{"id":"sn3.6","title":"Few","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn3.6","title":"Few","units":[{"id":"sn3.6:0","sourceIds":["sn3.6:0.1","sn3.6:0.2","sn3.6:0.3"],"kind":"text","text":{"pi":"Saṁyutta Nikāya 3.6\n1. Paṭhamavagga\nAppakasutta","en":"Linked Discourses 3.6\n1. Shackles\nFew"}},{"id":"sn3.6:1","sourceIds":["sn3.6:1.1","sn3.6:1.2","sn3.6:1.3","sn3.6:1.4","sn3.6:1.5"],"kind":"text","text":{"pi":"Sāvatthinidānaṁ.\nEkamantaṁ nisinno kho rājā pasenadi kosalo bhagavantaṁ etadavoca:\n“idha mayhaṁ, bhante, rahogatassa paṭisallīnassa evaṁ cetaso parivitakko udapādi:\n‘appakā te sattā lokasmiṁ ye uḷāre uḷāre bhoge labhitvā na ceva majjanti, na ca pamajjanti, na ca kāmesu gedhaṁ āpajjanti, na ca sattesu vippaṭipajjanti.\nAtha kho eteva bahutarā sattā lokasmiṁ ye uḷāre uḷāre bhoge labhitvā majjanti ceva pamajjanti ca kāmesu ca gedhaṁ āpajjanti, sattesu ca vippaṭipajjantī’”ti.","en":"At Sāvatthī.\nSeated to one side, King Pasenadi said to the Buddha,\n“Just now, sir, as I was in private retreat this thought came to mind:\n‘Few are the sentient beings in the world who, when they obtain luxury possessions, don’t grow indulgent and negligent, giving in to greed for sensual pleasures, and doing the wrong thing by others.\nThere are many more who, when they obtain luxury possessions, do grow indulgent and negligent, giving in to greed for sensual pleasures, and doing the wrong thing by others.’”"}},{"id":"sn3.6:2","sourceIds":["sn3.6:2.1","sn3.6:2.2","sn3.6:2.3","sn3.6:2.4"],"kind":"text","text":{"pi":"“Evametaṁ, mahārāja, evametaṁ, mahārāja.\nAppakā te, mahārāja, sattā lokasmiṁ, ye uḷāre uḷāre bhoge labhitvā na ceva majjanti, na ca pamajjanti, na ca kāmesu gedhaṁ āpajjanti, na ca sattesu vippaṭipajjanti.\nAtha kho eteva bahutarā sattā lokasmiṁ, ye uḷāre uḷāre bhoge labhitvā majjanti ceva pamajjanti ca kāmesu ca gedhaṁ āpajjanti, sattesu ca vippaṭipajjantī”ti.\nIdamavoca …pe…","en":"“That’s so true, Great King! That’s so true!” said the Buddha. And he repeated the king’s statement, adding:"}},{"id":"sn3.6:3","sourceIds":["sn3.6:3.1","sn3.6:3.2","sn3.6:3.3","sn3.6:3.4","sn3.6:3.5","sn3.6:3.6"],"kind":"text","text":{"pi":"“Sārattā kāmabhogesu,\ngiddhā kāmesu mucchitā;\nAtisāraṁ na bujjhanti,\nmigā kūṭaṁva oḍḍitaṁ;\nPacchāsaṁ kaṭukaṁ hoti,\nvipāko hissa pāpako”ti.","en":"“Full of desire for possessions and pleasures,\ngreedy, infatuated by sensual pleasures;\nthey don’t notice that they’ve gone too far,\nlike deer ensnared in a trap set out.\nIt’ll be bitter later on;\nfor the result will be bad for them.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn3.6/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}