{"id":"sn34.2","title":"Remaining in Immersion","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn34.2","title":"Remaining in Immersion","units":[{"id":"sn34.2:0","sourceIds":["sn34.2:0.1","sn34.2:0.2","sn34.2:0.3"],"kind":"text","text":{"pi":"Saṁyutta Nikāya 34.2\n1. Jhānavagga\nSamādhimūlakaṭhitisutta","en":"Linked Discourses 34.2\n1. Absorption\nRemaining in Immersion"}},{"id":"sn34.2:1","sourceIds":["sn34.2:1.1","sn34.2:1.2","sn34.2:1.3","sn34.2:1.4","sn34.2:1.5","sn34.2:1.6","sn34.2:1.7","sn34.2:1.8","sn34.2:1.9","sn34.2:1.10","sn34.2:1.11"],"kind":"text","text":{"pi":"Sāvatthinidānaṁ.\n“Cattārome, bhikkhave, jhāyī.\nKatame cattāro?\nIdha, bhikkhave, ekacco jhāyī samādhismiṁ samādhikusalo hoti, na samādhismiṁ ṭhitikusalo.\nIdha pana, bhikkhave, ekacco jhāyī samādhismiṁ ṭhitikusalo hoti, na samādhismiṁ samādhikusalo.\nIdha pana, bhikkhave, ekacco jhāyī neva samādhismiṁ samādhikusalo hoti, na ca samādhismiṁ ṭhitikusalo.\nIdha pana, bhikkhave, ekacco jhāyī samādhismiṁ samādhikusalo ca hoti, samādhismiṁ ṭhitikusalo ca.\nTatra, bhikkhave, yvāyaṁ jhāyī samādhismiṁ samādhikusalo ca hoti samādhismiṁ ṭhitikusalo ca ayaṁ imesaṁ catunnaṁ jhāyīnaṁ aggo ca seṭṭho ca mokkho ca uttamo ca pavaro ca.\nSeyyathāpi, bhikkhave, gavā khīraṁ, khīramhā dadhi, dadhimhā navanītaṁ, navanītamhā sappi, sappimhā sappimaṇḍo tatra aggamakkhāyati;\nevameva kho, bhikkhave, yvāyaṁ jhāyī samādhismiṁ samādhikusalo ca hoti samādhismiṁ ṭhitikusalo ca ayaṁ imesaṁ catunnaṁ jhāyīnaṁ aggo ca seṭṭho ca mokkho ca uttamo ca pavaro cā”ti.\nDutiyaṁ.","en":"At Sāvatthī.\n“Mendicants, there are these four meditators.\nWhat four?\nOne meditator is skilled in immersion but not in remaining in it.\nOne meditator is skilled in remaining in immersion but is not skilled in immersion.\nOne meditator is skilled neither in immersion nor in remaining in it.\nOne meditator is skilled both in immersion and in remaining in it.\nOf these, the meditator skilled in immersion and in remaining in it is the foremost, best, leading, highest, and finest of the four.\nFrom a cow comes milk, from milk comes curds, from curds come butter, from butter comes ghee, and from ghee comes cream of ghee. And the cream of ghee is said to be the best of these.\nIn the same way, the meditator skilled in immersion and remaining in it is the foremost, best, leading, highest, and finest of the four.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn34.2/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}