{"id":"sn33.55","title":"Not Directly Experiencing Consciousness","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn33.55","title":"Not Directly Experiencing Consciousness","units":[{"id":"sn33.55:0","sourceIds":["sn33.55:0.1","sn33.55:0.2","sn33.55:0.3"],"kind":"text","text":{"pi":"Saṁyutta Nikāya 33.55\n1. Vacchagottavagga\nViññāṇaappaccakkhakammasutta","en":"Linked Discourses 33.55\n1. With Vacchagotta\nNot Directly Experiencing Consciousness"}},{"id":"sn33.55:1","sourceIds":["sn33.55:1.1","sn33.55:1.2","sn33.55:1.3","sn33.55:1.4","sn33.55:1.5","sn33.55:1.6","sn33.55:1.7","sn33.55:1.8","sn33.55:1.9"],"kind":"text","text":{"pi":"Sāvatthinidānaṁ.\n“Viññāṇe kho, vaccha, appaccakkhakammā, viññāṇasamudaye appaccakkhakammā, viññāṇanirodhe appaccakkhakammā, viññāṇanirodhagāminiyā paṭipadāya appaccakkhakammā;\nevamimāni anekavihitāni diṭṭhigatāni loke uppajjanti—\nsassato lokoti vā, asassato lokoti vā …pe…\nneva hoti na na hoti tathāgato paraṁ maraṇāti vāti.\nAyaṁ kho, vaccha, hetu, ayaṁ paccayo, yānimāni anekavihitāni diṭṭhigatāni loke uppajjanti—\nsassato lokoti vā, asassato lokoti vā, antavā lokoti vā, anantavā lokoti vā, taṁ jīvaṁ taṁ sarīranti vā, aññaṁ jīvaṁ aññaṁ sarīranti vā, hoti tathāgato paraṁ maraṇāti vā, na hoti tathāgato paraṁ maraṇāti vā, hoti ca na ca hoti tathāgato paraṁ maraṇāti vā, neva hoti na na hoti tathāgato paraṁ maraṇāti vā”ti.\nPañcapaññāsamaṁ.\nVacchagottavaggo paṭhamo.","en":"At Sāvatthī.\n“Vaccha, it is because of not directly experiencing consciousness, its origin, its cessation, and the practice that leads to its cessation\nthat these various misconceptions arise in the world.\nThis is the cause, this is the reason.”"}},{"id":"sn33.55:2","sourceIds":["sn33.55:2.0","sn33.55:2.1","sn33.55:2.2","sn33.55:2.3","sn33.55:2.4","sn33.55:2.5","sn33.55:2.6","sn33.55:2.7"],"kind":"text","text":{"pi":"Tassuddānaṁ\nAññāṇā adassanā ceva,\nAnabhisamayā ananubodhā;\nAppaṭivedhā asallakkhaṇā,\nAnupalakkhaṇena appaccupalakkhaṇā;\nAsamapekkhaṇā appaccupekkhaṇā,\nAppaccakkhakammanti.\nVacchagottasaṁyuttaṁ samattaṁ.","en":"The Linked Discourses with Vacchagotta are complete."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn33.55/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}