn3.4:1.13","sn3.4:1.14","sn3.4:1.15","sn3.4:1.16","sn3.4:1.17","sn3.4:1.18","sn3.4:1.19"],"kind":"text","text":{"pi":"Sāvatthinidānaṁ.\nEkamantaṁ nisinno kho rājā pasenadi kosalo bhagavantaṁ etadavoca:\n“idha mayhaṁ, bhante, rahogatassa paṭisallīnassa evaṁ cetaso parivitakko udapādi:\n‘kesaṁ nu kho piyo attā, kesaṁ appiyo attā’ti?\nTassa mayhaṁ, bhante, etadahosi:\n‘ye ca kho keci kāyena duccaritaṁ caranti, vācāya duccaritaṁ caranti, manasā duccaritaṁ caranti;\ntesaṁ appiyo attā.\nKiñcāpi te evaṁ vadeyyuṁ:\n“piyo no attā”ti, atha kho tesaṁ appiyo attā’.\nTaṁ kissa hetu?\nYañhi appiyo appiyassa kareyya, taṁ te attanāva attano karonti;\ntasmā tesaṁ appiyo attā.\nYe ca kho keci kāyena sucaritaṁ caranti, vācāya sucaritaṁ caranti, manasā sucaritaṁ caranti;\ntesaṁ piyo attā.\nKiñcāpi te evaṁ vadeyyuṁ:\n‘appiyo no attā’ti; atha kho tesaṁ piyo attā.\nTaṁ kissa hetu?\nYañhi piyo piyassa kareyya, taṁ te attanāva attano karonti;\ntasmā tesaṁ piyo attā”ti.","en":"At Sāvatthī.\nSeated to one side, King Pasenadi said to the Buddha,\n“Just now, sir, as I was in private retreat this thought came to mind.\n‘Who are those who love themselves? And who are those who don’t love themselves?’\nThen it occurred to me:\n‘Those who do bad things by way of body, speech, and mind\ndon’t love themselves.\nEven though they may say:\n“I love myself”, they don’t really.\nWhy is that?\nIt’s because they treat themselves like an enemy.\nThat’s why they don’t love themselves.\nThose who do good things by way of body, speech, and mind\ndo love themselves.\nEven though they may say:\n“I don’t love myself”, they do really.\nWhy is that?\nIt’s because they treat themselves like a loved one.\nThat’s why they do love themselves.’”"}},{"id":"sn3.4:2","sourceIds":["sn3.4:2.1","sn3.4:2.2","sn3.4:2.3","sn3.4:2.4","sn3.4:2.5","sn3.4:2.6","sn3.4:2.7","sn3.4:2.8","sn3.4:2.9","sn3.4:2.10","sn3.4:2.11","sn3.4:2.12","sn3.4:2.13","sn3.4:2.14","sn3.4:2.15","sn3.4:2.16","sn3.4:2.17"],"kind":"text","text":{"pi":"“Evametaṁ, mahārāja, evametaṁ, mahārāja.\nYe hi keci, mahārāja, kāyena duccaritaṁ caranti, vācāya duccaritaṁ caranti, manasā duccaritaṁ caranti;\ntasmā tesaṁ appiyo attā.\nKiñcāpi te evaṁ vadeyyuṁ:\n‘piyo no attā’ti, atha kho tesaṁ appiyo attā.\nTaṁ kissa hetu?\nYañhi, mahārāja, appiyo appiyassa kareyya, taṁ te attanāva attano karonti;\ntasmā tesaṁ appiyo attā.\nYe ca kho keci, mahārāja, kāyena sucaritaṁ caranti, vācāya sucaritaṁ caranti, manasā sucaritaṁ caranti;\ntesaṁ piyo attā.\nKiñcāpi te evaṁ vadeyyuṁ:\n‘appiyo no attā’ti;\natha kho tesaṁ piyo attā.\nTaṁ kissa hetu?\nYañhi, mahārāja, piyo piyassa kareyya, taṁ te attanāva attano karonti;\ntasmā tesaṁ piyo attā”ti.\nIdamavoca …pe…","en":"“That’s so true, Great King! That’s so true!” said the Buddha. And he repeated the king’s statement, adding:"}},{"id":"sn3.4:3","sourceIds":["sn3.4:3.1","sn3.4:3.2","sn3.4:3.3","sn3.4:3.4"],"kind":"text","text":{"pi":"“Attānañce piyaṁ jaññā,\nna naṁ pāpena saṁyuje;\nNa hi taṁ sulabhaṁ hoti,\nsukhaṁ dukkaṭakārinā.","en":"“If you knew your self as beloved,\nyou’d not yoke yourself to wickedness.\nFor happiness is not easy to find\nby someone who does bad deeds."}},{"id":"sn3.4:4","sourceIds":["sn3.4:4.1","sn3.4:4.2","sn3.4:4.3","sn3.4:4.4","sn3.4:4.5","sn3.4:4.6"],"kind":"text","text":{"pi":"Antakenādhipannassa,\njahato mānusaṁ bhavaṁ;\nKiñhi tassa sakaṁ hoti,\nkiñca ādāya gacchati;\nKiñcassa anugaṁ hoti,\nchāyāva anapāyinī.","en":"When you’re seized by the terminator\nas you give up your human life,\nwhat can you call your own?\nWhat do you take when you go?\nWhat goes with you,\nlike a shadow that never leaves?"}},{"id":"sn3.4:5","sourceIds":["sn3.4:5.1","sn3.4:5.2","sn3.4:5.3","sn3.4:5.4","sn3.4:5.5","sn3.4:5.6"],"kind":"text","text":{"pi":"Ubho puññañca pāpañca,\nyaṁ macco kurute idha;\nTañhi tassa sakaṁ hoti,\ntaṁva ādāya gacchati;\nTaṁvassa anugaṁ hoti,\nchāyāva anapāyinī.","en":"Both the good and the bad\nthat a mortal does in this life\nis what they can call their own.\nThat’s what they take when they go.\nThat’s what goes with them,\nlike a shadow that never leaves."}},{"id":"sn3.4:6","sourceIds":["sn3.4:6.1","sn3.4:6.2","sn3.4:6.3","sn3.4:6.4"],"kind":"text","text":{"pi":"Tasmā kareyya kalyāṇaṁ,\nnicayaṁ samparāyikaṁ;\nPuññāni paralokasmiṁ,\npatiṭṭhā honti pāṇinan”ti.","en":"That’s why you should do good,\ninvesting in the future life.\nThe good deeds of sentient beings\nsupport them in the next world.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn3.4/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}