{"id":"sn30.3","title":"Both Kinds of Deeds","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn30.3","title":"Both Kinds of Deeds","units":[{"id":"sn30.3:0","sourceIds":["sn30.3:0.1","sn30.3:0.2","sn30.3:0.3"],"kind":"text","text":{"pi":"Saṁyutta Nikāya 30.3\n1. Supaṇṇavagga\nDvayakārīsutta","en":"Linked Discourses 30.3\n1. Phoenixes\nBoth Kinds of Deeds"}},{"id":"sn30.3:1","sourceIds":["sn30.3:1.1","sn30.3:1.2","sn30.3:1.3","sn30.3:1.4","sn30.3:1.5","sn30.3:1.6","sn30.3:1.7","sn30.3:1.8","sn30.3:1.9","sn30.3:1.10","sn30.3:1.11"],"kind":"text","text":{"pi":"Sāvatthinidānaṁ.\nAññataro bhikkhu yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho so bhikkhu bhagavantaṁ etadavoca:\n“ko nu kho, bhante, hetu, ko paccayo, yena midhekacco kāyassa bhedā paraṁ maraṇā aṇḍajānaṁ supaṇṇānaṁ sahabyataṁ upapajjatī”ti?\n“Idha, bhikkhu, ekacco kāyena dvayakārī hoti, vācāya dvayakārī, manasā dvayakārī.\nTassa sutaṁ hoti:\n‘aṇḍajā supaṇṇā dīghāyukā vaṇṇavanto sukhabahulā’ti.\nTassa evaṁ hoti:\n‘aho vatāhaṁ kāyassa bhedā paraṁ maraṇā aṇḍajānaṁ supaṇṇānaṁ sahabyataṁ upapajjeyyan’ti.\nSo kāyassa bhedā paraṁ maraṇā aṇḍajānaṁ supaṇṇānaṁ sahabyataṁ upapajjati.\nAyaṁ kho, bhikkhu, hetu, ayaṁ paccayo, yena midhekacco kāyassa bhedā paraṁ maraṇā aṇḍajānaṁ supaṇṇānaṁ sahabyataṁ upapajjatī”ti.\nTatiyaṁ.","en":"At Sāvatthī.\nThen a mendicant went up to the Buddha, bowed, sat down to one side, and said to him:\n“Sir, what is the cause, what is the reason why someone, when their body breaks up, after death, is reborn in the company of the egg-born phoenixes?”\n“Mendicant, it’s when someone does both kinds of deeds by body, speech, and mind.\nAnd they’ve heard:\n‘The egg-born phoenixes are long-lived, beautiful, and very happy.’\nThey think:\n‘If only, when my body breaks up, after death, I would be reborn in the company of the egg-born phoenixes!’\nWhen their body breaks up, after death, they’re reborn in the company of the egg-born phoenixes.\nThis is the cause, this is the reason why someone, when their body breaks up, after death, is reborn in the company of the egg-born phoenixes.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn30.3/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}